رايونىمىزدىڭ حۋبەيعا كومەككە بارعان ەمدەۋ اترەتىمەن بايلانىس
”ۇلكەن شاڭىراقتىڭ سالاماتتىعى بولعاندا عانا، كىشى وتباسىنىڭ باس قوسۋى بولادى“
شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين
2 - ايدىڭ 8 - كۇنى ەگىنشىلىك كالەندارى بويىنشا 1 - ايدىڭ 15 - كۇنى، يۋانشياۋ مەرەكەسى. بۇل بارلىق شاڭىراقتىڭ باس قوساتىن كۇنى، الايدا نەشە مىڭ شاقىرىم شالعايدا، شينجياڭنىڭ حۋبەيعا كومەككە بارعان 3 توپتاعى 386 ەمدەۋ اترەتىنىڭ مۇشەلەرى ىندەتكە قارسى اتتانۋدىڭ ءبىرىنشى شەبىندە شايقاس جۇرگىزۋدە. سول كۇنى ءتىلشى ىلگەرىندى - كەيىندى شينجياڭنان ۋحانعا جەتكەن ەمدەۋ اترەتىنىڭ باس جەتەكشىسىمەن، ەمدەۋ قىزمەتكەرلەرىمەن، بايلانىسشىلارىمەن جەكە - جەكە حابارلاستى. ولار بىلاي دەدى: ”ۇلكەن شاڭىراقتىڭ سالاماتتىعى بولعاندا عانا، كىشى وتباسىنىڭ باس قوسۋى بولادى“.
1 - توپتاعىلار: 10 كۇننەن بەرگى قىمباتتى تاجىريبەلەرىن ورتاقتاستى
2 - ايدىڭ 8 - كۇنى شينجياڭنىڭ حۋبەيعا كومەككە بارعان 1 - توپتاعى ەمدەۋ اترەتىنىڭ ۋحاندا وتكىزگەن 12 - كۇنى، جاڭا تيپتى ايدارشا ۆيرۋس وكپە قابىنۋ ناۋقاسىنا شالدىققانداردى رەسمي قابىلداعانىنا 10 كۇن بولدى. ۋحان داشۋەسى حالىق شيپاحاناسىنىڭ شىعىس شيپاحاناسىنا ەڭ الدىمەن جەتكەن ەمدەۋ اترەتى رەتىندە، شينجياڭنىڭ حۋبەيعا كومەككە بارعان 1 - توپتاعى ەمدەۋ اترەتى شيپاحانانىڭ جاڭا تيپتى ايدارشا ۆيرۋس وكپە قابىنۋ ناۋقاسىنا شالدىققانداردى دەر كەزىندە، ءساتتى تۇردە ەمدەلۋىنە ادام جانە تەحنيكالىق جاقتان قامتاماسىزدىق جاسادى.
شينجياڭنىڭ حۋبەيعا كومەككە بارعان ەمدەۋ اترەتىنىڭ باس جەتەكشسى ساۋ يۇيجيڭ بىلاي دەپ تانىستىردى: 1 - توپتاعى ەمدەۋ اترەتى جەتىپ كەلگەندە، ۋحان داشۋەسى حالىق شيپاحاناسىنىڭ شىعىس شيپاحاناسى ۋنيۆەرسال شيپاحانادان جاڭا تيپتى ايدارشا ۆيرۋس وكپە قابىنۋىن ەمدەيتىن ءتۇيىندى بەلگىلەنگەن شيپاحاناعا وزگەرتىلىپتى، بۇل ارادا دياگنوزى تۇراقتاندىرىلعان 400 ناۋقاس شوعىرلى ەمدەلەتىندىكتەن، تىنىس جولى، سالماقتى ناۋقاس، شۇعىل قۇتقارۋ سياقتى قاتىستى كاسىپتىك ەمدەۋ قىزمەتكەرلەرىنە وتە ءزارۋ ەكەن. شينجياڭ مەديتسينا داشۋەسىنە قاراستى 6 شيپاحانادان تاڭدالعان سايلاۋىت جاساقتار مەن مايتالمان قولباسشىلاردان ۇيىمداسقان 1 - توپتاعى ەمدەۋ اترەتىنىڭ جەتىپ كەلۋى وسى شيپاحانانىڭ ادام جانە تەحنيكالىق جاقتاعى جەتەرسىزدىگىن ويداعىداي تولىقتادى. ىندەتتىڭ تارالۋىنا ىلەسە، مەملەكەتتىك دەنساۋلىق ساقتاۋ، سالاماتتىق كوميتەتىنىڭ تالابىنا ساي، وسى شيپاحانا سالماقتى ناۋقاستاردى شوعىرلى قۇتقاراتىن، ەمدەيتىن شيپاحانا بولىپ قايتالاي تۇراقتاندىرىلدى، نىسانا 800 سالماقتى ناۋقاستى جيناپ ەمدەۋ، سالماقتى ناۋقاس پەن ەمدەۋ قىزمەتكەرلەرىنىڭ 3: 1 سالىستىرماسى بويىنشا 2400 ەمدەۋ قىزمەتكەرى قاجەت.
