حالىق گازەتىنىڭ شولۋشىسى
”ىنتىماق − قۇرىش، ىنتىماق − بولات، ىنتىماق − كۇش. ىنتىماق − جۇڭگو حالقى مەن جۇڭحۋا ۇلتىنىڭ العاباسۋ جولىنداعى بارلىق حاۋىپ - قاتەرلەردى، سىن - سايىستاردى جەڭۋدەگى، ۇزدىكسىز جەڭىستەن تىڭ جەڭىستەرگە جەتۋىندەگى ماڭىزدى كەپىلى“. قازىر جۇرگىزىلىپ جاتقان ىندەتتەن ساقتانۋ - تىزگىندەۋ قاتاڭ كۇرەسى وسى ءبىر تۇجىرىمدى تەرەڭدەي دالەلدەدى.
باس شۋجي شي جينپيڭ بىلاي دەپ باسا دارىپتەدى: ”جۇڭگو كوممۋنيستىك پارتياسىنىڭ پارمەندى باسشىلىعىندا، جۇڭگوشا سوتسياليستىك ءتۇزىمنىڭ ابزالدىلىعىن تولىق ساۋلەلەندىرىپ، حالىق بۇقاراسىنا تىعىز ارقا سۇيەپ، سەنىمدى بەكەمدەپ، قيىندىقتى بىلەك بىرىكتىرە جەڭىپ، عىلمي ساقتانىپ جانە ەمدەپ، دالمە - ءدال شارا قولدانساق بولعانى، بىزدە وسى رەتكى ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋگە تولىق سەنىم، قابىلەت بار“. جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتى تۋىلعاننان بەرى، پارتيا ورتالىق كوميتەتى حالىق بۇقاراسىنىڭ ءومىرىنىڭ حاۋىپسىزدىگىن جانە دەنساۋلىعىن ءبىرىنشى ورىنعا قويىپ، ىندەتتەن ساقتانۋ - تىزگىندەۋ قىزمەتىن كەزەكتەگى ەڭ ماڭىزدى قىزمەت رەتىندە يگەرىپ، ىندەتتەن ساقتانۋ - تىزگىندەۋدى كۇشەيتۋ جونىندە جاپپاي ورنالاستىرۋ جاساپ، ەل بىرلىگىنەن بەرىك قامال تۇرعىزىپ، ىندەتكە قارسى اتتانۋدىڭ جويقىن كۇشىن ۇيىستىرىپ، ءبىزدىڭ ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋىمىزگە ءتۇبىرلى ساياسي كەپىلدىك ازىرلەدى.
كۇشتى شوعىرلاندىرىپ، ءىرى ءىس تىندىرۋ − سوتسياليستىك ءتۇزىم ابزالدىلىعىنىڭ ماڭىزدى بەينەسى ءارى ءبىزدىڭ ەلەۋلى، توسىن الەۋمەتتىك دەنساۋلىق ساقتاۋ ۋاقيعاسىن شۇعىل ءبىر جاقتى ەتۋىمىزدەگى ماڭىزدى اسىلىمىز. ەگىنشىلىك كالەندارى بويىنشا جاڭا جىلدىڭ ءبىرىنشى كۇنى باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتى مالىمەتىن ارناۋلى تىڭداپ، ىندەتتەن ساقتانۋ - تىزگىندەۋ قىزمەتىن قايتالاي اقىلداسىپ، قايتالاي ورنالاستىرۋ جاساپ، قايتالاي اتتانىسقا كەلتىردى. پارتيا ورتالىق كوميتەتى ىندەتكە توتەپ بەرۋ قىزمەتى باسشىلىق گرۋپپاسىن قۇرىپ، جەر - جەردىڭ ىندەتتەن ساقتانۋ - تىزگىندەۋ قىزمەتىن ويداعىداي ىستەۋىنە ءبىر تۇتاس قولباسشىلىق ەتتى، تۇرگە ايىرىپ جەتەكشىلىك ەتتى. پارتيا ورتالىق كوميتەتى حۋبەي سياقتى ىندەت اۋىر وڭىرلەرگە جەتەكشىلىك ەتۋ گرۋپپاسىن جىبەرىپ، قاتىستى جەرلەردىڭ ساقتانۋ - تىزگىندەۋ ءبىرىنشى شەپ قىزمەتىن كۇشەيتۋىن ىلگەرىلەتتى. بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ رولىن تولىق ساۋلەلەندىرىپ، ءبىر تۇتاس جوسپارلاپ ىڭعايلاستىرۋدى كۇشەيتىپ، ساقتانۋ - تىزگىندەۋ قىزمەتى بارىسىنداعى ماسەلەلەردى دەر كەزىندە اقىلداسىپ شەشۋدەن، بۇقارانى كەڭ كولەمدە جۇمىلدىرىپ، بۇقارانى ۇيىمداستىرىپ، بۇقارانى ۇيىستىرىپ، بۇقارالىق ساقتانۋ، بۇقارالىق تىزگىندەۋ قاتاڭ قورعانىس شەبىن ورناتۋعا، ودان ءار دارەجەلى پارتيا ۇيىمدارىن جانە قالىڭ پارتيا مۇشەلەرىن، كادرلاردى ۇيىمداستىرىپ، جۇمىلدىرىپ ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋدى كەزەكتەگى كەلەلى ساياسي مىندەت ەتىپ، پارتيا تۋىن ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندە اسقاق جەلبىرەتۋگە دەيىن، وسىلاردىڭ بارلىعى بۇكىل ەلدىڭ ءبىر تۇتاس جۇيە بولۋىنا تاباندى بولۋ، ءار جاقتىڭ بەلسەندىلىگىن جۇمىلدىرۋ، كۇشتى شوعىرلاندىرىپ، ءىرى ءىس تىندىرۋ سىندى ءتۇزىم ابزالدىلىعىن تولىق ايگىلەدى. وسى رەتكى قاتاڭ كۇرەستىڭ ۇلى جەڭىسىنە جەتۋدە، ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىماي ناقتى تياناقتاندىرىپ، قيىندىق اتاۋلىنى تۇگەل جەڭۋدىڭ، العان بەتىنەن قايتپاي العا ۇمتىلۋدىڭ قۋاتتى بىرىككەن كۇشىن قالىپتاستىرۋىمىز كەرەك.
