جۇدىرىقتاي جۇمىلىپ، ىندەتكە قارسى اتتاندى
شينجياڭ گازەتىنىڭ جالپىلىق اقپارات قۇرالدارى تىلشىلەرى
جاۋاپكەرشىلىكتى نىعايتىپ، قازىنالىق قامتاماسىز ەتۋ تەبىنىن ارتتىردى؛ قىزمەت وتەۋدى كۇشەيتىپ، قىزۋى ورلەگەن ناۋقاستاردىڭ ەمدەلۋ جاسىل ارناسىن اشتى؛ ساقتانۋ - تىزگىندەۋدىڭ ءبىرىنشى شەبىندە ەرىكتىلەر جاستىق ورالدارىن، كۇش - قۋاتتارىن ارنادى... ىندەتتەن ساقتانۋ - تىزگىندەۋدىڭ شەشۋشى مەزگىلىندە، رايونىمىزدىڭ جەر - جەرى، ءارقايسى تاراۋلارى شارالاردى كۇشەيتىپ، ىرىقتىلىقپەن ىسكەرلىك كورسەتىپ، ويلارىن ءبىر اراعا شوعىرلاندىرىپ، كۇشتەرىن ءبىر اراعا جۇمساپ، ىندەتتەن ساقتانۋ - تىزگىندەۋدىڭ قۇرىش قورعانىن تۇرعىزدى.
ءار دارەجەلى قازىنا تاراۋلارى:
ىندەتتەن ساقتانۋ - تىزگىندەۋگە ءبىر ميلليارد 122 ميلليون يۋان ءبولدى
2 - ايدىڭ 4 - كۇنىنە دەيىن، تۇتاس رايونىمىزدىڭ ءار دارەجەلى قازىنا تاراۋلارى ىندەتتەن ساقتانۋ - تىزگىندەۋ شۇعىل قارجىسىنان ءبىر ميلليارد 122 ميلليون يۋان ءبولدى، مۇنىڭ ىشىندە، اۆتونوميالى رايون قازىناسى ورتالىقتىڭ جانە اۆتونوميالى رايوننىڭ ءوز دارەجەسىندەگى قارجىسىنان جالپى 374 ميلليون يۋان، ءارقايسى ايماق، وبلىس، قالا قازىناسى 748 ميلليون يۋان ءبولدى، اتاۋلى قارجى مەديتسينالىق قۇتقارۋ - ەمدەۋگە، ىندەتتەن ساقتانۋ - تىزگىندەۋگە ارناۋلى پايدالانىلاتىن قاجەتتى جابدىقتار جانە زاتتىق بۇيىمدار، ت.ب ساتىپ الۋعا جۇمسالادى.
اۆتونوميالى رايوندىق قازىنا مەڭگەرمەسى بۇكىل رايونىمىزدىڭ ىندەتتەن ساقتانۋ - تىزگىندەۋ قارجىسىن قامتاماسىز ەتۋ بويىنشا شۇعىل جاعدايعا توتەپ بەرۋ دايىندىق جوباسىن جاساپ، قارجى توپتاۋ تەبىنىن ارتتىردى. شۇعىل جاعدايعا توتەپ بەرۋ قارجىسىنىڭ دەر كەزىندە تياناقتانۋىنا شىنايى كەپىلدىك ەتۋ ءۇشىن، وسى مەڭگەرمە تىعىز ۇشتاسقان شۇعىل جاعدايعا توتەپ بەرۋ قىزمەت مەحانيزمىن ورناتىپ، قىزمەت جاۋاپكەرشىلىگىن نىعايتىپ، ءبىر قىزمەت كۇنى ىشىندە ”قىزمەت حۇجاتتارىن مالىمدەۋ - بەكىتتىرۋ، نۇسقاۋدى جەتكىزۋ، قارجىنى ءبولۋ، حۇجاتتى جەتكىزۋ، اۋدان، قالالارعا حابارلاندىرۋ“ سياقتى جۇمىستاردى تۇگەلدەي ءبىتىرۋدى جۇزەگە اسىردى؛ جۇڭگو حالىق بانكەسىن جانە باسقا دا فينانس قۇرىلىمدارىن بەلسەنە سايكەستىرىپ، ەرەكشە مەزگىلدە قارجىنىڭ تاباندا جەر - جەرگە بولىنۋىنە شىنايى كەپىلدىك ەتتى؛ ىندەتتەن ساقتانۋ - تىزگىندەۋ قارجىسىن يكەمدى باقىلاۋ - باسقارۋ تۇعىرىنا ەنگىزىپ باقىلاپ، قاتىستى تاراۋلاردىڭ زاڭ ەرەجە بويىنشا ىندەتتەن ساقتانۋ - تىزگىندەۋ قارجىسىن باقىلاۋ - باسقارۋدى كۇشەيتۋىنە جەتەكشىلىك ەتىپ، قۋزاپ، قارجىنىڭ ىندەتكە تىكە قاتىستى جاقتارعا پايدالانىلۋىنا شىنايى كەپىلدىك ەتتى.
