تيانشان تورى
تيانشان تورى   ›   جاڭالىقتار   ›   شينجياڭ حابارلارى

رايونىمىزدىڭ جەر - جەرىندەگى كاسىپورىندار ىندەتتەن ساقتانۋ - تىزگىندەۋ مەن جۇمىستى قايتا باستاپ، ءوندىرىس جۇرگىزۋدى مىقتى ۇستادى

شينجياڭ گازەتىنىڭ جالپىلىق اقپارات قۇرالدارى تىلشىلەرى

  2 - ايدىڭ 5 - كۇنى مەملەكەتتىك ەنەرگيا توبى ىلە ەلەكتر ستانسياسىنداعى پارتيالى كادرلار ءبىرىنشى شەپتە تاپجىلماي جۇمىس ىستەپ، قۇلجا قالاسىنداعى بۇقارانىڭ تۇرمىسىنا، كاسىپورىنداردىڭ وندىرىسىنە قاجەتتى ەلەكترمەن تولىق قامتاماسىز ەتتى. سۋرەتتى لاي يۇينيڭ تۇسىرگەن

  قازىر بۇكىل رايون جوعارىدان تومەنگە دەيىن ىندەتتەن ساقتانۋ - تىزگىندەۋ شارالارىن قاتاڭ، ناقتى تياناقتاندىرىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋگە كۇش سالۋدا. كوكتەم كىرگەننەن بەرى رايونىمىزدىڭ جەر - جەرىندەگى كاسىپورىندار بەلسەندىلىكپەن ارەكەتكە كەلىپ، ىندەتتەن ساقتانۋ - تىزگىندەۋدى بار كۇشپەن ويداعىداي يگەرۋمەن بىرگە، جۇمىستى قايتا باستاپ، ءوندىرىس جۇرگىزۋ قىزمەتىن بەلسەندىلىكپەن جاقسى ىستەدى، كوپتەگەن كاسىپورىندار تولىق كىرىستى نەمەسە جۇمىستى، ءوندىرىستى ىركەس - تىركەس باستادى.

ۋاقىتتى ۇتىپ، قارقىندى تەزدەتتى

  شينجياڭ جيانيڭ 84 زارارسىزداندىرۋ بۇيىمدارى شەكتى سەرىكتەستىگىنىڭ ءوندىرىس سەحىندا 2 ءوندىرىس جەلىسى بارلىق كۇشىمەن ءوندىرىس جۇرگىزۋدە، 30دان استام قىزمەتكەر كەزەكپەن جۇمىسقا شىعىپ، 24 ساعات بويى توقتاۋسىز ءوندىرىس جۇرگىزىپ، ۋاقىتتى ۇتىپ، قارقىندى تەزدەتىپ، ىندەتتەن ساقتانۋ - تىزگىندەۋ مەزگىلىندە زارارسىزداندىرۋ سۇيىقتىعىنا بولعان قاجەتتى قاناعاتتاندىرۋعا قۇلشىنۋدا. ”ىندەتتەن ساقتانۋ - تىزگىندەۋدىڭ قاجەتىنە قاراي، ءبىز ەڭ الدىمەن، ۇيىنە قايتپاعان قىزمەتكەرلەرمەن جۇمىستى، ءوندىرىستى قايتا باستاۋعا بايلانىس جاساپ، قىزمەتكە الدىن الا كىرىستى، قورعانۋدى جاقسى ىستەۋمەن بىرگە، بار كۇشىمەن ءوندىرىس جۇرگىزىپ، ىندەتكە قارسى اتتانۋعا ۇلەس قوستى“، - دەدى وسى سەرىكتەستىكتىڭ جاۋاپتىسى اي يۇنچاۋ.

  اي يۇنچاۋ مىنالاردى ءبىلدىردى: كاسىپورىن جۇمىستى قايتا باستاعاننان كەيىن، جابىق ۇلگىدەگى ءوندىرىس جۇرگىزىپ، ءار كۇنى بارلىق قىزمەتكەرلەردىڭ دەنە تەمپەراتۋراسىن ولشەپ، ىلگەرىندى - كەيىندى قايتىپ كەلگەن قىزمەتكەرلەردى قايتىپ كەلگەن كۇننەن باستاپ 14 كۇن باقىلاپ، قالىپسىز جاعداي بايقالماعاننان كەيىن جۇمىسقا شىعۋىنا رۇقسات ەتتى.

