تيانشان تورى
تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى، دايەكتىلەندىردى، بۇكىل رايوننىڭ ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى

ساقتانۋ - تىزگىندەۋ قىزمەتتەرىن ەگجەي - تەگجەيلى باتىل تياناقتاندىرىپ، بار كۇشپەن ەرلىكپەن شايقاس جاساپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ كەرەك

چىن چۋانگو ءماجىلىستى باسقاردى

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 2 - ايدىڭ 5 - كۇنى ۇرىمجىدەن حابارلايدى. 2 - ايدىڭ 5 - كۇنى تۇستەن كەيىن اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى، دايەكتىلەندىردى، بۇكىل رايوننىڭ ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  ءماجىلىس مىنالاردى اتاپ كورسەتتى: ىندەت تۋىلعاننان بەرى، باس شۋجي شي جينپيڭ تالاي رەت ماڭىزدى نۇسقاۋ بەرىپ، جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداسىپ، ورنالاستىرۋ جاسادى، سونداي - اق ماڭىزدى ءسوز سويلەپ، ءبىزدىڭ ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋىمىزگە ءتۇبىرلى بويسۇنۋ ولشەمىن جانە ارەكەت باعدارناماسىن ازىرلەدى. يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ جانە ەمدەۋ، دالمە - ءدال شارا قولدانۋ تالاپتارى بويىنشا، بۇكىل رايونداعى ءار ۇلت بۇقاراسىن بار كۇشپەن ەرلىكپەن شايقاس جاساۋعا ىنتىماقتاستىرا باستاپ، ىندەتتەن ساقتانۋ - تىزگىندەۋ قىزمەتتەرىن تىڭعىلىقتى جاقسى ىستەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ كەرەك.

  ءبىرىنشى، ساياسي دەڭگەيدى اناعۇرلىم جوعارىلاتۋ كەرەك. ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ىندەتتەن ساقتانۋ - تىزگىندەۋ قىزمەتىن كەلەلى ساياسي مىندەت ەتۋگە، كەزەكتەگى ەڭ ماڭىزدى قىزمەت رەتىندە مىقتى ۇستاۋعا تاباندى بولىپ، پارتيا ورتالىق كوميتەتىنىڭ ءبىر تۇتاس قولباسشىلىعىنا، ءبىر تۇتاس سايكەستىرۋىنە، ءبىر تۇتاس ورنالاستىرۋىنا قاتاڭ بويسۇنىپ، بۇيرىقتى ەستي سالا ارەكەتكە كەلىپ، بۇيرىقتى بۇلجىتپاي اتقارىپ، ماسەلەنى باعدار ەتۋدى، تومەنگى شەكتە ويلاۋدى كۇشەيتىپ، ستيلدە بۇرىلىس جاساپ، جاۋاپكەرشىلىك ارقالاپ، ىسكەرلىك كورسەتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل تۇردە تىڭعىلىقتى تياناقتاندىرۋ كەرەك.

