حالىق گازەتىنىڭ شولۋشىسى
نەگىزگى ساتىداعى ساقتانۋ - تىزگىندەۋ −− ىندەتتىڭ تارالۋىن، ءورشۋىن تەجەۋدىڭ شەشۋشى ءتۇيىنى، نەگىزگى ساتى كادرلارى نەگىزگى ساتىداعى ساقتانۋ - تىزگىندەۋدى تياناقتاندىرۋدىڭ شەشۋشى كۇشى. ۋاقىتپەن جارىسىپ، اۋرۋمەن ايقاسۋ بارىسىندا، نەگىزگى ساتى كادرلارىنىڭ اۋىرتپالىقتان ارىلىپ قىزمەتكە كىرىسۋىنە، بار كۇشىن سالا ۇمتىلۋىنا مۇمكىندىك جاساۋ −− بۇل رەتكى ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋمەن تىكە بايلانىستى.
2 - ايدىڭ 3 - كۇنى باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، كەلەسى قادامداعى ىندەتتەن ساقتانۋ - تىزگىندەۋ قىزمەتىن اقىلداسىپ، ”فورماشىلدىققا، تورەشىلدىككە باتىل قارسى تۇرىپ، نەگىزگى ساتى كادرلارىنىڭ زەيىن - زەردەسىن ىندەتتەن ساقتانۋ - تىزگىندەۋدىڭ ءبىرىنشى شەبىنە نەعۇرلىم كوبىرەك جۇمساۋ كەرەك“ دەپ ايقىن ورتاعا قويدى. ءار دارەجەلى پارتكوم مەن ۇكىمەت باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات دايەكتىلەندىرىپ، فورماشىلدىقتىڭ، تورەشىلدىكتىڭ كورنەكتى ماسەلەلەرىن كۇش سالا شەشىپ، نەگىزگى ساتى كادرلارىن ماعىناسىز ىستەردەن بوساتىپ، ولاردىڭ زەيىن - زەردەسىن شوعىرلاندىرىپ بۇقارانى كەڭىنەن اتتانىسقا كەلتىرۋىنە، بۇقارانى ۇيىمداستىرۋىنا، بۇقارانى ۇيىستىرۋىنا مۇمكىندىك جاساپ، بىرلەسىپ ساقتانۋ، بىرلەسىپ تىزگىندەۋ شارالارىن جاپپاي تياناقتاندىرىپ، بۇقارالىق قورعانۋدىڭ، بۇقارالىق جونگە سالۋدىڭ بەرىك قورعانىس شەبىن قۇرۋ كەرەك.
”مىڭ ءجىپتىڭ باسىن ءبىر ينە بىرىكتىرەدى“. بۇل رەتكى ىندەتتەن ساقتانۋ - تىزگىندەۋدىڭ حالىقتىق شايقاسى باستالعاننان بەرى، رايون - اۋدان، ءمالى باسقارماسى - قالاشىق، قالا، اۋىل الەۋمەتتىك اۋماق سياقتى قورعانۋ تورىن ورناتۋدان، ىندەت جاعدايىن باقىلاۋ - ولشەۋ، اداقتاپ تەكسەرۋ، الدىن الا ساقتاندىرۋ، تاربيە بەرىپ جەتەكتەۋ، باسقارۋ جانە قىزمەت وتەۋ سياقتى قىزمەتتەرگە دەيىن، قالىڭ نەگىزگى ساتى كادرلارى ىندەتتەن ساقتانۋ - تىزگىندەۋدىڭ ءبىرىنشى شەبىندە قاجىرلى قۇلشىنىس جاسادى. سونىمەن بىرگە مىنانى دا كورە بىلگەن ءجون، ىندەتتەن ساقتانۋ - تىزگىندەۋدىڭ ماشاقاتتى، اۋىر، كۇردەلى مىندەتى الدىندا، كەيبىر جەرلەردە فورماشىلدىق، تورەشىلدىك جايتتەرى جارىققا شىقتى، مۇنىڭ ەڭ تيپتىك مىسالى، نەگىزگى ساتى كادرلارىنا ءتۇرلى كەستەلەردى قايتالاپ تولدىرتۋ بولىپ تابىلادى. كەيبىر جەرلەردەگى قالالىق، اۋداندىق دەنساۋلىق ساقتاۋ، سالاماتتىق مەكەمەلەرى، شۇعىل