تيانشان تورى
تيانشان تورى   ›   ۇيرەنۋ   ›   شولۋ

ىندەتتەن ساقتانۋ - تىزگىندەۋ قىزمەتىن عىلىم رۋحىمەن ويداعىداي ىستەيىك

حالىق گازەتىنىڭ شولۋشىسى

  باس شۋجي شي جينپيڭ ورتاعا قويعان ”سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ“ سىندى ىندەتتەن ساقتانۋ - تىزگىندەۋ قىزمەتىنىڭ 16 ارىپتىك تالابىندا، عىلمي ساقتانۋ - ەمدەۋ ماڭىزدى مازمۇن بولىپ تابىلادى.

  2 - ايدىڭ 3 - كۇنى باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن كۇشەيتۋدى قايتالاي اقىلداستى. ءماجىلىس مىنالاردى باسا دارىپتەدى: ىندەتتى جەڭىپ شىعۋ عىلىم - تەحنيكانىڭ تىرەك بولۋىنان ايرىلا المايدى، عىلمي زەرتتەۋدەن قامال الۋ سەرپىنىن كۇشەيتىپ، ۆيرۋستىڭ كەلۋ قاينارىن عىلمي دالەلدەپ، جۇعىمدالۋ قاينارىن جانە تارالۋ جولىن جەدەل تەكسەرىپ انىقتاپ، ۆيرۋستىڭ تۇرلەنۋ جاعدايىن ءجىتى قاداعالاپ، ساقتانۋ - تىزگىندەۋ تاكتيكالارىن جانە شارالارىن دەر كەزىندە زەرتتەۋ كەرەك. ىندەت تۋىلعاننان بەرى، وڭىرلەر، قاتىستى تاراۋلار باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، ىندەت جاعدايىن باقىلاۋ - ولشەۋ، اداقتاپ تەكسەرۋ، الدىن الا ساقتاندىرۋ قىزمەتىن ويداعىداي ىستەۋدەن، ءتۇيىندى وڭىرلەردەگى ادامداردىڭ جىلجۋىمەن قاتىستى ساقتانۋ - تىزگىندەۋدى كۇشەيتۋگە دەيىن؛ كوكتەم مەرەكەسىنىڭ دەمالىسىن لايىقتى ۇزارتىپ، مەكتەپتەردىڭ ساباق باستاۋ ۋاقىتىن رەتتەۋدەن كەلۋ تەگىن انىقتاۋدى جانە ەتيولوگيالىق تەكسەرۋ - تالداۋدى كۇشەيتىپ، ەمدەۋ ءدارى - دارمەكتەرى مەن ۆاكسينالاردى جەدەل زەرتتەپ اشۋعا دەيىن، ىندەتتەن ساقتانۋ - تىزگىندەۋگە قاتىستى ءار جاقتىڭ بارلىعىندا عىلىم رۋحى ايگىلەنىپ، عىلمي پرينسيپ ساباقتاستىرىلدى. اماليات مىنانى دالەلدەپ وتىر: عىلىم رۋحىن اسقاقتاتىپ، عىلمي ساقتانۋ - ەمدەۋگە تاباندى بولعاندا عانا، وسى رەتكى ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋگە بولادى.

