− باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتى ماجىلىسىندەگى ماڭىزدى ءسوزى كۇشتى اڭىس قوزعادى
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 2 - ايدىڭ 3 - كۇنى ءماجىلىس اشىپ، ورتالىقتىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنە توتەپ بەرۋ قىزمەتى باسشىلىق گرۋپپاسىنىڭ جانە قاتىستى تاراۋلاردىڭ ىندەتتەن ساقتانۋ - تىزگىندەۋ قىزمەتى احۋالى جونىندەگى مالىمەتىن تىڭداپ، كەلەسى قادامداعى ىندەتتەن ساقتانۋ - تىزگىندەۋ قىزمەتىن اقىلداستى. باس شۋجي شي جينپيڭ ءماجىلىستى باسقاردى ءارى ماڭىزدى ءسوز سويلەدى.
”ۋاقىتپەن جارىسىپ، اۋرۋمەن ايقاسىپ، ىندەتتىڭ ءورشۋ اۋقىمىن باتىل تەجەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ كەرەك“. باس شۋجي شي جينپيڭنىڭ ماڭىزدى ءسوزى مەن ماجىلىستە جاسالعان شەشىمدەر، ورنالاستىرۋلار قالىڭ كادر - بۇقارالار اراسىندا كۇشتى اڭىس قوزعادى. كوپشىلىك مىنالاردى ءبىلدىردى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، سەنىمدى بەكەمدەپ، قيىندىقتى بىلەك بىرىكتىرە جەڭىپ، تياناقتاندىرۋ قىزمەتىن شىنايى، ەگجەي - تەگجەيلى مىقتى ۇستاۋ كەرەك.
ءومىر تايشان تاۋىنان دا قادىرلى، جاۋاپكەرشىلىك - بورىش يىعىمىزدا. قازىر قىرۋار ەمدەۋ قىزمەتكەرلەرى ساقتانۋ - تىزگىندەۋدىڭ ءبىرىنشى شەبىنەن تاپجىلمادى.
حۋبەي جيايۇي اۋداندىق حالىق شيپاحاناسى وپەراتسيا بولمەسىنىڭ سەستراسى دۋ چيۇڭ ينفەكسيا بولىمىنە كومەككە بارۋدى ىرىقتىلىقپەن ءوتىنىش ەتتى، سونداي - اق ءۇرتىس كوپ كۇن بويى قىزمەت ورنىنان تاپجىلمادى. ونىڭ كۇيەۋى ەلەكترمەن قامداۋ جۇمىسشىسى، شيپاحانانىڭ توڭىرەگىندەگى جەلىلەردى قورعاۋ قىزمەتىنە جاۋاپتى. ەرلى - زايىپتى ەكەۋى ءوز - ءوز تاسىلدەرى ارقىلى ىندەتتەن ساقتانۋ - تىزگىندەۋ قىزمەتىنە قاتىناستى.
”باس شۋجي شي جينپيڭ مىنالاردى باسا دارىپتەدى: ىندەتتەن ساقتانۋ - تىزگىندەۋ قىزمەتىن ويداعىداي ىستەۋ حالىقتىڭ ءومىرىنىڭ حاۋىپسىزدىگىمەن جانە دەنساۋلىعىمەن تىكە بايلانىستى. ءبىز ىندەتكە قارسى اتتانۋدىڭ ءبىرىنشى شەبىندە بار كۇشىمىزدى سالۋىمىز كەرەك“. دۋ چيۇڭ مىنالاردى ءبىلدىردى: باس شۋجي شي جينپيڭنىڭ تالابى بويىنشا ۇزدىكسىز ءبىرىنشى شەپتە ۋاقىتپەن جارىسىپ، اۋرۋمەن ايقاسا بەرەمىز.
باس شۋجي شي جينپيڭ سوزىندە العا قويعان ”قازىرگى ەڭ شەشۋشى ماسەلە − تياناقتاندىرۋ قىزمەتىن ناقتى، ەگجەي - تەگجەيلى مىقتى ۇستاۋ“ دەگەن ءسوز بەيجيڭ قالاسى شىجيڭشان رايوندىق دامۋ جانە رەفورما كوميتەتىنىڭ مەڭگەرۋشىسى لي ۋىنحۋاعا ەرەكشە اسەر قالدىردى. ول مىنالاردى ءبىلدىردى: ەرەسەن ءىرى قالا رەتىندە، بەيجيڭ ىندەتتەن ساقتانۋ - تىزگىندەۋدە مەرەكەدەن سوڭعى ادامداردىڭ بەيجيڭگە قايتۋى سىندى سىناققا ءدوپ كەلدى. شىجيڭشان رايونى قاراستىلىق جاۋاپكەرشىلىگىن قاتايتىپ، كۇش - قۋاتتى ءبىرىنشى شەپكە توپتاپ، 330 كادردى الەۋمەتتىك اۋماققا ىشكەرىلەپ ىندەتتەن ساقتانۋ - تىزگىندەۋ قىزمەتىنە قاتىناسۋعا شۇعىل شىعارىپ، ىندەتتىڭ حاۋىپ - قاتەرىن جويۋعا قۇلشىنادى.
