حالىق گازەتىنىڭ شولۋشىسى
ۋاقىتپەن جارىسىپ، اۋرۋمەن ايقاسايىق، بۇل، ءسوزسىز، جەڭىسكە جەتەتىن حالىقتىق شايقاس!
2 - ايدىڭ 10 - كۇنى باس شۋجي شي جينپيڭ بەيجيڭدە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە تەكسەرىپ - زەرتتەۋ جۇرگىزدى جانە جەتەكشىلىك ەتتى، سونداي - اق حۋبەي ۋحانداعى وكپە قابىنۋ ىندەتىنە قارسى اتتانۋدىڭ الدىڭعى شەبىمەن بەينە جازبا ارقىلى سويلەسىپ، بۇكىل ەلدەگى ىندەتتەن ساقتانۋ - تىزگىندەۋدىڭ ءبىرىنشى شەبىندە ەرلىكپەن شايقاس جۇرگىزىپ جاتقان ەمدەۋ قىزمەتكەرلەرىنە جانە قالىڭ كادرلارعا، جۇمىسشى - قىزمەتكەرلەرگە پارتيا ورتالىق كوميتەتىنىڭ قامقورلىعىن جەتكىزدى جانە ولاردان حال سۇرادى. باس شۋجي شي جينپيڭ ىندەت تۋىلعاننان بەرى ءارقايسى شەپتىڭ ىندەتتەن ساقتانۋ - تىزگىندەۋ قىزمەتىندە كورسەتكەن وراسان زور قۇلشىنىسىن، قوسقان ەلەۋلى ۇلەسىن تولىق تۇراقتاندىرىپ، قازىرگى ىندەت جاعدايىنىڭ ءالى دە ايرىقشا اۋىر ەكەندىگىن تەرەڭدەي اتاپ كورسەتتى، پارتيا ورتالىق كوميتەتىنىڭ ىندەتتەن ساقتانۋ - تىزگىندەۋ جونىندەگى شەشىمدەرىن، ورنالاستىرۋلارىن باتىل دايەكتىلەندىرىپ، سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ سىندى باس تالاپتى باتىل دايەكتىلەندىرىپ، ونان ارى قايراتتانىپ، ەرلىكپەن كۇرەس جۇرگىزىپ، اناعۇرلىم بەرىك سەنىممەن، اناعۇرلىم قايسار جىگەرمەن، اناعۇرلىم باتىل شارالارمەن حالىق بۇقاراسىنا تىعىز ارقا سۇيەپ، ىندەتتىڭ تارالۋ، ءورشۋ بەتالىسىن باتىل تەجەپ، ىندەتتەن ساقتانۋ - تىزگىندەۋدىڭ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە باتىل قول جەتكىزۋ كەرەكتىگىن ايرىقشا باسا دارىپتەدى.
وسى رەت ىندەت تۋىلعاننان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەلدە جوعارىدان تومەنگە دەيىن بار كۇشپەن شايقاسىپ، ەرلىكپەن شايقاسىپ، ىنتىماقتاسا شايقاسىپ، جاپپاي جۇمىلعان، جالپى بەتتىك ورنالاستىرعان، جالپى بەتتىك كۇشەيتكەن ىندەتتەن ساقتانۋ - تىزگىندەۋ قىزمەتى جاعدايى قالىپتاستى. حۋبەيداعى، اسىرەسە، ۋحانداعى قالىڭ پارتيا مۇشەلەرى، كادرلار، بۇقارا پارتيا ورتالىق كوميتەتىنىڭ ۇندەۋىنە بەلسەنە ءۇن قوسىپ، سەنىمدى بەكەمدەپ، كەلەلى جاعدايمەن ساناسىپ، سانالىلىقپەن ارەكەت ەتىپ، قايسارلىقپەن كۇرەس جۇرگىزدى؛ بۇكىل ەلدىڭ جەر - جەرى ءبىر جاقتا قيىنشىلىق بولسا شار تاراپ كومەك بەرۋگە تاباندى بولدى، جەر - جەردەن حۋبەيعا جانە ۋحانعا كومەككە اتتانعان قالىڭ ەمدەۋ قىزمەتكەرلەرى، حالىق ازاتتىق ارمياسىنىڭ كوماندير - جاۋىنگەرلەرى، سونداي - اق ءار جاقتاعى قىزمەتكەرلەر نەعۇرلىم قيىن، قاتەرلى بولعان سايىن سولعۇرلىم العا ۇمتىلاتىن تايسالماس توڭكەرىستىك رۋحتى ساۋلەلەندىرىپ، بۇيرىقتى ەستي سالا اتتانىپ، قايتپاس قايسارلىق كورسەتىپ، قۇربان بولۋدان قورىقپاي، قيىندىقتى جەڭە وتىرىپ قامال الدى. ءار جاقتىڭ ورتاق قۇلشىنىسىندا، ساقتانۋ - تىزگىندەۋ قىزمەتى پارمەندى ورىستەتىلىپ، ساقتانۋ - تىزگىندەۋ شارالارى پارمەندى ىلگەرىلەتىلىپ، جالپى جۇرت جۇدىرىقتاي جۇمىلىپ، ەل بىرلىگىنەن بەرىك قامال تۇرعىزىپ، ىندەتكە قارسى اتتانعان قۋاتتى كۇش ۇيىستىردى.
