شينجياڭ گازەتىنىڭ جالپىلىق اقپارات قۇرالدارى تىلشىلەرى
”ىندەت“پەن شايقاس جۇرگىزۋدىڭ ءتۇتىنسىز شايقاسىندا، ولار بەيتانىس بولسا دا سۇيىسپەنشىلىك ”قاقاعان ايازدا“ كوپتىڭ قولىن جالعاپ، ءبىر نيەتپەن ىنتىماقتاسىپ ىندەتكە قارسى اتتانۋعا جىگەرلەندىردى. تيانشاننىڭ وڭتۇستىگى مەن سولتۇستىگىندە توڭىرەگىمىزدەگى قاراپايىم ادامداردىڭ ەرىكتى ارەكەتى، مەيىرباندىقپەن ءبىر - بىرىنە قول ۇشىن بەرۋى، قامقورلىق جاساپ كومەكتەسكەن اڭگىمەلەرى ”قىستىڭ“ قاقاعان ايازىن ايداپ، كوكتەمدى شاقىردى.
1 - ايدىڭ 29 - كۇنى قۇمىل قالاسى يجوۋ رايونى تيانشان سولتۇستىك جولىنداعى شيپاگەرلىك باقىلاۋ ورنىنىڭ قىزمەتكەرى لي داچىن تاماق جەتكىزۋشى قىزمەتكەردىڭ اكەلگەن ەرەكشە تارتۋى − شوكالاتتى قابىلدادى، بۇل قالدىرىپ باقىلاۋعا الىنعان يۇي مىرزا ۇسىنعان ساۋعا ەدى. ”ولار ىندەتتەن ساقتانۋدىڭ ءبىرىنشى شەبىندە ايانباي شايقاس جۇرگىزۋدە، ءار كۇنى بىزگە تاماق تاسىپ، دەنە تەمپەراتۋرامىزدى ولشەپ، زارارسىزداندىرۋ سياقتىلاردى ىستەپ، ءبىزدىڭ قيىنشىلىقتارىمىزدى، تىلەكتەرىمىزدى شەشۋگە كومەكتەستى. مەن العىسىمدى قالاي جەتكىزەرىمدى بىلمەدىم، سودان ۇيگە تاماق جەتكىزىپ بەرەتىن تۇعىردان ءبىراز شوكالات ساتىپ الىپ العىسىمدى ءبىلدىردىم“، - دەدى يۇي مىرزا. ”ءبىز ءار كۇنى ورتاشا ەسەپپەن 16 ساعات قىزمەت ىستەيمىز، 10نەشە ساعات قورعانۋ كيىمىن كيىپ جۇرەمىز. قالدىرىپ باقىلاۋعا الىنعان ادامداردىڭ تۇسىنىستىگى مەن قولداۋىنا يە بولساق، قانشا شارشاساق تا تاتيدى“، - دەدى لي داچىن.
2 - ايدىڭ 3 - كۇنى ساعات 8دە، ءۇرىمجى قالاسى سايباق رايونى دوستىق سولتۇستىك جولى شاعىن اۋماعى تايحۋا الەۋمەتتىك اۋماعىنىڭ تۇرعىنى ما لياڭلياڭ الەۋمەتتىك اۋماقتىڭ اسحاناسىنا ەرتە كەلدى. كوكونىس جۋىپ، قۋىرماش ازىرلەدى... كوپ وتپەي، مول تاڭعى اس ازىرلەندى. ىندەت تۋىلعان سوڭ، تايحۋا الەۋمەتتىك اۋماعىنداعى 27 ساۋداگەر، تۇرعىندار وزدىكتەرىنەن مەيىر باعىشتاۋ اترەتىن قۇرىپ، الەۋمەتتىك اۋماقتىڭ ىندەتتەن ساقتانۋ - تىزگىندەۋىنە بەلسەندى ات سالىستى، قاجەتكە مۇقتاج تۇرعىندارعا كوكونىس، تاماق جەتكىزدى، اسحانادا ىستەيتىن اسپاز ما لياڭلياڭ انە سولاردىڭ ءبىر مۇشەسى.
