تيانشان تورى   ›   جاڭالىقتار   ›   ماڭىزدى حابارلار

شي جينپيڭ ورتالىق رەفورمانى جاپپاي تەرەڭدەتۋ كوميتەتىنىڭ 12 - رەتكى ءماجىلىسىن باسقارىپ اشتى

شي جينپيڭ ورتالىق رەفورمانى جاپپاي تەرەڭدەتۋ كوميتەتىنىڭ 12 - رەتكى ءماجىلىسىن باسقارىپ اشىپ، بىلاي دەپ باسا دارىپتەدى

ەلەۋلى ىندەتتەن ساقتانۋ - تىزگىندەۋ ءتۇزىلىس - مەحانيزمىن كەمەلدەندىرىپ، مەملەكەتتىڭ الەۋمەتتىك دەنساۋلىق ساقتاۋ شۇعىل جاعدايعا توتەپ بەرۋ - باسقارۋ جۇيەسىن اقاۋسىزداندىرۋ كەرەك

لي كىچياڭ، ۋاڭ حۋنيڭ، حان جىڭ قاتىناستى

  شينحۋا اگەنتتىگىنىڭ 2 - ايدىڭ 14 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 2 - ايدىڭ 14 - كۇنى تۇستەن كەيىن ورتالىق رەفورمانى جاپپاي تەرەڭدەتۋ كوميتەتىنىڭ 12 - رەتكى ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: حالىق بۇقاراسىنىڭ ءومىرىنىڭ حاۋىپسىزدىگىنە جانە دەنساۋلىعىنا شىنايى كەپىلدىك ەتۋ − پارتيامىزدىڭ ەل باسقارۋداعى كەلەلى مىندەتتەرىنىڭ ءبىرى. قازىرگى جاعدايدى تياناق ەتىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە عىلمي، دالمە - ءدال قول جەتكىزۋمەن بىرگە، ۇزاق بولاشاقتى كوزدەپ، تاجىريبە قورىتىندىلاپ، ساباق الىپ، وسى رەتكى ىندەتتە بايقالعان ولقىلىقتار مەن جەتەرسىزدىكتەرگە مەڭزەس، ولقىلىقتاردى جەدەل تولىقتاۋ، ساڭىلاۋلاردى بىتەۋ، ءالسىز بۋىنداردى كۇشەيتۋ، تاباندى بولۋعا تيىستىلەرىنە تاباندى بولىپ، كەمەلدەندىرۋگە تيىستىلەرىن كەمەلدەندىرىپ، ورناتۋعا تيىستىلەرىن ورناتىپ، تياناقتاندىرۋعا تيىستىلەرىن تياناقتاندىرىپ، ەلەۋلى ىندەتتەن ساقتانۋ - تىزگىندەۋ ءتۇزىلىس - مەحانيزمىن كەمەلدەندىرىپ، مەملەكەتتىڭ الەۋمەتتىك دەنساۋلىق ساقتاۋ شۇعىل جاعدايعا توتەپ بەرۋ - باسقارۋ جۇيەسىن اقاۋسىزداندىرۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق رەفورمانى جاپپاي تەرەڭدەتۋ كوميتەتىنىڭ ورىنباسار مەڭگەرۋشىلەرى لي كىچياڭ، ۋاڭ حۋنيڭ، حان جىڭ ماجىلىسكە قاتىناستى.

  شي جينپيڭ سوزىندە بىلاي دەپ اتاپ كورسەتتى: وسى رەتكى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ − مەملەكەتتى جونگە سالۋ جۇيەسى مەن جونگە سالۋ قابىلەتىنە ۇلكەن سىن بولدى. ىندەتتەن ساقتانۋ - تىزگىندەۋ قىزمەتىن زەرتتەپ جانە كۇشەيتىپ، ءتۇزىلىس - مەحانيزم جاعىندا ەلەۋلى ىندەتتەن ساقتانۋ - تىزگىندەۋ شارالارىنا جاڭالىق ەنگىزىپ جانە ونى كەمەلدەندىرىپ، مەملەكەتتىڭ الەۋمەتتىك دەنساۋلىق ساقتاۋ شۇعىل جاعدايعا توتەپ بەرۋ - باسقارۋ جۇيەسىن اقاۋسىزداندىرىپ، توسىن تۋىلعان ەلەۋلى الەۋمەتتىك دەنساۋلىق ساقتاۋ وقيعالارىنا توتەپ بەرۋ قابىلەتى مەن دەڭگەيىن جوعارىلاتۋ كەرەك.