قازىرگى ءالى دە ايرىقشا اۋىر ىندەت جاعدايى الدىندا، ءار دارەجەلى پارتكومدار مەن ۇكىمەتتەر باس شۋجي شي جينپيڭنىڭ ماڭىزدى ءسوزىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، ىندەتتەن ساقتانۋ - تىزگىندەۋدى قازىرگى ەڭ ماڭىزدى قىزمەت ەتىپ ەگجەي - تەگجەيلى ۇستاۋ، شىنايى ۇستاۋ كەرەك. ءار دارجەلى پارتيا، ۇكىمەت باسشىلارى الدىڭعى شەپتە تۇرىپ قولباسشىلىق ەتىپ، جاۋاپكەرشىلىكتەرىن كۇشەيتۋ، قالىڭ پارتيا مۇشەلەرى، كادرلار اتويلاپ الدا ءجۇرىپ، ءوز جاۋاپكەرشىلىكتەرىن ءبىلىپ، ءوز جاۋاپكەرشىلىكتەرىن ارقالاپ، ءوز جاۋاپكەرشىلىكتەرىن ادا ەتىپ، زەيىن - زەردەنى شوعىرلاندىرىپ، بار پەيىلدەرىمەن ءار قىزمەتتى، ءار بۋىندى تيتتەي دە قالت جىبەرمەي تىڭعىلىقتى ىستەۋى كەرەك. قالىڭ ەمدەۋ قىزمەتكەرلەرى جاپاعا ايرىقشا شىدايتىن، ايرىقشا شايقاسا بىلەتىن رۋحتى ساۋلەلەندىرىپ، مايدان وتىنداعى باستى تىرەك رولىن ساۋلەلەندىرىپ، باستان - اياق حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ماڭداي الدى ورىنعا قويىپ، بار كۇشىن سالىپ ناۋقاستاردى قۇتقارۋ، ەمدەۋ كەرەك. بۇكىل ەلدە بارلىق الەۋمەتتىك اۋماقتىڭ ىندەتتەن ساقتانۋ - تىزگىندەۋدەگى توسقاۋىل رولىن تولىق ساۋلەلەندىرىپ، ساقتانۋ - تىزگىندەۋ كۇشىن الەۋمەتتىك اۋماققا ءتۇسىرىپ، الەۋمەتتىك اۋماقتىڭ ساقتانۋ - تىزگىندەۋ شارالارىنىڭ تياناقتاندىرىلۋىن كۇشەيتىپ، بارلىق الەۋمەتتىك اۋماقتى ىندەتتەن ساقتانۋ - تىزگىندەۋدىڭ بەرىك قامالىنا اينالدىرىپ، ىندەتتەن ساقتانۋ - تىزگىندەۋدىڭ حالىقتىق قورعانىس شەبىن قۇرۋ كەرەك. ۇگىت - تاربيە جانە قوعامدىق پىكىرگە جەتەكشىلىك ەتۋ قىزمەتىن جاقسى ىستەپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي ۇگىتتەپ، بارشا جۇرت جۇدىرىقتاي جۇمىلىپ ىندەتكە قارسى اتتاناتىن قوعامدىق پىكىر اۋقىمىن قالىپتاستىرىپ، بۇكىل ەلدەگى ءار ۇلت حالقىنىڭ بەرىك سەنىمىن، قيىندىقتى بىلەك بىرىكتىرە جەڭۋدەي قايسار جىگەرىن ايگىلەپ، ەل بىرلىگىنەن بەرىك قامال تۇرعىزىپ، ۋاقىتتىق قيىندىقتى بىرگە ەڭسەرەتىن قۋاتتى وڭ ەنەرگيا توپتاۋ كەرەك.