جاعدايعا توتەپ بەرۋ مەكەمەلەرى، ۇكىمەت كەڭسەلەرى، اۋداندىق پارتكوم كەڭسەلەرى، ايەلدەر بىرلەستىكتەرى، وقۋ - اعارتۋ مەكەمەلەرى، اۋىل شارۋاشىلىعى، اۋىل - قىستاق مەكەمەلەرى سياقتى تاراۋلار ءوز الدىنا ءبىر نەمەسە بىرنەشە ءتۇرلى كەستە جاساپ، نەگىزگى ساتى كادرلارىنان تولتىرىپ جەدەل مالىمدەۋدى تالاپ ەتتى، بۇل كەستەلەردىڭ مازمۇنىندا، شىنىن قۋعاندا، بالەندەي ايىرماشىلىق جوق، دەيتۇرعانىمىزبەن، بىردە - ءبىر حۇجات، بىردە - ءبىر تاراۋ نەگىزگى ساتىعا كومەكتەسىپ، شۇعىل قاجەت ەتىپ وتىرعان ءبىر ماسكى، ءبىر قۇمىرا زارارسىزداندىرۋ سۇيىقتىعىن دا شەشىپ بەرە المايدى، بۇدان سىرت، جان - جاقتان كەلىپ تەكسەرۋ، قايتالاپ تەكسەرۋ، ءۇيىلىپ - جابىلىپ تەكسەرۋ قۇبىلىستارى نەگىزگى ساتى كادرلارىنىڭ ۋاقىتىن زايا كەتىرىپ، زەيىن - زەردەسىن بىتىراتۋدا.
فورماشىلدىق، تورەشىلدىك −− ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋدىڭ ۇلكەن جاۋى. بۇل رەتكى حالىقتىق شايقاستىڭ جەڭىسىنە جەتۋگە ەڭ قاجەت بولىپ وتىرعان نارسە −− ناقتى ىسكەرلىك، تىڭعىلىقتى تىندىرۋ، تياناقتاندىرۋ، نەگىزگى ساتى تىپتەن وسىلاي، نەگىزگى ساتى الەۋمەتتىك اۋماقتارىنداعى ساقتانۋ - تىزگىندەۋدە وتىرىك ايتىپ، جالعان ىستەۋدىڭ زاردابىن ەلەستەتۋدىڭ ءوزى قيىن. ءار دارەجەلى باسشىلىق ورگاندار مەن باسشى كادرلار ءبىرىنشى شەپكە ىشكەرىلەي ارالاسىپ، جاعدايمەن تانىسىپ ماسەلەلەردى شەشۋى، ات ءۇستى ىستەۋدى، ناقتى جاعدايدى تەكسەرمەۋدى باتىل تەجەۋ، حۇجاتتى حۇجاتپەن تياناقتاندىرىپ، ناقتى ماسەلە شەشپەۋدى باتىل تەجەۋ كەرەك، فورماشىلدىق، تورەشىلدىك تاسىلدەرىمەن نەگىزگى ساتىنىڭ اۋىرتپالىعىن ارتتىرۋعا، نەگىزگى ساتى كادرلارىنىڭ ىندەتتەن ساقتانۋ - تىزگىندەۋ زەيىن - زەردەسىن زايا كەتىرۋگە ءتىپتى بولمايدى. نەعۇرلىم جاۋ جاعادان العان سايىن، سولعۇرلىم بەتالدى قولباسشىلىق ەتۋگە، بەتالدى سەپتەۋگە بولمايدى، اكىمشىلىك بۇيرىقتار سولعۇرلىم ءبىر تۇتاس بولۋ كەرەك. پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋى، تياناقتاندىرۋى دارمەنسىز بولعانداردىڭ، ءبىر تۇتاس قولباسشىلىققا جانە ىڭعايلاستىرۋعا بويسۇنباي، ورىنشىلدىعى اۋىر بولعانداردىڭ، جاۋاپكەرلىكتى باتىل ارقالاماعان، ستيلى تۇرلاۋسىز بولعان، جاۋاپكەرشىلىكتەن جالتارىپ، ءبىر - بىرىنە يتەرمەلەگەندەردىڭ تىكەلەي جاۋاپتىلارىنىڭ جاۋاپكەرشىلىگىن قۋزاستىرۋدان سىرت، سيپاتى اۋىر بولعاندارىنىڭ پارتيا، ۇكىمەت ورىندارىنداعى نەگىزگى باسشىلارىن جاۋاپقا تارتۋ كەرەك.
ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋدە ءار دارەجەنىڭ وزىنە ءتيىستى مىندەتى، ءار ساتىنىڭ وزىنە ءتيىستى جاۋاپكەرشىلىگى بار. تەك اركىم ءوز قىزمەتىن اتقارىپ، ءوز جاۋاپكەرشىلىگىن ارقالاعاندا عانا، سايكەسىپ شايقاس جۇرگىزەتىن قۋاتتى بىرىككەن كۇش قالىپتاستىرۋعا بولادى. ىندەتتەن ساقتانۋ - تىزگىندەۋدەگى فورماشىلدىق، تورەشىلدىك ماسەلەلەرىنىڭ شىنايى كەسپىرى −− جاۋاپكەرشىلىك ارقالاعىسى كەلمەۋ، جالتارىپ، جاۋاپكەرشىلىكتى باسقاعا يتەرمەلەۋ، قايشىلىق كەزىكسە جوعارىعا يتەرمەلەۋ، جاۋاپكەرشىلىكتى تياناقتاندىرۋدى تومەنگە سىرعىتۋ، ماسەلە شىقسا نەگىزگى ساتىعا شوقپار الا جۇگىرۋ، جاۋاپكەرشىلىكتى ناقتىلاۋدى جاۋاپكەرشىلىكتى تومەنگە قاراي يتەرمەلەۋگە اينالدىرۋ. ءار دارەجەلى باسشىلىق ورگاندار مەن باسشى كادرلار، اسىرەسە، نەگىزگى جاۋاپتى جولداستار، ءسوز جوق، قىزمەت ورنىنان تاپجىلماي، الدىڭعى شەپتە تۇرىپ قولباسشىلىق ەتىپ، ءوز جاۋاپكەرشىلىگىن ءبىلۋى، ءوز جاۋاپكەرشىلىگىن ارقالاۋى، ءوز جاۋاپكەرشىلىگىن ادا ەتۋى كەرەك. بۇل ءتۇيىندى ورىنداۋ ءۇشىن، ءسوز جوق، نەگىزگى ساتى كادرلارىنا كوڭىل ءبولىپ، قامقورلىق جاساپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىن ويداعىداي ىستەپ، نەگىزگى ساتى كادرلارىنىڭ جاۋاپكەرشىلىك ارقالاۋىن، ناقتى ىسكەرلىگىن قاۋلاتۋ، ولاردىڭ ۋايىمنان ارىلىپ، ءبىرىنشى شەپتە الاڭسىز شايقاس جۇرگىزۋىنە مۇمكىندىك جاساۋ كەرەك.
باس شۋجي شي جينپيڭ: ”قازىرگى ەڭ شەشۋشى ماسەلە −− تياناقتاندىرۋ قىزمەتىن ناقتى، ەگجەي - تەگجەيلى مىقتى ۇستاۋ“ دەپ باسا دارىپتەدى. نەگىزگى ساتى كادرلارى تياناقتاندىرۋدى يگەرۋدىڭ جاۋاپكەرشىلىگىن ارقالاپ، ىندەتتەن ساقتانۋ - تىزگىندەۋ قىزمەتىنىڭ ناقتى تياناقتانعان - تياناقتانباعاندىعىن، ناتيجە بەرگەن - بەرمەگەندىگىن تىكە بەلگىلەيدى. نەگىزگى ساتى كادرلارىنىڭ زەيىن - زەردەسىن ىندەتتەن ساقتانۋ - تىزگىندەۋدىڭ ءبىرىنشى شەبىنە نەعۇرلىم كوبىرەك جۇمساۋىنا مۇمكىندىك جاساساق، ءبىز ىندەتتەن ساقتانۋ - تىزگىندەۋدىڭ قۇرىش قورعانىن اناعۇرلىم ويداعىداي سوعىپ، جالپى جاعدايعا ساياتىن وسى رەتكى توسقاۋىل شايقاسىنىڭ جەڭىسىنە ەرتەرەك جەتەتىن بولامىز.
(2 - ايدىڭ 7 - كۇنگى «حالىق گازەتىندە» جاريالانعان)
