تيانشان تورى   ›   جاڭالىقتار   ›   شينجياڭ حابارلارى

ءبىر جاعىنان، ىندەتتەن ساقتانۋدى، ەندى ءبىر جاعىنان، ءوندىرىستى يگەردى

− رايونىمىزداعى ءتۇرلى ءوندىرىس كاسىپورىندارى ىركەس - تىركەس جۇمىستى قايتا باستادى، ءوندىرىستى قالپىنا كەلتىردى

 جالپىلىق اقپارات قۇرالدارى تىلشىلەرى

  ءالى دە كۇردەلى دە قاتاڭ بولىپ وتىرعان جاڭا تيپتى ايدارشا ۆيرۋس وكپە قابىنۋ ىندەتى الدىندا، رايونىمىزداعى ءتۇرلى ءوندىرىس كاسىپورىندارى ساقتانۋ - تىزگىندەۋ شاراسىن قاتاڭ تياناقتاندىرۋ العى شارتىندا، ىركەس - تىركەس جۇمىستى قايتا باستادى، ءوندىرىستى قالپىنا كەلتىردى. وسى كاسىپورىندار ءبىر جاعىنان، ىندەتتەن ساقتانۋ - تىزگىندەۋدى، ەندى ءبىر جاعىنان، حاۋىپسىز ءوندىرىستى يگەرىپ، ۋاقىتپەن جارىسىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋگە كۇش سالدى.

ىندەتتى تىزگىندەپ، ءوندىرىستى ورنىقتىرۋعا بار كۇشىن سالدى

  ىندەت تۋىلعاننان كەيىن، جۇڭگو مۇناي حيميا باتىس تەرىستىك مۇناي الابى بولىمشە سەرىكتەستىگى ساقتانۋ - تىزگىندەۋ شاراسىن اشالاۋ، قىزمەت مەحانيزمىن اقاۋسىزداندىرۋ سياقتى جاقتاردان باستاپ ناقتى، ەگجەي - تەگجەيلى يگەردى، قىزمەتكەرلەر قورعانۋ بۇيىمدارىن، ءسوز جوق، ىستەتۋى، جۇمىس جۇرگىزۋ، تۇرمىس رايوندارىن قاتاڭ زارارسىزداندىرۋ كەرەك. قازىر سەرىكتەستىك 4200دەن استام ادامنىڭ دەنە تەمپەراتۋراسىن باقىلاۋ - ولشەۋ ساندى مالىمەت قويماسىن قۇردى، 7 جول ايرىعىنداعى تەكسەرۋ پۋنكتىندە مۇناي الابىنا كىرىپ - شىققان بارلىق ادامدى، اۆتوكولىكتى تىزىمدەدى، سونداي - اق ادامداردىڭ دەنە تەمپەراتۋراسىن ولشەدى.

  ىندەتتەن ساقتانۋ - تىزگىندەۋدى قاتايتۋمەن بىرگە، باتىس تەرىستىك مۇناي الابى بولىمشە سەرىكتەستىگى تاعى ءوندىرىستىڭ ءبىرىنشى شەبىندە ىندەتتەن ساقتانۋ - تىزگىندەۋ جانە وندىرىستەن قامال الۋ پارتيا مۇشەلەرى ەكپىندىلەر اترەتىن قۇردى، بارلاۋ سالاسىنداعى عىلمي زەرتتەۋ قىزمەتكەرلەرى تاعى الىس ارالىقتى بەينە جازبادان پايدالانىپ، قۇدىق ورنىن تاڭدادى. قۇدىق بۇرعىلاۋدى كوتەرمەگە الۋشى كاسىپورىن قىزمەتكەرلەرىنىڭ كوبىنىڭ ىشكى وڭىردە بولۋداي ءىس جۇزىندىك جاعدايعا مەڭزەس، باتىس تەرىستىك مۇناي الابى بولىمشە سەرىكتەستىگى تاعى كوتەرمەگە الۋشى كاسىپورىنداردى ىنتالاندىرۋ ساياساتىن شىعارىپ، كوتەرمەگە الۋشى كاسىپورىنداردى قىزمەتكەرلەردىڭ جىلجىمالىعىن ازايتۋ، زاتتىق ماتەريالدارمەن قامداۋ قيىنشىلىعىن شەشۋ سياقتى جاقتارداعى قولداۋدى كۇشەيتىپ، مۇنايمەن، گازبەن ءۇزىلىسسىز قامداۋعا شىنايى كەپىلدىك ەتتى.

