تانىس ءماشىراىپ مۋزىكا ءۇنى ۋحان قالاس فاڭساڭ شيپاحاناسىندا قويىلدى، قورعانۋ كيمىن كيگەن ”شينجياڭ گۇلي“ مۋزىكا ۇنىنە ىلەسىپ بۇرالا بيگە بيلەدى، جاڭا تيپتى ايدارشا ۆيرۋس وكپە قابىنۋ ىندەتىنە شالدىققان جۇزگە جۋىق ناۋقاس قىزعىن بيگە باستى، بۇكىل ناۋقاس رايونىن ءالسىن-ءالى سوعىلعان شاپالاق ءۇنى مەن كۇلكى ءۇنى كەرنەدى.
2-ايدىڭ 12-كۇنى شينجياڭنىڭ حۋبەيعا كومەككە اتتانعان 2-توپتاعى ەمدەۋ اترەتى ۋحان قالاسى فاڭساڭ شيپاحاناسى (ۋحان قوناق بولمەسى) C رايونىندا ءوزارا ىقپالداستىق قيمىلىن جۇرگىزىپ، ناۋقاس رايونىنداعى جاڭا تيپتى ايدارشا ۆيرۋس وكپە قابنۋ ىندەتىنە شالدىققان 200 جۋىق جەڭىل ناۋقاستاردىڭ ”كۇلىمسىرەپ“، ەمدەۋگە بەلسەنە سايكەسىپ ەرتەرەك ساۋىعۋىنا شابىت بەردى.
وسى مەزگىلدە دوستىق شەڭبەردە تارالعان كەسكىندە ءبي باستاپ جۇرگەن ”شينجياڭ گۇلي“، ءدال وسى ەمدەۋ اترەتىنىڭ ورىنباسار باستاۋشىسى، ۋاقىتتىق پارتيا ياچەيكاسىنىڭ ۇگىت مۇشەسى باھارگۇل تولقىن. ”بۇرىن ءبي نەگىزىم بولعانىمەن، قىزمەت قاربالاستىعىنان ۇزاق ۋاقىت بيلەمەدىم، كەشە كەشتە ابىرجىپ ايناعا قاراپ كوپ جاتتىقتىم“،-دەدى باھارگۇل كۇلىمسىرەپ، ءبىراق تەزارادا كۇيىمدى تاۋىپ العانىممەن، ناۋقاس رايونىنا قالىڭ قورعانۋ كيمىن كيىپ كىرگەندە، دەنەپ جۋانداپ كەتتى، بۇل دا ءبىر سايىس.
ناۋقاستارعا شينجياڭ بيىندەگى اياق-قول ارەكەتىنىڭ كوپ ءتۇرلى ەكەنىن سەزىندىرۋ ءۇشىن، باھارگۇلدىڭ ءاربىر ارەكەتى ادەتتەگىندەن كوپ كۇش سالىپ، ءتىپتى دە زور كولەمدە بەينەلەدەدى. ەكى، ءۇش رەت بيلگەننەن كەيىن، ول تىمىرسىق قورعانۋ كيمى ىشىندە قارا تەرگە مالشىنادى، ەنتىككەندە قورعانۋ كيمىنىڭ بەت قالقاسى دا بۋلانىپ ميميكاسى دا ناۋقاستارعا انىق كورىنبەي قادى، ءبىراق قۇلاقتان كىرىپ بويدى العان اسەم اۋەن ونى ءتىپتى دە سەرپىلتەدى.