  شي جينپيڭ بىلاي دەپ باسا دارىپتەدى: الەۋمەتتىك دەنساۋلىق ساقتاۋدى زاڭمەن جونگە سالۋ ارقىلى قامتاماسىز ەتۋدى كۇشەيتىپ، الەۋمەتتىك دەنساۋلىق ساقتاۋ سالاسىنداعى قاتىستى زاڭ، زاڭ ەرەجە قۇرىلىسىن جاپپاي كۇشەيتىپ جانە كەمەلدەندىرىپ، جۇقپالى اۋرۋلاردان ساقتانۋ جانە ەمدەۋ زاڭى، جابايى حايۋاناتتاردى قورعاۋ زاڭى سياقتى زاڭدار مەن زاڭ ەرەجەلەرگە وزگەرىس ەنگىزۋدى جانە ونى كەمەلدەندىرۋدى مۇقيات ساراپتاۋ كەرەك. حالىقتىڭ دەنساۋلىعىن قورعاۋ، مەملەكەتتىڭ حاۋىپسىزدىگىن قامتاماسىز ەتۋ، مەملەكەتتىڭ باياندى تىنىشتىعىن ساقتاۋ دەڭگەيىندە تۇرىپ بيولوگيالىق حاۋىپسىزدىكتى مەملەكەتتىڭ حاۋىپسىزدىك جۇيەسىنە ەنگىزىپ، مەملەكەتتىڭ بيولوگيالىق حاۋىپسىزدىك حاۋىپ - قاتەرلەرىنەن ساقتانۋ - تىزگىندەۋ جانە ونى جونگە سالۋ جۇيەسى قۇرىلىسىن جۇيەلى جوسپارلاپ، مەملەكەتتىڭ بيولوگيالىق حاۋىپسىزدىكتى جونگە سالۋ قابىلەتىن جاپپاي جوعارىلاتۋ كەرەك. بيولوگيالىق حاۋىپسىزدىك زاڭىن شىعارۋدى جەدەل ىلگەرىلەتىپ، مەملەكەتتىڭ بيولوگيالىق حاۋىپسىزدىك زاڭ ەرەجەلەر جۇيەسىن، تۇزىمدىك قامتاماسىز ەتۋ جۇيەسىن جەدەل ورناتۋ كەرەك.

  شي جينپيڭ بىلاي دەپ اتاپ كورسەتتى: ىندەتتەن ساقتانۋ - تىزگىندەۋ جۇيەسىنە رەفورما جاساپ جانە ونى كەمەلدەندىرىپ، ساقتانۋدى نەگىز ەتكەن دەنساۋلىق ساقتاۋ جانە سالاماتتىق قىزمەت باعىتىن باتىل دايەكتىلەندىرىپ، ۇنەمىلىك دايىندىقتى بوساڭسىتپاۋعا تاباندى بولىپ، ساقتانۋ جۇمىسىنىڭ وتكەلىن العا جىلجىتىپ، كىشى - گىرىم اۋرۋلاردىڭ ۇلكەن ىندەتكە اپارىپ سوعۋىنان ساقتانۋ كەرەك. الەۋمەتتىك دەنساۋلىق ساقتاۋ قىزمەت وتەۋ جۇيەسىن اقاۋسىزداندىرىپ، ەمدەۋ - دەنساۋلىق ساقتاۋ بايلىقتارىنىڭ ۇسىنىلىم قۇرىلىمىن ساپالىلاندىرىپ، اۋىل - قىستاق، الەۋمەتتىك اۋماق سياقتى نەگىزگى ساتىلاردىڭ ساقتانۋ - تىزگىندەۋ قابىلەتى قۇرىلىسىن كۇشەيتىپ، ءبىرىنشى قورعانىس شەبىن مىعىم، بەكەم قۇرۋ كەرەك. الەۋمەتتىك دەنساۋلىق ساقتاۋ قوسىنى قۇرىلىسىن كۇشەيتىپ، وسى كاسىپپەن شۇعىلدانۋشى قىزمەتكەرلەردى باۋلۋ، ولاردىڭ وسى سالاعا كىرۋىنە رۇقسات بەرۋ، ولاردى ىستەتۋ، مامىلە جاعىنان قامتاماسىز ەتۋ، تەكسەرۋ - باعالاۋ جانە ىنتالاندىرۋ مەحانيزمىن اقاۋسىزداندىرۋ كەرەك. امبەباپ شيپاگەرلەردى باۋلۋ، دارەجە بويىنشا دياگنوز قويۋ جانە ەمدەۋ سياقتى ءتۇزىم قۇرىلىستارىن ۇزدىكسىز كۇشەيتىپ، الەۋمەتتىك دەنساۋلىق ساقتاۋ قىزمەت وتەۋى مەن ەمدەۋ قىزمەت وتەۋىنىڭ جوعارى ونىمدىلىكپەن سايكەسۋىن، تىعىز ۇشتاسۋىن ىلگەرىلەتىپ، ساقتانۋ مەن ەمدەۋدى بىرلەستىرۋ، بىرلەسىپ ساقتانۋ، بىرلەسىپ تىزگىندەۋ، بۇقارالىق ساقتانۋ، بۇقارالىق جونگە سالۋ قىزمەت مەحانيزمىن اقاۋسىزداندىرۋ كەرەك. حاۋىپ - قاتەر تانىمىن كۇشەيتىپ، الەۋمەتتىك دەنساۋلىق ساقتاۋعا قاتىستى ەلەۋلى حاۋىپ - قاتەرلەردى تۇجىرىمداۋ، ساراپتاۋ، شەشىم جاساۋ، ساقتانۋ مەن تىزگىندەۋدى سايكەستىرۋ مەحانيزمىن كەمەلدەندىرۋ كەرەك.

