ىندەتتەن ساقتانۋ-تىزگىندەۋ مەزگىلىندە، مەكەمەنىڭ اسحانا ورتاسى قالاي ساقتانۋ كەرەك؟
(1) ورتانىڭ تازالىعىن ساقتاۋ. مەكەمەنىڭ اسحاناسىنان توپتىق تاماقتانپ، الەۋمەتتىك زاتتارمەن جاناسقاندا (مىسالى، سۋ شۇمەگى، ەسىك تۇتقاسى، ۇستەل) دەركەەزىندە جۋۋ جانە زارارسىزداندىرۋ. قويۋلىعى 500mg/L لىك حلورلى زارارسىزداندىرعىشپەن دىمدالعان سۇرتكىشپەن ءسۇرتۋ، بۇنداي زارارسىزداندىرۋ ءتاسىلى وتباسىنداعى زاتتاردىڭ بەتىن زارارسىزداندىرۋعا قولدانۋعا دا بولادى.
(2) اسحانا ءىشىنىڭ اۋا اينالىمىن ساقتاۋ، ۇنەمى تەرەزە اشىپ اۋا الماستىرىپ تۇرۋ.
(3) ازىقتىق مانەرلەۋ سەحىنىڭ تازا، قۇرعاقتىعىن ساقتاۋ، اس قالدىقتارى قوقىستارىن دەركەزىندە ءبىر جاقتى ەتۋ.
ىندەتتەن ساقتانۋ-تىزگىندەۋ مەزگىلىندە مەكەمەدە اسحاناسىنىڭ قىزمەتكەرلەرى قالاي ساقتانۋ كەرەك؟
(1) اسحانا قىزمەتكەرلەرىنىڭ دەنساۋلىعىن باقىلاۋ-تەكسەرۋدى كۇشەيتۋ، ەگەر جاڭا تيپتى ايدارشا ۆيرۋس وكپە قابىنۋ ىندەتىنىڭ كۇماندى بەلگىلەرى بايقالسا (قىزۋ، جوتەلۋ، جۇتقىنشاق اۋرۋ، كەۋدەسى قىسىلۋ، تىنىس الۋى قيىنداۋ بەلگىلەرى، سونداي-اق دارمەنسىزدەنۋ، جۇرەگى ايىنىپ قۇسۋ، ءىش ءوتۋ، باس اۋرۋ، كوز دانەكەر قابىعىنىڭ قابىنۋى، قول-اياق نەمەسە ارقا، بەل بۇلشىق ەتتەرىنىڭ اشىپ اۋرۋى قاتارلىلار) دەركەزىندە اۋاشالانىپ ەمدەلۋ، ناۋقاستانىپ قىزمەتكە شىقپاۋ.
(2) قولدى ءجيى جۋۋ. ەڭ جاقسىسى قول جۋۋ سۇيىقتىعىمەن (سابىن) اعىندى سۋمەن قولدى تولىق جۋۋ، قىزمەت مەزگىلىندە اقىسىز زارارسىزداندىرۋ سۇيىقتىعىمەن قولدى زارارسىزداندىرۋ.
(3) قىزمەتكەرلەر قىزمەت مەزگىلىندە جەكە باسىندىق ساقتانۋدى ويداعىداي ىستەۋ. ءسوزسىز كيىۋگە ءتيىستى قىزمەت كيمىنەن (باس كيىم) سىرت، قورعانۋ ماسكىسىن تاعۋ.
مەكەمە اسحاناسى (وتباسىندا) ازىقتىقتاردى ساتىپ الۋ مەن ساقتاۋدا نەلەرگە كوڭىل ءبولۋ قاجەت؟
(1) جۇيەلى كوكونىس بازارىنا، ەرەن بازارلارعا بارىپ ازىقتىق ساتىپ الۋ ءارى جەكە باسىندىق قورعانۋدى ويداعيداي ىستەۋ. جابايى حايۋاناتتار سىندى ”ءتۇز ءدامىن“ ساتىپ الماۋ، جەمەۋ، ءوز بەتىمەن ءتىرى مال، قۇستاردى سويماۋ، كەلۋ قاينارى انىق بولماعان مال، قۇستاردىڭ ەتى جانە ودان جاسالعان ونىمدەردى پىسىرماۋ.
