− باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندە سويلەگەن ماڭىزدى ءسوزى رايونىمىزدا كۇشتى اڭىس قوزعادى
2 - ايدىڭ 5 - كۇنى شينجياڭ جيحۋا 7555 كاسىپتىك كيىم شەكتى سەرىكتەستىگىنىڭ تىگىنشىلىك سەحىندا قىزمەتكەرلەر تۇتاس تۇمشالامالى قورعانۋ كيىمىن قاربالاس تىگۋ ۇستىندە. سۋرەتتى حى لۇڭ تۇسىرگەن
2 - ايدىڭ 3 - كۇنى باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، ىندەتتەن ساقتانۋ - تىزگىندەۋگە جانە ەكونوميكالىق، قوعامدىق دامۋدىڭ ءتۇيىندى قىزمەتتەرىنە ورنالاستىرۋ جاسادى، تالاپتار قويدى، بۇل رايونىمىزداعى قالىڭ كادرلار مەن بۇقارانى بارىنشا شابىتتاندىرىپ، سەنىمدەرىن اناعۇرلىم نىعايتىپ، بەتالىستارىن اناعۇرلىم ايقىندادى. كوپشىلىك مىنالاردى ءبىلدىردى: ءسوز جوق، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن مىزعىماستان دايەكتىلەندىرىپ، تياناقتاندىرىپ، يدەيانى ونان ارى بىرلىككە كەلتىرىپ، سەنىمدى بەكەمدەپ، ەل بىرلىگىنەن بەرىك قامال تۇرعىزىپ، قۋاتتى بىرىككەن كۇش ۇيىستىرىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزەمىز.
■ ىندەتتىڭ ءورشۋ اۋقىمىن باتىل تىزگىندەيمىز
”باس شۋجي شي جينپيڭ ىندەتتەن ساقتانۋ - تىزگىندەۋ قىزمەتىن ويداعىداي ىستەۋ حالىقتىڭ ءومىرىنىڭ حاۋىپسىزدىگىمەن جانە دەنساۋلىعىمەن تىكە بايلانىستى دەپ باسا دارىپتەدى“. اۆتونوميالى رايوندىق دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ شۋجيى، ورىنباسار مەڭگەرۋشى ليۋ جيانگو مىنالاردى ءبىلدىردى: رايونىمىزدىڭ دەنساۋلىق ساقتاۋ، سالاماتتىق تاراۋلارى ساقتانۋ - تىزگىندەۋدى ىشكەرىلەي كەمەلدەندىرىپ جانە كۇشەيتىپ، ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ شارالارىن قاتاڭ تياناقتاندىرىپ، اناعۇرلىم تىعىز، دالمە - ءدال، اناعۇرلىم جارامدى، ءونىمدى شارالارمەن ىندەتتەن ساقتانۋ - تىزگىندەۋ قىزمەتىن جاقسى ىستەپ، ”ناۋقاستاردى شوعىرلاندىرۋ، مامانداردى شوعىرلاندىرۋ، بايلىقتى شوعىرلاندىرۋ، قۇتقارۋ - ەمدەۋدى شوعىرلاندىرۋ“ پرينسيبى بويىنشا اۆتونوميالى رايونداعى، سونداي - اق ءارقايسى ايماق، وبلىستارداعى بەلگىلەنگەن ەمدەۋ قۇرىلىمدارىنىڭ جالپىلىق كۇشىن ۇزدىكسىز رەتتەيدى، جاقسارتادى.
”قازىرگى ەڭ شەشۋشى ماسەلە − تياناقتاندىرۋ قىزمەتىن ناقتى، ەگجەي - تەگجەيلى مىقتى ۇستاۋ“. ءۇرىمجى قالالىق ورتا حالىق سوتى مەكەمەسىنىڭ 1 - تامىز اۋماعى باسقارۋ كوميتەتى تەلەگراف الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي جىڭ بين بىلاي دەدى: ”ءبىز ءتىپتى دە كوپ زەيىن - زەردەنى ىندەتتەن ساقتانۋ - تىزگىندەۋدىڭ ءبىرىنشى شەبىنە جۇمساپ، ىندەتتەن ساقتانۋ - تىزگىندەۋ قىزمەتىن ناقتى، جاقسى ىستەپ، ىندەتتىڭ ءورشۋ اۋقىمىن باتىل توسۋعا ۇلەس قوسامىز“.
