تيانشان تورى   ›   ۇيرەنۋ   ›   شولۋ

قاراستى جەر جاۋاپكەرشىلىگىن مىقتاپ نىعايتايىق

حالىق گازەتىنىڭ شولۋشىسى

  ىندەتتەن ساقتانۋ - تىزگىندەۋ قىزمەتىن جاقسى ىستەۋ حالىقتىڭ ءومىرىنىڭ حاۋىپسىزدىگىمەن جانە دەنساۋلىعىمەن تىكە بايلانىستى، ەكونوميكالىق، قوعامدىق كەلەلى جاعدايدىڭ ورنىقتىلىعىمەن تىكە بايلانىستى ءارى ەلىمىزدىڭ سىرتقا ەسىك اشۋىنا دا سايادى، جاۋاپكەرشىلىك تايشان تاۋىنان دا سالماقتى.

  2 - ايدىڭ 3 - كۇنى باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، كەلەسى قادامداعى ىندەتتەن ساقتانۋ - تىزگىندەۋ قىزمەتىن اقىلداسىپ، ءار دارەجەلى پارتكوم مەن ۇكىمەتتىڭ ”تەز ارادا پارىقتاردى تاۋىپ، ولقىلىقتاردى تولىقتاپ، ىندەتتەن ساقتانۋ - تىزگىندەۋ قىزمەتتەرىن شىنايى، ويداعىداي ىستەۋى“ كەرەكتىگىن باسا دارىپتەدى، ءماجىلىس ”وڭىرلەر جەرگىلىكتى پارتكوم مەن ۇكىمەتتىڭ جاۋاپكەرشىلىگىن نىعايتىپ، الەۋمەتتىك اۋماقتىڭ ساقتانۋ - تىزگىندەۋىن، توركوزدەندىرىپ باسقارۋىن كۇشەيتىپ، اناعۇرلىم ەگجەي - تەگجەيلى، ءدال، اناعۇرلىم جارامدى، ۇتىمدى شارالار قولدانىپ، ىندەتتىڭ ورشۋىنەن ساقتانۋ كەرەك“ دەپ اتاپ كورسەتتى. ءار دارەجەلى پارتكوم مەن ۇكىمەت يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، قاراستى جەر جاۋاپكەرشىلىگىن مىقتاپ نىعايتىپ، تياناقتاندىرۋ قىزمەتىن ناقتى، ەگجەي - تەگجەيلى يگەرىپ، ىندەتتىڭ ءورشۋ جاعدايىن باتىل اۋىزدىقتاپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋى كەرەك.

  وسى رەتكى ىندەت تۋىلعاننان بەرى، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، ءار جاقتىڭ بىرگە قۇلشىنۋىندا، ساقتانۋ - تىزگىندەۋ قىزمەتى پارمەندى تۇردە ورىستەتىلۋدە. سوڭعى كۇندەرى ءتۇرلى ينفورماتسيالاردى اشىق، جاريا حابارلاۋدان تارالۋدىڭ كومەسكى قاتەرىن قاتاڭ تەكسەرۋ، اۋاشالاۋعا دەيىن، ساقتانۋ - تىزگىندەۋ زاتتىق ماتەريالدارىمەن قامداۋدى كۇش سالا قامتاماسىز ەتۋدەن كاسىپورىنداردىڭ ورنىقتى ءوندىرىس، شارۋاشىلىق جۇرگىزىنە كومەكتەسۋگە دەيىن، ءار دارەجەلى پارتكوم مەن ۇكىمەت ساقتانۋ - تىزگىندەۋ شارالارىن اناعۇرلىم كەمەلدەندىرىپ جانە تياناقتاندىرىپ، ساقتانۋ - تىزگىندەۋ كۇشتەرىنىڭ تومەنگە بارۋىن ىلگەرىلەتىپ، ىندەتتىڭ تارالۋى مەن ءورشۋىن بار كۇشپەن اۋىزدىقتاپ، قوعامنىڭ قالىپتى جۇمىس اينالىمىن قۇلشىنا قورعادى. سونىمەن قاتار مىنانى دا كورە ءبىلۋىمىز كەرەك: دياگنوز قويۋ ءتاسىلىنىڭ جاقسارۋىنا، باقىلاۋ - ولشەۋ كولەمىنىڭ كەڭەيۋىنە بايلانىستى، مالىمدەلەتىن ناۋقاس سانى ۇزدىكسىز كوبەيەدى، وعان قوسا كوكتەمگى تاسىمال كەزىندە ادامداردىڭ كەڭ اۋماقتا جىلجۋىنا، كاسىپورىنداردىڭ قىزمەتتى، ءوندىرىستى قالپىنا كەلتىرۋىنە بايلانىستى، ساقتانۋ - تىزگىندەۋ جاعدايىندا جاڭا وزگەرىستەر جارىققا شىعادى. سول ءۇشىن ءبىز تيتتەي دە بوساڭسىپ ەنجارلىققا سالىنباۋىمىز، استە باق سىناۋ كوڭىل كۇيىندە بولماۋىمىز كەرەك، تەك شىن مانىندە جاۋاپكەرشىلىكتى بىلۋدەن اۋىتقىماي، جاۋپكەرشىلىكتى ارقالاۋعا ات ءۇستى قاراماي، جاۋاپكەرشىلىكتى ادا ەتۋدە كەرەناۋلىق تانىتپاي، اناعۇرلىم باتىل پوزيتسيا، اناعۇرلىم پارمەندى شارا ارقىلى ساقتانۋ - تىزگىندەۋ شارالارىنىڭ ناقتى تياناقتانۋىن ىلگەرىلەتسەك بولعانى ىندەتتەن ساقتانۋ، ىندەتكە قارسى تۇرۋدىڭ قۇرىش قورعانىن سوعا الامىز.

