2 - ايدىڭ 10 - كۇنى اۆتونوميالى رايوندىق جۇقپالى اۋرۋلار شيپاحاناسىندا اقپارات قۇرالىنىڭ ءتىلشسى ۋيچات بەينەجازبا ارقىلى ءبىر ناۋقاسقا تىلشىلىك ىستەدى ءارى ونىڭ كۇنى بۇرىن ساۋىعىپ شىعۋىن تىلەدى. □ سۋرەتتى گازەتىمىزدىڭ جالپىلىق اقپارات قۇرالدارى ءتىلشىسى شيە لۇڭ تۇسىرگەن
”كوپشىلىككە ايتارىم، قۇتقارۋ - ەمدەۋ + قورعانۋ + سەنىم، اۋرۋ الاپاتىن جەڭىپ شىعۋعا سەنىمدىمىز!“ 2 - ايدىڭ 10 - كۇنى تۇستەن بۇرىن، اۆتونوميالى رايوندىق جۇقپالى اۋرۋلار شيپاحاناسىندا جاڭا تيپتى ايدارشا ۆيرۋس وكپە قابىنۋ ناۋقاسىنا شالدىققان لي مىرزا بەينە جازبا ارقىلى جۇدىرىعىن جۇپتاپ سەنىمدى تۇردە بىلاي دەدى: ”ەمدەۋ قىزمەتكەرلەرىنىڭ ءبىزدى دەن قويا قۇتقارىپ ەمدەگەنىنە العىس ايتامىن، تاعى وتباسىمداعىلاردىڭ، دوستارىمنىڭ ەڭ قيىن - قىستاۋ كەزدە ماعان قولداۋ كورسەتىپ، سەرىك بولعاندارىنا العىس ايتامىن، قازىر دەنساۋلىعىمنىڭ قالپىنا كەلۋى وتە جاقسى“.
48 جاستاعى لي مىرزا 1 - ايدىڭ 20 - كۇنى ۋحاننان قىزمەت ساپارىنان قايتىپ كەلگەننەن كەيىن، قىزۋ ورلەگەن سىرقات بەلگىسى بايقالىپ، شيپاحاناعا بارىپ اۋاشالانىپ ەمدەلەدى. شيپاحاناعا جاتقان سوڭ، لي مىرزادان قاتتى قىزۋ، تىنىسى تارىلۋ سياقتى سىرقات بەلگىلەرى بايقالادى، سوڭىندا ونىڭ جاڭا تيپتى ايدارشا ۆيرۋس وكپە قابىنۋ سالماقتى ناۋقاس ەكەنى تۇراقتاندىرىلادى. ”شيپاگەرلەر، ماماندار كەز كەلگەن ۋاقىتتا ناۋقاس جاعدايىمدى تەكسەرۋگە كەلەدى، مەن ءۇشىن ەمدەۋ جوباسىن جاساپ جانە رەتكە سالىپ، مەنىمەن ۇزدىكسىز پىكىر الىسىپ تۇردى، سەسترالار ءتىپتى 24 ساعات بويى ماعان جان - جاقتى قارايلاستى“. ءبىر مەزەت ەسىنەن تانىپ جاتسا دا لي مىرزانىڭ ەسىنە مىنالار ساقتالىپ قالىپتى: ”ەمدەۋ قىزمەتكەرلەرىنىڭ كۇنى بويى مەن ءۇشىن قاربالاس بولعانىن كورىپ، ءوزىمنىڭ توتەپ بەرە الاتىندىعىما سەندىم...“
كوپ ءپان بويىنشا دياگنوز قويۋ - ەمدەۋ جوباسىن اتقارۋدىڭ ارقاسىندا، قازىر لي مىرزانىڭ ناۋقاسى تاۋىرلەنە باستادى، نۋكلەين قىشقىلىن تەكسەرۋ ناتيجەسى دە بولىمسىز بولدى، قازىر ول اۋا قىسىمى تومەن بولمەگە اۋاشالاندى ءارى ەڭ سوڭعى ناتيجەسىن تۇراقتاندىرۋدى كۇتىپ وتىر. ناۋقاس بولمەسىنەن شىعا الماسا دا ءبىراق ول ءار كۇنى شيپاگەردىڭ جەتەكشىلىگىندە ارەكەتتەر جاساپ، دەنە قۋاتىن بىرتىندەپ قالپىنا كەلتىرە باستادى.
بىرنەشە كۇننىڭ الدىندا تىلشىمەن حابارلاسقان سالماقتى ناۋقاسى تاۋىرلەنە باستاعان ليۋ مىرزا توسەككە جاتىپ الماي، بولمەنىڭ ىشىندە قيمىلداي باستادى. ىلگەرى جاڭا تيپتى ايدارشا ۆيرۋس وكپە قابىنۋ ناۋقاسى تۇراقتاندىرىلىپ دەنە قۋاتى السىرەپ كەتكەن ليۋ مىرزا بىلاي دەدى: ”قازىر ونە بويىمدا كۇش - قۋاتىم تاسقىنداپ تۇرعانداي، سىرتقا شىعىپ ەكى اينالىپ جۇگىرگىم كەلىپ تۇر“.