  قازىر ىندەتتەن ساقتانۋ - تىزگىندەۋ جاپپاي ىلگەرىلەپ، ساقتانۋ - تىزگىندەۋ سەرپىنى ۇزدىكسىز ارتۋدا، ءبىراق جاعداي ءالى دە كۇردەلى، اۋىر. ءار دارەجەلى پارتكوم مەن ۇكىمەت باس شۋجي شي جينپيڭ ورتاعا قويعان ايقىن تالاپ بويىنشا، ”جاعدايدى عىلمي تۇجىرىمداپ، ىندەت جاعدايىن ءدال يگەرىپ“، ەڭ زور قۇلشىنىسپەن، اناعۇرلىم عىلمي، ەگجەي - تەگجەيلى شارا قولدانىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىل، ويداعىداي قورعاۋ كەرەك. ەگىنشىلىك كالەندارى بويىنشا 1 - ايدىڭ 15 - كۇنى كەلدى، قايتا ورالاتىندارعا قاتىستى ىندەتتەن ساقتانۋ - تىزگىندەۋدى جۇيەلى، ويداعىداي ىستەۋ ايرىقشا ماڭىزدى. نەعۇرلىم الدىن الا جوسپار جاساپ، نەعۇرلىم ىرىقتىلىقپەن توتەپ بەرىپ، نەعۇرلىم ەگجەي - تەگجەيلى ورنالاستىرۋ جاساعاندا عانا، ءتيىمسىز فاكتورلاردىڭ ىقپالىن بارىنشا ازايتۋعا بولادى. ىندەتتەن ساقتانۋ - تىزگىندەۋ − جۇيەلى ينجەنەريا، عىلمي جولمەن ساقتانۋ، عىلمي جولمەن تىزگىندەۋ، عىلمي جولمەن ەمدەۋ، عىلمي جولمەن باسقارۋ كەرەك. بىرلەسىپ ساقتانۋ، بىرلەسىپ تىزگىندەۋ، بۇقارالىق قورعانۋ، بۇقارالىق تىزگىندەۋ شارالارىن ۇزدىكسىز قولدانىپ، تۇرلىشە وڭىرلەر، تۇرلىشە ورىندار، تۇرلىشە سالالار سياقتى تۇرلىشە جاعدايلارعا مەڭزەس، جەكە ادامداردىڭ ساقتانۋ - قورعانۋى، وتباسىنداعى ساقتانۋ - قورعانۋ، جۇمىس ورىندارىنداعى ساقتانۋ - قورعانۋ، قاتىناس قۇرالدارىنداعى ساقتانۋ - قورعانۋ سياقتىلاردىڭ عىلمي قاعيداسىن تۇرلەر بويىنشا جاساپ، ىندەتتەن ساقتانۋ - تىزگىندەۋدىڭ عىلميلىعى مەن ونىمدىلىگىن شىنايى جوعارىلاتۋ كەرەك.

  عىلىم - تەحنيكا − ىندەتتى جەڭىپ شىعۋدىڭ پارمەندى قارۋى. ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋ ءۇشىن، ءبىز، ءسوز جوق، عىلىمعا سەنۋىمىز، عىلىمعا سۇيەنۋىمىز، عىلىم كۇشىنەن پايدالانىپ ىندەتتى جەڭۋىمىز كەرەك. ۆيرۋستى جىعا تانىعاندا عانا، ونى جەڭىپ شىعۋعا بولادى، بۇكىل مەملەكەت بويىنشا ءبىر تۇتاس جوسپارلاۋدى كۇشەيتىپ، وڭىردەگى، ءار جاقتاعى مامانداردى بىرلەستىرىپ عىلمي زەرتتەۋدەن قامال الىپ، عىلمي زەرتتەۋدى، كلينيكالىق سەلبەستىكتى كۇشەيتىپ، دياگنوز انىقتاۋدىڭ جەدەل، قاراپايىم ءتاسىلىن جەدەل زەرتتەپ جاساپ، ۆاكسينا جانە ءونىمدى ءدارى - دارمەك سياقتى ۆيرۋستى جوياتىن تاسىلدەردى جەدەل زەرتتەپ اشىپ، حالىق بۇقاراسىنىڭ ىندەتكە قارسى اتتانۋ سەنىمىن كۇشەيتۋ كەرەك. سايلاۋىت جاساقتار مەن مىعىم كۇشتەردى شوعىرلاندىرىپ، اۋرۋ مىسالدارىنا دياگنوز قويۋ، ناۋقاستاردى ەمدەۋ سياقتىلار جونىندە تەرەڭدەي زەرتتەۋ جۇرگىزىپ، تابىستى تاجىريبەلەردى دەر كەزىندە قورىتىندىلاپ، دياگنوز قويۋ، ەمدەۋ جوباسىن ۇزدىكسىز كەمەلدەندىرىپ جانە دەر كەزىندە ورتاقتاسىپ، قۇتقارۋ - ەمدەۋ جەتەكشىلىگىن كۇشەيتىپ، مەديتسينالىق قۇتقارۋ - ەمدەۋدىڭ ونىمدىلىگىن جوعارىلاتىپ، ءولۋ مولشەرىن تومەندەتىپ، ەمدەپ ساۋىقتىرۋ مولشەرىن جوعارىلاتۋ كەرەك. عىلىم - تەحنيكالىق بايلىقتاردى بىرىكتىرىپ پايدالانۋدى كۇشەيتىپ، ءتۇرلى عىلىم - تەحنيكالىق تاسىلدەردى بەلسەنە قولدانىپ، ىندەتتىڭ تارالۋ زاڭدىلىعىن جانە ىقپال جاساۋ فاكتورلارىن تۇجىرىمداپ، جاڭا جاعدايلاردى، جاڭا ماسەلەلەردى دەر كەزىندە باقىلاپ، ولشەپ، بايقاپ، ىندەتتەن ساقتانۋ - تىزگىندەۋدى اناعۇرلىم باعىتتامالى كاسىپتىك تىرەكپەن قامتاماسىز ەتۋ كەرەك.

