تيانشان تورى   ›   بىلگەنگە مارجان   ›   وتباسى جانە تۇرمىس

ماماننىڭ تۇسىندىرمەسى: ۇيدە اۋاشالانۋ قايتكەندە اناعۇرلىم حاۋىپسىز بولادى

  شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 2 - ايدىڭ 6 - كۇنى ۇرىمجىدەن حابارلايدى. 2 - ايدىڭ 6 - كۇنى، مەملەكەتتىك دەنساۋلىق ساقتاۋ، سالاماتتىق كوميتەتى جاريالاعان «جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋدان ساقتانۋ - تىزگىندەۋدە ۇيدە اۋاشالاپ مەديتسينالىق باقىلاۋدا جۇعىمدالۋدان ساقتانۋ - تىزگىندەۋ سىلتەمەسىنە (سىناق رەتىندە اتقارىلادى)» سايكەس، اۆتونوميالى رايوندىق اۋرۋدان ساقتانۋ - تىزگىندەۋ ورتالىعىنىڭ ەپيدەميولوگيا اعا شيپاگەرى ني ميڭجيان ۇيدە اۋاشالانىپ مەديتسينالىق باقىلاۋعا الىنعاندار، مەديتسينالىق باقىلاۋعا الىنعانداردىڭ وتباسى مۇشەلەرى نەمەسە بولمەلەستەرى، كەز كەلگەن ۋاقىتتا كەلىپ تۇراتىن باقىلاۋشىلار سياقتى 3 ءتۇرلى ادامداردىڭ جۇعىمدالۋدان ساقتانۋ - تىزگىندەۋىنىڭ ناقتى شاراسىن ءتۇسىندىردى ءارى جۇرتشىلىققا اۋاشالاۋدىڭ ىندەتتەن ساقتانۋ - تىزگىندەۋدىڭ ەڭ قولجەتىمدى، ەڭ ءونىمدى ءادىسى ەكەنىن قايتالاي ۇندەدى.

  ني ميڭجيان بىلاي دەپ اتاپ كورسەتتى: ۇيدە اۋاشالانىپ مەديتسينالىق باقىلاۋعا الىنعاندار جەتكىلىكتى دەمالىس ۋاقىتى مەن تولىق قورەكتىكتى ساقتاۋى كەرەك، تۇرمىستىق بۇيىمداردى وتباسىنداعى باسقا مۇشەلەردەن نەمەسە بولمەلەستەرىنەن بولەك ۇستاپ، ايقاسپالى جۇعىمدالۋدان ساقتانۋ كەرەك. وتباسىنداعىلارعا جاقىن جۋىسۋدى مۇمكىندىكتىڭ بارىنشا ازايتۋ، ءسوز جوق، جاقىنداۋعا ءتيىس بولعاندا ءبىر مەتردەن ارتىق ارالىق ساقتاۋ، مۇمكىندىكتىڭ بارىنشا اۋانىڭ ىق جاعىندا تۇرۋ كەرەك. ۇيدە اۋاشالانعان مەزگىلدە، ءسوز جوق، اۋاشالانعان بولەك بولمەدە تاماقتانۋ، سۋ ءىشۋ كەرەك، تاماقتانىپ بولعان سوڭ ىدىس - اياقتى زارارسىزداندىرۋعا كوڭىل ءبولۋ كەرەك. دەنە تەمپەراتۋراسىن ۋاق - ۋاق ولشەپ تۇرۋ كەرەك، دەنە قىزۋى ورلەۋ، جوتەلۋ، جۇتقىنشاق اۋىرۋ، ءىش ءوتۋ، ءىش اۋىرۋ، كوز دانەكەر قابىعىنىڭ قابىنۋى سياقتى اۋرۋ بەلگىلەرى پايدا بولسا، دەر كەزىندە الەۋمەتتىك اۋماققا نەمەسە ۇيدە اۋاشالاۋدى باسقاراتىن قاتىستى ادامدارعا مالىمدەۋ كەرەك، الەۋمەتتىك اۋماق ارناۋلى قۇتقارۋ اۆتوموبيلىمەن قىزۋ امبولاتورياسىنا نەمەسە بەلگىلەنگەن شيپاحاناعا جەتكىزەدى. ۇيدە اۋاشالانىپ مەديتسينالىق باقىلاۋعا الىنعان ادامداردىڭ وتباسى مۇشەلەرى نەمەسە بولمەلەستەرى اۋاشالاندىرىلۋشىعا قاراسقاندا، مەديتسينالىق سىرتقى اۋرۋلار ماسكىسىن تاعۋى، بولمەنىڭ اۋاسىن الماستىرىپ تۇرۋى، اۋاشالانىپ باقىلانعان ادامنىڭ بولمەسىنە مۇمكىندىك بار كىرمەۋ كەرەك.