جۇڭگو حالقى − ۇلى ىنتىماق رۋحىنا يە حالىق. ىندەت ادامداردى كەڭىستىك جاعىنان ارالىق ساقتاتقانىمەن، ادامداردىڭ جۇرەگىن ءتىپتى دە جاقىنداتا ءتۇستى. وسى رەتكى قاتاڭ كۇرەس بارىسىندا، قايدا ىندەت بولسا، قايدا قيىنشىلىق كوپ بولسا، سول جەردە ءار جاقتىڭ كومەگى، شار تاراپتىڭ قولداۋى بار. ەمدەۋ قىزمەتكەرلەرىنىڭ ەشتەڭەدەن تايساقتاماي اتويلاپ الدا جۇرۋىنەن ساقتانۋ - تىزگىندەۋ زاتتىق ماتەريالدارىن وندىرەتىن قاتىستى كاسىپورىنداردىڭ دەر كەزىندە جۇمىستى قالپىنا كەلتىرۋىنە، بار كۇشىمەن قامداۋدى قامتاماسىز ەتۋىنە دەيىن؛ حالىقتىڭ پەرزەنت اسكەرلەرىنىڭ بۇيرىقتى ەستي سالا اتتانىسقا كەلۋىنەن، جەرگىلىكتى ورىننىڭ ىندەتتەن ساقتانۋ - تىزگىندەۋىنە بەلسەنە كومەك كورسەتۋىنەن عىلمي زەرتتەۋ قىزمەتكەرلەرىنىڭ ۋاقىت ۇتا قيمىلداپ، قامال الۋدى كۇشەيتۋىنە دەيىن؛ نەگىزگى ساتىنىڭ بۇقارالىق ساقتانۋ، بۇقارالىق تىزگىندەۋ قاتاڭ قورعانىس شەبىن ورناتۋىنان قاتىناس - تاسىمال، ەلەكترمەن قامتاماسىز ەتۋ، بازار قامداۋى سياقتى سالالارداعى جۇمىسشى - قىزمەتكەرلەردىڭ مىندەتىن وتەپ، جاۋاپكەرشىلىكتى ادا ەتۋىنە، قول ۇستاسىپ بەرىك سۇيەنىش بولۋىنا، ونان قوعامداعى ءار جاقتىڭ ارت - ارتىنان كومەك اقشا، كومەك زات اتاۋىنا دەيىن... جۇڭحۋا ۇلاندارى ويىن ءبىر اراعا شوعىرلاندىرىپ، كۇشىن ءبىر اراعا سالىپ، ىندەتكە قارسى اتتانۋدىڭ پارمەندى كۇشىن قالىپتاستىردى. وسى رەتكى قاتاڭ كۇرەستىڭ ۇلى جەڭىسىنە جەتۋدە ءبىز اناعۇرلم تىعىز ىنتىماقتاسىپ، ءوز قىزمەت ورنىمىزدان تاپجىلماي، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، ءوز جاۋاپكەرشىلىگىن ءبىلۋدى، ءوز جاۋاپكەرشىلىگىن ارقالاۋدى، ءوز جاۋاپكەرشىلىگىن ادا ەتۋدى ورىنداپ، بىرىككەن كۇش توپتاپ جەڭىسكە جەتۋىمىز، كوپتىڭ اقىل - پاراساتىن توپتاپ تابىسقا جەتۋىمىز كەرەك.
”كوپتىڭ كۇشى جۇمىلسا، الىنبايتىن قامال جوق“. 1998 - جىلى تاسقىنعا قارسى اتتانىپ، حاۋىپتەن اراشالاۋدان 2003 - جىلى سارىسقا قارسى اتتانۋعا، ودان 2008 - جىلى جەر سىلكىنىسىنە قارسى اتتانىپ، اپاتتان قۇتقارۋعا دەيىن، ءار رەتكى ۇلى كۇرەستەر بىزگە مىنانى ۇعىندىردى: نەعۇرلىم سىن - سايىسقا قارسى كەلگەن سايىن، ىنتىماق كۇشى سولعۇرلىم قاجەت؛ نەعۇرلىم قامال الىپ، قيىنشىلىقتاردى جەڭگەن سايىن، بۇقارانىڭ اقىل - پاراساتى، بۇقارانىڭ كۇش - قۋاتى سولعۇرلىم قاجەت. پارتيا ورتالىق كوميتەتىنىڭ پارمەندى باسشىلىعىندا، جۇدىرىقتاي جۇمىلىپ، ەل بىرلىگىنەن بەرىك قامال تۇرعىزاتىن بولساق، جۇڭگو حالقى جەڭە المايتىن قيىنشىلىق، اتتاپ وتە المايتىن كەدەرگى بولماق ەمەس. ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋدە بىزدە سەنىم بار، بىزدە قابىلەت بار!
(2 - ايدىڭ 3 - كۇنى «حالىق گازەتى»ندە جاريالانعان)