شينجياڭنان كەيىن، لياۋنيڭ، سىچۋان، چۇڭچيڭ، اكادەميك لي لانجۋان ۇيىرمەسى سياقتى ەمدەۋ اترەتى ارت - ارتىنان جەتىپ كەلگەنىمەن، الايدا شيپاحانانىڭ ەمدەۋ كۇشى ءالى دە جەتكىلىكسىز، وسى جاعدايعا مەڭزەس، مەملەكەت تاعى ءبىر كەزەك رەتتەۋ جۇرگىزدى، جاقىن كۇندە شاڭحاي فۋدان داشۋەسىنە قاراستى جۇڭشان شيپاحاناسى سياقتى شيپاحانالاردىڭ ەمدەۋ قىزمەتكەرلەرى دە ىركەس - تىركەس جەتىپ كەلەدى.
سوڭىنان كەلگەن ەمدەۋ اترەتتەرىنىڭ ءبارى ءبىر اترەت 2 ناۋقاس رايونىنىڭ قۇتقارۋ - ەمدەۋ قىزمەتىن ارقالايدى، كوپشىلىكتىڭ ءبارى تۇڭعىش رەت وسىنداي قاتەرلى دە اۋىر مىندەتتى ارقالاپ وتىرعاندىقتان، بارلىعى جابال وسى ناۋقاس رايونىنداعى شينجياڭ ەمدەۋ اترەتىنىڭ ەمدەۋ قىزمەتكەرلەرىنەن بىرنەشەۋىن قالدىرىپ، 10 كۇننەن بەرگى قۇندى تاجىريبەلەرىن ورتاقتاسىپ، ءارقايسى ەمدەۋ اترەتىنىڭ ءتۇرلى قىزمەتتەرگە قانىق بولۋىنا كوپىر بولىپ، ولاردىڭ تەز ارادا ورتاعا ۇيلەسىپ، قىزمەتتى اناعۇرلىم ويداعىداي ورىستەتۋىنە مۇمكىندىك جاساسا دەگەن تالاپتى قويدى.
شينجياڭ مەديتسينا داشۋەسىنە قاراستى 1 - شيپاحانانىڭ شۇعىل قۇتقارۋ - جاراقات اۋرۋى ورتالىعىنىڭ ورىنباسار مەڭگەرۋشىسى، سالماقتى ناۋقاستاردى ەمدەۋ گرۋپپاسىنىڭ باستىعى ياڭ جيانجۇڭ بىلاي دەدى: قازىر شينجياڭ ەمدەۋ اترەتىندەگى 36 شيپاگەر مەن 98 سەسترا جەرگىلىكتى ەمدەۋ قىزمەتكەرلەرىمەن ارالاستىرىلىپ، 2 ICU ناۋقاس رايونى مەن 14 جاي ناۋقاس رايونىن بىرگە باسقارۋدا.
