شينجياڭ گازەتىنىڭ جالپىلىق اقپارات قۇرالدارى تىلشىلەرى لي شيڭ، شيە حۇيبيان
1 - ايدىڭ 25 - كۇنى ەگىنشىلىك كالەندىرى بويىنشا جاڭا جىلدىڭ 1 - كۇنى. لوپ اۋدانىنىڭ ۇلكەن كوشەسىنىڭ ەكى جاعالاۋىنا نارت قىزىل قوراپتى شامدار ءىلىنىپ، دۋماندى مەرەكەلىك تۇسكە ەندى. قۇرباننيسا سايداحىمەت تاڭ اتىسىمەن ورنىنان تۇردى، بۇل كۇنى ونىڭ كوڭىل كۇيى وتە جاقسى بولىپ، مولدىرەگەن بوتا كوزىنەن قۋانىشتىڭ لەبى ەسىپ تۇر ەدى. ويتكەنى ول سىرتقا شىعاتىندىقتان ارنايى جاسانىپ، سۋ جاڭا اق ءتۇستى مامىقتان جاسالعان سىرت كيىمىن، تىزەگە كەلەتىن كەڭ بالاق قارا سىمىن، قىسقا قونىشتى ەتىگىن كيىپ، بۇيرالاتقان شاشىن شوقشالاپ تۇيىپ، گىرىم قىلىپ، رەتتى دە ءساندى جاساندى.
قازىرگى ءماندى تۇرمىسىن ۇناتادى
وتكەن جىلى 5 - ايدا قۇرباننيسا لوپ اۋدانىنداعى كاسىپتىك شەبەرلىككە تاربيەلەۋ - باۋلۋ ورتالىعىنان وقۋىن تاۋىسىپ، لوپ قالاشىق ۇكىمەتىنە كەلىپ قىزمەت ىستەيدى. قىسقا عانا بىرنەشە اي ۋاقىتتا قۇرباننيسا تۇبەگەيلى وزگەردى.
وتكەن جىلدىڭ سوڭىندا، ءتىلشى قۇرباننيسانى تۇڭعىش كورگەن كەزىندە، ول ءتىلشىنى كۇندەلىكتى قىزمەت ىستەيتىن جەرىنە ەرتىپ اپارعان. سول كەزدە ونىڭ قولىنداعى كوك ءتۇستى حۇجات قالتاسى ونىڭ كيىنىسىمەن ونشا جاراسپاعان ەدى، ءتىلشى قىزىعا: ”نە ءۇشىن مىناداي حۇجات قالتاسىن الىپ العانسىڭ؟“ دەپ سۇرايدى، قۇرباننيسانىڭ جۇزىنەن دەرەۋ ماقتانىش سەزىمى مەن مۇندالاپ، حۇجات قالتاسىن كەۋدەسىنە باسىپ، قۋانىشتى تۇردە: ”مەن حوتان قالاسىنا ۇيرەنۋگە بارامىن، ءبىرازدان سوڭ تىزىمدەلەمىن!“ - دەدى.
ءاسىلى قۇرباننيسا حالىق ىستەر كادرى رەتىندە، حوتان ايماعى وتكىزگەن 5 كۇندىك حالىق ىستەر كادرلارى كۋرسىنا قاتىناسادى ەكەن. ”ادەتتە مەندە حوتان قالاسىنا باراتىن وراي وتە از، اۋەلى، بىرنەشە كۇن جاتادى ەكەنبىز، كوپتەگەن نارسەلەردى ۇيرەنۋگە بولادى!“، - دەدى ول.
ول ءبىر قىستاقتىڭ حالىق ىستەر قىزمەتىنە جاۋاپتى، كۇن سايىن قىستاققا بارىپ قىستاق تۇرعىندارىنىڭ جاعدايىن ۇعىسىپ، كومەك قاجەت ەتەتىن ىستەر بار - جوعىن سۇرايدى. ءبىراز ۋاقىتتان بەرى ول، قىستاقتاعى مۇگەدەك، ەڭ تومەنگى تۇرمىسى قامتاماسىز ەتىلەتىن ادامداردىڭ جانە وتباسىنىڭ جاعدايىن ۇعىسىپ كەلەدى.
