2 - ايدىڭ 11 - كۇنى شينجياڭدا جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان تۇڭعىش توپتاعى 3 ناۋقاس دەن قويا جان - جاقتى ەمدەۋدىڭ ارقاسىندا، مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان ناۋقاستاردىڭ ساۋىعۋ ولشەمىنە ۇيلەسكەندىكتەن، شيپاحانادان رەسمي شىقتى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى حان لياڭ تۇسىرگەن
شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 2 - ايدىڭ 11 - كۇنى ۇرىمجىدەن حابارلايدى. 2 - ايدىڭ 11 - كۇنى تۇستەن بۇرىن شينجياڭدا جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان تۇڭعىش توپتاعى 3 ناۋقاس اۆتونوميالى رايوندىق ەمدەۋ - قۇتقارۋ ماماندار گرۋپپاسىنىڭ عىلمي جەتەكشىلىك ەتۋىنىڭ جانە بەلگىلەنگەن جيناپ ەمدەۋ شيپاحاناسىنىڭ دەن قويا جان - جاقتى ەمدەۋىنىڭ ارقاسىندا، مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان ناۋقاستاردىڭ ساۋىعۋ ولشەمىنە ۇيلەسكەندىكتەن، سول كۇنى شيپاحانادان رەسمي شىقتى.
بۇل 3 ناۋقاستىڭ بىرەۋى ءۇرىمجى قالاسىنان 47 جاستاعى ەر ناۋقاس، ۋحانعا ۇيرەنۋگە بارىپ، 1 - ايدىڭ 20 - كۇنى شينجياڭعا قايتىپ كەلگەننەن كەيىن قىزۋى ورلەپ، دارمەنى قۇرىپ، بۇلشىق ەتتەرى سىزداپ اۋىرعان جايسىزدانۋ بەلگىلەرى بايقالعان سوڭ، 1 - ايدىڭ 22 - كۇنى اۆتونوميالى رايوندىق جۇقپالى اۋرۋلار شيپاحاناسىنا بارىپ اۋاشالانىپ ەمدەلگەن، 1 - ايدىڭ 23 - كۇنى دياگنوزى تۇراقتاندىرىلعان. ەندى ءبىر ناۋقاس ءۇرىمجى قالاسىنان 52 جاستاعى ەر ناۋقاس، ۇزاق ۋاقىت ۋحاندا قىزمەت ىستەگەن ول 1 - ايدىڭ 19 - كۇنى شينجياڭعا قايتىپ كەلگەن سوڭ قىزۋى ورلەپ، دارمەنى قۇرىپ، بۇلشىق ەتتەرى سىزداپ اۋىرعان جايسىزدانۋ بەلگىلەرى بايقالعان سوڭ، 1 - ايدىڭ 21 - كۇنى اۆتونوميالى رايوندىق جۇقپالى اۋرۋلار شيپاحاناسىنا بارىپ اۋاشالانىپ ەمدەلگەن، 1 - ايدىڭ 23 - كۇنى دياگنوزى تۇراقتاندىرىلعان. تاعى ءبىر ناۋقاس تۇرپان قالاسىنان 25 جاستاعى ايەل ناۋقاس، 1 - ايدىڭ 24 - كۇنى ۋحاننان شينجياڭعا قايتىپ كەلگەن سوڭ جۇرەگى اينۋ، ءىش كەبۋ، قىزۋى ورلەۋ سياقتى بەلگىلەر بايقالعان سوڭ، تۇرپان قالاسى گاۋچاڭ رايونى حالىق شيپاحاناسىنا بارىپ ەمدەلەدى، 1 - ايدىڭ 27 - كۇنى دياگنوزى تۇراقتاندىرىلعان، 1 - ايدىڭ 28 - كۇنى اۆتونوميالى رايوندىق جۇقپالى اۋرۋلار شيپاحاناسىنا جوتكەلىپ اۋاشالانىپ ەمدەلگەن.
تانىستىرۋعا قاراعاندا، جوعارىداعى ناۋقاستار شيپاحاناعا جاتقان سوڭ، اۆتونوميالى رايوندىق ەمدەۋ - قۇتقارۋ ماماندار گرۋپپاسى دەن قويا ەمدەۋ جوباسىن جاساپ، جۇڭگوشا جانە باتىسشا ەمدەۋدى بىرلەستىرۋگە تاباندى بولىپ، جان - جاقتى ەمدەپ، ناۋقاستىڭ دەنساۋلىعىنىڭ قالپىنا كەلۋىن ويداعىداي تەزدەتتى. 3 ناۋقاس ماماندار گرۋپپاسىنىڭ جانە اۋاشالاپ ەمدەۋ بولمەسىندەگى ەمدەۋ قوسىنىنىڭ كۇش سالا قۇتقارۋىنىڭ، ەمدەۋىنىڭ، دەن قويا كۇتىمدەۋىنىڭ ارقاسىندا ناۋقاس جاعدايى ۇزدىكسىز جاقساردى، تىنىس جولى ناۋقاس بەلگىسى دە جاقسارىپ، كەسكىندىك تەكسەرۋدە وكپەدەگى اۋرۋ وشاعى كىشىرەيىپ، ءۇرتىس بىرنەشە كۇن دەنە تەمپەراتۋراسى قالىپتى بولدى، ءۇرتىس 2 رەتتەن جوعارى نۋكلەين قىشقىلىن تەكسەرۋ ناتيجەسى بولىمسىز بولدى، ءتۇرلى حيميالىق سارالاۋ ناتيجەسى قالىپتى بولدى. اۆتونوميالى رايوندىق ەمدەۋ - قۇتقارۋ ماماندار گرۋپپاسى ىشكەرىلەي باقىلاپ، باعالاعان سوڭ، مەملەكەتتىك دەنساۋلىق ساقتاۋ، سالاماتتىق كوميتەتىنىڭ «جاڭا تيپتى ايدارشا ۆيرۋس وكپە قابىنۋىن ەمدەۋ جوباسى (سىناق رەتىندە اتقارىلاتىن 5 - رەتكى وزگەرتىلگەن نۇسقاسى)»نداعى شيپاحانادان شىعۋ ولشەمىنە نەگىزىنەن ۇيلەسكەندىكتەن، جازىلىپ شيپاحانادان شىقتى.
