تيانشان تورى   ›   جاڭالىقتار   ›   شينجياڭ حابارلارى

ىندەتتى جەڭگەننەن كەيىن، كوركەم شينجياڭعا كەلۋلەرىڭدى قارسى الامىز

شينجياڭنىڭ حۋبەيعا كومەككە كەلگەن ەمدەۋ اترەتىنىڭ ٴبىرىنشى شەپتە ەرلىكپەن شايقاسىپ جاتقان كەشىرمەلەرى

  تىلشى كاڭ حاۋيەن حابارلايدى. قازىرگە دەيىن، شينجياڭ 3 توپتاعى ەمدەۋ اترەتىن حۋبەيعا كومەككە جىبەرىپ ، ۋحاننىڭ تۇيىندە قابىلداپ ەمدەيتىن شيپاحانالارىندا قىزمەتتەرىن ورىستەتتى. 2 ـ ايدىڭ 10 ـ كۇنى ٴتىلشى بەينە جازبا ارقىلى الدىڭعى شەپتە ەرلىكپەن شايقاسىپ جاتقان مەديتسينا قىزمەتكەرلەرىنىڭ اڭگىمەسىن تىڭدادى.

«كوپ ۇزاماي اق كوكتەم كەلەتىنىنە سەنەمىن»

  ورنى: ۋحان داشۋەسى حالىق شيپاحاناسىنىڭ شىعىس شيپاحاناسى

  كەيىپكەر: شينجياڭنىڭ 1 - توپتاعى حۋبەيعا كومەككە بارعان ەمدەۋ اترەتىنىڭ مۇشەسى، شينجياڭ مەديتسينا داشۋەسىنە قاراستى وسپە شيپاحاناسىنىڭ اۋىر ناۋقاستاردى باقىلاۋ - كۇتىمدەۋ ٴبولىمىنىڭ باس جاۋاپتى كۇتىمدەۋشى شيپاگەرى ليۋ مىڭ

  «شيپاگەر تەز كەلىڭىز، بۇل ناۋقاستىڭ جۇرەك سوعۋى باياۋ ەكەن، ەسىنەن تانۋ جايتى كورىندى». 2 ـ ايدىڭ 10 ـ كۇنى تۇستەن كەيىن ۋحان داشۋەسى حالىق شيپاحاناسىنىڭ شىعىس شيپاحاناسى C C U ناۋقاس رايونىندا ليۋ مىڭ جانە حاباردى ەستي سالىپ جەتكەن شيپاگەر دەرەۋ قۇتقارۋ قىزمەتتەرىن باستايدى . . .

  «ىندەت — بۇيرىق، ساقتانۋ - تىزگىندەۋ — جاۋاپكەرشىلىك، ٴبىز رۋحىمىزدى سەرپىلتىپ ىندەتپەن شايقاسۋىمىز كەرەك! »، ـ دەدى ليۋ مىڭ. شينجياڭنىڭ 1 - توپتاعى حۋبەيعا كومەككە بارعان ەمدەۋ قىزمەتكەرلەرى 1 - ايدىڭ 28 - كۇنى ۋحانعا جەتكەننەن باستاپ، ٴبىرىنشى شەپتە تىنباي ەرلىكپەن شايقاسىپ كەلەدى.

  قورعانىس كيىمىن ۇزاق ۋاقىت كيسە، وتتەگى جەتىسپەۋ جايتى وڭاي تۋىلادى. قىزمەتكەرلەر قىزمەتتەرىنە كىرىسۋدەن بۇرىن تويا جەۋدەن باس تارتادى. «مەن جانە كوپتەگەن قىزمەتتەستەرىم وتتەگى جەتىسپەۋدەن قۇسۋدى باسىمىزدان وتكىزگەنبىز»،- دەدى ليۋ مىڭ.

  قىزمەت وتە جاپالى بولا تۇرسا دا، ەمدەۋدىڭ ارەدىگىندە ٴىشىنارا ناۋقاستاردىڭ ۇلكەن - كىشى دارەتكە وتىرۋىنا جانە دارەتتەرىن تازالاۋعا كومەكتەسەمىز، ناۋقاستاردىڭ باۋىرمالدىعى مەن قۇرمەتتەۋى كوپشىلىكتى ىستىق مەيىرگە بولەدى. « ٴبىزدىڭ شينجياڭنان كەلگەنىمىزدى بىلگەننەن كەيىن، كوپتەگەن ناۋقاستار شىن جۇرەكتەن قۇرمەتتەرىن ٴبىلدىرىپ جانە العىستارىن ايتىپ، ەمدەۋگە بەلسەنە سايكەستى»،- دەدى ليۋ مىڭ. ناۋقاستار ٴبىزدى ٴوز تۋىستارىنداي كورەدى، شىنايى سۇيىسپەنشىلىكپەن جۇرەكتەس بولىپ، ولاردىڭ ارتقان سەنىمىن جەردە قالدىرماۋىمىز كەرەك.

  ليۋ مىڭ ناۋقاستارعا ۇنەمى: «شىداي تۇسىڭدەر، بەلسەندى سايكەسىڭدەر، كوز الداعى قيىنشىلىق ۋاقىتتىق عانا، جەڭىسكە تاياپ تۇرمىز، ىندەتتى جەڭگەننەن كەيىن، كوركەم شينجياڭعا كەلۋلەرىڭدى قارسى الامىز»، - دەپ كوڭىلدەرىن اۋلايدى.

