تيانشان تورى   ›   ۇيرەنۋ   ›   شولۋ

ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ نىساناسىن جۇزەگە اسىرۋدىڭ قوس جەڭىسىنە قايراتتانا قول جەتكىزەيىك

 حالىق گازەتىنىڭ شولۋشىسى

  ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋمەن بىرگە، ىندەتتىڭ ەكونوميكالىق، قوعامدىق دامۋعا ىقپالىن ەڭ تومەنگى شەككە ءتۇسىرىپ، بيىلعى ەكونوميكالىق، قوعامدىق دامۋ نىساناسىن قايراتتانا جۇزەگە اسىرۋ كەرەك، بۇل بۇكىل پارتيا، بۇكىل ەل حالقىنىڭ الدىنا قويىلعان كەلەلى مىندەت.

  2 - ايدىڭ 10 - كۇنى باس شۋجي شي جينپيڭ بەيجيڭدە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزىپ، جەتەكشىلىك ەتكەن كەزدە، ەكونوميكالىق، قوعامدىق دامۋدىڭ ءتۇرلى مىندەتتەرىن ءبىر تۇتاس جوسپارلاپ ىلگەرىلەتىپ، ىندەتتەن ساقتانۋ - تىزگىندەۋدى بار كۇشپەن ويداعىداي يگەرۋمەن بىرگە، ”التىنى ورنىقتىرۋ“ قىزمەتىن ءبىر تۇتاس جوسپارلاپ، ويداعىداي ىستەپ، ىندەتتىڭ ەكونوميكاعا ىقپالىن بارىنشا تومەندەتىپ، بيىلعى ەكونوميكالىق، قوعامدىق دامۋدىڭ ءتۇرلى نىسانالارىن، مىندەتتەرىن ورىنداۋعا قۇلشىنۋ كەرەكتىگىن باسا دارىپتەدى. ءار دارەجەلى پارتكومدار مەن ۇكىمەتتەر يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، ءتۇيىندى مىقتى يگەرىپ، ءبىر تۇتاس جوسپارلاپ، تەڭ ءمان بەرىپ، ىندەتتەن ساقتانۋ - تىزگىندەۋ مەن بيىلعى ەكونوميكالىق، قوعامدىق دامۋ نىساناسىن جۇزەگە اسىرۋدىڭ قوس جەڭىسىنە باتىل قول جەتكىزۋى كەرەك.

  بيىل جاپپاي دوڭگەلەك داۋلەتتى قوعام ورناتاتىن جانە ”13 - بەسجىلدىق“ جوبا اياقتالاتىن جىل، ءبىز ءبىرىنشى 100 جىلدىق كۇرەس نىساناسىن جۇزەگە اسىرۋىمىز ءارى ”14- بەسجىلدىق“ دامۋعا جانە ەكىنشى 100 جىلدىق كۇرەس نىساناسىن جۇزەگە اسىرۋعا ويداعىداي نەگىز قالاۋىمىز كەرەك. تۇتقيىلدان كەلگەن ىندەتتىڭ كوپتەگەن سالالار مەن كاسىپورىندارعا ىقپال جەتكىزىپ، ەكونوميكالىق، قوعامدىق دامۋ نىساناسىن جۇزەگە اسىرۋىمىزعا سايىس الا كەلەتىنى داۋسىز. ايتسەدە، پارتيا ورتالىق كوميتەتىنىڭ پارمەندى باسشىلىعىندا، بۇكىل ەلدە جاپپاي اتتانىسقا كەلتىرىلگەن، جاپپاي ورنالاستىرىلعان، ىندەتتەن ساقتانۋ - تىزگىندەۋ قىزمەتى جاپپاي كۇشەيتىلگەن جاعداي قالىپتاسىپ، ونىمدىلىك كورنەكتىلەنىپ كەلە جاتقانىن ونان ارى كورە ءبىلۋىمىز كەرەك. جاعدايعا جالپىلاي تالداۋ جاساپ، ءبىز بيىلعى ەكونوميكالىق، قوعامدىق دامۋ نىسانالارىنا، مىندەتتەرىنە ۇزدىكسىز تاباندى بولىپ، پارتيا ورتالىق كوميتەتى شەشىم جاساعان، ورنالاستىرعان ەكونوميكالىق، قوعامدىق دامۋدىڭ ءتۇرلى قىزمەتتەرىن تۇگەلدەي مىقتى يگەرىپ، پارتيا ورتالىق كوميتەتى تۇراقتاندىرعان ءتۇرلى نىسانالاردى، مىندەتتەردى تۇگەلدەي ورىنداۋىمىز، كەشەۋىلدەتۋ، كۇتىپ وتىرۋ يدەياسىندا بولماۋىمىز كەرەك.