(2) ازىقتىق ساقتاماۋ. وڭاي ءشىريتىن كوكونىستەردى ناق مايداندا ساتىپ الىپ تۇتىنۋ. سىرتقا شىعۋدى ازايتۋ ءۇشىن، ساقتاۋعا ءتوزىمدى ەتتەر مەن كوكونىستەردى لايىقتى زاپاس ساقتاۋ.
(3) ءار ءتۇرلى ازىقتىقتاردى ۇيلەسىمدى شارتىنا قاراي ساقتاۋ، ساقتاۋ مەرزىمى وتكەن ازىقتىقتاردى جەمەۋ.
(4) ازىقتىق ماتەريالدارىن تاڭداعاندا ەتتى-ەتسىز، ءىرى-جىڭىشكەنى ارالاستىرۋعا كوڭىل ءبولۋ، جاڭا جەمىس-جيدەكتەر مەن كوكونىستەردى كوبىرەك تۇتىنۋ، قورەكتىكتىڭ تەپە-تەڭدىگى يممۋنيتەتتىك قۋات پەن قارسىلىق قۋاتتىڭ جوعارىلاۋىنا دەم بەرىپ، نەگىزدىك اۋرۋلاردى ازايتادى.
ازىقتىقتاردى پىسىرۋ بارىسىندا نەلەرگە كوڭىل ءبولۋ كەرەك؟
(1) ەت، جۇمىرتقا، قۇس جانە سۋ ونىمدەرى قاتارلى ازىقتىتاردى پىسىرعاندا ابدەن پىسىرۋ، اسىپ قالعان كوكونىس پەن تاماقتى جەۋدىڭ الدىندا ابدەن جىلتۋ، ىندەت مەزگىلىندە شاما بار سالقىن قۋىرماش جاساماۋ.
(2) جاسالعان ازىقتىتاردى تەز ارادا تۇتىنۋ، ەگەر دەركەزىندە جەي الماسا، پىسقان ازىقتىقتاردى بولمە تەمپەراتۋراسىندا ساقتاعاندا 2 ساعاتتان اسىرماۋ ءارى ورتالىق تەمپەراتۋراسىن 70 سەلتسي گرادۋستا ساقتاۋ.
(3) مانەرلەۋ بارىسىندا پىشاقتى، تاقتانى، ىدىستى ايىرىم ىستەتىپ، ءوزارا بىلعانۋدان ساقتانۋ.
(4) قولدى ءجيى جۋۋ. پىسىرۋ الدىندا، پىسىرۋ بارىسىندا تازا ەمەس زاتتارمەن جاناسقاننان كەيىن، سونداي-اق دارەتتەن كەيىن، پىسىرىپ بولعاننان كەيىن تۇگەلدەي زارارسىزداندىرۋ سۇيىقتىعىمەن (سابىن) اعىندى سۋمەن قولدى تولىق جۋۋ.
ىدىس-اياقتاردى قالاي زارارسىزداندىرۋ كەرەك؟
ىدىس-اياقتاردى زارارسىزداندىرۋدا ەڭ ءونىمدى، ەڭ حاۋىپسىز ءتاسىل — جىلۋ كۇشىمەن زارارسىزاندىرۋ، الدىمەن ىدىس-اياقتاردى جۋعاننان كەيىن، قايناعان سۋدا 15-30 مينۋت سالىپ زارارسىزاندىرامىز؛ نەمەسە ىدىس-اياقتاردى تازا جۋعاننان كەيىن ىستىق بۋلاۋ اسپابىنا 15-30 مينۋت قويۋ؛ ىدىس-اياقتاردى زارارسىزداندىراتىن حيميالىق زارارسىزداندىرعىشتى لايىقتى پايدالانۋعا دا بولادى، ءونىمىنىڭ تۇسىندىرمەسى بويىنشا ىستەۋ كەرەك.