ءۇرىمجى:
قىزۋى ورلەگەن ناۋقاستاردىڭ ەمدەلۋىن ىركىلىسسىزدەندىردى
2 - ايدىڭ 3 - كۇنى ساعات 21دەن 20 مينۋت مولشەرى، ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) سۇڭشان كوشەسى اۋماعىن باسقارۋ كوميتەتى پارتيا قىزمەتى كوميتەتىنىڭ شۋجيى ۋاڭ جيڭگاڭ وسى اۋماقتىڭ ىندەتتەن ساقتانۋ - تىزگىندەۋ ارناۋلى اۆتوكولىگىنىڭ شوفەرى كان لىنى تايشان كوشەسى الەۋمەتتىك اۋماعىنا بارىپ، قىزۋى ورلەپ وقشاۋلانعان تۇرعىندى اپارىپ - اكەلۋگە ورنالاستىرىپ جاتتى. بۇيرىقتى تاپسىرىپ العاننان كەيىن، كاسىپتىك قورعانۋ بىلىمدەرى بويىنشا باۋلىنعان كان لى زارارسىزداندىرىلعان باسقا جەرگە اپارىپ ەمدەتۋ ارناۋلى اۆتوكولىگىن دەرەۋ ايداپ، قىزۋى ورلەپ وقشاۋلانعان تۇرعىندى بەلگىلەنگەن قىزۋ امبولاتورياسىنا ەمدەلۋگە جەتكىزدى.
ءۇرىمجى قالاسىنىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابى ىندەتتەن ساقتانۋ - تىزگىندەۋ گرۋپپاسىنىڭ ورىنباسار باستىعى ليۋ ۋىنشىڭ بىلاي دەپ تانىستىردى: 120 شۇعىل قۇتقارۋ، الەۋمەتتىك اۋماقتان باسقا جەرگە اپارىپ ەمدەتۋ، ۇكىمەت تەگىن ەمدەۋ − قازىر ءۇرىمجى قالاسى قىزۋى ورلەگەن ناۋقاستاردىڭ ەمدەلۋىنە ارناۋلى پايدالانىلاتىن ىركىلىسسىز وتكەل اشتى. ەگەر تۇرعىنداردا ۇيىندە قىزۋى ورلەۋ بەلگىسى بايقالىپ، دەنە تەمپەراتۋراسى 37.3 سەلتسي گرادۋستان اسسا، كوتەرمەگە العان كادرعا نەمەسە الەۋمەتتىك اۋماققا دەر كەزىندە تەلەفون شالۋىنا بولادى، ارناۋلى ادام، ارناۋلى اۆتوكولىك ۇيگە كەلىپ، ناۋقاستى جاقىن ماڭداعى قىزۋ امبولاتورياسىنا جەتكىزەدى.
