ٴتىلشى ما بەي، ەرىكتى ٴتىلشى جاڭ بو. ىندەت — بۇيرىق. قازىرگە دەيىن، شينجياڭداعى تۇڭعىش توپتاعى مەملەكەتتىك ىندەتتەن ساقتانۋ - تىزگىندەۋدەگى 3 ٴتۇيىندى قامتاماسىزدىق كاسىپورنى ارناۋلى قايتالاي قارىز الۋىنىڭ جەدەل، دالمە ـ ٴدال ىرگە تەبۋىن جۇزەگە اسىردى.
2 ـ ايدىڭ 11 ـ كۇنى ٴتىلشىنىڭ جۇڭگو حالىق بانكەسىنىڭ ٴۇرىمجى ورتالىق تارماق بانكەسىنەن ۇعىسۋىنشا، اقسۋ لياڭشين استىق ـ ماي ساتىپ الۋ ـ ساتۋ سەرىكتەستىگى، شينجياڭ ەلنۇر اۋىل شارۋاشىلىق عىلىم ـ تەحنيكا سەرىكتەستىگى جانە بەيتۇن ەرتىس وزەنى شەكتى جاۋاپكەرشىلىك سەرىكتەستىگى رايونىمىزداعى تۇڭعىش توپتاعى ىندەتتەن ساقتانۋ - تىزگىندەۋدەگى 3 ٴتۇيىندى كاسىپورنى ەكەن. ىندەتتەن ساقتانۋ - تىزگىندەۋ كەزىندە، جۇڭگو حالىق بانكەسى ٴۇرىمجى ورتالىق تارماق بانكەسى فينانس قۇرىلىمدارىن ۇيىمداستىرىپ، ارناۋلى قارىز اقشا بوساتىپ، رايونىمىزدىڭ ىندەتتەن ساقتانۋ - تىزگىندەۋدەگى ٴتۇيىندى قامتاماسىزدىق كاسىپورىنداردىڭ قارجى سۇرانىسىن بار كۇشپەن قاناعاتتاندىردى.
ۇعىسۋعا قاراعاندا، ٴتۇيىندى كاسىپورىنداردىڭ تىزىمدىگىن مەملەكەتتىك دامۋ جانە رەفورما تاراۋلارى مەن ونەركاسىپ جانە ينفورماتسيالاندىرۋ تاراۋلارى توپقا ٴبولىپ بەرگەن بولاتىن.
ارناۋلى قايتالاي قارىز اقشا بەرۋ دەگەنىمىز جۇڭگو حالىق بانكەسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋگە قولداۋ كورسەتۋ ٴۇشىن، مەملەكەتتىك 9 ساۋدا بانكەسى مەن 10 ٴتۇيىندى ىندەت تارالعان وڭىردەگى ٴىشىنارا جەرگىلىكتى زاڭدىق تۇلعا فينانس قۇرىلىمدارىنا بەرگەن وزىندىك قۇنى تومەن قايتالاي بەرگەن قارىز اقشاسى. ارناۋلى قايتالاي بەرگەن قارىز اقشاسىنىڭ جۇمسالۋىنا تىزىمدىك ٴتۇزىمى اتقارىلادى.
ارناۋلى قايتالاي قارىز بەرۋ ساياساتى جاريالانعاننان كەيىن، جۇڭگو حالىق بانكەسىنىڭ ٴۇرىمجى ورتالىق تارماق بانكەسى جەرگىلىكتى ۇكىمەتكە دەرەۋ مالىمەت بەردى ٴارى فينانس قۇرىلىمدارىنا ناقتى قىزمەت تالابىن قويىپ، قازىنا، ونەركاسىپ جانە ينفورماتسيالاندىرۋ، فينانس كەڭسەسى سياقتى تاراۋلارمەن قىزمەت ۇشتاستىرىپ، ينفورماتسيادان ورتاق يگىلىكتەنىپ، ساياساتتىڭ تياناقتاندىرىلۋىنا قاتىستى ىستەردى ۇشتاستىردى. 2 - ايدىڭ 10 - كۇنىنە دەيىن، شينجياڭ ىلگەرىندى ـ كەيىندى 2 توپتاعى اڭىستى ماقۇلداۋدان وتكىزىپ، 6 ٴتۇيىندى كاسىپورىن مەملەكەتتىك تىزىمدىككە كىردى، مۇنىڭ ىشىندە 3 كاسىپورىن ارناۋلى قايتالاي قارىز اقشا الۋ جاعىنان قولداۋ تاپتى.