”قىزمەت بولسا وتە جاقسى ەكەن، مەن وسى قىزمەتتى وتە ۇناتامىن“. قۇرباننيسا تىلشىگە بۇرىن تۇراقتى قىزمەتى جوق ەكەندىگىن، قازىر كۇن سايىن قىستاققا بارىپ وتباسىلارىن ارالاپ، اپتا سايىن بەلگىلى ۋاقىتتا ۇيرەنىپ، ءبىلىم تولىقتاپ، قۇلشىنىسى ارقىلى قىستاق تۇرعىندارىنىڭ جاقسى تۇرمىس كەشىرۋىنە كومەكتەسىپ، ءماندى تۇرمىستىڭ ءوز ءومىر قۇنىن ايگىلەگەنىن ايتتى.
شىن جۇرەكتەن تاربيەلەۋ - باۋلۋ ورتالىعىن القادى
قۇرباننيسا ءوزىنىڭ ادەمى كيىمىن كورسەتىپ تۇرىپ بىلاي دەدى: ”ءبىر جىلدىڭ الدىندا مەنىمەن تانىسقان بولساڭىز، مەن مۇلدە مۇنداي ەمەس بولاتىنمىن“. ول جەرگە قاراپ ۇيالا كۇلدى.
بۇرىن اجەم ماعان قىز بالا جاسانۋعا بولمايدى، ءبي بيلەسە بولمايدى، بىلەگى كورىنەتىن كيىم كيسە بولمايدى دەيتىن. اجەسىنىڭ ىقپالىنا ۇشىراعان قۇرباننيسا ەڭ ادەمى جاسىندا ءوزىن تۇمشالاپ، جاسانىپ - سىلانبادى. وزگە قىز بالالاردىڭ ادەمى كويلەك كيگەنىن كورسە ىشتەي جاقاتپاي، قاتتى جەك كورەتىن، ءتىپتى، ولاردى ياناتتايتىن. ءبىر جولى كوشەدە قۇرباننيسا ءبىر قىزدىڭ جەڭى جوق كويلەك كيىپ، ەرنىن قىزىلعا بوياپ، قۇلپىرىپ جۇرگەنىن كورەدى. ول كۇتپەگەن جەردەن ول قىزدىڭ قاسىنا جەتىپ بارىپ ايعاي سالادى: ”سەن نەگە مىناداي كيىم كيىپ العانسىڭ، سەن بۇلاي ىستەسەڭ توزاققا تۇسەسىڭ!“ ول قىزدى ياناتتاپ جىلاتىپ جىبەرەدى.
”ول كەزدە مەن ازەزىلدەردىڭ تىلىنە ەرىپ كەتىپپىن“، - دەدى قۇرباننيسا تىلشىگە. قىستاقتا تۇراتىن كادر ونىڭ جاعدايىن بىلگەن سوڭ، تالاي رەت ونىمەن سىرلاسىپ، وعان ءدىني ۇشقارى يدەيامەن جۇعىمدالىپسىڭ، جالعاستى بۇلاي كەتە بەرسەڭ ءوزىڭدى دە، وزگەنى دە ويراندايسىڭ دەپ، كاسىپتىك شەبەرلىككە تاربيەلەۋ - باۋلۋ ورتالىعىنا بارىپ ۇيرەنۋگە قاتىناسۋعا كەڭەس بەرەدى. ”ولار ماعان: تاربيەلەۋ - باۋلۋ ورتالىعىندا مەملەكەتتە ءبىر تۇتاس قولدانىلاتىن ءتىل - جازۋدى، زاڭ بىلىمدەرىن جانە كاسىپتىك شەبەرلىك ۇيرەنەسىڭ، ونىڭ ۇستىنە اقىسىز، - دەدى. مەن قىزىعىپ قالدىم دا ءوتىنىش بەرىپ تىزىمدەلدىم“، - دەدى قۇرباننيسا.
تاربيەلەۋ - باۋلۋ ورتالىعىندا بارلىعى قىستاقتا تۇراتىن كادرلاردىڭ ايتقانىنداي ەكەن، قۇرباننيسا تەز ارادا بۇل ارانى ۇناتىپ قالدى. ”مەن شىن جۇرەكتەن كاسىپتىك شەبەرلىككە تاربيەلەۋ - باۋلۋ ورتالىعىن القايمىن“، - دەدى ول.