شينياڭ − حىناننىڭ وڭتۇستىك ۇلكەن قاقپاسى، ۋحاننان نەبارى 200 كيلومەتر قاشىقتىقتا. شينياڭ قالالىق دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى ياڭ جيە مىنالاردى ءبىلدىردى: ورتالىقتىڭ تالابىنا ساي، قازىر شينياڭ قالاسىنىڭ دەنساۋلىق ساقتاۋ، سالاماتتىق جۇيەسى ىندەتتىڭ ءورشۋ اۋقىمىن باتىل تەجەۋدە. قاتىستى شارالاردى قاتاڭ تياناقتاندىرۋ ارقىلى ىندەتتى باقىلاۋ - ولشەۋدى كۇشەيتىپ، جۇعىمدالۋ قاينارىن ءونىمدى تەجەپ، تارالۋ جولدارىن ءۇزدى. سونىمەن بىرگە، ناۋقاستاردى قۇتقارۋ - ەمدەۋ قىزمەتىن بار كۇشپەن جاقسى ىستەپ، امالدىڭ بارىنشا ەمدەۋگە الۋ مولشەرى مەن ەمدەپ ساۋىقتىرۋ مولشەرىن جوعارىلاتىپ، جۇعىمدالۋ مولشەرىن جانە اۋرۋدان ءولۋ مولشەرىن تومەندەتەمىز.
جىجياڭ داشۋەسى مەديتسينا شۋەيۋانىنا قاراستى 1 - شيپاحانا − جىجياڭنىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋىنا شالدىققان ناۋقاستاردىڭ دياگنوزىن ايىرۋعا، ەمدەۋگە بەلگىلەنگەن ءتۇيىندى شيپاحانا، شيپاحانا ينفەكسيا ءبولىمىنىڭ ورىنباسار مەڭگەرۋشىسى چۇي تيڭتيڭ مىنالاردى ءبىلدىردى: ىندەتتى جەڭىپ شىعۋ عىلىم - تەحنيكانىڭ تىرەك بولۋىنان ايرىلا المايدى. ۇلكەن ساندى مالىمەت سياقتى ينفورماتسيالاردان تولىق پايدالانىپ، ءدال، دۇرىس كەسىم جاساپ، تارالعان وڭىرلەردى مەجەلەپ، ساقتانۋ - تىزگىندەۋ، اۋاشالاۋ قىزمەتىن ونان ارى ەگجەي - تەگجەيلى ىستەۋ كەرەك.
ىندەتتەن ساقتانۋ - تىزگىندەۋ تەك ەمدەۋ، ءدارى - دارمەك، دەنساۋلىق ساقتاۋ ماسەلەسى ەمەس، قايتا جان - جاقتى قىزمەت، ءتۇرلى قىزمەتتەر تۇگەلدەي ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋگە قولداۋ كورسەتۋى كەرەك.
2 - ايدىڭ 2 - كۇنى ساعات 16دان 34 مينۋت وتكەندە، 23 ساعاتتا گۋاڭدۇڭ، حۋنان، حۋبەي 3 ولكەنى باسىپ ءوتىپ، 1166 كيلومەتر جول باسىپ، گۋاڭدۇڭنىڭ ىندەتتەن ساقتانۋعا جىلۋعا اتاعان 40 توننا زاتتىق ماتەريالدارىن تيەگەن 41168 - كەزەكشى پويەز تىكە ۋحانعا جەتتى.
وسى رەتكى زات تاسىمالىنا جاۋاپتى بولعان گۋاڭجوۋ تەمىر جول توبى گۋاڭجوۋ زات تاسىمالى ورتالىعى سانشۇيشي زات الاڭىنىڭ قىزمەتكەرى فۋ تيڭ بىلاي دەدى: زاتتىق ماتەريالداردى تەز ارادا جەتكىزۋ ءۇشىن، گۋاڭجوۋ زات تاسىمال ورتالىعى شۇعىل جاعدايلارعا توتەپ بەرۋ، قۇتقارۋ - كومەكتەسۋ شاعىن گرۋپپاسىن قۇرىپ، جاسىل ارنا اشىپ، ”الدىمەن تاسۋعا الدىق، الدىمەن پويەزعا جۇك تيەدىك، الدىمەن تاسىمالدادىق“.