  2 - ايدىڭ 9 - كۇنى تۇستەن بۇرىن ساعات 10دا سانجى مەملەكەتتىك جوعارى، جاڭا تەحنيكا كاسىپ سالاسى اشۋ رايونى جاڭا ماتەريالدار كاسىپ سالاسى باقشاسىنا ورنالاسقان شينجياڭ لانشان تۇنحى پولي ەستەر شەكتى سەرىكتەستىگىنىڭ (تومەندە قىسقاشا تۇنحى پولي ەستەر دەلىنەدى) ەكى اۆتوبۋزى جاڭادان جالعا العان جاتاق اۋماعىنان ءوندىرىس اۋماعىنا كىردى، قورعانۋ كيىمدەرىن كيگەن 200 نەشە قىزمەتكەر دەنە تەمپەراتۋراسىن ولشەتكەننەن كەيىن، جالپى بەتتىك زارارسىزداندىرىلعان سەحقا ءتارتىپتى ەندى. ەكى قوندىرعى، ءۇش ءوندىرىس جەلىسى جىلدام ىسكە قوسىلىپ، ءبىر كۇندىك قاربالاس، ءتارتىپتى ءوندىرىس باستالدى.

  ”ىندەت“ شايقاسى باستالعاننان بەرى، تۇنحى پولي ەستەردىڭ 3 ءوندىرىس جەلىسى بار قارقىنمەن وندىرىسكە ءتۇسىپ، PBSA1، PBSA2نىڭ كۇندىك ءونىم مولشەرىن جەكە - جەكە 96 تونناعا جانە 145 تونناعا جەتكىزدى. كەزەكتە سەرىكتەستىك ءبىرىنشى مەرزىمدىك جىلىنا 2 × 30 مىڭ توننا ءوندىرۋ PBSA نىسانىن ءونىم مولشەرىنە، ولشەمگە جەتكىزۋدى ويداعىداي ىستەۋمەن بىرگە، ەكىنشى مەرزىمدىك جىلىنا 240 مىڭ توننالىق تۇگەلدەي ورگانيزمدەردەن ىدىراتىلعان جەلىم نىسانىنىڭ الدىڭعى مەرزىمدىك قىزمەتىن جالپى بەتتىك باستادى. الدىڭعى مەرزىمدىك بازار تەكسەرۋ - زەرتتەۋىن، جوبالاۋشى جاقتىڭ تەحنولوگيا جوباسىن العاشقى قادامدا تۇراقتاندىرۋ نەگىزىندە، تاياۋدا جىلىنا 240 مىڭ توننا ءوندىرۋ نىسانىنىڭ العاشقى قادامداعى قارجى قوسۋ مەجە ەسەبى مەن ەكىنشى مەرزىمدىك نىساننىڭ العاشقى قادامداعى جالپى جوباسىن ورنالاستىرۋ سياقتى الدىڭعى مەرزىمدىك قىزمەتتەردى ورىندادى، كەيىنگى قىزمەتتەر جەدەل ىلگەرىلەتىلۋدە.

جاۋاپكەرشىلىكتى تياناقتاندىرىپ، قامداۋدى قامتاماسىز ەتتى

  2 - ايدىڭ 8 - كۇنى ساعات 21دە شينجياڭ ناڭجياجيا ازىق - تۇلىك دامىتۋ شەكتى سەرىكتەستىگىنىڭ باس جوراسى جاڭ شۇن الي ديڭديڭ تورىندا جۇمىس جۇرگىزۋ ارقىلى ءوندىرىس بەينە جازبا ءماجىلىسىن دەر كەزىندە اشتى.

  سەرىكتەستىكتىڭ ياركەن اۋدانى باشكەنت قالاشىعى كوكجاي قىستاعىنداعى ناۋبايحاناسى سول كۇنى 1500نان جاپتى ءارى بارلىعىن جاقىن ماڭداعى اۋىل - قالاشىقتاردىڭ ىندەتتەن ساقتانۋ - تىزگىندەۋ تۇيىندەرىنە جەتكىزىپ بەردى.

  ”ناۋبايحانا قايتا جۇمىس باستاعاننان كەيىن، كۇنىنە 1200دە 1500 نان جابادى. بۇل ناندار تۇگەلدەي ياركەن اۋدانىنىڭ ىندەتتەن ساقتانۋ - تىزگىندەۋ ءبىرىنشى شەبىنە جەتكىزىلەدى، بۇگىن 3 - كۇنى جەتكىزۋىمىز“، - دەدى جاڭ شۇن. ناۋبايحانا قىزمەتكەرلەرى ءار كۇنى جۇمىسقا شىعار الدىندا، الدىمەن دەنە تەمپەراتۋراسىن ولشەتەدى ءارى زارارسىزداندىرۋ جۇرگىزەدى. قىزمەت كەزىندە ناۋبايحانا بەلگىلەگەن ازىق - تۇلىك تازالىق ولشەمى بويىنشا قاتاڭ جۇمىس جۇرگىزەدى.