ءمالى، الەۋمەتتىك اۋماقتارىنىڭ اداقتاپ تەكسەرۋ، باقىلاۋ - ولشەۋى ىندەتتەن ساقتانۋ - تىزگىندەۋدەگى ماڭىزدى بۋىن. تەلەگراف الەۋمەتتىك اۋماعىندا جىلجىمالى جان سانى ءبىرشاما كوپ، الەۋمەتتىك اۋماقتاعى پارتيالى كادرلار مەن ەرىكتىلەر ىرىقتىلىقپەن ىسكەرلىك كورسەتىپ، ىندەت جاعدايىنا اداقتاپ تەكسەرۋ جۇرگىزىپ، ىندەتتەن ساقتانۋ - تىزگىندەۋدىڭ ءبىرىنشى ساقتىق شەبىن باتىل بەكەمدەدى. تۇرعىنداردىڭ سىرتقا شىعىپ زات ساتىپ الۋىن، شوعىرلانۋىن ءونىمدى ازايتۋ ءۇشىن، الەۋمەتتىك اۋماق كادرلارى شاعىن اۋماقتاعى قالىپتى باعاداعى كوكونىس دۇكەندەرىنىڭ قالىپتى تيجارات جۇرگىزۋىن بەلسەندىلىكپەن سايكەستىرىپ، ”ۋيچاتتا الدىن الا كەلىسۋ، كوكونىستى ۇيگە جەتكىزىپ بەرۋ“ سىندى حالىققا قولايلى شارالاردى جولعا قويىپ، قالىڭ تۇرعىنداردىڭ كۇندەلىكتى تۇرمىستىق قاجەتىن قاناعاتتاندىردى.
■ ۋاقىتپەن جارىسىپ، اۋرۋمەن بەلدەسەمىز
”باس شۋجي شي جينپيڭ تەزدەتىپ پارىقتاردى تاۋىپ، ولقىلىقتاردى تولىقتاپ، ىندەتتەن ساقتانۋ - تىزگىندەۋدىڭ ءتۇرلى قىزمەتتەرىن شىنايى، ويداعىداي ىستەپ، ۋاقىتپەن جارىسىپ، اۋرۋمەن بەلدەسىپ، ىندەتتىڭ ءورشۋ اۋقىمىن باتىل تەجەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ كەرەك دەپ باسا دارىپتەدى“. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى تۇتىنۋ بۇيىمدارى ونەركاسىبى باسقارماسىنىڭ باستىعى ۋاڭ چيڭ بىلاي دەدى: ”ءبىز باس شۋجيدىڭ ماڭىزدى ءسوزىنىڭ رۋحىن باتىل دايەكتىلەندىرىپ، تياناقتاندىرىپ، جاۋاپكەرشىلىك سىندى ارقاۋدى باستان - اياق مىقتاپ شيراتىپ، ىندەتتەن ساقتانۋ - تىزگىندەۋدى كەزەكتەگى ەڭ ماڭىزدى قىزمەت رەتىندە مىقتاپ جاقسى ۇستايمىز. قازىر ونەركاسىپ جانە ينفورماتسيالاندىرۋ مەڭگەرمەسى رايونداعى ماسكى، اۋاشالاۋ كيىمى، زارارسىزداندىرۋ بۇيىمى، ۆيرۋس جويۋ سياقتى شۇعىل قاجەتتى زاتتىق ماتەريالداردى وندىرەتىن ءتۇيىندى كاسىپورىنداردى جۇمىستى، ءوندىرىستى قايتا باستاۋعا ۇيىمداستىردى، زارارسىزداندىرۋ، ۆيرۋس جويۋ بۇيىمدارىنىڭ كۇندىك ءوندىرۋ مولشەرى نەگىزىنەن قاجەتتى قاناعاتتاندىرادى؛ سونىمەن بىرگە، قاتىستى شارالاردى شىعارىپ، كاسىپورىنداردىڭ جۇمىسشى ىستەتۋ جانە قارجى قۇراۋداعى قيىن ماسەلەسىن شەشىپ، كاسىپورىنداردىڭ بار كۇشپەن وندىرۋىنە كەپىلدىك ەتتى“.
