ىندەتتەن ساقتانۋ - تىزگىندەۋ قىزمەتىن ويداعىداي ىستەۋ ەكونوميكالىق، قوعامدىق كەلەلى جاعدايدىڭ ورنىقتىلىعىنا تىكە قاتىستى؛ قالىپتى ەكونوميكالىق، قوعامدىق ءتارتىپتى قورعاۋ ەلەۋلى ىندەتكە ءونىمدى توتەپ بەرۋدىڭ ماڭىزدى كەپىلى.
2 - ايدىڭ 3 - كۇنى باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، كەلەسى قادامداعى ىندەتتەن ساقتانۋ - تىزگىندەۋ قىزمەتىن اقىلداستى. ءماجىلىس قالىپتى ەكونوميكالىق، قوعامدىق ءتارتىپتى شىنايى قورعاۋ كەرەكتىگىن باسا دارىپتەدى، سونداي - اق ىندەتتەن ساقتانۋ - تىزگىندەۋدى كۇشەيتۋمەن بىرگە، ءوندىرىستىڭ، تۇرمىستىڭ ورنىقتى، ءتارتىپتى بولۋىن ساقتاۋ جونىندە ورنالاستىرۋ جاسادى. ءار دارەجەلى پارتكومدار مەن ۇكىمەتتەر باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، ەكونوميكالىق، قوعامدىق كەلەلى جاعدايدىڭ ورنىقتىلىعىن كۇش سالا قورعاپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋگە پارمەندى كەپىلدىك ازىرلەۋ كەرەك.
تاياۋ كۇندەردەن بەرى، وڭىرلەر، تاراۋلار قىزمەت تەبىنىن ارتتىرىپ، كاسىپورىنداردى جۇمىس باستاۋعا، ءوندىرىستى قالپىنا كەلتىرۋگە جۇمىلدىرىپ، ورنالاستىرىپ، ءوندىرىس پەن سۇرانىستى ۇشتاستىرۋدى كۇشەيتىپ، ىندەتكە قارسى تۇرۋداعى زاتتىق ماتەريالدارمەن قامداۋعا كەپىلدىك ەتىپ، تۇرمىستىق قاجەتتى بۇيىمدار بازارىن جانە كومىر، ەلەكتر، جانارماي، گازبەن ورنىقتى قامداۋعا قامتاماسىز ەتۋدەن قاتىناس تاسىمالىنىڭ ءتارتىپتى، ىركىلىسسىز بولۋىنا شىنايى كەپىلدىك ەتۋگە، ادامداردىڭ، اۆتوكولىكتەردىڭ قالىپتى قاتىناۋىنا شىنايى كەپىلدىك ەتۋگە، ونان زاڭعا قايشى ءتۇرلى قىلمىستىق ارەكەتتەرگە زاڭ بويىنشا سوققى بەرىپ، قوعام ورنىقتىلىعى مەن مەملەكەت حاۋىپسىزدىگىن قورعاۋعا دەيىن ءبىر قىدىرۋ ساياسات - شارالار شىعارىپ، ەكونوميكانىڭ، قوعامنىڭ ورنىقتى، ءتارتىپتى اينالىمىن ىلگەرىلەتتى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ىندەتتەن ساقتانۋ - تىزگىندەۋ قىزمەتى پارمەندى، ءتارتىپتى ىلگەرىلەتىلىپ، بۇكىل ەلدە جوعارىدان تومەنگە دەيىن قيىندىقتى بىلەك بىرىكتىرە جەڭۋدىڭ، ەل بىرلىگىنەن قامال تۇرعىزۋدىڭ، اۋىر جاعدايدى بىرگە جەڭۋدىڭ قۋاتتى كۇشى ۇيىستىرىلدى.
كەزەكتە ىندەتتەن ساقتانۋ - تىزگىندەۋ شەشۋشى مەزگىلدە تۇر، قالىپتى ەكونوميكالىق، قوعامدىق ءتارتىپتى شىنايى قورعاۋ ايرىقشا ماڭىزدى. كوكونىس، ەت، جۇمىرتقا، ءسۇت، استىق سياقتى تۇرعىنداردىڭ تۇرمىستىق قاجەتتى بۇيىمدارىمەن قامداۋعا شىنايى كەپىلدىك ەتىپ، ”كوجە قاتىق“قا قالا باستىعى جاۋاپتى بولۋ ءتۇزىمىن تياناقتاندىرىپ، كوكونىس سياقتى قوسىمشا ازىق - تۇلىك ءوندىرىسىن بەلسەنە ۇيىمداستىرىپ، زاتتىق ماتەريالداردى سەپتەۋدى جانە بازار قامداۋىن كۇشەيتىپ، شارا قولدانىپ، تۇرمىستىق قاجەتتى بۇيىمداردى تاسيتىن اۆتوكولىكتەردىڭ ىركىلىسسىز قاتىناۋىنا كەپىلدىك ەتۋ كەرەك. كومىر، ەلەكتر، جانارماي، گازبەن قالىپتى قامداۋدى ويداعىداي ىستەپ، تۇرعىنداردىڭ ەنەرگيا پايدالانۋ قاجەتىن قامتاماسىزداندىرۋ كەرەك. ەمدەۋ، قۇتقارۋ - ەمدەۋ ءتارتىبىن باتىل