  تاياۋ كۇندەرى شينجياڭ شينيە مەملەكەت مەنشىگىندەگى مال - مۇلىك تيجاراتى (توبى) شەكتى جاۋاپكەرشىلىك سەرىكتەستىگىنىڭ قاراستىلىعىنداعى بالا سەرىكتەستىكتەر ىركەس - تىركەس قايتا جۇمىس باستاپ، ءوندىرىس جۇرگىزدى ءارى ىندەتتەن ساقتانۋ - تىزگىندەۋ شارالارىن قاتاڭ تياناقتاندىرىپ، بارلىق جۇمىس جۇرگىزۋ اۋماعى، اسحانا سياقتى وڭىرلەردى ءار كۇنى تازالادى، زارارسىزداندىردى، سونىمەن بىرگە ءاربىر ەسىك كۇزەتىندە سەرىكتەستىككە كىرگەن بارلىق ادامنىڭ دەنە تەمپەراتۋراسىن ولشەپ، كاسىپورىننىڭ حاۋىپسىز، ورنىقتى وندىرىسىنە كەپىلدىك ەتتى. بۇل سەرىكتەستىككە قاراستى شينجياڭ حوتان گوجىچۋ ازىق - تۇلىك شەكتى جارنا سەرىكتەستىگى 2 - ايدىڭ 1 - كۇنىنەن باستاپ تازارتىلعان سۋ وندىرۋگە بار كۇشىن سالىپ، كۇنىنە 500 جاشىكتىڭ ۇستىندە تازارتىلعان سۋ ءوندىرىپ، جەرگىلىكتى ورىننىڭ ىندەتتەن ساقتانۋ - تىزگىندەۋدەگى شۇعىل جاعدايعا توتەپ بەرۋ قاجەتىنە كەپىلدىك ەتتى.

  2 - ايدىڭ 9 - كۇنى شينجياڭ بايچىڭ شيانشى توبىنىڭ ورتالىق اسحاناسىندا، باس كيىم كيىپ، ماسكى تاعىپ، ءبىر رەتتىك قولعاپ كيگەن جۇمىسشىلار قاربالاس ىستەۋدە. بۇل كاسىپورىن ارناۋلى تۇردە ورگاندارعا، توپتارعا، كاسىپورىن، ءىسورىندارعا اس - تاعام ازىرلەيدى. توپتىڭ جاۋاپتىسى جاڭ شياۋۋي بىلاي دەدى: ”ءبىز ءار كۇنى سەحقا، جابدىقتارعا از دەگەندە، 2 رەتتەن ارتىق زارارسىزداندىرۋ جۇرگىزەمىز، سونداي - اق ورتالىق اسحانانى ىسكە قوسىپ، ىستىق، تىزبەكتى قوراپتاۋلى تاماقتار پىسىرىپ، ايىرىم - ايىرىم قوراپتاۋ ءتاسىلىن قولدانىپ ءبىر تۇتاس قالتاعا سالىپ جەتكىزۋدەمىز“.

  توقسۋ اۋدانى اجيم سىركە سۋ ازىق - تۇلىك مانەرلەۋ زاۆودىندا ءوندىرۋ، قوراپتاۋ سياقتى سەحتار كۇش بىرىكتىرە سەلبەسىپ بار قارقىنمەن ءوندىرىس جۇرگىزىپ، قالتا - قالتا سىركە سۋىن تەز ارادا ءوندىرىس جەلىسىنەن شىعاردى. بۇل زاۆودتىڭ باستىعى سامەت ابلا بىلاي دەدى: ”ىندەتتەن ساقتانۋ - تىزگىندەۋ كەزىندە زاتتىق ماتەريالدارمەن قامداۋدى قامتاماسىز ەتۋ ءۇشىن، ءبىز ءوندىرىس جەلىسىن كوبەيتىپ، بار كۇشپەن ءوندىرىس جۇرگىزەمىز، سونىمەن بىرگە زاتتىق ماتەريالداردى جونەلتۋ قىزمەتىن جاقسى ىستەپ، قالىڭ بۇقارانىڭ كۇندەلىكتى تۇرمىس قاجەتىن قاناعاتتاندىرامىز“.