2 - توپتاعىلار: ”فاڭساڭ C رايونى، ءبىز دايىندالىپ بولدىق“
1 - توپتاعى ەمدەۋ اترەتىمەن سالىستىرعاندا، 2 - توپتا كەلگەن 102 كۇتىمدەۋ قىزمەتكەرلەرىنە تۇسكەن سالماق تا جەڭىل بولمادى. ەندى عانا فاڭساڭ شيپاحاناسىنان دايىندىق قىزمەتتەرىن ءبىتىرىپ تۇرعان جەرلەرىنە قايتقان شينجياڭنىڭ حۋبەيعا كومەككە بارعان 2 - توپتاعى ەمدەۋ اترەتىنىڭ باس جەتەكشىسى چىن حۇي تىلشىگە بىلاي دەدى: 2 - ايدىڭ 5 - كۇنى تاڭ سارىدە كەلىپ جەتتىك، 6 - كۇنى بۇيرىق بويىنشا ۋحان كىتيڭفاڭساڭ شيپاحاناسىنا بارىپ كۇتىمدەۋ قىزمەتىنە كىرىسىپ كەتتىك.
ۋحانعا كەلە سالا، اترەت مۇشەلەرى جابال ءوتىنىش بەرىپ، دەرەۋ قۇتقارۋ - ەمدەۋ قىزمەتىنە كىرىسۋدى تالاپ ەتتى. كوپ رەت اقىلداسىپ، الدىڭعى شەپ قولباسشىلىق شتابى ماقۇلداعان سوڭ، 7 - كۇنى چىن حۇي ءارقايسى ۋاقىتشا پارتيا باسشىلىق گرۋپپاسىنىڭ گرۋپپا باستىقتارىن باستاپ ۋحان كىتيڭفاڭساڭ شيپاحاناسىنا كىردى ءارى دايىندىق قىزمەتتەرىن ىستەدى.
”قازىرگە دەيىن بىزگە ءبولىپ بەرگەنى ۋحان كىتيڭفاڭساڭ شيپاحاناسىنىڭ C رايونى، بۇل ارادا 500گە تاياۋ توسەك ورنى بار، ورتاسىنان وڭ - سولعا بولىنگەن، ەكى جاعىنىڭ ءارقايسسىندا 6 جول بار“. چىن حۇي بىلاي دەدى: ءبىز ەمدەۋ بولمەسىن، قۇتقارۋ بولمەسىن جانە كەيبىر كۇتىمدەۋ جابدىقتارىن نەگىزىنەن ورناتىپ بولدىق، سەسترالاردىڭ كەزەكشىلىك كەستەسىن دە جاساپ قويدىق، قاي - قاشان دا شايقاسقا دايىنبىز.
كوپ ادامداردىڭ كوڭىل ءبولىپ وتىرعان ەمدەۋ قىزمەتكەرلەرىنىڭ قورعانۋ ماسەلەسىنە مەڭزەس، چىن حۇي بىلاي دەدى: فاڭساڭ شيپاحاناسىنىڭ سىرتىنا ۋاقىتشا شاتىر تىكتىك، سەسترالاردىڭ سول ارادا قورعانۋ كيىمدەرىن شەشۋىنە - كيۋىنە بولادى. ”فاڭساڭ C رايونى، ءبىز دايىندالىپ بولدىق. شارت - جاعداي جاپالى بولعانىمەن، الايدا، ءبىز مىندەتتى، ءسوزسىز، ورىندايمىز!“، - دەدى چىن حۇيدىڭ قاسىنداعى بىرنەشە كۇتىمدەۋ قىزمەتكەرلەرى ۇرانداپ.