  قىزمەتتىڭ ارەدىگىندە ليۋ مىڭنىڭ اڭسايتىنى وتباسىنداعىلارمەن بەينە جازبادا سويلەسۋ ەدى. «كوكتەم كوپ ۇزاماي اق جەتىپ كەلەتىنىنە سەنەمىن، ٴبىز جەڭىسكە بارعان سايىن تاياپ كەلەمىز» ،- دەدى ليۋ مىڭ.

شاشىن الدىرىپ، سۇيەمدەي عانا شاش قالدىردى

  ورنى: ۋحان كىتيڭ فاڭساڭ شيپاحاناسى

  كەيىپكەر: شينجياڭنىڭ 2 - توپتاعى حۋبەيعا كومەككە بارعان ەمدەۋ اترەتىنىڭ مۇشەسى، حوتان ايماقتىق حالىق شيپاحاناسىنى تىنىس بولمەسىنىڭ سەسترا باستىعى جاڭ ۇيمەي

  جاڭادان قۇرىلعان فاڭساڭ شيپاحاناسىنىڭ الدىنا قاتار - قاتار اق ٴتۇستى شاتىر تىگىلگەن، ٴار كۇنى ناۋقاس رايونىنا كىرۋدەن بۇرىن، جاڭ يۇيمەي قاتارلى كۇتىمدەۋ ۇيىرمەسىنىڭ 100 مۇشەسى وسى ارادان شيپاحانانىڭ C رايونىنا كىرىپ كۇتىمدەۋ قىزمەتتەرىن جۇرگىزەدى. .شاتىردىڭ ىشىندە «اعىندى سۋ» فورماسىندا جەكە قورعانىس كيىمدەرىن كيەدى، 12 باسقىش بويىنشا ىستەيدى. قولدى زارارسىزدندىرۋ، N95 ماسكىسىن تاعۋ، سىرتقى اۋرۋلار ماسكىسىن تاعۋ، باس كيىمىن، قولعاپتى، اياق كيىم قابىن كيۋ، اۋاشالاۋ كيىمىن كيۋ، قورعانىس كوزىلدىرىگىن تاعۋ، ەتىك قابىن كيۋ ... قات - قابات قاتاڭ ساقتانۋ جۇمىستارىن ىستەپ بولعاننان كەيىن، ٴوزارا تەكسەرۋ ارقىلى ماسەلە جوقتىعىنا كەپىلدىك ەتكەننەن كەيىن عانا ناۋقاس رايونىنا كىرەدى، 6 ساعاتتا كەزەك اۋىستىرادى. 6 ساعات بويى ولار وسىنداي كۇيدە قىزمەت جۇرگىزەدى.

  جاڭ يۇيمەيدىڭ ايتۋىنشا، ساقتانۋ شارالارىن اناعۇرلىم تىڭعىلىقتى ىستەۋ ٴۇشىن، ول ٴوزى باستاپ شاشىن الدىرىپ، سۇيەمدەي عانا شاشىن قالدىرادى، اترەت مۇشەلەرى ونان ۇلگى الىپ، وزدەرىنىڭ شاشتارىن دا الىپ تاستادى.

  جاڭ يۇيمەيدىڭ تانىستىرىۋىنشا: «كابينادا 230 دان استام ناۋقاس بار، شينجياڭنىڭ 2 ـ توپتاعى حۋبەيعا كومەككە كەلگەن ەمدەۋ اترەتىنىڭ 100 مەديتسينا قىزمەتكەرى ناۋقاستارعا جاۋاپتى بولدى، باستىسى جاڭا تيپتى ايدارشا ۆيرۋس وكپە قابىنۋ ىندەتىنە شالدىققان جەڭىل ناۋقاستاردى ەمدەيدى، قالىپتى كۇتىمدەۋ قىزمەتىنەن سىرت، ناۋقاستاردىڭ پسيحيكالىق جاعدايىنا كوڭىل ٴبولىپ، ولاردى جىگەرلەندىرەدى.

  23 جىلدىق قىزمەت تاجىريبەسى بار جاڭ يۇيمەي ناۋقاستاردىڭ اۋرۋ جاعدايىن باقىلاۋدا وتە تاجىريبەلى، ناۋقاسقا وتتەگى جەتىسۋ - جەتىسپەۋ جاعدايىن، تىنىس جاعدايىنىڭ وزگەرىسىن سەزگىرلەكپەن بايقاي الادى. «ناۋقاستار ابىرجىسا، دەنەسىندە دە قاتىستى رەاكسيا پايدا بولادى، كوڭىل - كۇيىنىڭ ورنىقتىلىعىن ساقتاپ، بەلسەنە سايكەسۋ قالپىنا كەلۋگە سەپتىگىن تيگىزەدى»،- دەدى جاڭ ۇيمەي. ناۋقاستاردىڭ ىشىندە جاسى ەڭ ۇلكەنى 80 نەشە جاستا ەدى، ولار وعان سابىرلىلىقپەن كەڭەس بەرىپ، تۇرمىس قاجەتىن مۇمكىندىكتىڭ بارىنشا قاناعاتتاندىردى. 2 ـ توپتاعى حۋبەيعا كومەككە كەلگەن ەمدەۋ اترەتىنىڭ ورىنباسار باستىعى، ۋاقىتتىق پارتيا ياچەيكاسىنىڭ ۇگىت مۇشەسى باھارگۇل تولقىننىڭ نازارىندا، ناۋقاستارعا مەيىرلى دە سابىرلى جاڭ يۇيمەي، قىزمەتتە دە قاجىرلى ٴارى قايسار ادام، زاتتاردى تاسۋ، قىزمەت اۋىسۋ كەزەگىن سايكەستىرۋ سياقتى كوپ ىستەردى ىستەيدى. ونىڭ بويىندا قۇرىشتاي جاۋىنگەرگە ٴتان جىگەر بار.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.