  شي جينپيڭ بىلاي دەپ باسا دارىپتەدى: ەلەۋلى ىندەتتەن ساقتانۋ - تىزگىندەۋ، قۇتقارۋ - ەمدەۋ جۇيەسىنە رەفورما جاساپ جانە ونى كەمەلدەندىرىپ، ەلەۋلى ىندەتكە توتەپ بەرۋ اتتانىسقا كەلۋ مەحانيزمىن اقاۋسىزداندىرىپ، ورتالىقتانعان، ءبىر تۇتاس، جوعارى ءونىمدى باسشىلىق - قولباسشىلىق جۇيەسىن ورناتىپ، بۇيرىق ايقىن، جۇيەلى دە ءتارتىپتى، سالا - بولىكتەر ىركىلىسسىز، اتقارۋ پارمەندى بولۋدى ورىنداپ، ىندەتتىڭ ءبىرىنشى شەبىندەگى ماسەلەلەردى دالمە - ءدال شەشۋ كەرەك. عىلمي زەرتتەۋدى، ىندەتتى تىزگىندەۋدى، كلينيكالىق ەمدەۋدى ءونىمدى سايكەستىرۋ مەحانيزمىن اقاۋسىزداندىرىپ، جەر - جەردىڭ امالياتتىق تاجىريبەلەرىن دەر كەزىندە قورىتىندىلاپ، تۇزىمدىك جەتىستىك قالىپتاستىرىپ، توسىن تۋىلعان ەلەۋلى، ەرەكشە، ۇلكەن ىندەتتەن ساقتانۋ - تىزگىندەۋ ولشەمىن جانە شۇعىل توتەپ بەرىپ قۇتقارۋ - ەمدەۋ، باسقارۋ ءادىسىن كەمەلدەندىرۋ كەرەك. بەيبىت كەزدەگى مەن شايقاس كەزدەگىنى بىرلەستىرىپ، ولقىلىقتاردى تولىقتاپ، ەلەۋلى ىندەتتەن قۇتقارۋ - ەمدەۋ جۇيەسىن اقاۋسىزداندىرىپ، ساپالىلاندىرىپ، جۇقپالى اۋرۋلار سياقتى ەلەۋلى ىندەتتەن قۇتقارۋ - ەمدەۋدىڭ دارەجەگە، ساتىعا، ارناعا بولىنگەن مەحانيزمىن ورناتىپ، اقاۋسىزداندىرىپ، ءبىرىنشى شەپتەگى كلينيكالىق تەحنيكالاردا جاڭالىق اشۋعا قولداۋ كورسەتىپ، ءونىمدى قۇتقارۋ - ەمدەۋ جوبالارىن دەر كەزىندە جالپىلاستىرۋ كەرەك. ءىرى ساندى مالىمەت، جاساندى زەردە، بۇلتتىق ەسەپتەۋ سياقتى سيفرلى تەحنيكالاردان پايدالانۋعا ىنتالاندىرىپ، ىندەت جاعدايىن باقىلاۋ، ولشەۋ، تالداۋ، ۆيرۋستىڭ كەلۋ تەگىن انىقتاۋ، ساقتانۋ - تىزگىندەۋ جانە قۇتقارۋ - ەمدەۋ، بايلىق سەپتەۋ سياقتى جاقتاردا تىرەكتىك رولىن اناعۇرلىم ويداعىداي ساۋلەلەندىرۋ كەرەك.