اۆتونوميالى رايون ەلەۋلى تۇتقيىل الەۋمەتتىك دەنساۋلىق ساقتاۋ وقيعاسىنىڭ 1 - دارەجەلى ساقتىق دابىلىن ىسكە قوسقاننان بەرى، ءۇرىمجى قالاسىنداعى 8 رايون (اۋدان) قىزۋى ورلەگەن ناۋقاستاردى باسقا جەرگە اپارىپ ەمدەتۋگە ارناۋلى پايدالانىلاتىن اۆتوكولىكتەن 127سىن ىسكە قوستى، مۇنىڭ ىشىندە الەۋمەتتىك اۋماقتاردىڭ باسقا جەرگە اپارىپ ەمدەتۋگە پايدالانىلاتىن اۆتوكولىگى 74 بولىپ، الەۋمەتتىك اۋماق تۇرعىندارىندا قىزۋ ورلەۋ جاعدايى بايقالعاندا باسقا جەرگە اپارىپ ەمدەتۋگە جەتكىزۋ - اكەلۋ جونىنەن قىزمەت وتەۋگە ارناۋلى پايدالانىلدى؛ ارناۋلى قۇتقارۋ اۆتوكولىگى 53 بولىپ، نەگىزىنەن كۇدىكتى ناۋقاستاردى، شوعىرلى مەديتسينالىق باقىلاۋ، سونداي - اق ۇيىندە مەديتسينالىق باقىلاۋ جۇرگىزىلەتىن قىزۋى ورلەگەن ناۋقاستاردى اپارىپ - اكەلۋگە پايدالانىلدى. باسقا جەرگە اپارىپ ەمدەتۋگە پايدالانىلاتىن اۆتوكولىكتەر تۇگەلدەي ءار رەتىندە زارارسىزداندىرۋدى قاتاڭ تياناقتاندىردى، قىزمەتكەرلەر دە كاسىپتىك قورعانۋ بىلىمدەرى بويىنشا باۋلىنىپ، قىزۋى ورلەگەن ناۋقاستاردى دەرەۋ باسقا جەرگە امان جەتكىزىپ ەمدەتۋگە شىنايى كەپىلدىك ەتتى.
ليۋ ۋىنشىڭ مىنانى ءبىلدىردى: الەۋمەتتىك اۋماق تۇرعىندارى ۇيىندە دەنە تەمپەراتۋراسىن ولشەگەندە 37.3 سەلتسي گرادۋستان اسسا، قىزۋ بەلگىسى بار دەپ قارالادى، تۇرعىنداردىڭ ابىرجىپ، الاڭداپ، مازاسىزدانۋىنىڭ قاجەتى جوق، ماسكى تاعىپ، دەرەۋ قاراستى الەۋمەتتىك اۋماقپەن بايلانىس جاساپ، قىزۋى ورلەگەن ناقتى جاعدايدى، سونداي - اق مەكەن - جايىن، اتى - ءجونىن، بايلانىس تەلەفونىن ايتسا بولعانى، سوڭىنان 24 ساعات كەزەكشىلىك وتەيتىن الەۋمەتتىك اۋماق قىزمەتكەرلەرى اپارىپ - اكەلەتىن ارناۋلى اۆتوكولىكتى دەرەۋ ورنالاستىرادى، ورتا جولدا ايقاسپالى جۇعىمدالۋ جاعدايىنان ساقتانۋ ءۇشىن، قىزۋى ورلەگەن ناۋقاس ۇيىندە توسسا بولدى، ءوزىنىڭ الەۋمەتتىك اۆتوبۋزعا، كىرە اۆتوكولىگىنە نەمەسە جەكە اۆتوكولىككە وتىرىپ شيپاحاناعا بارىپ ەمدەلۋىنە بولمايدى.
