حالىق گازەتىنىڭ شولۋشىسى
حۋبەي مەن ۋحان ىندەتتەن ساقتانۋ - تىزگىندەۋدە بارىنەن ماڭىزدى ورىندا، ۋحاندى قورعاۋ شايقاسىن، حۋبەيدى قورعاۋ شايقاسىن ويداعىداي جۇرگىزۋ جالپى جاعدايعا سايادى.
”ۋحان جەڭىسكە جەتسە، حۋبەي جەڭىسكە جەتەدى، حۋبەي جەڭىسكە جەتسە، بۇكىل ەل جەڭىسكە جەتەدى“. 2 - ايدىڭ 10 - كۇنى باس شۋجي شي جينپيڭ بەيجيڭدە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزىپ، جەتەكشىلىك ەتكەن كەزدە، ديتان شيپاحاناسىنىڭ قاشىقتان دياگنوز قويۋ - ەمدەۋ ورتالىعىندا بەينەجازبا ءماجىلىسىن باسقارىپ اشىپ، حۋبەي مەن ۋحان ىندەتتەن ساقتانۋ - تىزگىندەۋدە بارىنەن ماڭىزدى، ىندەتتەن ساقتانۋ - تىزگىندەۋ توسقاۋىل شايقاسىندا شەشۋشى جەڭىسكە جەتەتىن جەر دەپ ىشكەرىلەي اتاپ كورسەتتى، قازىر حۋبەي مەن ۋحانداعى ىندەت جاعدايى ءالى دە ايرىقشا اۋىر، اناعۇرلىم پارمەندى، اناعۇرلىم باتىل شارا قولدانىپ، ىندەتتىڭ تارالۋ، ءورشۋ بەتالىسىن باتىل تەجەۋ كەرەك دەپ ايرىقشا باسا دارىپتەدى ءارى حۋبەي مەن ۋحاننىڭ ىندەتتەن ساقتانۋ - تىزگىندەۋ قىزمەتىنە ايقىن تالاپ قويدى. باس شۋجي شي جينپيڭنىڭ اسقاق ءسوزى، ايقىن تالابى ءبىزدىڭ كۇش - قۋاتتى شوعىرلاندىرىپ ءتۇيىندى وڭىرلەردە ىندەتتەن ساقتانۋ - تىزگىندەۋدى كۇشەيتۋىمىزگە قۇلشىنۋ بەتالىسىن ايقىن كورسەتتى، قالىڭ ەمدەۋ قىزمەتكەرلەرىن، حالىق ازاتتىق ارمياسىنىڭ كوماندير - جاۋىنگەرلەرىن جانە ءارقايسى شايقاس شەبىندەگى جولداستاردى ىندەتتەن ساقتانۋ - تىزگىندەۋدىڭ ءبىرىنشى شەبىندە ۇزدىكسىز ەرلىكپەن شايقاس جاساپ، قاتاڭ كۇرەستىڭ جاپپاي جەڭىسىنە باتىل قول جەتكىزۋگە شابىتتاندىردى جانە جىگەرلەندىردى.
ىندەت تۋىلعاننان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى باستان - اياق حۋبەي مەن ۋحاننىڭ ىندەت جاعدايىن قاداعالاپ وتىردى. باس شۋجي شي جينپيڭ 2 رەت ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، ىندەتتەن ساقتانۋ - تىزگىندەۋ قىزمەتىنە ارناۋلى تاقىرىپتا زەرتتەۋ جۇرگىزىپ، حۋبەي ولكەسىنىڭ ىندەتتەن ساقتانۋ - تىزگىندەۋ قىزمەتىن كەزەكتەگى ماڭداي الدى ءىرى ءىس ەتۋدى باسا دارىپتەدى ءارى حۋبەي مەن ۋحاننىڭ ىندەتتەن ساقتانۋ - تىزگىندەۋ قىزمەتىن ويداعىداي ىستەۋگە ورنالاستىرۋ جاسادى. پارتيا ورتالىق كوميتەتى ۋحانعا ورتالىقتىڭ جەتەكشىلىك ەتۋ گرۋپپاسىن جىبەرىپ، ىندەتتەن ساقتانۋ - تىزگىندەۋ ءبىرىنشى شەبى قىزمەتىنە جەتەكشىلىكتى جاپپاي كۇشەيتىپ، حۋبەي حالقىمەن جانە ۋحان حالقىمەن بىرگە تىزە قوسا شايقاس جاسادى. وسى رەت بەيجيڭدە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزىپ، جەتەكشىلىك