”شۇعىل جاعدايعا توتەپ بەرۋ، باسقارۋ مەڭگەرمەسى پارتيا ورتالىق كوميتەتىنىڭ شەشىمدەرىن، ورنالاستىرۋلارىن مىزعىماستان تياناقتاندىرىپ، ىندەتتەن ساقتانۋ - تىزگىندەۋ جانە شۇعىل جاعدايعا توتەپ بەرۋ، باسقارۋ شارالارىن ەگجەي - تەگجەيلى ناقتىلاندىرىپ، ىندەتتەن بىرلەسىپ ساقتانۋ، بىرلەسىپ تىزگىندەۋگە جانە ىندەتتەن ساقتانۋ - تىزگىندەۋ زاتتىق ماتەريالدارىن وندىرەتىن كاسىپورىندارعا حاۋىپسىزدىك بويىنشا قىزمەت وتەۋگە بار كۇشپەن ات سالىستى، سونىمەن بىرگە ماسكى، قورعانۋ كيىمى، زارارسىزداندىرۋ سۇيىقتىعى سياقتى ساقتانۋ - تىزگىندەۋ زاتتىق ماتەريالداردى وندىرەتىن كاسىپورىندارعا قىزمەت وتەپ، قىزمەتىنە جەتەكشىلىك ەتىپ، ءوندىرىستىڭ حاۋىپسىزدىگىنە، تاسىمالدىڭ ىركىلىسسىزدىگىنە، ورنالاستىرۋ - جەتكىزۋدىڭ دەر كەزىندە بولۋىنا شىنايى كەپىلدىك ەتتى“، - دەدى اۆتونوميالى رايوندىق شۇعىل جاعدايعا توتەپ بەرۋ، باسقارۋ مەڭگەرمەسى پارتيا باسشىلىق گرۋپپاسىنىڭ شۋجيى ماردان مۇگايىت.
اۆتونوميالى رايوندىق قازىنا مەڭگەرمەسىنىڭ قاتىستى جاۋاپتىسى مىنالاردى ءبىلدىردى: قازىنا مەڭگەرمەسى ىندەتتەن ساقتانۋ - تىزگىندەۋدىڭ قاراجات قامتاماسىزدىعىن الدىن الا ويلاستىرىلاتىن ورىنعا قويىپ، بۇكىل رايونداعى ىندەتتەن ساقتانۋ - تىزگىندەۋدىڭ قاراجات قامتاماسىزدىعى جونىندەگى شۇعىل جاعدايعا توتەپ بەرۋ ساقتىق جوباسىن دەر كەزىندە جاساپ، قاراجات ازىرلەۋ تەبىنىن شىن مانىندە ارتتىرىپ، ىندەتتەن ساقتانۋ - تىزگىندەۋ قاراجاتىنىڭ تىڭعىلىقتى تياناقتانۋىنا شىنايى كەپىلدىك ەتىپ، رايونىمىزدىڭ ىندەتتەن ساقتانۋ - تىزگىندەۋىنە پارمەندى قارجى قامتاماسىزدىعىن ازىرلەدى.
■ ىندەتتەن ساقتانۋ - تىزگىندەۋگە جان - جاقتى قولداۋ كورسەتەمىز
ىندەتتەن ساقتانۋ - تىزگىندەۋ ءبىر رەتكى توسقاۋىل شايقاس ءارى ءبىر رەتكى جالپى تۇلعالىق شايقاس، ءارقايسى قىزمەتتەر تۇگەلدەي وسى قاتاڭ كۇرەستىڭ جەڭىسىنە جەتۋگە قولداۋ كورسەتۋ كەرەك.