اۆتونوميالى رايوندىق جاستار وداعى كوميتەتى:
تۇتاس رايوننان 20 مىڭعا جۋىق ەرىكتى قابىلدادى
”ءبىزدىڭ ۇرانىمىز ەرىكتىلەر ءبىر نيەتپەن ىندەتكە قارسى اتتانۋ، قايراتتان!“ جاقىندا ءۇرىمجى قالاسى جوعارى، جاڭا تەحنيكالىق اشۋ رايونى (جاڭا قالا رايونى) جاستار وداعى كوميتەتى قالىڭ قوعام جاستارىن ەرىكتى قىزمەت وتەۋگە ۇندەپ، 450دەن استام ەرىكتى قىزمەتكە شىعۋدان بۇرىنعى تاربيەلەۋگە قاتىناسقان سوڭ، توپقا، گرۋپپاعا ءبولىنىپ ۇلانباي تەكسەرۋ ورنى، دەنساۋلىق ساقتاۋ، سالاماتتىق كوميتەتى، 120 شۇعىل قۇتقارۋ، تاسىمالداۋ اۆتوكولىك اترەتى سياقتى جەرلەردە حالىققا قولايلى قىزمەت وتەۋ، سالاماتتىقتى سارالاپ تەكسەرۋ، ءتارتىپ ساقتاۋ، پسيحولوگيالىق كەڭەس بەرۋ سياقتى ەرىكتى قىزمەت وتەدى.
ۇعىسۋعا قاراعاندا، جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنە مەڭزەس، اۆتونوميالى رايوندىق جاستار وداعى كوميتەتى «تۇتاس رايونداعى ءار دارەجەلى جاستار وداعى ۇيىمدارىنا جانە قالىڭ وداق مۇشەلەرىنە جاستارعا ۇندەۋ حات» جاريالاپ، تۇتاس رايونداعى قالىڭ جاستاردان ارناۋلى ەمدەۋ، حالىققا قولايلى قىزمەت وتەۋ، ءتارتىپ ساقتاۋ، پسيحولوگيالىق كەڭەس بەرۋ سياقتى ەرىكتى قىزمەت وتەۋ قىزمەتكەرلەر زاپاس قوسىن قابىلداپ، ۇيىمداستىرىپ، تۇتاس رايونداعى ءار دارەجەلى جاستار وداعى ۇيىمدارىن جانە قالىڭ وداق مۇشەلەرىن، جاستاردى ىندەتكە قارسى اتتانۋ شايقاسىنا ات سالىسۋعا جۇمىلدىرىپ، ىندەتتەن ساقتاۋ - تىزگىندەۋ قىزمەتىنە بار كۇشپەن سايكەستى.
قازىرگە دەيىن تۇتاس رايوننان 20 مىڭعا جۋىق ەرىكتى قابىلداندى. مۇنىڭ ىشىندە ءۇرىمجى قالاسى، قاشقار ايماعى، اقسۋ ايماعى، التاي ايماعى سياقتى ايماق، وبلىستاردا 12 مىڭنان ارتىق ەرىكتى ىندەتتەن ساقتانۋ - تىزگىندەۋدىڭ ءبىرىنشى شەبىندە قىزمەت وتەۋدە.
”كوممۋنيستىك جاستار وداعى − پارتيانىڭ قولعاناتى جانە زاپاس قوسىنى، ىندەتتەن ساقتانۋ - تىزگىندەۋ قىزمەتىنە سايكەسۋدى ويداعىداي ىستەۋ − رايونىمىزداعى ءار ۇلت وداق مۇشەلەرىنىڭ، جاستارىنىڭ بۇلتارتپاس جاۋاپكەرشىلىگى“. اۆتونوميالى رايوندىق جاستار وداعى كوميتەتى پارتيا باسشىلىق گرۋپپاسىنىڭ شۋجيى جاۋ چۋان بىلاي دەدى: قازىر تۇتاس رايونىمىزداعى ءار دارەجەلى جاستار وداعى ۇيىمدارى جانە قالىڭ وداق مۇشەلەرى، جاستار ءوزىن ويداعىداي قورعاۋمەن بىرگە، ەرىكتى قىزمەت وتەۋگە بەلسەندى ات سالىسىپ، قاتىستى تاراۋلاردىڭ ءتۇرلى قىزمەتتەردى ويداعىداي ىستەۋىنە سايكەسىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋگە جاستىق ورالدارىن، كۇش - قايراتتارىن ارناۋدا.
(شينجياڭ گازەتىنىڭ جالپىلىق اقپارات قۇرالدارى تىلشىلەرى ميھىرگۇل ناسىر، يۇي شي، فۋ شياڭلۇڭ جازعان)