”الەۋمەتتىك اۋماق قىزمەتكەرلەرى ءبىرىنشى شەپتە كۇندى تۇنگە جالعاپ كۇرەس جۇرگىزۋدە، مەن دە ارتىقشىلىعىمدى ساۋلەلەندىرىپ، ولاردىڭ تاڭەرتەڭ - كەشتە ىستىق تاماق ءىشۋىن ويلادىم“، - دەدى ما لياڭلياڭ. ”ءبىزدىڭ ءتۇن جارىمىنا دەيىن قاربالاس قىزمەت ىستەپ ۇيگە قايتا الماي جاتقانىمىزدى كورىپ، قاراستى اۋماقتاعى قوناقجايلار ءبىزدىڭ دەمالۋىمىزعا قوناق بولمەلەرىن اقىسىز بەردى. كوپشىلىكتىڭ تۇسىنىستىگى مەن قولداۋىنا يە بولۋ بىزگە سارقىلماس قوزعاۋشى كۇش سيلادى!“، - دەدى تايحۋا الەۋمەتتىك اۋماعى پارتكومىنىڭ شۋجيى فۋ سۋۋىن.
ءۇرىمجى قالاسى دابانچىڭ رايونى شيگوۋ اۋىلى حۋاشۋلين الەۋمەتتىك اۋماعى كوشە باستىعى لي چاۋجۇن جەرگىلىكتى ورىندا ايگىلى اق پەيىل جان. الەۋمەتتىك اۋماقتىڭ ىندەتتەن ساقتانۋ - تىزگىندەۋگە ورنالاستىرۋ جاساۋ، تياناقتاندىرۋ جاعىندا ادام جەتىسپەيتىنىن كورىپ، ول زارارسىزداندىرۋ سۇيىقتىعىن شاشۋ مىندەتىن بەلسەندىلىكپەن ارقالادى. 1 - ايدىڭ 24 - كۇنىنەن باستاپ، ول كۇن سايىن ءدال ۋاعىندا الەۋمەتتىك اۋماققا كەلىپ، قورعانۋ كيىمىن كيىپ، ماسكى تاعىپ، زارارسىزداندىرۋ جابدىعىن ارقالاپ، ءبىر كۇن قاربالاس ءجۇردى. ”2<1+1، ءبىر نيەتپەن سەلبەسسەك، اسا المايتىن جالىن تاۋ جوق!“، - دەدى لي چاۋجۇن.
قۇلجا اۋدانى حۇدياريۇز قالاشىعى تومەنگى حۇدياريۇز قىستاعىندا قىزىل كۇرمەلى ەرىكتىلەر اسەم كورىنىسكە اينالدى. ”كوپشىلىك قانداي تۇرمىستىق بۇيىم، ءدارى - دارمەك قاجەت ەتسە، بىزگە بەتپە - بەت نەمەسە تەلەفون شالىپ تاپسىرۋىنا بولادى، ءبىز كوپشىلىك ءۇشىن قىزمەت وتەيمىز“. 2 - ايدىڭ 3 - كۇنى تاڭ سارىدە ەرىكتى ميھارنيسا اشىم مەن گۇزالنۇر ءنابيجان بار قايراتتارىمەن كوشە - كوشەنى ارالاپ داۋىستاپ ۇگىت جۇرگىزدى. داۋىستى ەستىگەن قىستاق تۇرعىنى پاتيما حامىردين جۇگىرىپ شىعىپ جوعارى قان قىسىمى ءدارىسى مەن اسقازان ءدارىسىن قاجەت ەتەتىنىن ايتتى، ميھارنيسا مەن گۇزالنۇر دەرەۋ ەمحاناعا بارىپ وعان ءدارى ساتىپ الىپ بەردى. ”ىندەتتەن ساقتانۋ - تىزگىندەۋ باستالعاننان بەرى ءبىز نەگىزىنەن ۇيدەن شىقپادىق، ءدارى ساتىپ الۋعا الاڭداپ وتىرعامىن، قىزىل كۇرمەلى بويجەتكەندەر كەلىپ قالىپ ماعان ۇلكەن كومەك كورسەتتى“، - دەدى پاتيما.
(تىلشىلەر جاۋ چۇنحۋا، سۋ لۋپيڭ، جاۋ يۋە، ءرايدا، ءجازيرا نەسىپبەك، ەرىكتى ءتىلشى لي ميڭجۋ جازعان، رەتتەگەن)
