تيانشان تورى   ›   جاڭالىقتار   ›   شينجياڭ حابارلارى

رايونىمىز سالىق ىستەرىن ”جۋىسپاۋ تاسىلىندە“ ءبىتىرۋدى جالپى بەتتىك ورىستەتتى

149 ءتۇرلى سالىق - اقى ىستەرىندە ”ءبىر رەت تە شاپقىلاماۋ“ جۇزەگە اسىرىلدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى ميھىرگۇل ناسىر 2 - ايدىڭ 13 - كۇنى ۇرىمجىدەن حابارلايدى. تاياۋدا اۆتونوميالى رايوندىق سالىق مەكەمەسى بۇكىل رايون كولەمىندە سالىق - اقى ىستەرىندە ”ءبىر رەت تە شاپقىلاماۋ“دى اتقارۋ جونىندە حابارلاندىرۋ تاراتتى ءارى 149 ءتۇرلى سالىق - اقى ىستەرىنە ساياتىن ءتىزىمدى (قىسقارتىلىپ «ءتىزىم» دەلىنەدى) جاريالادى.

  ”سالىق - اقى ىستەرىندە ’ءبىر رەت تە شاپقىلاماۋ‘ − اۆتونوميالى رايوندىق سالىق مەكەمەسىنىڭ ’تومەنگە بەرۋ، باسقارۋ، قىزمەت وتەۋ‘ رەفورماسىن ونان ارى ىلگەرىلەتىپ، سالىق كىرىسى شارۋاشىلىق - ساۋدا ورتاسىن ساپالىلاندىرۋداعى نەگىزگى جەتىستىكتەرىنىڭ ءبىرى، اسىرەسە، قازىرگى ىندەتتەن ساقتانۋ - تىزگىندەۋدىڭ شەشۋشى كەزىندە سالىق ىستەرىن ’جۋىسپاۋ تاسىلىندە‘ ءبىتىرۋدى ىلگەرىلەتۋدەگى ماڭىزدى شارا“. اۆتونوميالى رايوندىق سالىق مەكەمەسى سالىق تولەۋ قىزمەت وتەۋ باسقارماسىنىڭ قاتىستى جاۋاپتىسى بىلاي دەپ تانىستىردى: وسى جولى شىعارىلعان سالىق - اقى ىستەرىن ءبىتىرۋ تىزىمىندە تالون ءبىتىرۋ، سالىق تولەۋگە ءوتىنىش بەرۋ، قوعامدىق قامسىزداندىرۋ اقىسى، سونداي - اق سالىققا جاتپايتىن كىرىس كاسىبىن ءبىتىرۋ سياقتى 14 ۇلكەن ءتۇر بويىنشا 149 ءتۇرلى مازمۇن بار، سالىق - اقى ىستەرىنىڭ %90تەن استامىن نەگىزىنەن قامتىپ، سالىق - اقى ىستەرىن جەلىدە ءبىتىرۋ، بارماقپەن ءبىتىرۋ، تاياۋ جەردەن ءبىتىرۋ دەڭگەيىن جاپپاي ءوسىرىپ، سالىق تولەۋشىلەردىڭ، اقى تاپسىرۋشىلاردىڭ ىندەتتەن ساقتانۋ - تىزگىندەۋ كەزىندە سالىق - اقى ىستەرىن ءساتتى تۇردە ءبىتىرۋ قاجەتىن اناعۇرلىم ويداعىداي قاناعاتتاندىردى.

  ”قازىر تالوندى دا پوچتادان اقىسىز جىبەرەدى، ىندەتتەن ساقتانۋ - تىزگىندەۋ كەزىندە وسى قىزمەتتىڭ ءوزى شىنىندا جۇرەككە جىلۋ بەرەدى!“ 2 - ايدىڭ 6 - كۇنى تۇستەن كەيىن پوچتادان اقىسىز جىبەرىلگەن 49 ارتقان قۇن سالىعى ارناۋلى تالونىن تاپسىرىپ العان سوڭ، ساۋان اۋدانى حۇڭدا مۇناي حيميا شەكتى جاۋاپكەرشىلىك سەرىكتەستىگىنىڭ زاڭدىق يە ۋاكىلى چىن حۇي وسىنى قۋانا ايتتى.

