شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ شييا 2 - ايدىڭ 10 - كۇنى ۇرىمجىدەن حابارلايدى. 2 - ايدىڭ 9 - كۇنى اۆتونوميالى رايوندىق وقۋ - اعارتۋ مەڭگەرمەسى «ىندەتتەن ساقتانۋ - تىزگىندەۋ مەزگىلىندە ورتا، باستاۋىش مەكتەپتەردىڭ جەلىدە وقىتۋ قىزمەتىن ويداعىداي ىستەۋ جونىندەگى حابارلاندىرۋ»دى تاراتتى، 2 - ايدىڭ 17 - كۇنىنەن باستاپ، رايونىمىزداعى ورتا، باستاۋىش مەكتەپتەر جەلىدە وقىتۋ تاسىلىمەن ساباق باستاپ، ورتا، باستاۋىش مەكتەپتەردىڭ وقۋ باستاۋدى كەشەۋىلدەتكەن مەزگىلدە ”ساباقتى توقتاتقانىمەن وقىتۋدى توقتاتپاۋىن، ساباقتى توقتاتقانىمەن ۇيرەنۋدى توقتاتپاۋىن“ قامتاماسىز ەتىپ، ىندەتتىڭ ورتا، باستاۋىش مەكتەپتەردىڭ وقىتۋ قىزمەتىنە تيگىزەتىن ىقپالىن بارىنشا ازايتپاقشى.
ۇعىسۋعا قاراعاندا، رايونىمىزداعى ورتا، باستاۋىش مەكتەپتەر وقۋ - اعارتۋ مينيسترلىگى، اۆتونوميالى رايوندىق وقۋ - اعارتۋ مەڭگەرمەسى ءبىر تۇتاس قامداعان وقىتۋ بايلىعى جۇلگەسى كولەمىندە جەلىدە وقىتۋ ءتاسىلىن يكەمدى تاڭدايدى. ورتا مەكتەپتىڭ 3 - جىلدىعىنىكىن جەر - جەردەگى مەكتەپتەر وزدەرى بەلگىلەيدى ەكەن.
اۆتونوميالى رايوندىق وقۋ - اعارتۋ مەڭگەرمەسىنىڭ قاتىستى جاۋاپتىسى بىلاي دەپ تانىستىردى: شينجياڭ وقۋ - اعارتۋ تەلەۆيزياسى ارناسى اۆتونوميالى رايوندىق وقۋ - اعارتۋ مەڭگەرمەسى ءبىر تۇتاس تۇسىرگەن بەينەجازبا ساباقتارىن تاراتادى، بۇل باستاۋىش مەكتەپتىڭ 4 - جىلدىعىنان ورتا مەكتەپتىڭ 2 - جىلدىعىنا دەيىنگى نەگىزگى ساباقتاردى قامتيدى. سول كەزدە جۇڭگو وقۋ - اعارتۋ تەلەۆيزياسى ارناسى دا وقۋ - اعارتۋ مينيسترلىگى قامداعان قاتىستى ساباقتاردى جانە بايلىقتاردى تاراتادى، بۇل باستاۋىش مەكتەپتىڭ 1 - جىلدىعىنان ادەتتەگى ورتا مەكتەپتىڭ 3 - جىلدىعىنا دەيىنگىسىن قامتيدى. وقۋشىلار ساباق كەستەسىنە ساي، ۇيىندە سىمدى تەلەۆيزيا، ينتەرنەت تەلەۆيزياسى، جاساندى سەرىك تەلەۆيزياسى سياقتىلار ارقىلى كورىپ ۇيرەنە الادى.
شينجياڭ نەگىزدىك وقۋ - اعارتۋ بايلىعى الەۋمەتتىك قىزمەت وتەۋ تۇعىرى، شينجياڭ وقۋ - اعارتۋ، عىلمي زەرتتەۋ ورنى ينتەرنەت تۇعىرى اۆتونوميالى رايوندىق وقۋ - اعارتۋ مەڭگەرمەسى ءبىر تۇتاس تۇسىرگەن ساباقتاردى ءبىر ۋاقىتتا تاراتادى، سونىمەن بىرگە، مەملەكەتتىك ينتەرنەت بۇلتى ساباقحاناسى دا بۇكىل ەلگە باعىتتاپ ورتا، باستاۋىش مەكتەپتەردىڭ ءتۇرلى ساباقتارىمەن جانە وقىتۋ بايلىعىمەن قامدايدى. وقۋشىلار مەكتەپتىڭ ورنالاستىرۋىنا ساي، ۇيلەرىندە كومپيۋتەر نەمەسە تاقتايشا كومپيۋتەر سياقتى تەرمينال جابدىقتاردان پايدالانىپ، جەلىدە كورىپ، ۇيرەنە الادى. ساباق كەستەسى شينجياڭ وقۋ - اعارتۋ تەلەۆيزياسى، شينجياڭ نەگىزدىك وقۋ - اعارتۋ بايلىعى الەۋمەتتىك قىزمەت وتەۋ تۇعىرى (http://edu.xjcxedu.com)، شينجياڭ وقۋ - اعارتۋ، عىلمي زەرتتەۋ ورنى ينتەرنەت تۇعىرى (http://jky.xj.edu.cn) سياقتى اقپارات قۇرالدارى ارقىلى وقىتۋشى - وقۋشىلارعا جانە اتا - انالارعا جاريالانادى.
اۆتونوميالى رايوندىق وقۋ - اعارتۋ مەڭگەرمەسى وقىتۋشى - وقۋشىلاردىڭ جەلىدەن تىس توپتالۋىنا قاتاڭ تيىم سالۋدى، ۇيدەن شىقپاي ۇيرەنۋدى باسا دارىپتەدى. 2 - ايدىڭ 17 - كۇنىنەن ىلگەرى جەر - جەردەگى مەكتەپتەردىڭ جاڭا وقۋ ماۋسىمىنداعى ساباقتاردى جەلىدە وقىتۋدى مەرزىمىنەن بۇرىن باستاۋىنا بولمايدى. جەر - جەردەگى وقۋ - اعارتۋ تاراۋلارى قاراستى جەر بويىنشا باسقارۋ پرينسيبىنە ساي، ورتا، باستاۋىش مەكتەپتەردىڭ ۇيدە جەلىدە وقۋ - اعارتۋ، وقىتۋ قىزمەتىن ورىستەتۋدى تياناقتاندىرۋ جاعدايىنا باقىلاۋ - تەكسەرۋ جۇرگىزىپ، بۇيرىق بولسا دا اتقارماۋ، تيىم سالسا دا تيىلماۋ ارەكەتتەرىنە قاراتا جاۋاپكەرشىلىگىن قاتاڭ قۋزاستىرۋى كەرەك.
