تيانشان تورى   ›   جاڭالىقتار   ›   شينجياڭ حابارلارى

ۇقساماعان شايقاس مايدانى، ۇقساس جاۋىنگەرلەر

− سارسقا قارسى اتتانۋدان جاڭا تيپتى ايدارشا ۆيرۋس وكپە قابىنۋعا تىزە قوسا شايقاس جاساۋعا دەيىن، رايونىمىزداعى ءار ۇلت پارتيا مۇشەلەرى باستان - اياق ەڭ الدىڭعى شەپتە تۇردى

شينجياڭ گازەتىنىڭ جالپىلىق اقپارات قۇرالدارى تىلشىلەرى

  17 جىلدىڭ الدىندا سارس لاڭ سالعاندا، كوپتىڭ سالاماتتىعىن، اماندىعىن قورعاۋ ءۇشىن، ولار قىزمەت ورىندارىنان تاپجىلمادى، ”مەن پارتيا مۇشەسىمىن، مەن بارماسام كىم بارادى“ دەگەن سەرتتەر ءالى دە قۇلاقتا جاڭعىرىپ تۇر.

  ال بۇگىن جاڭا تيپتى ايدارشا ۆيرۋس وكپە قابىنۋىنا ءدوپ كەلگەندە، ولار تاعى ءبىر رەت اتويلاپ الدىڭعى شەپكە شىعىپ، بەرىك سەنىممەن: ”17 جىلدىڭ الدىندا ءبىز جەڭىسكە جەتكەنبىز، قازىردە ءبىز ىندەتپەن شايقاستىڭ جەڭىسىنە قول جەتكىزە الامىز!“.

  ۋاقىت پەن كەڭىستىكتى ەندەي ءوتىپ، ۇقساماعان شايقاس مايدانىندا ۇقساس ”جاۋىنگەرلەر“شايقاس جاسادى. ىندەت تۋىلعاننان بەرى، تۇتاس رايونىمىزداعى قالىڭ پارتيا مۇشەلەرى ساقتانۋ - تىزگىندەۋدىڭ ءبىرىنشى شەبىندە ەڭ اسەرلى كورىنىسكە، بۇقارانىڭ پارمەندى سۇيەنىشىنە اينالدى.

”بۇقارا ءۇشىن كوبىرەك جۇمىس ىستەسەك، ولار سوندا عانا الاڭسىز بولادى“

  ”اعاي، شەشەمنىڭ جۇرەك قاعىسى تەزدەپ، تىنىس الۋى قيىن بولىپ بارادى!“، ”مەن قازىر جەتەمىن!“ 2 - ايدىڭ 7 - كۇنى تۇستە ءۇرىمجى اۋدانى سارداۋان اۋىلى جۇڭلياڭ قىستاعى ەمحاناسىنىڭ شيپاگەرى تيان شۋەسىن زارارسىزداندىرۋ مىندەتىن جاڭا عانا ورىنداپ بولىپ، ۇيىنە قايتىپ تاماققا اۋىزى تيمەي جاتىپ قىستاق تۇرعىنىنىڭ تەلەفونىن الىپ، دەرەۋ ءدارى - دارمەك قوبديشاسىن اسىنىپ شىعىپ كەتتى. سول جاق اياعى كەمتار بولعاندىقتان، ءار رەت سىرتقا شىعىپ دياگنوز قوياردا ۇنەمى ايەلىن شوفەر بولۋعا اۋرەلەيتىن.

  نەشە ون جىلدىق شيپاگەرلىك تاجىريبەسى بار تيان شۋەسىن قىستاق تۇرعىندارىنىڭ سالاماتتىعىن قورعاۋ جاۋاپكەرشىلىگىن ارقالاپ كەلدى، ”ىندەت“ شايقاسىنىڭ ءبىرىنشى شەبىنە تاعى اتتانعان ونىڭ كوكەيىندە مىناداي اسەر بار: ”17 جىلدىڭ الدىندا ’سارس‘قا قارسى اتتانۋدا مەن ءبىرىنشى شەپتە بولاتىنمىن. پارتيا مۇشەسى بولعاندىقتان، شەشۋشى ساتتە، ءسوزسىز، العا شىعۋ كەرەك. بۇقارا ءۇشىن كوبىرەك جۇمىس ىستەسەك، ولار سوندا عانا الاڭسىز بولادى“.