  باس شۋجي شي جينپيڭ بىلاي دەپ باسا دارىپتەدى: ”قازىرگى ەڭ وزەكتى ماسەلە − تياناقتاندىرۋ قىزمەتىن ناقتى، ەگجەي - تەگجەيلى مىقتى ۇستاۋ“. ۋاقىتپەن جارىسۋدىڭ، اۋرۋمەن ايقاسۋدىڭ تەتىگى تياناقتاندىرۋدا، جەڭىس پەن جەڭىلىس تياناقتاندىرۋمەن بايلانىستى. تياناقتاندىرۋدى يگەرگەندە عانا، فورماشىلدىقتى، تورەشىلدىكتى الاستاپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ تياناقتانىپ ناتيجە بەرۋىن ىلگەرىلەتۋگە بولادى؛ تياناقتاندىرۋدى يگەرگەندە عانا، ولقىلىقتاردى بايقاپ، ساباق قابىلداپ، قىزمەتتەردى جاقسارتىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋگە بولادى. ءار دارەجەلى پارتكوم مەن ۇكىمەت سەنىمدى بەكەمدەۋ، ءبىر جاعادان باس، ءبىر جەڭنەن قول شىعارۋ، عىلمي جولمەن ساقتانۋ - ەمدەۋ، دالمە - ءدال شارا قولدانۋ تالابى بويىنشا تەزدەتىپ پارىقتاردى تاۋىپ، ولقىلىقتاردى تولىقتاپ، ۇكىمەتتىڭ جاۋاپكەرشىلىگىن تياناقتاندىرىپ، قاراستى جەر باسقارۋدى كۇشەيتىپ، ىندەتتى باقىلاۋ - ولشەۋ، اۋاشالاپ قۇتقارۋ - ەمدەۋ، تەكسەرۋ - كارانتيندەۋ سياقتى ساقتانۋ - تىزگىندەۋ شارالارىن زاڭ بويىنشا تياناقتاندىرۋى؛ اۋىردىڭ ۇستىمەن عانا جۇرۋدەن، قۇر ۇران سالۋدان، جالتارۋدان، سالعىلاسۋدان باتىل ساقتانىپ، ناقتى كىرىسىپ ىستەپ، ىجداعاتتىلىقپەن كۇش سالىپ، ناقتى ادىستەردى اقىلداسىپ، ناقتى جاۋاپكەرشىلىكتى ايقىنداپ، ءبىر دارەجە ءبىر دارەجەنى باستاي ىستەپ، ءبىر بۋىن ءبىر بۋىندى بايلانىستىرا يگەرىپ، ساقتانۋ - تىزگىندەۋ قىزمەتتەرىن شىن مانىندە ءبىر - بىرلەپ ناقتاپ تياناقتاندىرۋ كەرەك.