  شي جينپيڭ بىلاي دەپ اتاپ كورسەتتى: ەلەۋلى اۋرۋلاردى ەمدەۋ قامسىزداندىرۋى جانە قۇتقارۋ - كومەكتەسۋ ءتۇزىمىن اقاۋسىزداندىرىپ، شۇعىل جاعدايداعى ەمدەۋ قۇتقارۋ - كومەكتەسۋ مەحانيزمىن كەمەلدەندىرىپ، توسىن تۋىلعان ىندەت سياقتى شۇعىل جاعدايدا، ەمدەۋ قۇرىلىمدارىنىڭ الدىمەن قۇتقارىپ - ەمدەپ، سوڭىنان اقى الۋىنا شىنايى كەپىلدىك ەتۋ، سونداي - اق ەمدەۋ قامسىزداندىرۋىمەن سىرت جەردە قولما - قول ەسەپ جابۋ ءتۇزىمىن كەمەلدەندىرۋ كەرەك. ەرەكشە شوعىر - توپتاردىڭ، ارنايى بەلگىلەنگەن اۋرۋلاردىڭ ەمدەۋ جانە ءدارى - دارمەك اقىسىن كەشىرىم ەتۋ ءتۇزىمىن ورناتۋ جونىندە ىزدەنىس جاساپ، باعىتتامالى تۇردە ەمدەۋ قامسىزداندىرۋىنان تولەنەتىن تۇرلەر، تولەيتىن سوما شەگى، قولدانىلاتىن ءدارى - دارمەك مولشەرى سياقتى شەكتەۋ سيپاتىنداعى تارماقتاردى كۇشىنەن قالدىرىپ، قيىنشىلىعى بار بۇقارانىڭ اۋرۋ كورسەتۋ، ەمدەلۋ ۋايىمىن جەڭىلدەتۋ كەرەك. نەگىزگى ەمدەۋ قامسىزداندىرۋ قورى مەن الەۋمەتتىك دەنساۋلىق ساقتاۋ قىزمەت وتەۋ قارجىسىن پايدالانۋدى ءبىر تۇتاس جوسپارلاپ، نەگىزگى ساتى ەمدەۋ قۇرىلىمدارىنا باعىتتالعان تولەۋ سالىستىرماسىن جوعارىلاتىپ، الەۋمەتتىك دەنساۋلىق ساقتاۋ قىزمەت وتەۋى مەن ەمدەۋ قىزمەت وتەۋىنىڭ ءونىمدى ۇشتاسۋىن جۇزەگە اسىرۋ كەرەك.

