شينحۋا اگەنتتىگىنىڭ 2 - ايدىڭ 3 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى «ءتارتىپ تەكسەرۋ، باقىلاۋ - تەكسەرۋ ورگاندارىنىڭ اشكەرەلەۋدى، شاعىم بەرۋدى ءبىر جاقتى ەتۋ قىزمەتى ەرەجەسىن» (تومەندە قىسقاشا «ەرەجە» دەلىنەدى) باسىپ تاراتتى، سونداي - اق حابارلاندىرۋ شىعارىپ، وڭىرلەردەن، تاراۋلاردان وسى بويىنشا مۇقيات اتقارۋدى تالاپ ەتتى.
حابارلاندىرۋدا مىنالار اتاپ كورسەتىلدى: «ەرەجە» شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، پارتيا مەن مەملەكەتتىڭ باقىلاۋ جۇيەسىنە تاباندى بولۋدى جانە ونى كەمەلدەندىرۋدى كوزدە ۇستاپ، پارتيانىڭ بۇقارالىق لۋشيانىن دايەكتىلەندىرىپ، پارتيا ىشىندەگى باقىلاۋ، بۇقارالىق باقىلاۋ ارناسىن كەڭەيتىپ، اشكەرەلەۋشىنىڭ، شاعىم بەرۋشىنىڭ باقىلاۋ ۇقىعىن قامتاماسىز ەتىپ، پارتيا مۇشەلەرىنىڭ، كادرلاردىڭ زاڭدى ۇقىق - مۇددەسىن قورعاپ، ءتارتىپ تەكسەرۋ، باقىلاۋ - تەكسەرۋ ورگاندارىنىڭ اشكەرەلەۋدى، شاعىم بەرۋدى ءبىر جاقتى ەتۋدەگى تاپسىرىپ الۋ، قابىلداۋ، ءبىتىرۋ، ءبىر جاقتى ەتۋ ءتارتىبىن ارناعا ءتۇسىرىپ، باقىلاۋ، ءتارتىپ اتقارۋ، زاڭ اتقارۋ ۇقىعىنىڭ دۇرىس جۇرگىزىلۋىن جەبەدى، بۇل باقىلاۋدىڭ قاتاڭدىعىن، سايكەسىمدىلىگىن، ونىمدىلىگىن كۇشەيتىپ، پارتيانى جاپپاي قاتاڭ جونگە سالۋدىڭ ىشكەرىلەي، تەرەڭدەي دامۋىن ىلگەرىلەتۋدە ماڭىزدى مانگە يە.
حابارلاندىرۋدا مىنالار تالاپ ەتىلدى: ءار دارەجەلى پارتكومدار (پارتيا باسشىلىق گرۋپپالارى) ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، پارتيانىڭ ءتارتىپ تەكسەرۋ، باقىلاۋ - تەكسەرۋ قىزمەتىنە ءبىر تۇتاس باسشىلىعىن كۇشەيتىپ، اشكەرەلەۋ، شاعىم بەرۋ ارناسىن ىركىلىسسىزدەندىرىپ، پارتيا مۇشەلەرىنىڭ، بۇقارانىڭ باقىلاۋىنىڭ تاماشا ورتاسىن قالىپتاستىرىپ، اشكەرەلەۋ، شاعىم بەرۋ ءتارتىبىن ارناعا ءتۇسىرىپ، جالا جابۋ، قاستىق ىستەۋ ارەكەتتەرىن قاتاڭ تەكسەرىپ ءبىر جاقتى ەتىپ، اشكەرەلەۋدى، شاعىم بەرۋدى ءبىر جاقتى ەتۋدىڭ پارتيانى جاپپاي قاتاڭ جونگە سالۋ بارىسىنداعى نەگىزدىك سيپاتتى رولىن تولىق ساۋلەلەندىرۋ كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ كوميتەتتەرى (ءتارتىپ تەكسەرۋ، باقىلاۋ - تەكسەرۋ گرۋپپالارى) ءتۇزىم تانىمىن كۇشەيتىپ، «ەرەجە»نى قاتاڭ اتقارىپ، اشكەرلەۋدى، شاعىم بەرۋدى بەلگىلەمە بويىنشا، ءتارتىپ بويىنشا، زاڭ بويىنشا ءبىر جاقتى ەتىپ، اشكەرەلەۋدى، شاعىم بەرۋدى بەلگىلەمەگە، تارتىپكە، زاڭعا قايشى ءبىر جاقتى ەتۋ ارەكەتتەرىنە استە راقىم ەتپەي، ”شامنىڭ ءتۇبى قاراڭعى بولۋ“دى باتىل تيۋ كەرەك. «ەرەجە»نى دايەكتىلەندىرۋدى، اتقارۋدى باقىلاۋ - تەكسەرۋدى كۇشەيتىپ، شارلاۋ، ارالاپ تەكسەرۋ جانە كۇندەلىكتى باقىلاۋ تۇيىنىنە ەنگىزىپ، «ەرەجە»نىڭ ءتۇرلى بەلگىلەمەلەرىنىڭ ناقتى تياناقتاندىرىلۋىن ىلگەرىلەتۋ كەرەك.