ەتكەن كەزدە، باس شۋجي شي جينپيڭ بەينەجازبا ارقىلى حۋبەيدىڭ ۋحانىندا وكپە قابىنۋ ىندەتىنە قارسى اتتانۋدىڭ الدىڭعى شەبىندەگىلەرمەن سويلەسىپ، بۇكىل ەلدەگى ىندەتتەن ساقتانۋ - تىزگىندەۋدىڭ ءبىرىنشى شەبىندە شايقاس جاساپ جاتقان ەمدەۋ قىزمەتكەرلەرىنە جانە قالىڭ كادرلارعا، جۇمىسشى - قىزمەتكەرلەرگە پارتيا ورتالىق كوميتەتىنىڭ قامقورلىعىن جەتكىزدى ءارى ولاردان حال سۇرادى. حۋبەيداعى، اسىرەسە، ۋحانداعى قالىڭ پارتيا مۇشەلەرى، كادرلار، بۇقارا پارتيا ورتالىق كوميتەتىنىڭ ۇندەۋىنە بەلسەنە ءۇن قوسىپ، سەنىمدى بەكەمدەپ، جالپى جاعدايمەن ساناسىپ، سانالى ارەكەتكە كەلىپ، قايسارلىقپەن كۇرەس جۇرگىزدى، قىرۋار جاپالى قىزمەتتەر ىستەپ، زور قۇلشىنىس جاساپ، ىندەتتەن ساقتانۋ - تىزگىندەۋ قىزمەتىنە ەلەۋلى ۇلەس قوستى.
ىندەت تۋىلعاننان كەيىن، بۇكىل ەلدىڭ جەر - جەرى ءبىر جاقتا قيىنشىلىق بولسا، بارلىق جاق كومەك بەرۋگە تاباندى بولدى، جەر - جەردەن حۋبەيعا جانە ۋحانعا كومەككە اتتانعان قالىڭ ەمدەۋ قىزمەتكەرلەرى، حالىق ازاتتىق ارمياسىنىڭ كوماندير - جاۋىنگەرلەرى، سونداي - اق ءار جاقتاعى قىزمەتكەرلەر نەعۇرلىم قيىن، قاتەرلى بولعان سايىن سولعۇرلىم العا ۇمتىلاتىن تايسالماس توڭكەرىستىك رۋحتى ساۋلەلەندىرىپ، بۇيرىقتى الا سالا اتتانىپ، قايتپاس قايسارلىق كورسەتىپ، قۇربان بولۋدان قورىقپاي، قيىندىقتى جەڭە وتىرىپ قامال الدى. كوكتەم مەرەكەسىنە قاراعان تۇندە، ءتۇن جامىلىپ كومەككە اتتانۋدان يۋانشياۋ مەرەكەسىندە شۇعىل جينالۋعا دەيىن، بۇكىل ەلدىڭ جەر - جەرىنەن ەمدەۋ قىزمەتكەرلەرى توپ - توبىمەن اتتانىپ، ۋحاننىڭ ءبىرىنشى شەبىندە شايقاس جاسادى؛ ونداعان ورىن تىعىز سايكەسىپ، بۇكىل ەلدىڭ جەر - جەرىندەگى قۇرىلىس كۇشتەرى شۇعىل ۇيىسىپ، قىسقا عانا ۋاقىتتا ۋحان حوشىنشان، لەيشىنشان شيپاحاناسىن سالدى؛ ولكەلەر باعىتتامالى كومەكتەسۋ مەحانيزمىن ورناتىپ، حۋبەيدىڭ ايماقتارىنىڭ، قالالارىنىڭ ناۋقاستاردى قۇتقارۋ - ەمدەۋ، ىندەتتەن ساقتانۋ - تىزگىندەۋ قىزمەتىن كۇشەيتۋىنە بار كۇشپەن قولداۋ كورسەتتى. اسكەري قوسىن ەمدەۋ زاتتىق ماتەريالدارى مەن قىزمەتكەرلەردى ۇتىمدى جەتكىزۋگە كەپىلدىك ەتىپ، قىرۋار ەمدەۋ قىزمەتكەرلەرىن سارالاپ ىندەتتەن ساقتانۋ - تىزگىندەۋدىڭ ەڭ الدىڭعى شەبىنە جىبەردى. كۇش - قۋاتتى حۋبەيعا، ۋحانعا قاراي توپتاپ، بايلىقتى حۋبەيعا، ۋحانعا بەيىمدەپ، بۇكىل ەل حالقى حۋبەي حالقىمەن، ۋحان حالقىمەن بىرگە قيىندىقتى بىلەك بىرىكتىرە جەڭىپ، ەل بىرلىگىنەن بەرىك قامال تۇرعىزىپ، ىندەتكە قارسى اتتانۋدىڭ قۋاتتى كۇشىن ۇيىستىردى.
