تيانشان تورى   ›   جاڭالىقتار   ›   شينجياڭ حابارلارى

ىندەت مەزگىلىندە ٴۇرىمجى قالاسى رەتسەپتىك ٴدارىنى ىستەتۋ مولشەرىن 3 ايعا ۇزارتتى

  ٴتىلشى ما بەي حابارلايدى. سوزىلمالى اۋرۋى بار ناۋقاستاردىڭ رەتسەپتىك ٴدارى ىستەتۋ مولشەرىن ۇزاق ۋاقىتقا جەتكىزۋ، ەمدەۋ قامسىزداندىرۋ ىستەرىن ٴبىتىرۋ ۋاقىتىن ۇزارتۋ، باسقا جەردەن ەسەپتەن كوتەرۋدى پوچتادان جولداپ ٴبىتىرۋ ... جاڭا تيپتى ايدارشا ۆيرۋس وكپە قابىنۋ ىندەتى مەزگىلىندە، ٴۇرىمجى قالالىق ەمدەۋدى قامسىزداندىرۋ مەكەمەسى ەمدەۋدى قامسىزداندىرۋ قىزمەت كورسەتۋلەرىن ساپالىلاندىرىپ، ادام شوعىرلى ورىنداردىڭ ايقاسپالى جۇعىمدالۋ قاتەرىن تومەندەتىپ، توراپتا ٴبىتىرۋدىڭ ٴبىرقانشا شارالارىن قولداندى.

  2 - ايدىڭ 13 - كۇنى، ٴتىلشىنىڭ ٴۇرىمجى قالالىق ەمدەۋدى قامسىزداندىرۋ مەكەمەسىنەن ۇعىسۋىنشا، ىندەتتەن ساقتانۋ - تىزگىندەۋ مەزگىلىندە، سوزىلمالى اۋرۋى بار ناۋقاستاردىڭ ٴدارى ىستەتۋ قاجەتىن قامتاماسىز ەتۋ ٴۇشىن، جوعارى قان قىسىمى، قانتتى نەسەپ سياقتى سوزىلمالى اۋرۋى بار ناۋقاستارعا قاراتا، ەمدەگەن شيپاحاناداعى شيپاگەردىڭ باعامداۋىنان كەيىن، رەتسەپتىك ٴدارىنى ىستەتۋ مولشەرىن 3 ايعا ۇزارتىپ، قامسىزداندىرىلۋشى ناۋقاستاردىڭ ۇزاق ۋاقىتتىق ٴدارى ىستەتۋ قاجەتىن كەپىلدىك ەتۋدى قولدادى.

  ٴۇرىمجى قالاسىنىڭ نەگىزگى ەمدەۋدى قامسىزداندىرۋىنا قاتىناسقان ٴار ٴتۇرلى سوزىلمالى اۋرۋى بار ناۋقاستار، ٴۇرىمجى قالاسىنىڭ ەمدەۋدى قامسىزداندىراتىن بەلگىلەنگەن تۇيىندەگى ەمدەۋ قۇرىلىمدارىنىڭ رەتسەبىن الىپ، بەلگىلەنگەن تۇيىندەگى سوزىلمالى اۋرۋلاردىڭ ٴدارى - دارمەكتەرىن ساتۋ دۇكەنىنەن ساتىپ السا بولادى. ونىڭ ىشىندە مەملەكەتتىك ٴدارى - دارمەك جارنا مەڭگەرۋ شەكتى جارنا سەرىكتەستىگىنە قاراستى شينتى ٴدارى دۇكەنىنەن 9 ى بار. ولاردىڭ ورنى جەكە - جەكە وڭتۇستىك جەفاڭ كوشەسى، شىڭلي كوشەسى، شينفۋ كوشەسى، وڭتۇستىك بەيجيڭ كوشەسى، وڭتۇستىك ليۇيشان كوشەسى، شىعىس سۋجوۋ كوشەسى، سولتۇستىك انجۇي كوشەسى، شىعىس نانحۋ كوشەسىنىڭ سولتۇستىك ەكىنشى كوشەسى، ميدۇڭ رايونى باتىس گۋمۋدي كوشەسىندە. وڭىرلىك ورنالاسۋى تۇگەلدەي 3 - دارەجەلى بەلگىلەنگەن ەمدەۋ قۇرىلىمىنا جاقىن، سوزىلمالى ناۋقاستاردىڭ رەتسەپ جازدىرىپ ٴدارى الۋىنا قولايلى.

  مۇنان سىرت، 2020 - جىلى 2 - ايدىڭ 3 - كۇنىنەن باستاپ، ٴىشىنارا ەمدەۋدى قامسىزداندىرۋ جۇمىستارىن ٴبىتىرۋ ۋاقىتىن ۇزارتۋدى ورنالاستىردى. ٴۇرىمجى قالاسىنىڭ 2020 - جىلعى قالا - اۋىل تۇرعىندارىنىڭ ەمدەلۋىن قامسىزداندىرۋ قاراجاتىن شوعىرلى جيناۋ مەرزىمىن 2020 - جىلى 3 - ايدىڭ 31 - كۇنىنە دەيىن ۇزارتتى. بەلگىلەنگەن مەرزىمدە قاراجاتىن تاپسىرعانداردىڭ قاتىستى مامىلەدەن يگىلىكتەنۋىندە توسۋ مەزگىلى بولمايدى. سونىمەن بىرگە 2019 - جىلعى ەمدەۋ قاراجاتىنا قىزمەت كورسەتۋ تەرەزەسىنىڭ ەسەپتەن كوتەرۋ ۋاقىت شەگىن ۇزارتتى. 2020 - جىلى 12 - ايدىڭ 31 - كۇنىنەن بۇرىن ٴوتىنىش ەتىپ ەسەپتەن كوتەرۋ جۇمىسىن بىتىرسە بولادى.