  ني ميڭجيان بىلاي دەدى: وتباسىنداعىلار نەمەسە بولمەلەستەرى، ءسوز جوق، مەديتسينالىق باقىلانۋشىمەن دە ءبىر مەتردەن استام ارالىقتى ساقتاۋى، ونىمەن بىرگە تاماقتانباۋى، اڭگىمەلەسپەۋى، جاقىن جۋىماۋى كەرەك؛ اۋاشالانۋشىنىڭ اۋىستىرعان كيىمدەرىن الدىمەن زارارسىزداندىرۋ، ونان سوڭ جۋۋ كەرەك؛ مەديتسينالىق باقىلانۋشىنىڭ ىستەتىپ بولعان زاتتارىن سۋلياۋ دورباعا سالىپ اۋزىن مىقتاپ بەكىتىپ، الەۋمەتتىك اۋماقتاعى بەلگىلەنگەن قوقىر - قوقسىقتى شوعىرلاندىرۋ ورنىنا تاستاۋ كەرەك.

  الەۋمەتتىك اۋماق كادرلارى، ءۇي قوجالىعىنىڭ تازالىقشىسى، اماندىق ساقتاۋشىسى سياقتىلار ۇيدە اۋاشالانىپ مەديتسينالىق باقىلاۋعا الىنعان ادامعا جاقىنداپ جۋىسۋى قاجەت بولعان ۋاقىتتا، ني ميڭجيان مىنالاردى ۇسىنىس ەتتى: بۇل ادامدار الدىمەن ءوزىن قورعاۋدى ويداعىداي ىستەۋى كەرەك، ءسوز جوق، ءبىر رەتتىك مەديتسينالىق ماسكىنى تاعۋى ءارى اۋاشالانىپ مەديتسينالىق باقىلاۋعا الىنعان اداممەن بەتپە - بەت كەزدەسۋدى ازايتۋى، دەنساۋلىق جاعدايىن سۇراۋ قاجەت بولعاندا، مۇمكىندىكتىڭ بارىنشا تەلەفوندا نەمەسە بەينە ەكراندا سويلەسۋ ءتاسىلىن قولدانۋ كەرەك؛ ءسوز جوق، بەتپە - بەت كەزدەسۋگە، سونداي - اق ۇلگى الۋعا ءتيىس بولعاندا، مۇمكىندىكتىڭ بارىنشا بولمەنى جەل قاقتىرىپ قويۋ، اۋاشالانۋشى اۋانىڭ ىق جاعىندا تۇرۋى كەرەك؛ اۋاشالانىپ مەديتسينالىق باقىلاۋعا الىنعان اداممەن جۋىسۋدىڭ الدى - ارتىندا نەمەسە ول تۇرعان ۇيدەن شىققان سوڭ، قولدى تازالاۋ، سپيرتتى قول زارارسىزداندىرۋ سۇيىقتىعىمەن قوس قولدى قۇرعاعانشا ىسقىلاۋ كەرەك. قولدى تەرىگە، كوزگە، مۇرىنعا، ت.ب تيگىزۋگە بولمايدى، ءسوز جوق، تيگىزۋگە ءتيىس بولسا، الدىمەن قولدى تازالاۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءبىر ميلليون 200 مىڭ مەديتسينالىق ماسكى ۇرىمجىگە ۇشاقپەن جەتكىزىلدى
  • رايونىمىزدىڭ جەر - جەرىندەگى كاسىپورىندار ىندەتتەن ساقتانۋ - تىزگىندەۋ مەن جۇمىستى قايتا باستاپ، ءوندىرىس جۇرگىزۋدى مىقتى ۇستادى
  • ىندەتكە قارسى اتتانۋدىڭ قۋاتتى بىرىككەن كۇشىن ۇيىستىرايىق
  • شاپشاڭ قيمىلداپ، كوپ ءتۇرلى شارانى قاتار قولدانىپ، پارمەندى قامتاماسىز ەتتى