حۋبەي مەن ۋحاننىڭ ىندەت جاعدايى ورنىقسا، بۇكىل ەلدىڭ كەلەلى جاعدايى ورنىعادى. باس شۋجي شي جينپيڭنىڭ سويلەگەن ماڭىزدى ءسوزىنىڭ رۋحىن جانە پارتيا ورتالىق كوميتەتىنىڭ ءتۇرلى شەشىمدەرىن، ورنالاستىرۋلارىن باتىل بۇلجىماستان دايەكتىلەندىرىپ، تياناقتاندىرىپ، جيناۋعا تيىستىلەردىڭ بارلىعىن جيناۋدى باتىلدىقپەن ورىنداپ، قۇتقارۋ - ەمدەۋ قىزمەتىن بار كۇشپەن ويداعىداي ىستەپ، قوعامدىق جاقتاعى باسقارۋ - تىزگىندەۋدى جاپپاي كۇشەيتىپ، قوعامدىق پىكىرگە جەتەكشىلىك ەتۋدى كۇشەيتىپ، ىندەتتەن ساقتانۋ - تىزگىندەۋ قىزمەتىنە ءبىر تۇتاس قولباسشىلىق ەتۋدى كۇشەيتىپ، شەشۋشى جەڭىسكە جەتەتىن جەردە توسقاۋىل شايقاستىڭ جەڭىسىنە باتىل قول جەتكىزۋ كەرەك. قازىر ىندەتتەن ساقتانۋ - تىزگىندەۋ تىكە سايىسۋ كۇيىندە تۇر، قالىڭ ەمدەۋ قىزمەتكەرلەرى، ءسوز جوق، تاباندىلىقپەن جالعاستىرىپ، جاپاعا ايرىقشا شىداۋ، ايرىقشا شايقاسا ءبىلۋ رۋحىن ساۋلەلەندىرىپ، مايدان وتىنداعى باستى تىرەك رولىن ساۋلەلەندىرىپ، باستان - اياق حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ماڭداي الدى ورىنعا قويىپ، بار كۇشىن سالىپ ناۋقاستاردى قۇتقارۋ، ەمدەۋ كەرەك. ءار دارەجەلى پارتكوم مەن ۇكىمەت ولارعا كوڭىل ءبولۋ، قامقورلىق جاساۋ، تاڭداۋلى تيپتەر مەن وزاتتاردىڭ ىزگى ىستەرىن زور كۇشپەن ۇگىتتەۋ، ءىس جۇزىندىك قيىنشىلىقتارى مەن ماسەلەلەرىن شەشۋىنە كومەكتەسۋ، تۇرمىستىق، حاۋىپسىزدىك، گۋمانيتارلىق قامقورلىقپەن تىڭعىلىقتى قامتاماسىز ەتۋ كەرەك.
”ۋحان العا!“ ”حۋبەي ءبىز كەلدىك!“ ”بىرگە قارسى اتتانىپ، بىرگە مىندەت ارقالايمىز!“ ءبىز بۇكىل ەلدە جوعارىدان تومەنگە دەيىن ءبىر - بىرىنە قول ۇشىن بەرگەن كۇشتەرگە كۋا بولۋدامىز، ميلليارد حالىقتىڭ ەشقانداي قيىنشىلىقتان قورىقپايتىن باتىلدىعىنا كۋا بولۋدامىز. ۋحان − قاھارمان قالا، حۋبەي حالقى، ۋحان حالقى − قاھارمان حالىق، تاريحتا ەشقاشان قيىندىقتان، قاتەردەن، بوگەتتەن جەڭىلىپ كورگەن ەمەس. تەك ءبىز ءبىر نيەتپەن كۇش بىرىكتىرىپ، ەرلىكپەن شايقاس جاساپ، ۋاقىتتىق قيىندىقتى بىرگە ەڭسەرسەك بولعانى، ءسوزسىز، ۋحاننىڭ شەشۋشى جەڭىسىنە، حۋبەيدىڭ شەشۋشى جەڭىسىنە، بۇكىل ەلدىڭ شەشۋشى جەڭىسىنە، ىندەتتەن ساقتانۋ - تىزگىندەۋ كۇرەسىنىڭ جالپى بەتتىك جەڭىسىنە قول جەتكىزە الامىز.
(شينحۋا اگەنتتىگىنىڭ 2 - ايدىڭ 11 - كۇنى بەيجيڭنەن بەرگەن حابارى)