  قىستاق تۇرعىنى ما يۇيفاڭنىڭ جۇرەك اۋرۋى ۇستاپ، تيان شۋەسىن شۇعىل قۇتقارۋ جۇرگىزگەننەن كەيىن قاتەردەن امان قالادى. ناۋقاستىڭ وتباسىنداعىلارىنا كوڭىل بولۋگە ءتيىستى ىستەردى تاپسىرعاننان كەيىن، تيان شۋەسىن دەرەۋ قىستاقتاعى 11 وتباسىندا اۋاشالانىپ جاتقان قىستاق تۇرعىندارىنىڭ دەنە تەمپەراتۋراسىن ولشەۋگە اتتاندى. ”بۇل قىزمەتتى مەن جالعىز ءوزىم ارقالادىم، ويتكەنى وتباسىلارىنا كىرسە بەلگىلى مولشەردە حاۋىپ بار“. تيان شۋەسىن ۇستىندەگى قورعانۋ كيىمىن كورسەتىپ ”مەن ساقتانۋ - قورعانۋ شاراسىن ويداعىداي ىستەدىم، تاجىريبەم دە مول“، - دەدى.

  70 جاسقا تاياپ قالعان تيان شۋەسىن جايلى ءسوز بولسا، جۇڭلياڭ قىستاعى پارتيا ياچەيكاسىنىڭ شۋجيى جاڭ دىرىننىڭ جۇزىنەن اسا ءتانتى بولعان بەينە بايقالادى: ”ءبىز وعان وسى رەتكى ىندەتتەن ساقتانۋ قىزمەتىنە جاستار بارسىن دەپ كەڭەس بەردىك، الايدا ول بوي بەرمەي قىستاقتىڭ جاعدايىنا ەڭ قانىق ەكەنىن ايتىپ، ىرىقتىلىقپەن شايقاسقا ءوتىنىش ەتتى“.

”مەنىڭ تاجىريبەم بار، وسى كەزدە مەن شىقپاي كىم شىعادى“

  2 - ايدىڭ 7 - كۇنى تۇستەن بۇرىن ءۇشتۇرپان اۋداندىق قوعام حاۋىپسىزدىگى مەكەمەسىنەن اقيار اۋىلى تاعارشى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى جۋ يىڭحۇڭ قورعانۋ كيىمىن كيىپ، ماسكى تارتىپ جانە تۇيىق كوزىلدىرىگىن تاعىپ تاعى ءبىر كۇندىك قىزمەتىن باستادى. ”اعا، بۇگىن جايسىزدانعان جەرىڭىز بار ما؟ دەنە تەمپەراتۋراڭىز قالىپتى ەكەن، وزگە شارۋاڭىز بولماسا سىرتقا شىقپاڭىز، جۇمىسىڭىز بولسا ماعان تەلەفون شالىڭىز“. دەنە تەمپەراتۋراسىن ولشەپ بولعان سوڭ، جۋ يىڭحۇڭ جالعاستى تاعى ءبىر ۇيگە قاراي جول تارتتى.

  1 - ايدىڭ 24 - كۇنى كەشتە ءاسىلى ۇيىنە قايتىپ مەرەكە وتكىزبەكشى بولعان جۋ يىڭحۇڭ بارلىق ادام قىزمەت ورنىندا بولسىن دەگەن بۇيرىقتى تاپسىرىپ الادى، وتباسىنداعىلارمەن قوشتاسۋعا دا ۇلگىرمەي، اسىعىس قىستاققا جول تارتادى، مىنە سودان بەرى جارتى ايعا تاياپ قالدى. ”دەر كەزىندە قىستاق تۇرعىندارىنا ىندەت جاعدايىن تۇسىندىرگەندە عانا، ساقتانۋدى ويداعىداي ىستەۋگە بولادى“، - دەدى جۋ يىڭحۇڭ.

  ءىس جۇزىندە، بۇل جۋ يىڭحۇڭنىڭ تۇڭعىش رەت ىندەتتىڭ ءبىرىنشى شەبىنە شىعۋى ەمەس. 2003 - جىلى ”سارس“ ىندەتى تۋىلعان كەزدە، 29 جاستاعى ول ءۇشتۇرپان اۋداندىق قوعام حاۋىپسىزدىگى مەكەمەسىنىڭ قاراپايىم حالىق ساقشىسى بولاتىن. سول كەزدە ول قىزمەتتەستەرىمەن بىرگە باقىلاۋ - تەكسەرۋ ورنىندا كەزەكشىلىك وتەپ، سارس اياقتالعانعا دەيىن تاباندىلىقپەن ىستەيدى.