  ءتۇيىندى وڭىرلەردىڭ ىندەتتەن ساقتانۋ - تىزگىندەۋ قىزمەتى جالپى جاعدايعا سايادى. كۇش - قۋاتتى شوعىرلاندىرا وتىرىپ ءتۇيىندى وڭىرلەردەگى ىندەتتى تىزگىندەگەندە عانا، بۇكىل ەلدەگى ىندەتتىڭ ءورشۋ جاعدايىن تۇبىرىنەن وزگەرتۋگە بولادى. حۋبەي ولكەسى، اسىرەسە، ۋحان قالاسى ءالى دە بۇكىل ەل بويىنشا ىندەتتەن ساقتانۋ - تىزگىندەۋدە بارىنەن ماڭىزدى ورىندا تۇر، ىندەتتەن ساقتانۋ - تىزگىندەۋ قىزمەتىن كەزەكتەگى ماڭداي الدى ءىرى ءىس ساناپ، ساقتانۋ - تىزگىندەۋ شارالارىن اناعۇرلىم كەمەلدەندىرىپ جانە كۇشەيتىپ، ەرتە بايقاۋدى، ەرتە مالىمدەۋدى، ەرتە اۋاشالاۋدى، ەرتە ەمدەۋدى قاتاڭ تياناقتاندىرىپ، ىندەتتى باقىلاۋ - ولشەۋدى كۇشەيتىپ، ناۋقاستاردى شوعىرلى تۇردە قۇتقارىپ ەمدەپ، تىعىز جاناسقان بارلىق ادامعا ۇيدە مەديتسينالىق باقىلاۋ قولدانىپ، ىندەتتىڭ سىرتقا جايىلۋىنان ساقتانۋ شاراسىن كەمەلدەندىرۋ جانە كۇشەيتۋ كەرەك. ساقتانۋ - ەمدەۋ كۇشتەرىن ءبىر تۇتاس جوسپارلاۋدى ءتۇيىندى تۇردە ويداعىداي يگەرىپ، قۇتقارۋ - ەمدەۋ بايلىعى مەن قورعانۋ بايلىعىن ىندەتكە قارسى تۇرۋدىڭ ءبىرىنشى شەبىنە باتىل شوعىرلاندىرىپ، ءبىرىنشى شەپتەگى ەمدەۋ قىزمەتكەرلەرىنىڭ جانە قۇتقارىلىپ ەمدەلەتىن ناۋقاستاردىڭ قاجەتىن الدىمەن قاناعاتتاندىرۋ كەرەك. بۇكىل ەلدىڭ جەر - جەرى بازا تانىمىن ورناتىپ، قاراستى جەر جاۋاپكەرشىلىگىن اناعۇرلىم نىعايتىپ، ادامدار كىرەتىن جەرلەر مەن شىعاتىن جەرلەردىڭ ساقتانۋ - تىزگىندەۋ جاۋاپكەرشىلىگىن اناعۇرلىم تياناقتاندىرىپ، بىرلەسىپ ساقتانۋ، بىرلەسىپ تىزگىندەۋ شارالارىن جاپپاي تياناقتاندىرىپ، ەشقانداي جەردە قالتارىس قالدىرماي، ەشقانداي ءبىر بۋىننان اعاتتىق جىبەرمەي، بۇقارالىق ساقتانۋ، بۇقارالىق ەمدەۋدىڭ بەرىك قورعانىس شەبىن بار كۇشپەن قۇرۋ كەرەك.

  ىندەتتەن ساقتانۋ - تىزگىندەۋ − ءارى تاعدىر شايقاسى، ءارى قامال الۋ شايقاسى. ارقالاۋعا ءتيىستى جاۋاپكەرشىلىكتى ارقالاپ، اناعۇرلىم ناقتى قىزمەت ستيلى، اناعۇرلىم ەگجەي - تەگجەيلى قىزمەت شاراسى ارقىلى ساقتانۋ - تىزگىندەۋ قىزمەتتەرىن شىن مانىندە ويداعىداي ىستەسەك، ءسوز جوق، ۋاقىتپەن جارىسۋدا ۇتا الامىز، اۋرۋمەن ايقاستا جەڭىپ شىعا الامىز!

(2 - ايدىڭ 6 - كۇنگى «حالىق گازەتى»ندە باسىلعان)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.