تيانشان تورى   ›   جاڭالىقتار   ›   سۋرەتتى حابار

مەملەكەتتىك كەڭەستىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنە توتەپ بەرۋ بىرلەسىپ ساقتانۋ، بىرلەسىپ تىزگىندەۋ مەحانيزمى قىزمەتكە جەتەكشىلىك ەتۋ گرۋپپاسى رايونىمىزعا جەتەكشىلىك ەتۋگە كەلدى

چىن چۋانگو مالىمەت بەرۋ ءماجىلىسىن باسقاردى ءارى ءسوز سويلەدى، شوكىرات زاكىر، سۇن جينلۇڭ، لي پىڭشين قاتىناستى

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 2 - ايدىڭ 5 - كۇنى ۇرىمجىدەن حابارلايدى. تاياۋدا مەملەكەتتىك كەڭەستىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنە توتەپ بەرۋ بىرلەسىپ ساقتانۋ، بىرلەسىپ تىزگىندەۋ مەحانيزمى قىزمەتكە جەتەكشىلىك ەتۋ 30 - گرۋپپاسى رايونىمىزعا كەلىپ ىندەتتەن ساقتانۋ - تىزگىندەۋ قىزمەتىن ورىستەتۋگە جەتەكشىلىك ەتتى. 2 - ايدىڭ 4 - كۇنى تۇستەن كەيىن قىزمەتكە جەتەكشىلىك ەتۋ گرۋپپاسى اۆتونوميالى رايوننىڭ جانە بيڭتۋاننىڭ ىندەتتەن ساقتانۋ - تىزگىندەۋ قىزمەت احۋالى جونىندەگى مالىمەتىن تىڭدادى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ءماجىلىستى باسقاردى.

  مەملەكەتتىك كەڭەستىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنە توتەپ بەرۋ بىرلەسىپ ساقتانۋ، بىرلەسىپ تىزگىندەۋ مەحانيزمى قىزمەتكە جەتەكشىلىك ەتۋ 30 - گرۋپپاسىنىڭ باستىعى ۋاڭ شۋەتاۋ ءسوز سويلەپ، اۆتونوميالى رايون مەن بيڭتۋاننىڭ ىندەتتەن ساقتانۋ - تىزگىندەۋدە قولدانعان شارالارىن تولىق تۇراقتاندىردى. ول بىلاي دەپ اتاپ كورسەتتى: شينجياڭ باس شۋجي شي جينپيڭنىڭ ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، بۇكىل شينجياڭ ءبىر تۇتاس جۇيە، بيڭتۋان مەن جەرگىلىكتى ورىن ءبىر تۇتاس جۇيە ەكەندىگىنە تاباندى بولىپ، بىرلەسىپ ساقتانۋدى، بىرلەسىپ تىزگىندەۋدى بەلسەنە ورىستەتىپ، ەسكەرۋسىز جەر قالدىرماي، قالتارىس قالدىرماي، مۇلتىكسىز ۇشتاستىرىپ، ىندەتتەن ساقتانۋ - تىزگىندەۋ شارالارىنىڭ ەگجەي - تەگجەيلى، ناقتى تياناقتاندىرىلۋىن ىلگەرىلەتىپ، ىندەتتەن ساقتانۋ - تىزگىندەۋ قىزمەتىندە كەزەڭدىك ونىمدىلىككە قول جەتكىزدى.