قورعاپ، بەلگىلەنگەن ەمدەۋ قۇرىلىمدارى، اۋاشالاۋ ورىندارى سياقتى ءتۇيىندى ورىنداردىڭ اماندىعىن قورعاۋ قىزمەتىن كۇشەيتىپ، حاۋىپسىزدىكتى ساقتاۋ شارالارىن تياناقتاندىرىپ، جۇقپالى اۋرۋلاردان ساقتانۋ - ەمدەۋ زاڭى بويىنشا ىندەتتەن ساقتانۋ ءتارتىبىن بار كۇشپەن قورعاپ، ەمدەۋ قىزمەتكەرلەرىن ۇرىپ - سوققانداردى، زاقىمداعانداردى، ەمدەۋ، قۇتقارۋ - ەمدەۋ ءتارتىبىن بۇلدىرگەندەردى، ءسوزسىز، باتىل ءبىر جاقتى ەتۋ كەرەك. قوعام اماندىعى قىزمەتىن تىڭعىلىقتى ويداعىداي ىستەپ، ىندەتتەن پايدالانىپ، زات باعاسىن قىمباتتاتۋ، قىمباتتاعاندا ساتۋ ءۇشىن باسىپ قويۋ، ورايدان پايدالانىپ ولجا ءتۇسىرۋ سياقتى قوعامدىق ءتارتىپتى بىلىقتىراتىن زاڭعا قايشى قىلمىستىق ارەكەتتەرگە زاڭ بويىنشا قاتاڭ سوققى بەرۋ، جالعان، جارامسىز ءدارى - دارمەكتەردى، ەمدەۋ اسپاپتارىن، مەديتسينالىق دەنساۋلىق ساقتاۋ ماتەريالدارىن جاساۋ، ساتۋ سياقتى زاڭعا قايشى قىلمىستىق ارەكەتتەرگە قاتاڭ سوققى بەرۋ، زاڭعا قايشى ءتۇرلى قىلمىسقا باتىل تۇردە زاڭ بويىنشا سوققى بەرۋ كەرەك. ىندەتتەن ساقتانۋ - تىزگىندەۋ بارىسىندا جارىققا شىققان ءتۇرلى قايشىلىق پەن ماسەلەگە، ءسوزسىز، دەر كەزىندە توتەپ بەرۋ، ونى ۇتىمدى ءبىر جاقتى ەتۋ كەرەك. وسى قىزمەتتەردى ەگجەي - تەگجەيلى، قۇنتتاپ ناقتى تياناقتاندىراتىن بولساق، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋگە پارمەندى كەپىلدىك ازىرلەۋگە بولادى.
وسى رەتكى ىندەتتەن ساقتانۋ - تىزگىندەۋ ءبىر رەتكى تاعدىر شايقاسى، ءبىز ەڭ زور قۇلشىنىسىمىزبەن ونىڭ بيىلعى ەكونوميكالىق، قوعامدىق دامۋ مىندەتىنە اۋىر بوگەت بولۋىنا جول بەرمەۋىمىز كەرەك. ىندەت اۋىر وڭىرلەر ىندەتتەن ساقتانۋ - تىزگىندەۋ قىزمەتىن زەيىن - زەردەنى شوعىرلاندىرا وتىرىپ ويداعىداي يگەرۋ كەرەك، باسقا وڭىرلەر ىندەتتەن ساقتانۋ - تىزگىندەۋ قىزمەتىن ويداعىداي ىستەۋمەن بىرگە، رەفورمانىڭ، دامۋدىڭ، ورنىقتىلىقتىڭ ءتۇرلى قىزمەتتەرىن ءبىر تۇتاس جوسپارلاپ ويداعىداي يگەرۋ، اسىرەسە، جاپپاي دوڭگەلەك داۋلەتكە جەتۋ شەشۋشى جەڭىسىنىڭ، كەدەيلىكتەن ارىلتۋدان قامال الۋ شەشۋشى شايقاسىنىڭ ءتۇيىندى مىندەتتەرىن ويداعىداي يگەرۋ كەرەك، سىلبىرلىققا سالىنۋ، توسىپ وتىرۋ يدەياسىندا بولۋعا بولمايدى. ىندەتتەن ساقتانۋ - تىزگىندەۋ ءارى ءبىر رەتكى جالپى تۇلعالىق شايقاس، ءبىز ءبىر تۇتاس جوسپارلاپ تەڭ ءمان بەرۋگە، سايكەسىپ بىرلەسىپ ارەكەتتەنۋگە تاباندى بولۋىمىز، ءارى ىندەتتەن ساقتانۋ - تىزگىندەۋدىڭ ءتۇرلى قىزمەتتەرىن شىنايى ويداعىداي ىستەۋىمىز، ءارى پارتيا ورتالىق كوميتەتى شەشىم جاساعان، ورنالاستىرعان ەكونوميكالىق، قوعامدىق دامۋدىڭ ءتۇرلى قىزمەتتەرىن جالپى بەتتىك ويداعىداي يگەرىپ، بيىلعى ەكونوميكالىق، قوعامدىق دامۋدىڭ نىسانا - مىندەتتەرىن قۇلشىنا جۇزەگە اسىرۋىمىز كەرەك. ءبىز سەنىمدى بەكەمدەپ، ءبىر تىلەك، ءبىر نيەتتە بولىپ، بوران - شاشىندا بوگەلمەي العا باسايىق. جۇڭگو حالقىنىڭ، ءسوز جوق، قابىلەتى قاپتال جەتەدى! جۇڭگونىڭ، ءسوزسىز، قولىنان كەلەدى!
(2 - ايدىڭ 9 - كۇنگى «حالىق گازەتى»ندە جاريالانعان)