  شي جينپيڭ بىلاي دەپ باسا دارىپتەدى: شۇعىل جاعدايعا توتەپ بەرۋ زاتتىق ماتەريالمەن قامتاماسىز ەتۋ ءبىر تۇتاس جۇيەسىن اقاۋسىزداندىرىپ، شۇعىل جاعدايعا توتەپ بەرۋ زاتتىق ماتەريالمەن قامتاماسىز ەتۋدى مەملەكەتتىڭ شۇعىل جاعدايعا توتەپ بەرۋ، باسقارۋ جۇيەسى قۇرىلىسىنىڭ ماڭىزدى مازمۇنى ەتىپ، شوعىرلى باسقارۋ، ءبىر تۇتاس دايىنداپ سەپتەۋ، جايشىلىقتا قىزمەت وتەۋ، اپات كەزدەرىندە شۇعىل جاعدايعا توتەپ بەرۋ، جيناۋ مەن ساقتاۋدى بىرلەستىرۋ، ۇنەمدى، جوعارى ءونىمدى بولۋ پرينسيبى بويىنشا، قاتىستى قىزمەت مەحانيزمدەرى مەن شۇعىل جاعدايعا توتەپ بەرۋ جوبالارىن جەدەل اقاۋسىزداندىرۋ كەرەك. شۇعىل جاعدايعا توتەپ بەرۋ زاتتىق ماتەريالدارىنىڭ وندىرىستىك قۋاتىنىڭ قامتاماسىز ەتىلۋىن جانە وڭىرلىك ورنالاسۋىن ساپالىلاندىرىپ، شەشۋشى ساتتە سەپتەپ بەرە الۋدى، ىستەتە الۋدى ورىنداۋ كەرەك. قىسقا مەرزىمدە جارىققا شىعۋى مۇمكىن بولعان زاتتىق ماتەريالدارمەن قامداۋ تاپشىلىعىنا مەڭزەس، شوعىرلى ءوندىرۋ - سەپتەۋ مەحانيزمىن ورناتىپ، شيكىزاتپەن قامداۋدى ءبىر تۇتاس ۇيىمداستىرىپ، بەلگىلەنگەن تۇيىندە وندىرۋگە ورنالاستىرىپ، ساپا ولشەمىن ارناعا ءتۇسىرىپ، شۇعىل جاعدايعا توتەپ بەرۋ زاتتىق ماتەريالدارىمەن قامتاماسىز ەتۋدىڭ ءتارتىپتى، پارمەندى بولۋىنا شىنايى كەپىلدىك ەتۋ كەرەك. مەملەكەتتىڭ زاپاس ساقتاۋ جۇيەسىن اقاۋسىزداندىرىپ، زاپاس ساقتالاتىن زاتتاردىڭ تۇرلەرىن، كولەمىن، قۇرىلىمىن عىلمي جولمەن رەتتەپ، زاپاس ساقتاۋدىڭ تيىمدىلىگىن جوعارىلاتۋ كەرەك. مەملەكەت بويىنشا شۇعىل جاعدايعا توتەپ بەرۋ زاتتىق ماتەريالدارىن ساتىپ الۋ - قامداۋ ءبىر تۇتاس جۇيەسىن ورناتىپ، شۇعىل جاعدايعا توتەپ بەرۋ دە قۇتقارۋعا، كومەككە بەرىلگەن زاتتىق ماتەريالداردى شوعىرلى باسقارىپ، ءبىر تۇتاس سەپتەپ، ءبىر تۇتاس جەتكىزىپ، شۇعىل جاعدايعا توتەپ بەرۋ زاتتىق ماتەريالمەن قامداۋدى قامتاماسىز ەتۋ تورىنىڭ اناعۇرلىم جوعارى ءونىمدى، حاۋىپسىز، مەڭگەرىمدى بولۋىن ىلگەرىلەتۋ كەرەك.

  ءماجىلىس «ورتالىق رەفورمانى جاپپاي تەرەڭدەتۋ كوميتەتىنىڭ 2019 - جىلعى قىزمەت قورىتىندىسى تۋرالى بايانداماسىن»، «ورتالىق رەفورمانى جاپپاي تەرەڭدەتۋ كوميتەتىنىڭ 2020 - جىلعى قىزمەت تۇيىندەرىن» قاراپ ماقۇلدادى.