تاربيەلەۋ - باۋلۋ ورتالىعىندا قۇرباننيسا مەملەكەتتە ءبىر تۇتاس قولدانىلاتىن ءتىل - جازۋدى، زاڭ بىلىمدەرىن مۇقيات ۇيرەندى، ونىڭ سىرتىندا اجارلاندىرۋ - شاش جاساۋ جانە ساندەنۋدى ۇيرەندى. بوس كەزدە ول ءتۇرلى كوركەمونەر قيمىلدارىنا بەلسەندى قاتىناسىپ، كۇندەرىن وتە قۋانىشتى، كوڭىلدى، ءماندى وتكىزدى. ”مەن ءبىلىم ۇيرەنىپ، كوزايام كەڭەيىپ، ءدىني ۇشقارى يدەيانىڭ زالالىن انىق ۇعىنىپ، نەنىڭ دۇرىس، نەنىڭ قاتە ەكەنىن ءبىلدىم، ەڭبەكشىل قوس قولىما سۇيەنىپ، اناعۇرلىم باقىتتى تۇرمىس جاراتۋدى تانىپ جەتتىم“، - دەدى ول.
اناعۇرلىم كوپ ادامعا كومەكتەسۋ ءۇشىن قۇلشىنىس جاسايمىن
مەملەكەتتە ءبىر تۇتاس قولدانىلاتىن ءتىل - جازۋ قابىلەتى ءبىرشاما جوعارى بولعاندىقتان، قۇرباننيسا تاربيەلەۋ - باۋلۋ ورتالىعىنان وقۋ تاۋىسقان سوڭ، تەز ارادا لوپ قالاشىق ۇكىمەتتەن قىزمەت تاۋىپ، اي سايىن تۇراقتى ەڭبەكاقىسى بار بولدى، وسى قىزمەت وعان سەنىم مەن كوڭىلدىلىك اكەلدى.
قىزمەتكە كەلگەنىنە كوپ بولماي، ول قىستاقتا وتباسىلارىن ارالاپ جاعداي ۇعىسقان كەزدە، ءبىر قىستاق تۇرعىنى جىلاي مۇڭ شاعىپ قيىنشىلىعىن ايتادى، سويتسە وسى قىستاق تۇرعىنىنىڭ كۇيەۋىنىڭ جۇرەك اۋرۋى تۇتقيىل قوزعالىپ، شيپاحاناعا شۇعىل جەتكىزىلىپتى، وپەراتسيا جاسايدى ەكەن، الايدا وتباسىنداعى اقشا جەتپەيدى ەكەن. قۇرباننيسا دەرەۋ مۇنداي جاعدايدا ۇكىمەتتەن ۋاقىتشا كومەك سۇراۋدى ءوتىنىش ەتۋگە بولاتىنىن ايتىپ ءارى ونى ەرتىپ بارىپ ءوتىنىشىن ءبىتىرىپ، سول كۇنى قالاشىققا جولدايدى، قىستاق تۇرعىنى 3000 يۋان ۋاقىتشا كومەك قاراجاتىن الىپ، قىسىلتاياڭ قيىنشىلىعىن شەشتى.
كومەككە يە بولعان قىستاق تۇرعىنى قۇرباننيساعا ارت - ارتىنان العىس ايتتى. قۇرباننيسا شىن نيەتىمەن بىلاي دەدى: ”ساعان كومەكتەسىپ كومەك قاراجاتىن ءوتىنىش ەتۋ مەنىڭ قىزمەتىم، قيىنشىلىعىڭنىڭ شەشىلگەنىن كورىپ، وتە كوڭىلدى بولدىم“. سول كەزدەن باستاپ قۇرباننيسا وزگەلەرگە كومەكتەسۋدىڭ قۋانىشىن سەزىندى. قازىر قىستاقتاعىلار ونى قاتتى ۇناتادى، اۋىلداستار ونى ءوز وتباسىنىڭ ادامىنا بالاپ، قانداي شارۋالارى بولسا ونىمەن اقىلداسادى. وسىنداي وزگەلەر قاجەت ەتەتىن كوڭىلدىلىك بۇرىن ونىڭ باسىندا ەشقاشان بولماعان ەدى.
قازىر قۇرباننيسا ءار كۇنى تازا دا رەتتى جاسانىپ، كوتەرىڭكى رۋحپەن قىزمەتكە بارادى. ”مەن جالعاستى قۇلشىنا قىزمەت ىستەپ، ويداعىداي تۇرمىس كەشىرىپ، اناعۇرلىم كوپ ادامعا قىزمەت وتەپ، ءتىپتى دە مول قۇن جاراتامىن!“، - دەدى قۇرباننيسا نىق سەنىممەن.