3 - توپتاعىلار: ”ءبىز ساقاداي سايلانىپ، شايقاسقا اتتانۋدى كۇتىپ تۇرمىز“
”ءبىز تولىق دايىندىق جاساپ بولدىق“. 3 - توپتاعى ەمدەۋ اترەتىنىڭ بايلانىسشىسى لۋ چىڭ بىلاي دەدى: جاڭا تيپتى ايدارشا ۆيرۋس وكپە قابىنۋ ىندەتى تۋىلا سالىسىمەن، اۆتونوميالى رايوندىق حالىق شيپاحاناسى حۋبەيعا كومەكتەسۋدىڭ ءتۇرلى دايىندىعىن جاساپ بولدى، بۇكىل شيپاحانادان جالپى 1600 قىزمەتكەر تىزىمدەلىپ، 142 اترەت مۇشەسى تاڭدالدى. اتتانۋدان ىلگەرگى دايىندىقتاردى ويداعىداي ىستەۋ ءۇشىن، ءبىز شيپاحاناداعى كەزدەن باستاپ شيپاحانادا جۇعىمدالۋ سياقتىلاردان قورعانۋ بويىنشا باۋلۋ جۇرگىزىپ، بارلىق ادام سىناقتان ءوتتى. ۋحانعا جەتكەننەن كەيىن دە كوپ رەت باۋلۋ جۇرگىزدىك. ”ەڭ زور دارەجەدە ەمدەۋ قىزمەتكەرلەرىن قورعاپ، جۇعىمدالۋدىڭ قاتەرىن ازايتۋ ءۇشىن، ءبىزدىڭ جۇرگىزگەن باۋلۋىمىز 10 رەتتەن تومەن بولعان جوق“، - دەدى لۋ چىڭ.
وسى ەمدەۋ اترەتىنىڭ اكەلگەن زاتتىق ماتەريالدار دا ەڭ كوپ بولدى، ولار تۇسكەن قوناقجاي دا ءبىر ارناۋلى قويما بوساتىپ، شۇعىل زاتتىق ماتەريالداردى ساقتايتىن ورىن ەتتى. لۋ چىڭ تۇرارجايعا جەتكەن كۇنى ءوزىنىڭ جالعىز ۇلكەندى - كىشىلى ساندىقتان 118ىن تاسىپ، كوپشىلىكتىڭ پايدالانۋىنا قولايلى بولۋ ءۇشىن تۇرگە ايىرىپ قويعاندىعىن ايتتى.
ايقاسپالى جۇعىمدالۋدان ساقتانۋ ءۇشىن، ۋحانداعى بارلىق قوناقجايلار ورتالىق اۋا رەتتەگىشتى اشپادى، بولمەدەگى تەرمومەتر 10 سەلتسي گرادۋستى كورسەتىپ تۇرسا دا، ءبىراق توتەنشە دىم، سالقىن، ەمدەۋ قىزمەتكەرلەرى مۇنداي اۋا رايىنا تەز ارادا كوندىگە باستادى. قورعانۋ قاجەتى ءۇشىن، 2 - ايدىڭ 7 - كۇنى نەرۆ ىشكى اۋرۋلار ءبولىمىنىڭ ورىنباسار مەڭگەرۋشىسى مىڭ شۋەگاڭ ايەل اترەت مۇشەلەرىنىڭ شاشىن الۋ مىندەتىن ىرىقتىلىقپەن ۇستىنە الىپ، ىلگەرىندى - كەيىندى 30 نەشە ايەل اترەت مۇشەسى ۇزىن شاشتارىن كەستىرىپ تاستادى.
سالماقتى ناۋقاستاردى ەمدەيتىن 60 ەمدەۋ قىزمەتكەرىنەن قۇرالعان قوسىن وسى 2 كۇندە ۋحان داشۋەسى حالىق شيپاحاناسىنىڭ شىعىس شيپاحاناسىنا بارىپ، 2 اۋرۋلار رايونىنداعى 80 سالماقتى ناۋقاستى قۇتقارۋ - ەمدەۋ مىندەتىن ۇستىنە الادى.
لۋ چىڭ بىلاي دەدى: ”ءبىز ساقاداي سايلانىپ، شايقاسقا اتتانۋدى كۇتىپ تۇرمىز، ءبىز 1 - توپتاعى ەمدەۋ اترەتىمەن بىرگە جاڭا تيپتى ايدارشا ۆيرۋس وكپە قابىنۋىنا شالدىققان سالماقتى ناۋقاستاردى قۇتقارۋ - ەمدەۋ مىندەتىن ويداعىداي ورىنداپ، ولاردىڭ ۇيىنە ەرتە ورالۋىنا مۇمكىندىك جاسايمىز“.