  ىندەتتەن ساقتانۋ - تىزگىندەۋ كەزىندە، جۋ يىڭحۇڭ مەن قىزمەتتەستەرى قىستاقتارعا بارىپ، وتباسىلارىن ارالاپ جاعداي ۇعىسىپ، بۇقارانىڭ دەنە تەمپەراتۋراسىن ولشەپ، ىندەتتەن ساقتانۋ - تىزگىندەۋ بىلىمدەرىن ۇگىتتەپ، قىستاقتىڭ ءاربىر جالعىز اياق جولدارىن باسىپ، ءار وتباسىنىڭ شاعىن اۋلاسىنا كىردى. ”مەن ساقشىمىن، اۋەلى پارتيا مۇشەسىمىن. ’سارس‘ ىندەتىن باستان وتكىزگەمىن، مەنىڭ تاجىريبەم بار، وسى كەزدە مەن شىقپاي كىم شىعادى؟!“ - دەدى جۋ يىڭحۇڭ.

”ءبىرىنشى شەپتە تاپجىلماي، جاستارعا ۇلگى كورسەتتى“

  ”كەشە قىزىم ىشكى وڭىردەن قايتىپ كەلگەن، بارلىعىمىز وتباسىندا اۋاشالانىپ جاتىرمىز، مەن جاۋاپتى بولعان ەلەكترمەن قامتاماسىز ەتۋ مىندەتىن قايتەمىن؟“، ”ەشتەڭە ەتپەيدى، مەن بارمىن“. 2 - ايدىڭ 6 - كۇنى جاڭا عانا جۇمىستان قايتقان مەملەكەت ەلەكتر تورى شايار اۋداندىق ەلەكترمەن قامداۋ سەرىكتەستىگى ەلەكتر جولىن كۇتىمدەۋ، تەكسەرۋ، جوندەۋ گرۋپپاسىنىڭ باستىعى مامەت توحتى قىزمەتتەسىنىڭ تەلەفونىن قابىلداپ، جاڭا عانا شەشكەن يزولياتسيالى اياق كيىمىن قايتا كيىپ، ەلەكترمەن قامتاماسىز ەتۋ قىزمەتىنە كىرىستى.

  توسىننان تۋىلعان ىندەت الدىندا، 21 جىلدىق پارتيا ستاجى بار مامەت ىرىقتىلىقپەن شايقاسقا بارۋعا ءوتىنىش ەتىپ، ءوز قىزمەت مىندەتىن ويداعىداي ىستەپ قانا قالماستان، كوپتەگەن ”توسىننان“ كەلگەن قىزمەتتەردى ارقالادى.

  وسى كورىنىستەر 2003 - جىلعى ”سارس“قا قارسى اتتانۋ كەزىندەگى ونىڭ شايقاسقا بارۋعا ءوتىنىش ەتكەن كورىنىسىنە وتە ۇقساپ كەتتى، ول كەزدە مامەت تاعى دا دەر كەزىندە ىرىقتىلىقپەن شايقاسقا بارۋعا ءوتىنىش ەتىپ، بۇرىنعى قىزمەت ورنى باي اۋدانى ەلەكتر تاراتۋ زاۆودىنىڭ اينالىم ءبىرىنشى شەبىندە تۇردى. ”ول كەزدە ءبىزدىڭ ەلەكتر زاۆودىنىڭ پار قازانى سەحى كەزەكشىلىك ءتۇزىمىن اتقارعانىمەن، جىلۋ ەلەكترمەن قامداۋدا ەشقانداي ماسەلە شىقپاۋعا كەپىلدىك ەتۋ ءۇشىن، مامەت ۇندەۋگە بەلسەندى ءۇن قوسىپ، قىزمەت ورنىن اۋىستىرعاننان كەيىن ىرىقتى تۇردە ەڭ جاپالى كۇل الۋ مىندەتىن ارقالادى“، - دەدى كەزىندەگى قىزمەتتەسى سۇن حۇڭيە وتكەندى ەسكە الىپ.

  ”مەن ساقا پارتيا مۇشەسىمىن، ءبىرىنشى شەپتە تاپجىلماي، جاستارعا ۇلگى كورسەتەمىن“، - دەدى مامەت.

(جالپىلىق اقپارات قۇرالدارى تىلشىلەرى في شۋان، ليۋ يميڭ، جاڭ دۇڭمەي، ەرىكتى تىلشىلەر چي ران، چاڭ شۋاي جازعان)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.