”ۋحان جەڭسە، حۋبەي جەڭەدى، حۋبەي جەڭسە، بۇكىل ەل جەڭىسكە جەتەدى“. حۋبەي مەن ۋحان ىندەتتەن ساقتانۋ - تىزگىندەۋدە بارىنەن ماڭىزدى ورىندا تۇرادى، ىندەتتەن ساقتانۋ - تىزگىندەۋ توسقاۋىل شايقاسىندا شەشۋشى جەڭىسكە جەتەتىن جەر، اناعۇرلىم پارمەندى، اناعۇرلىم باتىل شارالار قولدانىپ، جيناۋعا تيىستىلەرىن تۇگەل جيناۋدى باتىل ورىنداپ، قۇتقارۋ - ەمدەۋ قىزمەتىن بار كۇشپەن جاقسى ىستەپ، قوعامدىق جاقتاعى باسقارۋ - مەڭگەرۋدى جالپى بەتتىك كۇشەيتىپ، ىندەتتىڭ تارالۋ، ءورشۋ بەتالىسىن باتىل تەجەۋ كەرەك. بەيجيڭنىڭ استانا بولۋ رەتىندەگى ىندەتتەن ساقتانۋ - تىزگىندەۋ قىزمەتىن جاقسى ىستەۋ جاۋاپكەرشىلىگى زور، تيتتەي دە بوساڭسۋعا بولمايدى، ءتۇرلى ساقتانۋ - تىزگىندەۋ شارالارىن ناقتى، ەگجەي - تەگجەيلى تياناقتاندىرىپ، سىرتتان كىرۋدەن ساقتانۋ، ىشتە تارالۋدان ساقتانۋ سىندى 2 ۇلكەن بۋىندى باتىل مىقتى ۇستاپ، بار مۇمكىندىكتەن پايدالانىپ جۇعىمدالۋ قاينارىن ءۇزىپ، بار مۇمكىندىكتەن پايدالانىپ ىندەتتىڭ تارالۋ كولەمىن تىزگىندەۋ كەرەك.
ىندەتتەن ساقتانۋ - تىزگىندەۋ − حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن قورعاۋداعى قاتاڭ كۇرەس. جۇڭحۋا ۇلتى ەجەلدەن قيىندىقتاردان تايسالمايتىن، تار جول، تايعاق كەشۋلەردەن قورىقپايتىن قاھارماندىق جىگەرگە يە، جۇڭگو حالقىنىڭ العا باسۋ جولىنداعى ءارقانداي جاپا - ماشاقات پەن كەدەرگىلەردى جەڭۋگە سەنىمى بار، قارىمى قاپتال جەتەدى. پارتيا ورتالىق كوميتەتىنىڭ پارمەندى باسشىلىعىندا، حالىق بۇقاراسىنا تىعىز سۇيەنىپ، ءبىر نيەتپەن كۇش بىرىكتىرىپ، ەرلىكپەن كۇرەس جۇرگىزىپ، ۋاقىتتىق قيىندىقتى بىرگە جەڭسەك، ءبىز، ءسوز جوق، ىندەتتەن ساقتانۋ - تىزگىندەۋ كۇرەسىنىڭ جالپى بەتتىك جەڭىسىنە قول جەتكىزەمىز!
(شينحۋا اگەنتتىگىنىڭ 2 - ايدىڭ 10 - كۇنى بەيجيڭنەن بەرگەن حابارى)