  شينجياڭ ايدي - ىر بيولوگيا عىلىم - تەحنيكا شەكتى سەرىكتەستىگىنىڭ ءوندىرىس سەحىندا قىزمەتكەرلەر جۇمىس كيىمىن كيىپ، ماسكى تاعىپ، سپيرتتى بار كۇشپەن ءوندىردى. ءوندىرۋ، قۇمىرالاۋ، تەكسەرۋ سياقتى تاراۋلار بار كۇشپەن سەلبەسىپ، قارقىندى ءوندىرىس جۇرگىزدى، ءار بۋىن تارتىپپەن جۇرگىزىلىپ، قۇمىرا - قۇمىرا %75تىك زارارسىزداندىرعىش سپيرت ءوندىرىس جەلىسىنەن جەدەل شىعارىلدى. ”سەرىكتەستىك قازىر دامىلسىز جۇمىس جۇرگىزۋدە، بۇرىن ءبىر جۇمىس كەزەگىندە ەڭ كوپ بولعاندا 1000نان استام قۇمىراعا زارارسىزداندىرعىش سپيرت قۇيىلاتىن، قازىر 10 ەسەدەي قاۋىرت كوبەيتىلدى. كەزەكتە كاسىپورىن ءبىر ءوندىرىس جەلىسىن مولايتىپ، ءوندىرىس قۋاتىن كەڭەيتىپ، بازاردىڭ قاجەتىن قاناعاتتاندىرۋدى سايكەستىرۋدە“. وسى سەرىكتەستىكتىڭ باس ديرەكتورى ۋاڭ يبيڭ بىلاي دەدى: ىندەت تۋىلعاننان بەرى، وسى سەرىكتەستىك وندىرگەن مەديتسينالىق سپيرت جىلدام ساتىلىپ تاۋسىلدى، ىندەتتەن ساقتانۋدا زاتتىق ماتەريال قامداۋى جەتكىلىكتى بولۋىن قامتاماسىز ەتۋ ءۇشىن، سەرىكتەستىك ۇندەۋگە بەلسەندىلىكپەن ءۇن قوسىپ، ءوندىرىس كولەمىن كەڭەيتۋدى دەرەۋ ۇيىمداستىردى، قازىر سەرىكتەستىكتىڭ كۇنىنە وندىرەتىن سپيرتى 10 تونناعا جەتتى.

ىندەتتەن ساقتانىپ، ءوندىرىستى جەبەدى

  2 - ايدىڭ 6 - كۇنى قۇمىل قالاسى اراتۇرىك اۋدانىنداعى شينجياڭ گۋاڭحۇي جاڭا ەنەرگيا شەكتى سەرىكتەستىگىندە سەرىكتەستىك قىزمەتكەرى تيان جۇنپىڭ تاسىمال اۆتوموبيلىنىڭ شوفەرىنە تاماق جەتكىزدى، ول: ”ىندەتتىڭ كەسىرىنەن اراتۇرىك اۋدانى نوم قالاشىعىنىڭ توڭىرەگىندەگى اسحانالار تۇگەل جۇمىس توقتاتتى، ىندەتتەن ساقتانۋ - تىزگىندەۋ جانە جۇك تاسىمالى قامتاماسىزدىعىن جاقسى ىستەۋ ءۇشىن، سەرىكتەستىك تاسىمال اۆتوموبيلىنىڭ شوفەرلەرىن تەگىن تاماقپەن قامدادى“، - دەدى.

  ىندەتتەن ساقتانۋ كەرەك، ءوندىرىستى دە توقتاتۋعا بولمايدى. بيىل 1 - ايدىڭ اياق شەنىندە گۋاڭحۇي جاڭا ەنەرگيا شەكتى سەرىكتەستىگىنىڭ نومداعى كاسىپورنى ىندەتتەن ساقتانۋ - تىزگىندەۋ قولباسشىلىق ورنىن ارنايى قۇرىپ، 9 كاسىپورىنداعى ىندەتتەن ساقتانۋ - تىزگىندەۋ قىزمەتىن ءبىر تۇتاس سايكەستىردى. ىندەتتەن ساقتانۋ - تىزگىندەۋ جانە ءوندىرىس تيجارات قىزمەتىن جاقسى ۇستاۋ ءۇشىن، كاسىپورىن ىندەتتەن ساقتانۋ زاتتىق ماتەريالدارىن ساتىپ الىپ، ءوندىرىس قىزمەتىنىڭ تارتىپپەن ورىستەتىلۋىنە شىنايى كەپىلدىك ەتتى. زاۆودقا زات الۋعا كەلگەن اۆتوموبيلدەر بەلگىلەنگەن اۋماققا كىرگەننەن كەيىن، ارنايى ادام تۇتاس بارىس بويىنشا قورعاپ جەتكىزۋگە ورنالاستىرىلادى، شوفەر قورعاپ جەتكىزۋشى اۆتوموبيلدەن جەرگە تۇسپەيدى، شارالار قاتاڭ اتقارىلىپ، ىندەتتىڭ تارالۋى شىن مانىندە توسىلدى.