”ورتالىق قالىپتى ەكونوميكالىق، قوعامدىق ءتارتىپتى شىنايى قورعاۋدى تالاپ ەتتى، قازىر ءبىزدىڭ قولىمىزدان كەلەتىنى ەڭ تەز جىلدامدىقپەن ىندەتتەن ساقتانۋ زاتتىق ماتەريالدارىن جانە كوكونىس، ەت، جۇمىرتقا، ءسۇت سياقتى تۇرعىنداردىڭ تۇرمىسىنا قاجەتتى بۇيىمداردى تاسىمالداۋعا شىنايى كەپىلدىك ەتىپ، وسى رەتكى ىندەتتەن ساقتانۋ - تىزگىندەۋدىڭ توسقاۋىل شايقاسىنىڭ جەڭىسىنە قول جەتكىزۋگە ۇلەس قوسۋ“، - دەدى فۋ تيڭ.
مىڭ شاقىرىم شالعايداعى شاندۇڭدا قازىر ءتۇيىندى ەمدەۋ بۇيىمدارىن وندىرەتىن كاسىپورىندار ءوندىرىستى، جۇمىستى قالپىنا كەلتىرۋگە بار كۇشپەن كەپىلدىك ەتۋدە.
حۋايە توقىماسىز كەزدەمە شەكتى سەرىكتەستىگى شاندۇڭ زىبوداعى مەديتسينادا پايدالانىلاتىن توقىماسىز كەزدەمە وندىرەتىن كاسىپورىن، ونىمدەرى، نەگىزىنەن، مەديتسينادا پايدالانىلاتىن ماسكىنىڭ، قورعانۋ كيىمىنىڭ شيكىزاتى. ىندەتكە قارسى اتتانۋ ءۇشىن، كاسىپورىن كوكتەم مەرەكەسىنىڭ دەمالىسى كەزىندە ءوندىرىستى، جۇمىستى قالپىنا كەلتىرۋدى ۇيعارىپ، 7 ءوندىرىس جەلىسى تۇگەلدەي بار كۇشپەن 24 ساعات بويى ءوندىرىس جۇرگىزدى. جەرگىلىكتى بانكە ولاردى شۇعىل قاجەتتى قارىز اقشامەن قامدادى.
”ورتالىق مەديتسينالىق ساقتانۋ - قورعانۋ زاتتىق ماتەريالدارىمەن قامداۋدى قامتاماسىز ەتۋدى تالاپ ەتتى، ءبىز كاسىپورىن بولعاندىقتان، قاتىستى تاراۋلاردىڭ قولداۋىمەن، ءسوزسىز، بار كۇشىمىزدى سالىپ قۇلشىنامىز“، - دەدى سەرىكتەستىكتىڭ ورىنباسار باس ديرەكتورى ۋاڭ جيڭ.
جياڭسۋ ولكەلىك ونەركاسىپ جانە ينفورماتسيالاندىرۋ مەڭگەرمەسىنىڭ 2 - دارەجەلى شارلاۋشىسى جوۋ ي - بياۋ مىنالاردى ءبىلدىردى: جياڭسۋ ولكەسى ورتالىقتىڭ تالاپتارىن باتىل دايەكتىلەندىرىپ، تياناقتاندىرىپ، ساياسيدى، كەلەلى جاعدايدى باتىل دارىپتەپ، مەملەكەت تۇسىرگەن سەپتەۋ مىندەتىن ورىنداۋعا كەپىلدىك ەتەدى.
”قازىر جياڭسۋداعى قاتىستى ءتۇيىندى ءوندىرىس كاسىپورنى 74، مۇنىڭ 69ى جاپپاي ءوندىرىس باستادى جانە ءبىر ءبولىمى ءوندىرىس باستادى، ماسكىنىڭ كۇندىك ءوندىرىلۋ مولشەرى 2 ميلليون 500 مىڭنان اسىپ كەتتى، مەديتسينادا پايدالانىلاتىن باسقا زاتتىق ماتەريالداردىڭ كوبى قالىپتى ءوندىرىس قۋاتى ورەسىنە جەتتى“، - دەدى ول.
سەنىمدى بەكەمدەپ، ءبىر نيەتپەن ”ىندەت“پەن شايقاسايىق. ىندەتتەن ساقتانۋ - تىزگىندەۋدى كۇشەيتۋمەن بىرگە، ءوندىرىستىڭ، تۇرمىستىڭ ورنىقتى، ءتارتىپتى بولۋىن قۇلشىنا ساقتاۋ كەرەك.