قاتاڭ باسقارىپ، ءساتتى باستاما اشتى

  قابا اۋدانىنا ورنالاسقان شينجياڭ اشىلى مىس كاسىبى شەكتى جارنا سەرىكتەستىگى ىرىقتىلىقپەن ىسكەرلىك كورسەتىپ، ىندەتتەن ساقتانۋ - تىزگىندەۋ باسشىلىق گرۋپپاسىن جەدەل قۇرىپ، ساتىلار بويىنشا جاۋاپكەرشىلىكتى قاتايتىپ، قىزمەتكەرلەردىڭ قورعانۋىن كۇشەيتۋمەن بىرگە، يكەمدى مالىمدەۋ ءتۇزىمىن تياناقتاندىردى.

  2 - ايدىڭ 7 - كۇنى وسى سەرىكتەستىكتىڭ كەن سۇرىپتاۋ زاۆودى ۇنتاقتاۋ - سەزگىلەۋ 1 - سەحىندا ءبىرىنشى شەپ قىزمەتكەرى ماسكى تاعىپ، ماشينانى جاتتىق جۇرگىزۋدە. سەرىكتەستىكتىڭ ورىنباسار باس ديرەكتورى فىڭ گوفۋ بىلاي دەدى: سەرىكتەستىك قاقپادان كىرۋدى قاتايتىپ، تۇتاس جابىق كۇيدە باسقارۋ جۇرگىزىپ، ءوندىرىستى، تۇرمىستى قامتاماسىز ەتەتىن اۆتوكولىكتەردەن سىرت، ادامداردىڭ، اۆتوكولىكتەردىڭ بەتالدى كىرۋىنە تيىم سالدى. ءبىر جاعىنان، ىندەتتەن ساقتانۋ - تىزگىندەۋدى، ەندى ءبىر جاعىنان، حاۋىپسىز ءوندىرىستى ۇستاۋ بارىسىندا، بۇل سەرىكتەستىك بيىل 1 - ايدا 4232 توننا مىس، 927 توننا مىرىش ءوندىرىپ، جەكە - جەكە جىلدىق جوسپاردىڭ %9.8ىن جانە %8.57ىن ورىنداپ، العاشقى ايداعى ءوندىرىستىڭ ءساتتى باستاماسىن اشتى.

  2 - ايدىڭ 9 - كۇنى اقسۋ حۋاجين حيميالىق تىڭايتقىش شەكتى جاۋاپكەرشىلىك سەرىكتەستىگى ۋرەا سەحىنىڭ جۇمىسشىسى باي ۋىن ماسكى تاعىپ سەحتا قاربالاس ءجۇر. كاسىپورىن بۇكىلدەي جابىق ءوندىرىس جۇرگىزۋمەن بىرگە، ءوندىرىس سەحتارىنىڭ باس تىزگىندەۋ بولمەلەرىن، جۇمىس سەحىن، اسحانا، جاتاقحانا سياقتى الەۋمەتتىك ورىنداردى كۇندە بەلگىلەنگەن ۋاقىتتا زارارسىزداندىرىپ، اۋا الماستىرىپ تۇردى. وسى سەرىكتەستىكتىڭ باس ينجەنەرى فىڭ ۋي بىلاي دەدى: قازىر كاسىپورىن كۇنىنە 1800 توننا ۋرەا وندىرەدى، وندىرىلگەن ونىمدەر تاس جول مەن تەمىر جول ارقىلى شينجياڭنىڭ جەر - جەرىنە جەتكىزىلەدى. وڭتۇستىك شينجياڭداعى اۋىل شارۋاشىلىق ماتەريالدارىن وندىرەتىن ماڭىزدى كاسىپورىن رەتىندە، بۇل سەرىكتەستىك ىندەتتەن ساقتانۋ - تىزگىندەۋدى مىقتى ۇستاۋمەن بىرگە، ءوندىرىستىڭ حاۋىپسىز، ورنىقتى جۇرىلۋىنە شىنايى كەپىلدىك ەتىپ، كوكتەمگى ءوندىرىس دايىندىعى ءۇشىن بەرىك نەگىز قالادى.

  (جالپىلىق اقپارات قۇرالدارى تىلشىلەرى جاڭ جىلي، گى يوۋجۇن، جاڭ تيڭ، شى شين، ما ينيڭ، جاۋ يۋە، يۇي شي، ەرىكتى تىلشىلەر گۇڭ شيجيە، دىڭ ليجۋان، سۇڭ حۋامين، ۋاڭ فۋچۋان، تاڭ جيڭ، ۋاڭ لۇڭجياڭ، ۋي زىيۇن جازعان)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.