  2 - ايدىڭ 6 - كۇنى ءتىلشى ءۇرىمجى قالاسى ميدۇڭ رايونىنداعى جۇڭتاي حيميا ونەركاسىپ باقشاسىنان جۇمىسشىلاردىڭ قىزمەت ورىندارىندا قاربالاس ءوندىرىس جۇرگىزىپ، جۇك اۆتوموبيلدەرىنىڭ كۇبىگە قۇيىلعان زارارسىزداندىرۋ بۇيىمىنىڭ شيكىزاتتىق سۇيىقتىعىن زاۆود اۋماعىنان تاسىپ شىعارىپ جاتقاندىعىن كوردى. ىندەتتەن ساقتانۋ - تىزگىندەۋ كەزىندە شينجياڭ جۇڭتاي (توبى) شەكتى جاۋاپكەرشىلىك سەرىكتەستىگىنە قاراستى حۋاتاي سەرىكتەستىگى كەزەكتى دەمالىستى شۇعىل كۇشىنەن قالدىرىپ، ادام كۇشىن قامتاماسىز ەتىپ، ءوندىرىس قۋاتىن ارتتىردى. ”كوكتەم مەرەكەسىنە قاراعان تۇننەن باستاپ، ءبىرىنشى جەلىدەگى بارلىق قىزمەتكەرلەر قىزمەت ورنىنا كەلىپ، 4 كەزەك گرۋپپاعا ءبولىنىپ، بار كۇشپەن 24 ساعات توقتاۋسىز تۇردە زارارسىزداندىرۋ بۇيىمدارىن ءوندىردى“، - دەدى جۇڭتاي توبى حۋاتاي سەرىكتەستىگى ءوندىرىس اينالىم ورتالىعىنىڭ كەزەكشى سايكەستىرۋشىسى جين ۋي.

  شينجياڭ لانشان تۇنحى پوليەفر شەكتى سەرىكتەستىگى وندىرىسكە شىنايى كەپىلدىك ەتۋ مەن ىندەتتەن ساقتانۋ - تىزگىندەۋدى قاتار جۇرگىزىپ، كاسىپورىن تۇرعان باقشا رايونىندا زاۆود ءۇيىن ارنايى جالعا الىپ جاتاق ەتىپ وزگەرتىپ، قىزمەتكەرلەردىڭ جاتۋىنا بەرىپ، تۇرمىس رايونىنا كۇنىنە 2 رەت جاپپاي زارارسىزداندىرۋ، باكتەرياسىزداندىرۋ جۇرگىزىپ، قىزمەتكەرلەرگە قورعانۋ بۇيىمدارىن تولىق سەپتەپ، كوپ ءتۇرلى شارانى تەڭ قولدانىپ، ىندەتتەن ساقتانۋ - تىزگىندەۋ قىزمەتىن جاقسى ىستەدى.

حاۋىپسىزدىكتى يگەرىپ، قامداۋدى قامتاماسىز ەتتى

  سانجى مەملەكەتتىك جوعارى جاڭا تەحنيكالىق كاسىپتەردى اشۋ رايونى فۋجيان ونەركاسىپ باقشاسىنداعى شينجياڭ حىڭان قاعازشىلىق شەكتى سەرىكتەستىگىنىڭ سەحىندا 13 ءوندىرىس جەلىسى بار قارقىنمەن اينالىس جاساپ، ءتۇرلى تۇرمىستىق قاعازداردى جەدەل وندىرۋدە. سەرىكتەستىكتىڭ باس ديرەكتورى ليۋ چۋانحۇي: ”ءبىز، ءبىر جاعىنان، ىندەتتەن ساقتانىپ، حاۋىپسىزدىككە كەپىلدىك ەتۋدى يگەرۋگە، ەندى ءبىر جاعىنان، ءوندىرىستى يگەرىپ، قامداۋدى قامتاماسىز ەتۋدى يگەرۋگە تاباندى بولدىق. 600 مىڭ يۋان قارجى سالىپ جاڭادان اۆتوماتتى قوراپتاۋ جابدىعىن الدىق، بيىل 1 - ايداعى ءوندىرىس مولشەرىمىز بىلتىرعى سايكەس مەزگىلدەگىدەن %40 جوعارىلادى“، - دەدى.

