شينحۋا اگەنتتىگىنىڭ 2 - ايدىڭ 13 - كۇنى بەيجيڭنەن بەرگەن حابارى (جۋ حۇڭلياڭ، جوۋ نا). ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ بەكىتۋىمەن، ارميا 2600 ەمدەۋ قىزمەتكەرىن ۋحاننىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا كومەكتەسۋگە ۇستەمەلەپ جىبەرىپ، ۋحان حوشىنشان شيپاحاناسىنىڭ جۇمىس جۇرگىزۋ ۇلگىسى بويىنشا، ۋحان قالالىق تايكاڭ تۇڭجي شيپاحاناسىنداعى، حۋبەي ولكەلىك انا - بالالار دەنساۋلىعىن قورعاۋ شيپاحاناسىنىڭ گۋاڭگۋ شيپاحانا اۋماعىنداعى دياگنوزى انىقتالعان ناۋقاستاردى مەديتسينالىق قۇتقارۋ - ەمدەۋ مىندەتىن ارقالايدى.
ۋحان قالالىق تايكاڭ تۇڭجي شيپاحاناسى 860 توسەك ورنىن اشۋدى جوسپارلاۋدا، حۋبەي ولكەلىك انا - بالالار دەنساۋلىعىن قورعاۋ شيپاحاناسىنىڭ گۋاڭگۋ شيپاحانا اۋماعى 700 توسەك ورنىن اشۋدى جوسپارلاۋدا. 2 شيپاحانادا تۇگەلدەي كيلينيكالىق ناۋقاستار اۋماعىن اشىپ، جۇعىمدالۋدى تىزگىندەۋ، ساراپتاۋ، ەرەكشە دياگنوز قويۋ، راديواكتيۆتىك دياگنوز قويۋ، ءدارى بۇرىككىش جابدىقتار، زارارسىزداندىرۋمەن قامداۋ، ينفورماتسيا، مەديتسينالىق ينجەنەريا سياقتى قوسىمشا بولىمدەر ورنالاستىرىلعان.
وسى رەت سارالاپ ۇيىمداستىرىلعان ەمدەۋ كۇشتەرى قۇرلىق ارمياسى، تەڭىز ارمياسى، اۋە ارمياسى، زىمىران ارمياسى، ستراتەگيالىق كومەك بەرۋ اسكەري ءبولىمى، ءبىر تۇتاس ارتقى شەپ قامتاماسىزداندىرۋ اسكەري ءبولىمى، قارۋلى ساقشى ءبولىمى سياقتىلارداعى ءبىر قىدىرۋ ەمدەۋ ورىندارىنان كەلگەن. شيپاحانانىڭ سيىمدىلىعى مەن قۇرىلىس قارقىنىنا ساي، ارميانىڭ ەمدەۋ قىزمەتكەرلەرى توپقا ءبولىنىپ كومەكتەسۋگە كىرىسەدى، العاشقى كۇشتەگى 1400 ادام 2 - ايدىڭ 13 - كۇنى ۋحانعا جەتەدى ءارى دەر كەزىندە قاتىستى مەديتسينالىق قۇتقارۋ - ەمدەۋ قىزمەتىن ورىستەتۋدى جوسپارلاپ وتىر.
قازىرگە دەيىن، ارميا جيىنى 3 توپتا 4000نان استام ەمدەۋ قىزمەتكەرىن جىبەرىپ، ۋحاننىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا كومەكتەستى.