  ءماجىلىس «جاڭا داۋىردە سوتسياليستىك بازار شارۋاشىلىعى ءتۇزىلىسىن جەدەل كەمەلدەندىرۋ جونىندەگى پىكىر»دى، «كاسىپورىن جۇمىسشى - قىزمەتكەرلەرىنىڭ نەگىزگى زەينەتكەرلىك قامسىزداندىرۋىن بۇكىل مەملەكەت بويىنشا ءبىر تۇتاس جوسپارلاۋ رەفورما جوباسىن»، «عىلمي زەرتتەۋ قىزمەتكەرلەرىنە قىزمەتتەگى عىلىم - تەحنيكالىق جەتىستىكتەرىن مەنشىكتەنۋ ۇقىعىن نەمەسە ۇزاق ۋاقىت پايدالانۋ ۇقىعىن بەرۋدى تۇيىندە سىناق ەتۋ اتقارۋ جوباسىن»، «ءىسورىندارى رەفورماسىن تۇيىندە سىناق ەتۋ قىزمەتىن تەرەڭدەتۋ جونىندەگى جەتەكشى پىكىر»دى، «مەملەكەتتىڭ جوعارى دەڭگەيدەگى اقىل - پاراسات قويماسى قۇرىلىسىن تۇيىندە سىناق ەتۋدى ىشكەرىلەي ىلگەرىلەتۋ جونىندەگى پىكىر»دى، «نەگىزدىك قۇرىلعىلاردىڭ جوعارى ساپالى دامۋىن ىلگەرىلەتۋ جونىندەگى پىكىر»دى، «قىزمەت وتەۋ سالاسىنداعى رەفورمانى، ەسىك اشۋدى، دامۋدى ونان ارى ىلگەرىلەتۋ جونىندەگى جەتەكشى پىكىر»دى قاراپ ماقۇلدادى.

  ءماجىلىس مىنالاردى اتاپ كورسەتتى: جاڭا داۋىردە سوتسياليستىك بازار شارۋاشىلىعى ءتۇزىلىسىن جەدەل كەمەلدەندىرۋدە جاڭا دامۋ ۇستانىمىن جاپپاي دايەكتىلەندىرىپ، بازاردىڭ بايلىقتى جايعاستىرۋداعى شەشۋشى رولىن تولىق ساۋلەلەندىرىپ، ۇكىمەتتىڭ رولىن اناعۇرلىم ويداعىداي ساۋلەلەندىرىپ، بازارلاندىرۋ رەفورماسىن تەرەڭدەتىپ، جوعارى دەڭگەيدە ەسىك اشۋدى كەڭەيتىپ، جۇيەلىك جيناقتاۋ، سايكەسىمدى، جوعارى ءونىمدى بولۋ تالابى بويىنشا تەرەڭدەي ىلگەرىلەتىپ، دالمە - ءدال شارا قولدانۋ، دالمە - ءدال تياناقتانۋ جاعىنا تولىق كۇش سالىپ، شەشۋشى، نەگىزدىك، كەلەلى رەفورمالاردا سەرپىلىس جاساۋ، جاڭالىق اشۋ كەرەك.

  ءماجىلىس مىنالاردى باسا دارىپتەدى: ءادىل، ءبىر تۇتاس بولۋعا، ۇقىق پەن جاۋاپكەرشىلىك بىردەي بولۋعا، تارتىپپەن بىرتىندەي ىلگەرىلەۋگە تاباندى بولىپ، زەينەتكەرلىك قامسىزداندىرۋىن بۇكىل مەملەكەت بويىنشا ءبىر تۇتاس جوسپارلاۋ ءتۇزىمىنىڭ اناعۇرلىم ءادىل، اناعۇرلىم باياندى بولۋىن ىلگەرىلەتىپ، بۇكىل حالىقتى قامتىعان، قالا مەن اۋىل ءبىر تۇتاس جوسپارلاناتىن، ۇقىق پەن جاۋاپكەرشىلىگى ايقىن، قامتاماسىزداندىرۋى لايىقتى، باياندى بولعان كوپ ساتىلى قوعامدىق قامتاماسىز ەتۋ جۇيەسىن جاپپاي قۇرۋ كەرەك. ءبىلىم مەنشىك ۇقىعىن قورعاۋدى جانە مال - مۇلىك ۇقىعى ارقىلى ىنتالاندىرۋدى كۇشەيتىپ، عىلمي زەرتتەۋ قىزمەتكەرلەرىنە قىزمەتتەگى عىلىم - تەحنيكالىق جەتىستىكتەرىن مەنشىكتەنۋ ۇقىعىن نەمەسە ۇزاق ۋاقىت پايدالانۋ ۇقىعىن بەرىپ، شەشىم قابىلداۋ مەحانيزمىن اقاۋسىزداندىرىپ، جۇمىس ءتارتىبىن ارناعا ءتۇسىرىپ، ۇقىق بەرۋ ءتاسىلى، جەتىستىكتەردى باعالاۋ، تابىس ءبولىسى سياقتى جاقتاردا ءتۇزىم قالىپتاستىرۋ جونىندە ىزدەنىس جاساۋ كەرەك. تۇيىندە سىناق ەتۋدى الدىمەن جۇرگىزۋگە تاباندى بولىپ، ساپالىلاندىرۋعا، سايكەستىرۋگە، جوعارى ءونىمدى بولۋعا تاباندى بولىپ، ءىسورىندارىنىڭ قۇرىلىمدىق ورنالاسۋىنا جانە فۋنكتسيالىق سەپتەلۋىنە رەفورما جاساپ، اكىمشىلىك ىستەر ۇقىعى ءتىزىمى، قۇرىلىمنىڭ شتات جانە فۋنكتسياسى تۋرالى بەلگىلەمەلەر، بەلگىلەمە - ەرەجەلىك باسقارۋ سياقتى تۇزىمدەر اتقارۋ جونىندە ىزدەنىس جاساۋ كەرەك. جۇڭگوشا ەرەكشەلىككە يە جاڭا تيپتى اقىل - پاراسات قويماسىن قۇرۋ − پارتيا ورتالىق كوميتەتىنىڭ پارتيا مەن مەملەكەت ىستەرىنىڭ جالپى جاعدايى بيىگىندە تۇرىپ جاساعان ماڭىزدى ورنالاستىرۋى، ونان ارى مۇلتىكسىز بولۋعا تالپىنىپ، عىلمي بولۋعا ءمان بەرىپ، ساپانى دارىپتەپ، شەشىم قابىلداۋعا قىزمەت وتەۋ قابىلەتىن، دەڭگەيىن شىنايى جوعارىلاتۋ كەرەك.