بىرنەشە كۇننەن بەرى، اۆتونوميالى رايوننىڭ قاتىناس - تاسىمال جۇيەسىندەگى 6000نان استام پارتيالى كادر ىندەتتەن ساقتانۋ - تىزگىندەۋ قىزمەتىنىڭ ءبىرىنشى شەبىندە قۇلشىنا كۇرەس جاساپ، ىندەتتەن ساقتانۋ - تىزگىندەۋدىڭ 24 ساعات بويى توقتاماۋىن، ۇزىلمەۋىن جۇزەگە اسىردى. 15 مىڭ دانا «جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋدەگى شۇعىل جاعدايعا توتەپ بەرۋ زاتتىق ماتەريالى جانە ادام، تاسۋ، تەكسەرۋ اۆتوموبيلدەرى جول كۋالىگىن» باسىپ، كۋالىكتى اۆتوموبيلدەردىڭ جاسىل ارنامەن الدىمەن ءوتۋىن قامتاماسىز ەتىپ، جوعارى قارقىندى تاس جولداعى شۇعىل جاعدايعا توتەپ بەرۋ، ىندەتتەن ساقتانۋ زاتتىق ماتەريالدارىنىڭ جاسىل ارناسىن اشىپ، بۇكىل قوعامعا شۇعىل جاعدايعا توتەپ بەرۋ زاتتىق ماتەريالدارى تاسىمالى جانە تاس جولدىڭ اشىق، ىركىلىسسىز بولۋىن قامتاماسىز ەتۋ تەلەفوندارىن جاريالادى... ”قاتىناس - تاسىمال تاراۋى رەتىندە، ءبىز ەڭ زور قۇلشىنىسىمىز ارقىلى ىندەتتەن ساقتانۋ زاتتىق ماتەريالدارىنىڭ، سونداي - اق تۇرمىستىق قاجەتتى بۇيىمداردىڭ تاسىمالىنا شىنايى كەپىلدىك ەتىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋگە ۇلەس قوسامىز“، - دەدى اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ ورىنباسار شۋجيى، مەڭگەرمە باستىعى اسەنجان احىمەت.
”باس شۋجي شي جينپيڭ ىندەتتەن ساقتانۋ - تىزگىندەۋدى كۇشەيتۋمەن بىرگە، ءوندىرىستىڭ، تۇرمىستىڭ ورنىقتى، ءتارتىپتى بولۋىن قۇلشىنا ساقتاۋ كەرەك دەپ باسا دارىپتەدى“. اۆتونوميالى رايوندىق ساۋدا ىستەرى مەڭگەرمەسى اينالىم باسقارماسىنىڭ باستىعى باھارگۇل ابىلا مىنالاردى ءبىلدىردى: ”ءبىز شارالاردى بار كۇشپەن جولعا قويىپ، جەر - جەردەگى تۇرمىستىق قاجەتتى بۇيىمداردىڭ بازارداعى قامداۋىنىڭ جالپى تۇلعالىق جاقتان ورنىقتى بولۋىن قامتاماسىز ەتەمىز. بازارداعى قامداۋدى قامتاماسىز ەتۋ قىزمەتىن جاقسى ىستەۋ ءۇشىن، ءبىز ماسەلەنى شەشۋدى جەتەكشى ەتىپ، بازاردى كۇندىك تەكسەرۋ - زەرتتەۋ ءتۇزىمىن دەر كەزىندە ورناتىپ، بازارداعى قامداۋ - سۇرانىس جاعدايىنا دەر كەزىندە تۇجىرىم جاساپ، ينفورماتسيالاردى دەر كەزىندە ءدال مالىمدەپ، بازاردا ىلەسىپ باقىلاۋ - ولشەۋدى، ساقتاندىرۋدى جانە شۇعىل جاعدايدى ءبىر جاقتى ەتۋدى شىن مانىندە جاقسى ىستەيمىز“.
قازىر شينجياڭ شۋەفىڭ قارجى قوسۋ، جارنا مەڭگەرۋ شەكتى جاۋاپكەرشىلىك سەرىكتەستىگى جاۋاپتى بولىپ تاسىمالداعان ساقتانۋ - قورعانۋ زاتتىق ماتەريالدارى ۇلىقشات اۋدانى، نىلقى اۋدانى قاتارلى جەرلەرگە جەتتى. وسى سەرىكتەستىك پارتكومىنىڭ شۋجيى، القا باستىعى كاڭ جيان مىنالاردى ءبىلدىردى: سەرىكتەستىك ەڭ تەز قارقىنمەن ساقتانۋ - قورعانۋ زاتتىق ماتەريالداردىڭ دەر كەزىندە جەتكىزىلۋىنە شىنايى كەپىلدىك ەتۋمەن بىرگە، كاسىپورىننىڭ قوعامدىق جاۋاپكەرشىلىگىن اتقارىپ، ىندەتتەن ساقتانۋ - تىزگىندەۋ قىزمەتىنە پايدالانۋعا ءبىر ميلليون يۋان جىلۋ اتادى.
(جالپىلىق اقپارات قۇرالدارى تىلشىلەرى شى شين، چاۋ جين، يۋان لەي، ياڭ شۋحان، ما ينيڭ، ميھىرگۇل ناسىر، چىن چياڭۋي، لۋ فىڭباۋ، حي حۇڭۋي جازعان)