  باسقا جەردەگى ەمدەۋ قامسىزداندىرۋىنا قاتىناسقان ناۋقاستارعا قاراتا، ىندەتتەن ساقتانۋ - تىزگىندەۋ مەزگىلىندە، باسقا جەردە ەمدەلگەن قاراجاتىن ناق اقشامەن ەسەپتەن كوتەرۋ ىستەرىن پوچتادان جولداۋ ارقىلى ٴبىتىرۋ نەگىزىندە، ٴۇرىمجى قالالىق ەمدەۋدى قامسىزداندىرۋ مەكەمەسى ەمدەۋ قامسىزداندىرۋ قاتىناسىن جوتكەۋدى، جالعاستىرۋدى پوچتادان جولداۋ ارقىلى ٴبىتىرۋ قىزمەت وتەۋ كولەمىنە ەنگىزەدى. باسقا جەردەگى ەمدەۋ قامسىزداندىرۋىنا قاتىناسۋشىلار ەمدەۋ قامسىزداندىرۋ قاتىناسىن جوتكەۋگە، جالعاستىرۋعا قاتىستى ماتەريالداردى پوچتا ارقىلى ٴۇرىمجى قالالىق ەمدەۋدى قامسىزداندىرۋ تاراۋلارىنا جولداسا، دەر كەزىندە ٴبىتىرىپ بەرەدى.

  مۇنان سىرت، ىندەتتەن ساقتانۋ - تىزگىندەۋ مەزگىلىندە، ٴۇرىمجى قالاسى سالماقتى اۋرۋلارعا، سوزىلمالى اۋرۋلارعا ٴوتىنىش ەتۋ، ەمدەۋ كارتچكاسىن پايدالانۋ سياقتى «جاسىل ارنانى» اشىپ، ەرەكشە ٴىستى ەرەكشە ٴبىتىرۋدى، شۇعىل ٴىستى شۇعىل ٴبىتىرۋدى، ەرەكشە ىستەردى الدىمەن ٴبىرجاقتى ەتۋدى جۇزەگە اسىردى.

  ەمدەۋ قامسىزداندىرۋىنا قاتىناسۋشىلار «شينجياڭ ەمدەۋ قامسىزداندىرۋىن ەستەلىككە الۋ APP» ىن ٴتۇسىرىپ، جەلىدە قاتىستى ىستەردى بىتىرۋىنە بولادى.

  ەگەردە قول تەلەفونداعى APP دان جەلىدە بىتىرۋگە بولماسا، تەلەفون بەرۋ ارقىلى ٴوتىنىش ەتىپ بىتىرۋىنە بولادى. ەگەردە ىستەردى «جۇزدەسپەي» بىتىرۋگە بولماسا، تەلەفون شالىپ، كەڭەسۋگە بولادى، ەمدەۋدى قامسىزداندىرۋ تاراۋلارى ارناۋلى ادام ورنالاستىرىپ بىتىرەدى.  

  ەسكەرتۋ:

  (1. «شينجياڭ ەمدەۋ قامسىزداندىرۋىن ەستەلىككە الۋ APP ىنىڭ» ەكى ولشەمدى كودى. اندريود، IOS جۇيەلەرىنىڭ بارىنە كەلەدى)

  2. تەلەفوندا ٴبىتىرۋ ۋاقىتى: 10:30 - 18:30

  3. كەڭەس سۇراۋ تەلەفون ٴنومىرى:

  ٴۇرىمجى قالالىق ەمدەۋدى قامسىزداندىرۋ مەكەمەسى: 4680662 ،4658524 ،4680625 (0991)

  تيانشان رايونى (دابانچىڭ قالا رايونى): 2337203-0991

  سايباق رايونى: 4533029-0991

  جوعارى، جاڭا تەحنيكا رايونى (جاڭا قالا رايونى): 3193797-0991

  شۇيموگوۋ رايونى (ٴۇرىمجى اۋدانى): 4613071-0991

  ەكونوميكالىق، تەحنيكالىق اشۋ رايونى (تۋتۇنحى رايونى): 3720782-0991

  ميدۇڭ رايونى: 3306873-0991

  4. پوچتادان جولداپ ٴبىتىرۋدىڭ تاپسىرىپ الۋ ادرەسى

  شينجياڭ ٴۇرىمجى قالاسى سايباق رايونى شىعىس قارامايلى كوشەسى 5 - ٴنومىر حۇيمين بيناسىنىڭ ەكىنشى قاباتى

  قابىلداۋشى: ٴۇرىمجى قالالىق ەمدەۋدى قامتاماسىزداندىرۋ ىستەرىن دامىتۋ ورتالىعىنىڭ قاراجات تولەۋ ٴبولىمى

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.