  ەكىنشى، ساقتانۋ - تىزگىندەۋ شارالارىن اناعۇرلىم كۇشەيتۋ كەرەك. ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ شارالارىن قاتاڭ تياناقتاندىرىپ، ساقتانۋ وتكەلىن الدىعا جىلجىتۋعا تاباندى بولىپ، شينجياڭعا كەلگەن ادامدار مەن شينجياڭنىڭ ىشىندەگى جىلجىمالى ادامداردىڭ ىندەت جاعدايىن باقىلاۋ - ولشەۋدى، ساقتانۋ - تىزگىندەۋدى كۇشەيتىپ، ادامدار شوعىرلى ورىندار مەن ءتۇيىندى ورىنداردى باسقارۋ - تىزگىندەۋدى جاپپاي كۇشەيتىپ، كوكتەم مەرەكەسىنەن كەيىنگى قايتا ورالعان ادامداردىڭ ىندەت جاعدايىن ساقتانۋ - تىزگىندەۋدى جاقسى ۇستاپ، الىپ قالىپ بايقاۋ، اۋاشالاۋ سياقتى ءونىمدى شارالاردى دەر كەزىندە قولدانۋ كەرەك؛ الەۋمەتتىك اۋماقتا، اۋىل - قىستاقتا توركوزدەندىرىپ باسقارۋدى كۇشەيتىپ، ىندەتتەن ساقتانۋ - تىزگىندەۋ تورىن بەرىك توقۋ كەرەك؛ ىندەتتەن ساقتانۋ - تىزگىندەۋ زاتتىق ماتەريالىن ورنالاستىرۋ، ۇيىمداستىرۋ جانە ءوندىرۋ قىزمەتىن جاقسى ىستەپ، ءتۇيىندى تۇرمىستىق زاتتىق ماتەريال قامتاماسىزدىعى قىزمەتىن جانە سۋمەن، ەلەكترمەن، مايمەن، گازبەن قالىپتى قامداۋدى كۇشەيتىپ، زاتتىق ماتەريال تاسىمال ارناسىن ىركىلىسسىزدەندىرىپ، ساقتانۋ - تىزگىندەۋ قىزمەتىنىڭ ءونىمدى ورىستەۋىنە، بۇقارانىڭ تۇرمىسىنىڭ قالىپتى تارتىپپەن جۇرىلۋىنە شىنايى كەپىلدىك ەتۋ كەرەك.

  ءۇشىنشى، عىلمي قۇتقارۋ - ەمدەۋدى ىشكەرىلەي ورىستەتۋ كەرەك. ناۋقاستاردى شوعىرلاندىرۋعا، مامانداردى شوعىرلاندىرۋعا، بايلىقتى شوعىرلاندىرۋعا، قۇتقارۋ - ەمدەۋدى شوعىرلاندىرۋعا تاباندى بولىپ، بەلگىلەنگەن شيپاحانا، قىزۋ امبولاتورياسى، بەلگىلەنگەن ناۋقاستار اۋماعى، ەمدەۋ قوسىنىن قاتاڭ تياناقتاندىرىپ، ەمدەۋ بايلىعىن رەتتەپ - بىرىكتىرىپ، دياگنوز قويۋ - ەمدەۋ جوباسىن كەمەلدەندىرىپ، دياگنوز قويۋ - ەمدەۋ ءتارتىبىن جاقسارتىپ، ناۋقاستاردىڭ عىلمي، ءونىمدى قۇتقارۋ - ەمدەۋگە يە بولۋىنا شىنايى كەپىلدىك ەتۋ كەرەك؛ ەمدەۋ قىزمەتكەرلەرىنە كوڭىل ءبولىپ، قامقورلىق جاساپ، كاسىپتىك باۋلۋدى نىعايتىپ، ساقتانۋ - قورعانۋ شارالارىن قاتايتىپ، پسيحولوگيالىق جەتەكتەۋدى كۇشەيتىپ، ەمدەۋ قىزمەتكەرلەرىنىڭ ءىس جۇزىندىك قيىنشىلىعىن شەشىپ، ەمدەۋ قىزمەتكەرلەرىنىڭ ءتان ساۋلىعى مەن جان ساۋلىعىن جاقسى قورعاۋ كەرەك.

  ءتورتىنشى، اۆانگاردتىق رولدى اناعۇرلىم ساۋلەلەندىرۋ كەرەك. نەگىزگى ساتى پارتيا ۇيىمدارىنىڭ جاۋىنگەر قورعاندىق رولىن جانە پارتيا مۇشەلەرىنىڭ اۆانگارد ۇلگىلىك رولىن تولىق ساۋلەلەندىرىپ، قالىڭ پارتيالى كادرلاردى جاپا - ماشاقاتتان قورىقپاۋ، قالتقىسىز ۇلەس قوسۋ رۋحىن اسقاقتاتۋعا تاربيەلەپ، جەتەكتەپ، ىندەتتەن ساقتانۋ - تىزگىندەۋدىڭ ءبىرىنشى شەبىندە اتويشى بولىپ، ونەگە كورسەتىپ، پارتيا تۋىن ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندە اسقاق جەلبىرەتۋ كەرەك. بۇقارالىق قىزمەتتى ىشكەرىلەي، تىڭعىلىقتى، سۇيىسپەنشىلىكپەن جاقسى ىستەپ، ءار ۇلت بۇقاراسىنا تىعىز ارقا سۇيەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋ كەرەك.

  بەسىنشى، ۇگىتتەۋدى، جەتەكتەۋدى اناعۇرلىم كۇشەيتۋ كەرەك. پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن ىشكەرىلەي ۇگىتتەپ، ىندەت جاعدايىن دەر كەزىندە اشىق جاريالاپ، ساياسات - شارالاردى ۇگىتتەۋدى، ءتۇسىندىرۋدى كۇشەيتىپ، بىرلەسىپ ساقتانۋ، بىرلەسىپ تىزگىندەۋ شارالارىنىڭ ونىمدىلىگىن تولىق حابارلاپ، جۇقپالى اۋرۋدان ساقتانۋ - تىزگىندەۋ بىلىمدەرىن زور كۇشپەن ۇگىتتەپ، ىندەتتەن ساقتانۋ، ىندەتكە قارسى اتتانۋ شەبىندەگى اسەرلى ىستەردى جاندى بايانداپ، سەنىمدى اناعۇرلىم كۇشەيتۋ، جۇرت جۇرەگىن مەيىرگە بولەۋ، جۇرت تىلەگىن ۇيىستىرۋ كەرەك.

  التىنشى، ساقتانۋ - تىزگىندەۋ جاۋاپكەرشىلىگىن اناعۇرلىم ناقتىلاندىرۋ كەرەك. بۇكىل شينجياڭ ءبىر تۇتاس جۇيە، بيڭتۋان مەن جەرگىلىكتى ورىن ءبىر تۇتاس جۇيە دەگەنگە تاباندى بولىپ، پارتيا، ۇكىمەت، ارميا، ساقشى، بيڭتۋان، حالىق سايكەسىپ بىرلەسە ارەكەت ەتۋگە تاباندى بولىپ، جەر - جەردىڭ، تاراۋلاردىڭ ىندەتتەن ساقتانۋ - تىزگىندەۋدەگى ساياسي جاۋاپكەرشىلىگى مەن قىزمەت جاۋاپكەرشىلىگىن قاتايتىپ، ناقتىلاندىرىپ، ءار دارەجەلى پارتيا، ۇكىمەت ورىندارىنداعى باسشى كادرلار، اسىرەسە، نەگىزگى باسشى كادرلار ءبىرىنشى شەپكە ىشكەرىلەي بارىپ، الدىڭعى شەپتە قولباسشىلىق ەتىپ، ءوز جاۋاپكەرشىلىگىن ءبىلۋدى، ءوز جاۋاپكەرشىلىگىن ارقالاۋدى، ءوز جاۋاپكەرشىلىگىن ادا ەتۋدى باتىل ورىنداۋ كەرەك.

  جەتىنشى، ءبىر تۇتاس جوسپارلاپ تەڭ ءمان بەرۋدى ىشكەرىلەي ورىنداۋ كەرەك. ءبىر جاعىنان، ىندەتتەن ساقتانۋ - تىزگىندەۋدى يگەرۋگە، ەندى ءبىر جاعىنان، رەفورما، دامۋ، ورنىقتىلىق قىزمەتتەرىن يگەرۋگە تاباندى بولىپ، نازاردى جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە جانە كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋگە شوعىرلاندىرىپ، جاعدايعا تالداۋ جاساپ، مىندەتتەردى اشالاپ، شارالاردى كۇشەيتىپ، قوعامنىڭ كەلەلى جاعدايىنىڭ ءۇرتىس جاراسىمدى، ورنىقتى بولۋىنا شىنايى كەپىلدىك ەتىپ، بيىلعى ەكونوميكالىق، قوعامدىق دامۋ نىسانا مىندەتتەرىن ورىنداۋ ءۇشىن قۇلشىنا كۇرەس جاساۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.