شينحۋا اگەنتتىگىنىڭ 12 - ايدىڭ 28 - كۇنى چاڭشادان بەرگەن حابارى (ءتىلشى تان چاڭ). دولدانا اققان اساۋ تاسقىن كەلگەندە، ولار قىزمەت بورىشىنا ادال بولىپ، باس اماندىقتارىمەن ساناسپاي، نەشە ون بۇقارانى اپاتتان اراشالاپ قالدى. قۇربان بولعاندارىنا 20 نەشە جىل وتسە دە، ولاردىڭ قاھارماندىق ىزگى ىستەرى ءالى دە حۋنان ولكەسىنىڭ چىنجوۋ قالاسىندا كەڭىنەن تارالىپ، قاراپايىم قالا تۇرعىندارىن اسەرلەندىرىپ، توپ - توپ قوعام حاۋىپسىزدىگى ساقشىلارىن شابىتتاندىرۋدا.
حۋ زۇڭلياڭ، ەر، 1944 - جىلى تۋىلعان، حۋنان ولكەسى يياڭ قالاسىنىڭ ادامى، ورتا مەكتەپ ماعلۇماتىنا يە. 1964 - جىلى 12 - ايدا جۇڭگو حالىق ازاتتىق ارمياسىنا قاتىناسقان، 1965 - جىلى 3 - ايدا جۇڭگو كوممۋنيستىك پارتياسىنا مۇشە بولعان، 1976 - جىلى قوسىننان جەرگىلىكتى قوعام حاۋىپسىزدىگى قىزمەتىنە كاسىپ الماستىرىپ كەلگەن. كەزىندە حۋنان ولكەسى چىنجوۋ قالالىق قوعام حاۋىپسىزدىگى مەكەمەسى قاتىناس ساقشى اترەتىنىڭ اترەت باستىعى، شۇيجيادۇڭ ساقشى بولىمشەسىنىڭ جەتەكشىسى، پارتيا ياچەيكاسىنىڭ شۋجيى، بولىمشە باستىعى مىندەتىن وتەگەن، 2 - دارەجەلى باقىلاۋشى ساقشى. 1999 - جىلى 9 - ايدىڭ 30 - كۇنى مەملەكەتتىك قوعام حاۋىپسىزدىگى جۇيەسى جاعىنان 1 - دارەجەلى قاھارمان ۇلگى اتاعى تولىقتالىپ بەرىلگەن.
ۋ يالي، ايەل، 1956 - جىلى تۋىلعان، حۋنان ولكەسى چاڭشا قالاسىنىڭ ادامى، ورتا مەكتەپ ماعلۇماتىنا يە. 1973 - جىلى 3 - ايدا قىزمەتكە قاتىناسقان، 1979 - جىلى 8 - ايدا جۇڭگو كوممۋنيستىك پارتياسىنا مۇشە بولعان، 1979 - جىلى 9 - ايدا قوعام حاۋىپسىزدىگى قىزمەتىنە قاتىناسقان. كەزىندە حۋنان ولكەسى چىنجوۋ قالالىق قوعام حاۋىپسىزدىگى مەكەمەسى شۇيجيادۇڭ ساقشى بولىمشەسىنىڭ حالىق ساقشىسى، ورىنباسار تاربيەشى، تاربيەشى مىندەتىن وتەگەن، 3 - دارەجەلى باقىلاۋشى ساقشى. 1999 - جىلى 9 - ايدىڭ 30 - كۇنى مەملەكەتتىك قوعام حاۋىپسىزدىگى جۇيەسى جاعىنان 1 - دارەجەلى قاھارمان ۇلگى اتاعى تولىقتالىپ بەرىلگەن.
1999 - جىلى 8 - ايدىڭ 13 - كۇنى چىنجوۋ قالاسىندا جويقىن تاسقىن اپاتى تۋىلادى. حۋ زۇڭلياڭ، ۋ يالي تاڭەرتەڭ ەرتە ساقشى بولىمشەسىندەگى بارلىق حالىق ساقشىسىن باستاپ تاسقىنعا قارسى اتتانۋ، اپاتتان قۇتقارۋ شايقاسىنا قاتىناسادى، ومىرلەرىنە تونگەن حاۋىپتى ەلەمەي قاتەردە قالعان بۇقارالاردى قۇتقارىپ، مال - مۇلىكتەرىن كوشىرۋگە كومەكتەسىپ، ءۇرتىس 8 ساعات شايقاس جۇرگىزەدى.
”اكەم سول كەزدە بولىمشەن−ىڭ باستىعى مىندەتىنەن ال−دەقاشان ’ەكىنشى شەپكە شەگىنگەن‘ ەدى، الايدا ول ۇنەمى ءوزىنىڭ ءالى دە پارتيا ياچەيكاسىنىڭ شۋجيى ەكەندىگىن، ءسوزسىز، باستاماشى بولىپ جۇمىس ىستەۋى كەرەك ەكەندىگىن اۋزىنان تاستامايتىن. وقيعا تۋىلعان كۇنى ول الدەقاشان ناۋقاستانىپ، رۇقسات الىپ شيپاحاناعا بارۋعا دايىندالىپ جاتقان بولاتىن، سونشاما جويقىن تاسقىندى كورگەن سوڭ، ول قايتادان ساقشى بولىمشەسىنە قايتىپ كەتتى“، - دەدى حۋ زۇڭلياڭنىڭ ۇلى حۋ تاۋ ەسكە الىپ.
