شينحۋا اگەنتتىگىنىڭ 12 - ايدىڭ 31 - كۇنى چاڭشادان بەرگەن حابارى (ءتىلشى ليۋ ۋاڭمين). جاسىل تاۋلار ءۇنسىز بوي كوتەرىپ، قاراعايلار قاسقايىپ تۇر. حۋنان ولكەسى يۇڭجوۋ قالاسى نيڭيۋان اۋدانى شۇيشى قالاشىعىنىڭ شانشۋيۋان قىستاعىندا قاھارمان ۇلگى حالىق ساقشىسى جياڭ شۋەيۋان ماڭگىلىك ۇيقىدا جاتىر. ءار جولعى چيڭميڭ كەزىندە نيڭيۋان اۋداندىق قوعام حاۋىپسىزدىگى مەكەمەسى ءبىر ءبولىم حالىق ساقشىلارىن جياڭ شۋەيۋاننىڭ قابىرىنا كەلىپ قۇرباندى ەسكە الىپ، جەتپەگەن مۇراتىن جالعاستىرۋعا ۇيىمداستىرادى.
جياڭ شۋەيۋان 1964 - جىلى دۇنيەگە كەلگەن، حۋنان ولكەسى نيڭيۋان اۋدانىنىڭ ادامى. 1984 - جىلى 7 - ايدا قىزمەتكە قاتىناسقان، 1986 - جىلى 7 - ايدا جۇڭگو كوممۋنيستىك پارتياسىنا مۇشە بولعان، 1995 - جىلى 9 - ايدا قوعام حاۋىپسىزدىگى قىزمەتىنە قاتىناسقان. حۋنان ولكەسى نيڭيۋان اۋداندىق قوعام حاۋىپسىزدىگى مەكەمەسى تيانتاڭ ساقشى بولىمشەسىنىڭ حالىق ساقشىسى، ورىنباسار بولىمشە باستىعى، شۇيشى ساقشى بولىمشەسىنىڭ ساياسي تاربيەشىسى، ليشي ساقشى بولىمشەسىنىڭ باستىعى، 2 - دارەجەلى اتقارۋشى ساقشى بولعان.
1999 - جىلى 9 - ايدىڭ 17 - كۇنى كەشتە جياڭ شۋەيۋان قۇيىپ تۇرعان نوسەرگە قاراماستان، اۆتوكولىكپەن گۋاڭدۇڭعا قاشقىن قىلمىسكەردى ۇستاپ اكەلۋگە بارادى، حۋنان ولكەسى جياحى اۋدانى چىتوۋ قالاشىعىنىڭ ماۋجياچياۋىنا كەلگەندە، سەل ءجۇرىپ، وزەن سۋىنىڭ كۇرت كوتەرىلۋىمەن، اۆتوكولىگى سەلگە كەتىپ، وزەنگە قۇلايدى. جياڭ شۋەيۋان قارا باسىنىڭ قامىن كۇيتتەمەستەن، باسىن ءباي تىگىپ، قايراتتانا سەلمەن الىسىپ، وسى كولىكتەگى ءجۇزۋدى بىلمەيتىن، قاشقان قىلمىسكەردى ۇستاۋعا بىرگە بارا جاتقان قىزمەتتەسىن جاعاعا شىعارىپ، ءوزىنىڭ دارمەنى قالماي، باقىتقا قارسى، سەلگە اعىپ كەتىپ، ەرلىكپەن قۇربان بولادى.
جياڭ شۋەيۋان 1995 - جىلى قوعام حاۋىپسىزدىگى قىزمەتىنە قاتىناسقاننان كەيىن، بار ىنتا - پەيىلىمەن حالىق ءۇشىن قىزمەت ىستەۋ باس ماقساتىن ەسىندە بەرىپ ساقتاپ جانە قۇلشىنا امالياتتا ايگىلەپ، قىزمەتتى مۇقيات، جاۋاپكەرشىلىكپەن ىستەپ، ىنتالى دا ىقىلاستى بولىپ، قانداي ىستە بولسىن سابىرلىلىق، توزىمدىلىك كورسەتتى. قۇربان بولاردان بۇرىن، ول ءتۇرلى قىلمىستىق ىستەر دەلولارىنان 112سىن اشۋعا قولباسشىلىق ەتىپ جانە قاتىناسىپ، 134 قىلمىس كۇماندىسىن قولعا ءتۇسىرىپ، بۇقارانىڭ 400 مىڭ يۋاننان استام ەكونوميكالىق زيانىن قايتارىپ اكەلدى. ول باسقالارعا كومەكتەسۋگە پەيىل بولىپ، ىلگەرىندى - كەيىندى تالاي رەت وزات قىزمەتكەر بولىپ باعالاندى. 1999 - جىلى 11 - ايدىڭ 24 - كۇنى بۇكىل مەملەكەتتىك قوعام حاۋىپسىزدىگى جۇيەسىندەگى 1 - دارەجەلى قاھارمان ۇلگى اتاعى تولىقتاپ بەرىلدى.
نيڭيۋان اۋداندىق قوعام حاۋىپسىزدىگى مەكەمەسىنىڭ قاتىستى جاۋاپتىسى مىنالاردى ءبىلدىردى: جياڭ شۋەيۋاننىڭ ءومىرى قىسقا بولعانىمەن، شۇعىلالى. ول قىسقا دا شۇعىلالى ءومىرى ارقىلى حالىق ساقشىسىنىڭ ادىلدىك جىرىن جازدى، ول ءومىرى ارقىلى ”حالىق قوعام حاۋىپسىزدىگى حالىق ءۇشىن“ دەيتىن سەرتتى جۇزەگە اسىردى، ول ءوزىنىڭ ءومىر گۇلىن ادەمى قۇلپىرتتى، ول كوپشىلىكتىڭ ۇيرەنۋ ۇلگىسى.
