حوۋ حۇي
2 - ايدىڭ 12 - كۇنى ۋحانداعى كىتيڭ فاڭساڭ ەمحاناسىندا شينجياڭ ءبيىن بيلەگەن بەينەجازبا جەلىدە كەڭ تارالدى. بەينەجازباداعى ءبي باستاۋشى شينجياڭنىڭ 2 - توپتا حۋبەيعا كومەككە بارعان ەمدەۋ اترەتىندەگى باھارگۇل تولقىن، ەمدەۋ اترەتىنىڭ ورىنباسار جەتەكشىسى.
وسى بەينەجازبانى اشا سالعاندا، قول تەلەفوننان ويناقى مۋزيكا اۋەنى ەستىلەدى. ماسكى تاققان ءبىر توپ ناۋقاس باھارگۇلگە ىلەسىپ قازاقتىڭ ۇلتتىق ءبيى ”قاراجورعا“نى بيلەپ ءجۇر. ايتۋلارعا قاراعاندا بۇل فاڭساڭ ەمحاناسىنداعى ەڭ قارسى الۋعا بولەنگەن الاڭ ءبيى ەكەن.
شينجياڭدىق ءبىر توراپتاس بىلاي دەدى: ”كورىپ وتىرىپ كوزىمنەن جاس توگىلدى، وسى جايراڭداعان جارقىن كۇش ۋحاندا، ءسوز جوق، تارالادى، ىندەت اياقتاعان سوڭ كوپشىلىكتىڭ كەلىپ ءشول دالا توراڭعىسىن، سايرام كولىن، نارات جايلاۋىن كورىپ، كاۋاپ، پالاۋ، تورە تاباق تاۋىق ەتىن جەپ، كاۋاس، شيحۋ سىراسىن ىشۋىن قارسى الامىز!“.
بۇل دا ءاربىر شينجياڭدىقتىڭ جۇرەك ءۇنى.
جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، شينجياڭ حۋبەيعا 3 توپتا ەمدەۋ اترەتىن جىبەرىپ، كومەككە توپ - توپ زاتتىق ماتەريالدار جەتكىزدى، سونداي - اق شينجياڭدىقتاردىڭ جايدارلىلىعى مەن ىقىلاسىن جەتكىزدى. اپات پەن ءولىم - ءومىر الدىندا، باھارگۇل مەن ونىڭ قىزمەتتەستەرى مۋزيكا جانە ءبي ارقىلى ءومىردىڭ جاندى كۇشىن، سونداي - اق ءومىردى قىزۋ ءسۇيۋدى سول جەردەگى ادامدارعا جەتكىزىپ، ولارعا ءومىردىڭ تاسقىنداعان كۇش - قۋاتىن سەزىندىرىپ، جايناعان ءۇمىت ساۋلەسىن كورسەتىپ، ۆيرۋسپەن كۇرەسەتىن باتىلدىعى مەن سەنىمىن ارتتىردى. وسىدان ءبىز ”ەمدەۋ قىزمەتكەرلەرىنىڭ مەيرىمدىلىگى“نىڭ تەك ەمدەۋ قىزمەتكەرلەرىنىڭ ناۋقاستاردىڭ دەنساۋلىعىن قورعاۋىن عانا مەڭزەپ قالماستان، ولاردىڭ وزدەرىنىڭ ءىس - ارەكەتتەرى ارقىلى ناۋقاستاردىڭ جان دۇنيەسىن نۇرلاندىرۋىن دا مەڭزەيتىنىن تەرەڭ سەزىندىك.
باھارگۇلدىڭ بەت الپەتىن كورە المادىق، الايدا ونىڭ بار كۇشىمەن ءاربىر ءبي ارەكەتتەرىن جەتكىزە ورىنداعان بەينەسى شىنىمەن تاماشا، ناۋقاستاردىڭ وعان ىلەسىپ ۇيرەنگەن بەينەسى شىنىمەن كەرەمەت. مۇناردىڭ تۇبىندە سەيىلەتىنىنە، كوكتەمدە الۋان گۇلدەردىڭ قۇلپىرا اشىلاتىنىنا، بارلىعىمىزدىڭ جايدارى كۇن شۋاعىندا ەمىن - ەركىن تۇرمىس كەشىرەتىنىمىزگە سەنەمىز.
(”لەپتى لەبىز“ ماقالا قابىلداۋ حات ساندىعى: xjrbplb@126.com)