  ۋاڭ شۋەتاۋ بىلاي دەپ اتاپ كورسەتتى: كەزەكتە شينجياڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ شارالارىنىڭ ناقتاپ، ەگجەي - تەگجەيلى تياناقتاندىرىلۋىن، ونىمدىلىككە قول جەتكىزۋىن شىنايى ىلگەرىلەتۋ كەرەك. زاڭ بويىنشا عىلمي، ءتارتىپتى ساقتانىپ - تىزگىندەپ، ىندەتتى باقىلاۋ - تەكسەرۋدى جانە قاينارىنان باسقارۋ - تىزگىندەۋدى كۇشەيتىپ، ىندەتتىڭ تارالۋ، ءورشۋ حاۋپىن دەر كەزىندە تۇجىرىمداپ، شىنىمەن ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ كەرەك. ەمدەۋ - قۇتقارۋدى بار كۇشپەن ويداعىداي ىستەپ، ”ءتورتتى شوعىرلاندىرۋ“ پرينسيبى بويىنشا بىتىراتىپ اۋرۋ كورۋ، شوعىرلى قابىلداپ ەمدەۋ قابىلەتىن ءتۇيىندى تۇردە جوعارىلاتىپ، ەمدەۋ بايلىقتارىن ءبىر تۇتاس ويلاستىرىپ جوسپارلاۋدى ويداعىداي ىستەپ، قاتىستى ءدارى - دارمەك جانە ەمدەۋ ماتەريالدارىمەن قامداۋدى قامتاماسىز ەتۋدى كۇشەيتىپ، دياگنوزى تۇراقتاندىرىلعان ناۋقاستاردى بار كۇشپەن قۇتقارۋ - ەمدەۋ كەرەك. ۇگىتتى، تاربيە بەرۋدى، جەتەكتەۋدى كۇشەيتىپ، ىندەت جاعدايىن دەر كەزىندە ءدال، اشىق جاريالاپ، قوعامنىڭ قاداعالاي نازار اۋدارۋىنا اڭىس ءبىلدىرۋ؛ دەنساۋلىق ۇستانىمى مەن جۇقپالى اۋرۋلاردان ساقتانۋ - تىزگىندەۋ بىلىمدەرىن ۇگىتتەۋدى، تاربيە بەرۋدى كۇشەيتىپ، ءار ۇلت بۇقاراسىن وركەنيەت ساپاسى مەن ءوزىن قورعاۋ قابىلەتىن وسىرۋگە جەتەكتەۋ كەرەك. ىندەت جاعدايىن دەر كەزىندە تۇجىرىمداپ، ”سىرتقى جاقتا سىرتتان كەلگەندەردەن ساقتانۋ، ىشكى جاقتا تارالۋدان ساقتانۋ“ تاكتيكاسى بويىنشا پارىقتاردى تاۋىپ، ولقىلىقتاردى تولىقتاپ، بەرىك قورعانىس شەبىن ورناتۋ كەرەك.

  چىن چۋانگو مىنالاردى ءبىلدىردى: اۆتونوميالى رايون مەن بيڭتۋان شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ىلگەرىلەي وتىرىپ ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ىندەتتەن ساقتانۋ - تىزگىندەۋ قىزمەتىن كەلەلى ساياسي مىندەت ەتۋگە، كەزەكتەگى ەڭ ماڭىزدى قىزمەت ەتىپ يگەرۋگە تاباندى بولىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويۋعا تاباندى بولىپ، قىزمەتكە جەتەكشىلىك ەتۋ گرۋپپاسىنىڭ شينجياڭعا كەلىپ جەتەكشىلىك ەتۋىن شىنىمەن وراي، قوزعاۋشى كۇش ەتىپ، سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ جانە ەمدەۋ، دالمە - ءدال شارا قولدانۋ تالابىن جاپپاي دايەكتىلەندىرىپ، كەلەلى جاعداي تانىمى مەن جالپى جاعداي كوزقاراسىن شىنايى كۇشەيتىپ، پارتيا مەن حالىق ىستەرىنە وسكەلەڭ جاۋاپتى بولۋ پوزيتسياسىمەن ىندەتتەن ساقتانۋ - تىزگىندەۋدىڭ ءتۇرلى شارالارىن قاتاڭ، ناقتاپ ويداعىداي تياناقتاندىرىپ، ءتۇرلى قىزمەتتەردى تاباندىلىقپەن پارمەندى تۇردە، تيتتەي دە بوساڭسىماي ويداعىداي ىستەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىل ويداعىداي قورعاۋ كەرەك.

  اۆتونوميالى رايون مەن بيڭتۋاننىڭ باسشىلارىنان شوكىرات زاكىر، سۇن جينلۇڭ، لي پىڭشين، ماڭلىك سەيىت، ليۋ جيانشين، كۇڭ شيڭلۇڭ، مەملەكەتتىك كەڭەستىڭ قىزمەتكە جەتەكشىلىك ەتۋ 30 - گرۋپپاسىنداعى ماماندار، مۇشەلەر مالىمەت بەرۋ ماجىلىسىنە قاتىناستى.

  شينجياڭداعى كەزىندە قىزمەتكە جەتەكشىلىك ەتۋ گرۋپپاسى رايونىمىزداعى ءتۇيىندى ەمدەۋ قۇرىلىمدارىنا جانە ايماق، وبلىستارعا بارىپ، ىندەتتەن ساقتانۋ - تىزگىندەۋ قىزمەتىن تەكسەرىپ، جەتەكشىلىك ەتەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.