تيانشان تورى   ›   جاڭالىقتار   ›   ەل ءىشى حابارى

مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى: 7 ۇلكەن شارا ”ىندەت“پەن شايقاستىڭ ءبىرىنشى شەبىندەگى ەمدەۋ قىزمەتكەرلەرىن پارمەندى قامتاماسىزداندىردى

  شينحۋا اگەنتتىگىنىڭ 2 - ايدىڭ 14 - كۇنى بەيجيڭنەن بەرگەن حابارى (تىلشىلەر دۇڭ رۇيفىڭ، شۇي شىڭ). مەملەكەتتىك دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى زىڭ يشين 2 - ايدىڭ 14 - كۇنى بىلاي دەدى: ءبىر قىدىرۋ مينيسترلىك، كوميتەتتەر شارا شىعارىپ، ءبىرىنشى شەپتەگى ەمدەۋ قىزمەتكەرلەرىنىڭ قىزمەت شارت - جاعدايىن جاقسارتتى، بۇل مىنالاردى قامتيدى: كاسىپتىك بايلانىسپەن حاۋىپ - قاتەردە قالعان ەمدەۋ قىزمەتكەرلەرىنىڭ قورعانۋ قۇرىلعىلارى قۇرىلىسى مەن جابدىق ورنالاستىرۋدى كۇشەيتۋ، ەمدەۋ قىزمەتكەرلەرىنىڭ قىزمەت جانە دەمالىس ۋاقىتىن ۇيلەسىمدى ورنالاستىرۋ، ىندەتتەن ساقتانۋ - تىزگىندەۋدىڭ ءبىرىنشى شەبىندەگى ەمدەۋ قىزمەتكەرلەرى مەن ساقتانۋ - تىزگىندەۋ قىزمەتكەرلەرىنە ۋاقىتتىق قىزمەت كومەك قاراجاتىن تاراتۋ سياقتىلار. زىڭ يشين سول كۇنى وتكىزىلگەن مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى اقپار جاريالاۋ ماجىلىسىندە جوعارىداعىلاردى ايتتى.

  ول بىلاي دەدى: جۋىردا مەملەكەتتىك كەڭەس كەڭسەسى مەملەكەتتىك دەنساۋلىق ساقتاۋ، سالاماتتىق كوميتەتىنىڭ، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ، قازىنا مينيسترلىگىنىڭ «ءبىرىنشى شەپتەگى ەمدەۋ قىزمەتكەرلەرىنىڭ قىزمەت شارت - جاعدايىن جاقسارتىپ، ەمدەۋ قىزمەتكەرلەرىنىڭ دەنە - رۋحاني جاقتاعى سالاماتتىعىنا شىنايى كوڭىل ءبولۋ جونىندەگى ءبىر قىدىرۋ شارالار» جونىندەگى حابارلاندىرۋىن كوشىرىپ تاراتىپ، 7 جاقتاعى شارانى ورتاعا قويدى. بۇل مىنالاردى قامتيدى: ەمدەۋ قىزمەتكەرلەرىنىڭ قىزمەت جانە دەمالىس شارت - جاعدايىن جاقسارتۋ، ەمدەۋ قىزمەتكەرلەرىنىڭ دەنە - رۋحاني سالاماتتىعىن قورعاۋ، ەمدەۋ قىزمەتكەرلەرىنىڭ مامىلەسىن تياناقتاندىرۋ، دەنساۋلىق ساقتاۋ، ىندەتتەن ساقتانۋ جاردەم قاراجاتى ولشەمىن جوعارىلاتۋ، ەمدەۋ قىزمەتكەرلەرىنە گۋمانيتارلىق قامقورلىقتى كۇشەيتۋ، اناعۇرلىم حاۋىپسىز قىزمەت ىستەۋ ورتاسىن ازىرلەۋ، كاسىپتىك رۋحتى اسقاقتاتىپ، وزاتتاردى ماراپاتتاۋ قىزمەتىن جاقسى ىستەۋ.

  ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ ورىنباسار مينيسترى جاڭ يچۋان بىلاي دەدى: ادام كۇشى بايلىعى جانە قوعامدىق قامتاماسىزداندىرۋ مينيسترلىگى قاتىستى ورىندارمەن بىرگە ءبىر قىدىرۋ ەرەكشە شارالار قولداندى، بۇل مىنالاردى قامتيدى: ساقتانۋ - تىزگىندەۋ مىندەتى اۋىر، حاۋىپ - قاتەر دەڭگەيى جوعارى ەمدەۋ - دەنساۋلىق ساقتاۋ قۇرىلىمدارىنا نەگىزگى سانعا ەنگىزىلمەيتىن ءبىر رەتتىك ناتيجە ەڭبەكاقى جالپى مولشەرىن باعالاپ ۇستەمەلەۋ، ەمدەۋ قىزمەتكەرلەرىنىڭ جۇمىس بارىسىندا جارالانۋىن تۇراقتاندىراتىن ”جاسىل ارنا“ اشۋ، ءتارتىبىن قاراپايىمداستىرىپ، ءبىرىنشى شەپتەگى ەمدەۋ قۇرىلىمدارى قىزمەتكەرلەرىن ۋاقىتتىق ۇستەمەلەپ تولىقتاۋ سياقتىلار.

  قازىنا مينيسترلىگى مينيسترىنىڭ كومەكشىسى وۋ ۋىنحان بىلاي دەدى: 2 - ايدىڭ 13 - كۇنىنە دەيىن، ءار دارەجەلى قازىنانىڭ ەمدەۋ جابدىقتارى مەن قورعانۋ زاتتىق ماتەريالدارىن ساتىپ الۋعا، ەمدەۋ - دەنساۋلىق ساقتاۋ قۇرىلىمدارىنىڭ قۇرىلعى شارت - جاعدايىن جاقسارتۋدى قولداۋعا جۇمساعان شىعىنى 25 ميلليارد 940 ميلليون يۋانعا جەتتى. مۇنىڭ ىشىندە، ءبىرىنشى شەپتەگى ىندەتتەن ساقتانۋ - تىزگىندەۋگە قاتىناسقان ەمدەۋ جانە ىندەتتەن ساقتانۋ قىزمەتكەرلەرىنە حاۋىپ - قاتەر دەڭگەيى سياقتى فاكتورلار بويىنشا جەكە - جەكە ءار ادامعا ءار كۇنى 300 يۋان، 200 يۋان قوسىمشا قاراجات بەرىلەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.