  قوس جەڭىسكە قول جەتكىزۋ ءۇشىن، ءسوزسىز، ءتۇيىندى يگەرىپ، ءبىر تۇتاس جوسپارلاپ، تەڭ ءمان بەرۋ كەرەك. ىندەت اۋىر وڭىرلەر ىندەتتەن ساقتانۋ - تىزگىندەۋ قىزمەتىن زەيىندى شوعىرلاندىرىپ، ويداعىداي يگەرۋى، باسقا وڭىرلەر ىندەتتەن ساقتانۋ - تىزگىندەۋ قىزمەتىن ويداعىداي ىستەۋمەن بىرگە، رەفورمانىڭ، دامۋدىڭ، ورنىقتىلىقتىڭ ءتۇرلى قىزمەتتەرىن جاپپاي ويداعىداي يگەرىپ، جۇمىستاندىرۋدى ورنىقتىرۋدى، فينانستى ورنىقتىرۋدى، سىرتقى ساۋدانى ورنىقتىرۋدى، سىرتقى قارجىنى ورنىقتىرۋدى، قارجى قوسۋدى ورنىقتىرۋدى، مەجەلى قىزمەتتەردى ورنىقتىرۋدى ءبىر تۇتاس ويداعىداي جوسپارلاۋ، اسىرەسە، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، كەدەيلىكتەن ارىلتۋدان قامال الۋدىڭ شەشۋشى شايقاسىن جاساۋعا ساياتىن ءتۇيىندى مىندەتتەردى ويداعىداي يگەرۋ كەرەك. ىندەتتەن ساقتانۋ - تىزگىندەۋ قىزمەتىن ويداعىداي ىستەۋدىڭ ەكونوميكالىق، قوعامدىق كەلەلى جاعدايدىڭ ورنىقتىلىعىنا تىكە بايلانىستىلىعىن تەرەڭ تانىپ، ىندەتتىڭ ءورشۋ بەتالىسىن باتىل تەجەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋمەن بىرگە، ەكونوميكالىق اينالىمنىڭ جاعدايىن ءجيى ساراپتاپ، ەكونوميكالىق اينالىمدى سەپتەۋدى كۇشەيتىپ، نازاردى ىندەتتىڭ ەكونوميكالىق اينالىمعا الا كەلگەن سوققىسى مەن ىقپالىنا شوعىرلاندىرىپ، ”التىنى ورنىقتىرۋ“دى ارقاۋ ەتىپ، ءتۇرلى كۇردەلى، قيىن جاعدايعا توتەپ بەرۋدىڭ دايىندىعى مەن قىزمەتىن ويداعىداي ىستەۋ كەرەك.

  قوس جەڭىسكە قول جەتكىزۋدىڭ تەتىگى − سەنىمدى بەكەمدەپ، ماسەلە مەن قيىندىقتاردان تايسالماۋدا. جۇڭگو ءىرى ەل، توزىمدىلىگى كۇشتى، كومەسكى كۇشى جەتكىلىكتى، مۇمكىندىگى زور. وسى رەتكى ىندەتتىڭ ماكرولىق ەكونوميكالىق اينالىمعا ىقپالىنىڭ كەزەڭدىك، ۋاقىتتىق ەكەنى داۋسىز، جۇڭگو ەكونوميكاسىنىڭ ورنىقتىلىق بارىسىندا جاقسارۋ، ۇزاق ۋاقىت جاقسارۋ سىندى نەگىزگى اۋقىمىن وزگەرتە المايدى. سونىمەن بىرگە، رەال ماسەلە مەن كومەسكى ىقپالىنا قاراتا، ءبىز كوڭىلىمىزدە سان بولىپ، بەلسەنە توتەپ بەرۋىمىز كەرەك. تەك تومەنگى شەكتە ويلاۋعا تاباندى بولىپ، بەلسەندى دە ىرىقتى تۇردە ىسكەرلىك تانىتقاندا عانا، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋگە بۇكىلدەي سەنىمدى، قابىلەتتى بولۋمەن بىرگە، كەدەيلىكتەن ارىلتۋدان قامال الۋ شايقاسىنىڭ جەڭىسىنە ۇزدىكسىز باتىل قول جەتكىزىپ، جاپپاي دوڭگەلەك داۋلەتتى قوعام ورناتۋدى تابىستى اياقتاتۋعا شىنايى كەپىلدىك ەتە الامىز.