  ءبىلىم − كۇش. ىندەتتى جەڭىپ شىعۋدا، بۇكىل قوعامنىڭ عىلىم تانىمىن جانە عىلىم ساپاسىن جوعارىلاتۋ دا ەرەكشە ماڭىزدى. ءتۇرلى تاراتۋ تاسىلدەرىنەن كەشەندى پايدالانىپ، جاڭا تيپتى ايدارشا ۆيرۋس وكپە قابىنۋىنان ساقتانۋ - تىزگىندەۋ بىلىمدەرىن ۇگىتتەۋدى، جالپىلاستىرۋدى كۇشەيتىپ، جالپى قاۋىمنىڭ عىلمي جولمەن ءوزىن قورعاۋىنا جانە باسقالارعا جاردەم بەرۋىنە كومەكتەسۋ كەرەك. سونىمەن ءبىر ۋاقىتتا، جالپى قاۋىمدى عىلىمدى ارداقتاۋعا، عىلىمعا سەنۋگە، وسەك - اياڭعا سەنبەۋگە، وسەك - اياڭ تاراتپاۋعا، الاڭ كوڭىلدەن سەيىلۋگە، ۇرەيلى پسيحيكادان ارىلۋعا جەتەكتەۋ كەرەك. جالپى قاۋىم تاماشا تازالىق داعدى، عىلمي تۇرمىس سالتىن قالىپتاستىرىپ، اقاۋسىز پسيحيكالىق ساپاعا يە بولسا، ىندەتتەن ساقتانۋ - تىزگىندەۋدىڭ ماڭىزدى قورعانىس شەبىن قۇرۋعا بولادى، بۇل جەكە ادامنىڭ دەنساۋلىعىنىڭ حاۋىپسىزدىگىنە ءتيىمدى بولىپ قالماستان، ونان دا ماڭىزدىسى، ۆيرۋستىڭ ءورشۋىن اناعۇرلىم ءونىمدى تۇردە تەجەي الادى. اركىم ءوز جاۋاپكەرشىلىگىن ادا ەتىپ، عىلمي ساقتاناتىن - ەمدەيتىن قوعامدىق اۋقىمدى بىرگە قالىپتاستىرساق، ىندەتتەن ساقتانۋ - تىزگىندەۋ ءۇشىن قۋاتتى وڭ ەنەرگيا توپتاي الامىز.

  عىلىم − ىندەتتى جەڭىپ شىعاتىن شەشۋشى كۇش. تەك عىلىم رۋحىن اسقاقتاتىپ، ىندەت جاعدايىن وبيەكتيۆ تۇرعىدا تانىپ، عىلمي جولمەن ىندەتتەن ساقتانساق جانە ونى ەمدەسەك، ءبىز، ءسوز جوق، وسى رەتكى ىندەتتەن ساقتانۋ - تىزگىندەۋ توسقاۋىل شايقاسىنىڭ ەڭ سوڭعى جەڭىسىنە قول جەتكىزە الامىز.

( 2 - ايدىڭ 8 - كۇنگى «حالىق گازەتى»ندە جاريالانعان )

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.