سول كۇنى تۇستە، شۇيجيادۇڭ ۇلكەن كوپىرىندە اۋىر قاتەر تۋىلادى، حۋ زۇڭلياڭ، ۋ يالي قوسىندى باستاپ تىزگىن ۇشىمەن ناق مايدانعا جەتىپ، ساقتىق قۇرىلعىلارىن ورناتىپ، 50دەن ارتىق جولاۋشىنى، قاۋمالاپ كورۋگە كەلگەن بۇقارانى كوپىر باسىنداعى حاۋىپسىز جەرگە بارۋعا ءناسيحاتتايدى. كوپ وتپەي ۇلكەن كوپىر اياق استىنان وپىرىلىپ تۇسەدى، حۋ زۇڭلياڭ، ۋ يالي باقىتتا قارسى وپىرىلعان كوپىرمەن بىرگە اساۋ اعىنعا كەتىپ داڭقپەن قۇربان بولادى، بۇقارا امان قالادى.
1999 - جىلى 8 - ايدىڭ 17 - كۇنى چىنجوۋ قالاسى حۋ زۇڭلياڭ، ۋ ياليگە قايعىلى ازا ءبىلدىرۋ سالتىن وتكىزەدى، سان مىڭ بۇقارا وزدىكتەرىنەن ازا ءبىلدىرۋ سالتىنا قاتىناسىپ، قۇرباندارعا ازا بىلدىرەدى، 10 مىڭنان ارتىق بۇقارا قالا رايونىنداعى جولدىڭ ەكى شەتىندە قاھارمانداردىڭ سۇيەگى قويىلعان تابىت ماشيناسىن اتتاندىرىپ سالدى.
حۋ زۇڭلياڭ 1976 - جىلى اسكەري قوسىننان قوعام حاۋىپسىزدىگى قىزمەتىنە كاسىپ الماستىرعاننان بەرى، شوگەلدىلىكپەن قىزمەت ىستەپ، شارشاپ - شالدىققانعا قاراماي، باستان - اياق قوعام حاۋىپسىزدىگى قىزمەتىنىڭ ءبىرىنشى شەبىندە كۇرەس جاساپ، قاراستى رايوننىڭ نەگىزگى ساتى اماندىعىن ساقتاۋدىڭ نەگىزدىك قىزمەتىن كۇشەيتىپ، قوعام حاۋىپسىزدىگى قىزمەتىنىڭ دامۋىنا جانە قوعامنىڭ اماندىعىنا، ورنىقتىلىعىنا ۇلەس قوسىپ كەلدى، كەزىندە 2 رەت ماراپاتتالىپ، ۇزدىك پارتيا مۇشەسى بولىپ باعالانعان.
ۋ يالي قوعام حاۋىپسىزدىگى قىزمەتىنە قاتىناسقاننان بەرى، باستان - اياق بۇقارانىڭ ءومىرى مەن مال - مۇلىك حاۋىپسىزدىگىن ءبىرىنشى ورىنعا قويىپ، قىزمەتىنە ادال بولىپ، قىزمەت ورنىن ءسۇيىپ، كاسىبىن ارداقتاپ، قاراستى رايوننىڭ اماندىعىن، ورنىقتىلىعىن، ءتارتىبىن قورعاۋعا ۇلەس قوسىپ كەلدى، ءۇرتىس 8 جىل وزات قىزمەتكەر بولىپ باعالانىپ، ۇكىمەتتىڭ ماراپاتتاۋىنا يە بولعان.
اكەسىنىڭ ىقپالىندا، حۋ تاۋ كىشكەنتايىنان باستاپ قوعام حاۋىپسىزدىگى قىزمەتىمەن اينالىسۋدى ارمانداپ كەلدى. ساقشى مەكتەبىنەن بىتىرگەن سوڭ، ول ارمانىن جۇزەگە اسىرىپ ساقشى كيىمىن كيدى، قازىر چىنجوۋ قوعام حاۋىپسىزدىگى مەكەمەسىنىڭ قارا كۇشتەردى جويىپ، سۇرقيا كۇشتەردى الاستاۋدىڭ تىرەكتى قىزمەتكەرى بولىپ جەتىلىپ شىقتى. ”قوعام حاۋىپسىزدىگى كاسىبىن تاڭداعان سوڭ، اكەمدى ۇلگى ەتىپ، ۇقىپتىلىقپەن قىزمەت ىستەپ، پاك، كىرشىكسىز ادام بولامىن“، - دەدى ول.
حۋ زۇڭلياڭ، ۋ يالي قۇربان بولعان سوڭ، چىنجوۋ قالالىق قوعام حاۋىپسىزدىگى مەكەمەسى سۋشيان بولىمشە مەكەمەسى ءار جىلى چيڭميڭ، كوكتەم مەرەكەسىندە ولاردىڭ وتباسىنا امانداسا بارىپ، حال سۇراۋ قاراجاتىن جەتكىزىپ، ءىس جۇزىندىك قيىنشىلىقتارىن شەشۋگە كومەكتەسىپ كەلەدى. سۋشيان بولىمشە مەكەمەسى تالاي رەت حالىق ساقشىلارىن قۇرباندارىنىڭ قابىرىن سىپىرۋعا، گۇل ۇسىنۋعا، قوعام حاۋىپسىزدىگى قاھارماندارىنىڭ ءوزىن ارناۋ رۋحىنا مۇراگەرلىك ەتىپ ساۋلەلەندىرۋگە، قالىڭ حالىق ساقشىلارىنىڭ مۇرات - سەنىمىن بەكەمدەۋگە ۇيىمداستىرىپ كەلەدى.