  قوس جەڭىسكە قول جەتكىزۋدەگى ەڭ ماڭىزدى ءىس − پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتاپ تياناقتاندىرۋ. ىندەتتەن ساقتانۋ - تىزگىندەۋ قىزمەتىن ويداعىداي ىستەۋ العى شارتىندا، ءتۇرلى ءوندىرىس كاسىپورىندارىنىڭ جۇمىستى، ءوندىرىستى قالپىنا كەلتىرۋىن بار كۇشپەن قولداپ جانە ۇيىمداستىرىپ، ىلگەرىلەتىپ، فينانستىق قولداۋ تەبىنىن ارتتىرىپ، كاسىپورىنداردىڭ جۇمىستى قالپىنا كەلتىرۋ، جۇمىسشى ىستەتۋىن قامتاماسىز ەتۋ تەبىنىن ارتتىرىپ، كاسىپورىندارعا كومەك بەرىپ، جۇمىس ورنىن ورنىقتىرۋ ساياساتىنان ويداعىداي، جەتكىلىكتى پايدالانۋ كەرەك. جاڭا قارجى قوسۋ نىساندارىنىڭ جۇمىس باستاۋ تەبىنىن ارتتىرىپ، سالىنىپ جاتقان نىسانداردى بەلسەنە ىلگەرىلەتىپ، قارجى قوسۋ قۇرىلىمىن رەتتەپ، ساپالىلاندىرىپ، ىندەت اۋىر وڭىرلەرگە شۇعىل جاعدايعا توتەپ بەرۋ قۇتقارۋ - ەمدەۋ قۇرىلعىلارى، اۋاشالاۋ قۇرىلعىلارى سياقتى جۇقپالى اۋرۋلاردان ساقتانۋ جانە ەمدەۋگە شۇعىل قاجەتتى نىسانداردى ەڭ الدىمەن بەيىمدەۋ كەرەك. نازاردى كەدەيلىكتەن ارىلتۋدان قامال الۋدىڭ ەڭ سوڭعى قامالىن الۋعا شوعىرلاندىرىپ، اۋىل - قىستاقتى گۇلدەندىرۋ ستراتەگياسىن ىلگەرىلەتۋمەن ۇشتاستىرىپ، ىندەتتەن ساقتانۋ - ەمدەۋدى كىرىسۋ ءتۇيىنى ەتىپ، اۋىل - قىستاق قونىس ورتاسىن رەتتەۋ - وڭاۋ جانە الەۋمەتتىك دەنساۋلىق ساقتاۋ جۇيەسى قۇرىلىسىن كۇشەيتۋ كەرەك. تۇتىنۋدى كەڭەيتۋ ىندەتتىڭ ىقپالىنا توتەپ بەرۋدەگى ماڭىزدى كۇش سالۋ ءتۇيىنىنىڭ ءبىرى، تۇرعىنداردىڭ تۇتىنۋىن كۇش سالا ورنىقتىرىپ، جاڭادان گۇلدەنگەن تۇتىنۋ كومەسكى كۇشىن اشۋدى جەدەلدەتىپ، تۇرعىنداردىڭ سالاماتتىق تۇتىنۋ قاجەتىن اناعۇرلىم ويداعىداي قاناعاتتاندىرۋ كەرەك. بۇل رەتكى ىندەت ەلىمىزدىڭ جونگە سالۋ جۇيەسى مەن قابىلەتى جونىنەن ءبىر رەتكى زور سىن، وسى رەتكى ىندەتكە توتەپ بەرۋ بارىسىندا اشىققا شىققان ولقىلىقتار مەن جەتەرسىزدىكتەرگە مەڭزەس، كۇش سالا ولقىلىقتاردى تولىقتاپ، ءالسىز تۇستاردى كۇشەيتىپ، ەلىمىزدىڭ ءتۇزىم ابزالدىلىعىن مەملەكەتتىڭ جونگە سالۋ ونىمدىلىگىنە اناعۇرلىم ويداعىداي اينالدىرۋ كەرەك.

  ماشاقاتتى كۇرەس ادامدى شىنىقتىرادى. جۇڭحۋا ۇلتى تار جول، تايعاق كەشۋلەردى باستان كەشكەن، قايىسپاس قايسار ۇلت، قيىنشىلىق پەن سايىس قانشالىق زور بولسا، ۇيىسۋ قۋاتى مەن جاۋىنگەرلىك قۋاتى سونشالىق كۇشەيەدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەل بىرلىگىنەن بەرىك قامال تۇرعىزىپ، ىندەتكە قارسى اتتانىپ، بوران - شاشىندا دا بوگەلمەي العا ىلگەرىلەسەك، ءبىز، ءسوزسىز، ىندەتتى تۇبەگەيلى جەڭىپ، جاپپاي دوڭگەلەك داۋلەتتى قوعام ورناتۋدى تابىسپەن ورىنداۋعا شىنايى كەپىلدىك ەتەمىز، ۇلى وتانىمىز، ءسوز جوق، ونان ارى گۇلدەنىپ - كوركەيە تۇسەدى!

  (شينحۋا اگەنتتىگىنىڭ 2 - ايدىڭ 12 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.