ىندەتتەن ساقتانۋ-تىزگىندەۋ مەزگىلىندە مەكەمە اسحاناسىنا بارعاندا قالاي حاۋىپسىز تاماقتانۋعا بولادى؟
(1) ىندەت مەزگىلىندە، مەكەمە اسحاناسىنا جينالىپ تاماقتانباۋدى ۇسىنىس ەتەمىز. ءسوزسىز تاماقتانۋعا تۋرا كەلسە، كەزەكپەن بارۋ نەمەسە ءبولىنىپ تاماقتانۋ. توپتىق ورتادا تۇراتىن ۋاقىتتى ازايتۋ ءۇشىن، تاماقتى الىپ كەڭسەگە (تۇرار جايعا) كەلىپ جەكە تاماقتانۋ.
(2) ەگەر اسحانادا تاماقتانسا، جەكە باسىنىڭ اقاۋسىزدىعىنا كەپىلدىك ەتۋ، جاڭا تيپتى ايدارشا ۆيرۋس وكپە قابىنۋ ىندەتىنىڭ كۇماندى بەلگىلەرى بايقالماعان بولۋ ءارى ماسكى تاعۋ، تاماقتانعاندا جەگەندە عانا الۋ.
(2) اسحانا ىشىندە تاماقتانعاندا، ادامدارمەن بەلگىلى ارالىق ساقتاۋ، شاشىندارندى ارقىلى تارالۋدان ساقتانۋ.
(4) تاماقتانۋدىڭ الدىندا قول جۋۋ! قول جۋۋ! قول جۋۋ!
(5) تاماقتانعاندا از قارىم-قاتىناس جاساۋ، تاماقتانۋعا زەيىنىن سالۋ.
(6) تاماق ۋاقىتىن وتكىزىپ تاماقتانۋ.
اسحاناعا بارىپ تاماقتانعاندا دەنە تەمپەراتۋراسىن ولشەۋ قاجەت پە؟
ەگەر مەكەمە ىشىندەگى اسحانا بولسا ءارى تاماقتانۋشىلار قىزمەت رايونىنا كىرۋدەن بۇرىن دەنە تەمپەراتۋراسىن ولشەتكەن بولسا، اسحاناعا بارىپ تاماقتانعاندا دەنە تەمپەراتۋراسىن ولشەۋدىڭ قاجەتى جوق. ەگەر اسحانا سىرتقا تيجارات ەتەتىن بولسا، جاڭا تيپتى ايدارشا ۆيرۋس وكپە قابىنۋ ىندەتىنىڭ تارالۋ ەرەكشەلىگىنە نەگىزدەلىپ، شوعىرلى تارالۋدان ساقتانىپ، تاماقتانعان بارلىق ادامنىڭ اقاۋسىزدىعى ءۇشىن، سىرتتان كەلگەن تاماقتانۋشىلار اسحاناعا كىرۋدەن بۇرىن دەنە تەمپەراتۋراسىن ولشەۋى قاجەت.
ىندەتتەن ساقتانۋ-تىزگىندەۋ مەزگىلىندە ءبىز قالاي تاماقتانۋىمىز كەرەك؟
لايىقتى تاماقتانۋ، ەتتى-ەتسىز تاعامداردى سايكەستىرۋ، استىق پەن بۇرشاقتى ارالاس تۇتىنۋ، كوكونىستى جەتكىلىكتى تۇتىنۋ، مايلى ەتتەردى، ىستالعان جانە سۇرىلەنگەن ەتتەردى از جەۋ، تۇزدىق جانە مايعا قۋىرىلعان ازىقتىقتاردى از جەۋ. سۋدى جەتكىلىكتى ءىشىپ، ورگانيزمنىڭ زات الماسۋىن جەدەلدەتۋ، يممۋنيتەت پەن قارسىلىق قۋاتتى ارتتىرىپ، نەگىزدىك اۋرۋلاردى ازايتۋ.