قايتا قايتقان جولاۋشىلار لەگىنىڭ بىرتىندەپ ارتۋىنا ىلەسە، جۇڭگو تەمىر جول نانچاڭ مەكەمەسى توبى شەكتى سەرىكتەستىگى ىجداعاتپەن 20 كاسىپكە شەبەر جوعارى قارقىندى پويەز شوفەرىن، شوفەر جەتەكشىسىن تاڭداپ ۋحانعا كومەكتەسۋگە شىعاردى، نانچاڭ باتىس ۆوكزالىنان ۋحاندى باسىپ جىڭجوۋ وڭتۇستىك ۆوكزالىنا تىكە باراتىن 6 موتورلى ۆاگوندار قۇراماسىن ىسكە قوستى.
ىندەتتەن ساقتانۋ - تىزگىندەۋ جاعدايى قاتاڭ بولعانىمەن، ءبىراق قالىپتى ەكونوميكالىق، قوعامدىق ءتارتىپتى دە شىنايى ويداعىداي قورعاۋ كەرەك، ءبىز ورتالىقتىڭ شەشىمدەرى، ورنالاستىرۋلارى بويىنشا تەمىر جول كۇرە تامىرىنىڭ كىدىرىسسىز بولۋىنا الۋان شارالارمەن قامتاماسىز ەتەمىز“، - دەدى جوعارى قارقىندى پويەز شوفەرى يىن شىتاۋ، ”ادامداردىڭ كىدىرىسسىز ساپارىنا، زاتتىڭ كىدىرىسسىز تاسىمالىنا شىنايى كەپىلدىك ەتۋ ءبىزدىڭ جاۋاپكەرشىلىگىمىز!“.
1 - ايدىڭ 23 - كۇنىنەن بۇگىنگە دەيىن، شاڭحاي پۋتو رايونى شىچۋان جولى ءمالى باسقارماسى شى - ىر تۇرعىندار اۋماعى پارتيا باس ياچەيكاسىنىڭ شۋجيى سۋ يافاڭ ءبىر كۇن دە دەمالىپ كورمەدى. ”2003 - جىلى سارس كەزىندە، مەن پارتيا مۇشەسى ەمەس ەدىم، ەرىكتى رەتىندە ءار كۇنى تۇرعىنداردىڭ دەنە تەمپەراتۋراسىن ولشەۋشى ەدىم، ىندەتتەن ساقتانۋ - تىزگىندەۋدە مەنىڭ تاجىريبەم بار، ونىڭ ۇستىنە مەن قازىر پارتيا باس ياچەيكاسىنىڭ شۋجيىمىن“، - دەدى ول.
الەۋمەتتىك اۋماقتىڭ تاجىريبەلى ”سەركەسى“ بولعان سۋ يافاڭ ءبىرسىپىرا ساقتانۋ - تىزگىندەۋ ورنالاستىرۋلارىن قۇنتتى، ويداعىداي ىستەدى. شاعىن الەۋمەتتىك اۋماقتاعى ۇيلەرىندە اۋاشالانىپ جاتقان تۇرعىندارعا سۋ يافاڭ مەن قىزمەتتەستەرى ۇنەمى كوڭىل ءبولىپ تەلەفون شالىپ تۇردى، تۇرمىسقا قاجەتتى بۇيىمدارىن تۇرعىندار ءۇيىنىڭ ەسىك الدىنا جەتكىزىپ بەردى، ءار كۇنى تۇرعىنداردىڭ تۇرمىستىق قوقىر - قوقسىقتى ءبىر جاقتى ەتۋ جۇمىسىنا جاردەمدەستى.
”الەۋمەتتىك اۋماق قىزمەتكەرى بولعان ءبىز ىندەتتەن ساقتانۋ - تىزگىندەۋدىڭ نەگىزگى ساتىداعى ’كۇزەتشىسى‘ بولۋدى ويداعىداي ىستەپ، بۇقاراعا بار كۇشپەن حاۋىپسىزدىك سەزىمىن سيلادىق“، - دەدى سۋ يافاڭ بەكەم تۇردە.
(تىلشىلەر چي جۇڭشي، لياڭ جيانچياڭ، ۋ تاۋ، چىن گاڭ، يۇي شيانحۇڭ، ۋاڭ جۇنلۋ، ۋ جىندۇڭ، جاي جو، گۋ شياۋلي، يۋان جۇنباۋ)
(شينحۋا اگەنتتىگىنىڭ 2 - ايدىڭ 4 - كۇنى بەيجيڭنەن بەرگەن حابارى)