”ءبىز جاۋاپتى بولعان ناۋقاس رايونىندا ەمدەلىپ جاتقان جاڭا تيپتى ايدارشا ۆيرۋس وكپە قابىنۋ ىندەتىنە شالدىققان جەڭىل ناۋقاستار، ولارعا مەدەتسينالىق اۋاشالاۋ مەن ەمدەۋ جۇرگىزۋدەن سىرت، پسحيكالىق جاقتان كوڭىل ءبولۋ، سەنىمىن ارتتىرۋ، ولاردىڭ ىندەتتى جەڭۋىنە شابىت بەرۋ دە وتە ماڭىزدى“،-دەدى باھارگۇل، شينجياڭنىڭ حۋبەيعا كومەككە اتتانعان ەكىنشى توپتاعى ەمدەۋ اترەتىندەگى 102 كۇتىمدەۋ ۇيىرمەسى 2-ايدىڭ 5-كۇنى تاڭ سارىدە ۋحانعا جەتتى، 2-ايدىڭ 6-كۇنى ۋحان قالالىق فاڭساڭ شيپاحاناسىنا كىرۋدى تۇراقتاندىرعاننان كەيىن ءتۇرلى قىزمەتتەرگە بەلسەنە دايىندىق جاساي باستادى.
الدىڭعى بىرنەشە كۇندە، باس اترەت باستاۋشى چىن حۇي ۋاقىتتىق پارتيا ياچەيكاسىنداعى پارتيا مۇشەلەرىن باستاپ تاسۋشى، جۇمىسكەر بولدى، كوپتەگەن سەسترا قىزمەتكەرلەرىنە كوپ مايدان جەكەلىك قورعانۋ كۋرسىن ۇيىمداستىرۋدان سىرت، ءار كۇنى نەشە ون گرۋپپا وتتەگى شەلەگى، تۇششى سۋ شەلەگى، جۇزدەگەن ەمدەۋ، تۇرمىس بۇىمدارىن ناۋقاس رايونىنا كىرگىزەدى، دايىندىق قامتاماسىزداندىرۋ قىزمەتىن ويداعىداي ىستەيدى. چىن حۇيدىڭ تانىستىرۋىنشا، 2-ايدىڭ 9-كۇنى كەشتە ەمدەۋ اترەتى ناۋقاس قابىلداپ تەكسەرگەننەن كەيىن، ەكى كۇن سايكەسۋ ارقىلى، ءار كەزەكتى ەمدەۋ قىزمەتى تەزارادا ارناعا ءتۇستى، ناۋقاستاردىڭ اۋاشالانۋ مەزگىلىندە قوزعالىستى ساقتاۋىن، دەنە قۋاتىن ارتتىرۋدى ەسكەرىپ، وسى جولدى شينجياڭ ءبيى قيمىلىن جوسپارلادى، ءان مەن بيگە شەبەر باھارگۇل وسى اۋىر مىندەتتى ءوز ۇستىنە الدى.
”شينجياڭدىق ەمدەۋ اترەتىنە راقىمەت، وسىنداي تاماشا ءبيدى تۇڭعىش رەت ناق مايداندا كورۋىم، وتە كەرەمەت!“”‹شينجياڭ گۇلي›گە ىلەسىپ بىرنەشە رەت بيلەدىم، تۇلا بويىم جەڭىلدەپ قالعانداي سەزىندىم!“”ناۋقاس رايونىندا اۋاشالانىپ جاتقانىمىزبەن، سەندەر سوناۋ الىستان بىزگە كومەككە كەلدىڭدەر، ءبىزدىڭ وسى اۋرۋدى جەڭەتىنىمىزگە سەنەمىن!، شيپاحانادان شىققاننان كەيىن ۇيگە كەلىڭدەر“... ناۋقاستاردىڭ شىنايى كوڭىلى باھارگۇلدىڭ جۇرەگىن جىلىتتى، ول تەرگە مالشىنعانىنا قاراماي، جالعاستى ناۋقاس رايونىندا ناۋقاستارعا شابىت بەرىپ، ولاردى ساۋىققاننان كەيىن كوركەم شينجياڭعا ساياحاتتاپ، ءتىپتى دە كوپ ”شينجياڭ گۇلي“دىڭ ىستىق ىقىلاسىن سەزىنۋگە شاقىردى.