  2 - ايدىڭ 6 - كۇنى شينجياڭ زىجيڭ چۋانسو جوعارى جاڭا اۋىل شارۋاشىلىعى جارنا شەكتى سەرىكتەستىگىنىڭ زەردەلىلەندىرىلگەن LED وسىمدىك زاۆودى كوكتەمدەگىدەي شۋاققا شومىپ تۇر، ءتۇرلى كوكونىستەردىڭ قاۋلاي وسكەن بەينەسى كىسىنى قۋانتادى. ”وسىمدىك زاۆودىمىزدا بۇكىلدەي جابىق، تازا ءوندىرىس تەحنولوگياسى قولدانىلعان، قورعانۋ، زارارسىزداندىرۋ ولشەمى ءدارى - دارمەك وندىرۋدەن دە اسىپ تۇسەدى، جاس، ورگانيكالى كوكونىسپەن بازاردى تۇتاس جىل بويى قامدايدى“. سەرىكتەستىكتىڭ باس ديرەكتورى جاڭ شىزى تىلشىگە ىندەتتەن ساقتانۋ - تىزگىندەۋ كەزىندە وسى سەرىكتەستىكتىڭ كوكونىستىڭ باعاسىن %50 تومەندەتكەندىگىن ايتتى.

  شينجياڭ سانجى ۋاحاحا ءسۇت كاسىبى شەكتى سەرىكتەستىگى قالىپتى ءوندىرىستى قامتاماسىز ەتۋمەن بىرگە، قىزمەتكەرلەرگە ىندەت جاعدايى بىلىمدەرىن جالپىلاستىرۋدى، سونداي - اق ۇگىت - تاربيەنى بەلسەندىلىكپەن جاقسى ىستەپ، ىندەتتەن ساقتانۋ - تىزگىندەۋ مەن ءونىم تازالىعى حاۋىپسىزدىگى سىندى ەكى وتكەلدى قاتاڭ مەڭگەردى.

  اۆتونوميالى رايوندىق دامۋ جانە رەفورما كوميتەتى قاتىستى قىزمەتتەردى باستاپ، قاتىستى كاسىپورىنداردىڭ جاپپاي جۇمىس باستاۋىنا دايىندىق جاسادى. قازىر كومىر، ەلەكتر، ماي، گازدىڭ قامتاماسىز قامدالۋىن ءبىر تۇتاس جوسپارلاپ جاقسى ىستەپ، رايونداعى كومىر ءوندىرىسى كاسىپورىندارىن ىندەتتەن ساقتانۋ - تىزگىندەۋ جانە كومىر ءوندىرۋ قىزمەتىن ءبىر تۇتاس جوسپارلاپ جاقسى ىستەۋگە قۋزاپ، قاتىستى بەلگىلەمە بويىنشا ىشكى باسقارۋدى كۇشەيتىپ، جۇمىستى حاۋىپسىز قايتا باستاۋعا شىنايى كەپىلدىك ەتۋدە. ەلەكتر زاۆودتارىن شۇعىل جاعدايداعى قامداۋدى قامتاماسىز ەتۋ ساقتىق جوسپارى مەن كومىردەن ءتارتىپتى پايدالانۋ ساقتىق جوباسىن كەمەلدەندىرۋگە قۋزاپ، ءتۇيىندى ەلەكتر زاۆودتارىن كومىرمەن قامداۋعا شىنايى كەپىلدىك ەتتى.

(تىلشىلەر ۋاڭ يۇيجاۋ، جاۋ يۋە، يۋان لەي، ما ينيڭ، گى يوۋجۇن، ميھىرگۇل ناسىر، لۋ فىڭباۋ، ەرىكتى تىلشىلەر ليۋ شياڭيىڭ، سۇڭ حۋامين جازعان)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.