  ۇعىسۋعا قاراعاندا، 2 - ايدىڭ 3 - كۇنىنەن 29 - كۇنىنە دەيىن، بۇكىل رايون بويىنشا سالىق تولەۋ سەنىمدىلىگى C دارەجەدەن جوعارى سالىق تولەۋشىلەردىڭ ەلەكتروندىق سالىق مەكەمەسىندە ءوتىنىش ەتىپ العان تالوننىڭ قاعاز نۇسقاسى پوچتامەن اقىسىز جەتكىزىلىپ، سالىق تولەۋشىلەردىڭ تالون پايدالانۋ سۇرانىسى مۇمكىندىكتىڭ بارىنشا قاناعاتتاندىرىلىپ، تالوندى الۋداعى، تالوندى پايدالانۋداعى سالىقتى ءبىتىرۋدىڭ وزىندىك قۇنى تومەندەتىلىپ، تالوندى الۋدا ”بۇكىل بارىستا ۇيدە وتىرىپ ىستەۋ“، ”ءبىر رەت تە شاپقىلاماۋ“ جۇزەگە اسىرىلىپ، سالىق مەكەمەسىنە بارىپ سالىق بىتىرۋدەن تۋاتىن ايقاسپالى جۇعىمدالۋدىڭ حاۋىپ - قاتەرى مۇمكىندىكتىڭ بارىنشا تومەندەتىلەدى ەكەن.

  ”ءبىز شينجياڭداعى اقى تاپسىرۋشىلاردىڭ ءىس جۇزىندىك جاعدايىمەن ۇشتاستىرا وتىرىپ، اقى تاپسىرۋدىڭ كوپ ءتۇرلى ارناسىن زەرتتەپ اشىپ، ەلەكتروندىق سالىق مەكەمەسى، ورىنداردىڭ كليەنتى، قول تەلەفون APPى جانە ۋيچات شاعىن پروگرامماسى سياقتى وزدىك اقى تاپسىرۋدى نەگىز ەتكەن، مولداپ اقشا تارتۋدى بىرتىندەپ قامتىعان، وكىلەتتى الۋ كليەنتى قولدايتىن، POS اپپاراتى قامتاماسىز ەتەتىن قۇراما اقى تاپسىرۋ ۇلگىسىن بىرتىندەپ ورناتتىق“. اۆتونوميالى رايوندىق سالىق مەكەمەسى جيناۋ - باسقارۋ جانە عىلىم - تەحنيكالىق دامىتۋ باسقارماسىنىڭ جاۋاپتىسى بىلاي دەپ تانىستىردى: قازىر جەلىدەگى ورىنداردىڭ اقى تاپسىرۋ، جەكەلەر اقى تاپسىرۋ ارناسىنىڭ ەلەكتروندىق سالىق مەكەمەسى، ورىنداردىڭ كليەنتى جانە ناقتى سالىق ءبىتىرۋ زالىندا ءوتىنىش بەرۋ سىندى 3 ءتۇرى بار. بۇدان سىرت، قالا، اۋىل تۇرعىندارىنا باعىتتالعان اقى تاپسىرۋ ءتاسىلىنىڭ 13 ءتۇرى بار، مۇنىڭ ىشىندە ۋيچات شاعىن پروگرامماسىنىڭ، ەلەكتروندىق سالىق مەكەمەسىنىڭ، ورىنداردىڭ كليەنتىنىڭ مولداپ اقشا تارتىپ قالۋى نەگىزگى اقى تاپسىرۋ ارناسى ەسەپتەلىپ، جالپى اقى الۋ قىزمەتىنىڭ %96ىن ۇستاپ، ۇيدە وتىرىپ قوعامدىق قامسىزداندىرۋ اقىسىن تاپسىرۋ نەگىزىنەن جۇزەگە اسىرىلدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”زەردەلى ەگىن شارۋاشىلىعى ماشيناسى“ كوكتەمگى وندىرىسكە سەپتىگىن تيگىزدى
  • ءوندىرىس جەلىسىندەگى جۇمىسشىلار قاربالاس جۇمىستا
  • ءۇرىمجى حالىقارالىق اۋەجايىنىڭ سولتۇستىك اۋماعىن كەڭەيتىپ سالۋ ينجەنەرياسى جۇمىستى جالپى بەتتىك قالپىنا كەلتىردى
  • زەردەلى اۋىل شارۋاشىلىق ماشيناسى كوكتەمگى وندىرىسكە دەم بەردى