تاۋىرلەنگەن ناۋقاستاردىڭ اراسىندا گۋ مىرزانىڭ جاسى ەڭ ۇلكەن، بيىل 52 جاستا. ۇزاق ۋاقىت ۋحاندا قىزمەت ىستەگەن ول 1 - ايدىڭ 19 - كۇنى شينجياڭعا قايتىپ كەلە سالا قىزۋى ورلەي باستايدى، سوڭىنان جاڭا تيپتى ايدارشا ۆيرۋس وكپە قابىنۋ ناۋقاسى تۇراقتاندىرىلىپ، اۆتونوميالى رايوندىق جۇقپالى اۋرۋلار شيپاحاناسىنا بارىپ ەمدەلەدى.
گۋ مىرزا ءوزىنىڭ بالاسىنداي سەسترالارعا جانى قاتتى اشيدى، ”ولار نەدەگەن ەرجۇرەك، نەدەگەن قايسار جاندار، مەن ءار كۇنى ناۋقاس كيىمنىڭ ءوزىن ىستىق سەزىنىپ جاتسام دا مىنا بالالار قالىڭ قورعانۋ كيىمىن كيىپ ارلى - بەرلى شاپقىلاپ ءجۇر، ولار وتە جاپا شەكتى!“
ناۋقاسى جاقسارا باستاعان سوڭ، ول ءار كۇنى قول تەلەفوننان ىندەتتەن ساقتانۋ - تىزگىندەۋگە قاتىستى ينفورماتسيالاردى كورىپ تۇردى. كامەرا الدىندا گۋ مىرزا كوڭىلى تولقىپ بىلاي دەدى : ”مەن پارتيا مەن ۇكىمەتكە العىس ايتقىم كەلەدى، قۇدىرەتتى وتانىمىزعا العىس ايتقىم كەلەدى، ەمدەۋ قىزمەتكەرلەرىنىڭ جۇرەكتىلىپكەن الدىمىزعا قالقان بولعانىنا العىس ايتقىم كەلەدى، ءبىزدىڭ ەش قورقاتىنىمىز جوق، ىندەتتى، ءسوزسىز، جەڭىپ شىعامىز!“
بىرنەشە ناۋقاستىڭ اۋرۋ جاعدايلارىنىڭ بىرتىندەپ جاقسارۋىنىڭ استارىندا كوپتەگەن ادامداردىڭ قاجىرلى ارپالىسى جاتىر. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، اۆتونوميالى رايوندىق پارتكوم مەن ۇكىمەت دەرەۋ تۇتاس شينجياڭداعى ەمدەۋ - دەنساۋلىق ساقتاۋ سالاسىنان سالماقتى ناۋقاس، تىنىس جولى، جۇقپالى اۋرۋ، كۇتىمدەۋ، جۇڭگوشا دارىگەرلىك سياقتى كوپ ءپاننىڭ 55 مامانىن سارالاپ ماماندار گرۋپپاسىن قۇرىپ، كلينيكالىق قۇتقارۋ - ەمدەۋ جوباسىن ازىرلەپ، دياگنوزى تۇراقتانعان ناۋقاستاردى بار كۇشپەن قۇتقارىپ ەمدەدى، اۆتونوميالى رايوندىق جۇقپالى اۋرۋلار شيپاحاناسىنىڭ 150دەن ارتىق ەمدەۋ قىزمەتكەرى قۇتقارۋ - ەمدەۋدىڭ ءبىرىنشى شەبىندە ۇزدىكسىز كۇرەس جاساۋدا.
اۆتونوميالى رايوندىق جۇقپالى اۋرۋلار شيپاحاناسى پارتكومىنىڭ مۇشەسى، شيپاحانانىڭ ورىنباسار باستىعى سۇڭ يۇيشيا بىلاي دەدى: ”قازىرگە دەيىن ناۋقاستاردىڭ كلينيكالىق بەينەسى، تاجىربيەحانانىڭ تەكسەرۋ ناتيجەسى، كەسكىندىك تەكسەرۋى سياقتىلارمەن تۇجىرىمداۋ ارقىلى باسىم كوپ ناۋقاستىڭ اۋرۋ جاعدايى جاقسارا باستادى، مۇنىڭ ىشىندە بىرنەشە ناۋقاستىڭ 2 رەتتەن جوعارى نۋكلەين قىشقىلىن تەكسەرۋ ناتيجەسى بولىمسىز بولدى، وكپەدەگى اۋرۋ وشاعى كىشىرەيىپ، مەملەكەتتىك دەنساۋلىق ساقتاۋ، سالاماتتىق كوميتەتىنىڭ «جاڭا تيپتى ايدارشا ۆيرۋس وكپە قابىنۋىن ەمدەۋ جوباسى (سىناق رەتىندە اتقارىلاتىن 5 - رەتكى وزگەرتىلگەن نۇسقاسى)»نداعى شيپاحانادان شىعۋ ولشەمىنە نەگىزىنەن ۇيلەسەدى، ىشكەرىلەي باقىلاعان سوڭ شيپاحانادان شىعۋعا ورنالاستىرامىز.