  ءماجىلىس مىنالاردى اتاپ كورسەتتى: نەگىزدىك قۇرىلعى − قوعامدىق، ەكونوميكالىق دامۋدىڭ ماڭىزدى تىرەگى، جالپى تۇلعالىق جاقتان ساپالىلاندىرۋدى، سايكەستىرۋدى، توعىستىرۋدى باعدار ەتىپ، ساقتالعان شاما مەن ارتقان شامانى، ءداستۇرلى جانە جاڭا تيپتى نەگىزدىك قۇرىلعىلاردىڭ دامۋىن ءبىر تۇتاس جوسپارلاپ، ۇتىمدى، جوعارى ءونىمدى، ەكونوميكالىق جاقتان لايىقتى، زەردەلى، جاسىل، حاۋىپسىز، سەنىمدى وسىزاماندانعان نەگىزدىك قۇرىلعىلار جۇيەسىن قالىپتاستىرۋ كەرەك. قىزمەت وتەۋ سالاسىنا كىرۋدىڭ رۇقسات شەكتەمەلەرىن تۇرلەر بويىنشا كەڭەيتىپ، باقىلاۋ - باسقارۋ جۇيەسىن ورناتىپ، ءتۇيىندى سالالارداعى رەفورمانى تەرەڭدەتىپ، حاۋىپ - قاتەردەن ساقتانۋ - تىزگىندەۋ مەحانيزمىن اقاۋسىزداندىرىپ، قاتىستى زاڭ، زاڭ ەرەجەلەردى كەمەلدەندىرىپ، قامداۋدىڭ ساپاسى مەن ونىمدىلىگىن جوعارىلاتۋ كەرەك.

  ءماجىلىس مىنالاردى باسا دارىپتەدى: 2019 - جىلى ەل ءىشى - سىرتىنداعى شىتىرمان، كۇردەلى حاۋىپ - قاتەرلەر مەن سىن - سايىستار الدىندا، ورتالىق رەفورمانى جاپپاي تەرەڭدەتۋ كوميتەتى ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، تامىردى ءدوپ باسىپ، ماڭىزدى ءتۇيىندى مىقتاپ ۇستاپ، نىسانانى ءدال كوزدەپ، پارتيا مەن مەملەكەت قىزمەتىنىڭ كەلەلى جاعدايىن تياناق ەتە وتىرىپ رەفورمانى جوسپارلاپ، ىلگەرىلەتىپ، ماڭىزدى سالالار مەن شەشۋشى بۋىنداردا ەلەۋلى رەفورما جوبالارىن ۇزدىكسىز ورتاعا قويدى، پارتيا مەن مەملەكەتتىڭ قۇرىلىم رەفورماسىن تەرەڭدەتۋدى ورىندادى، رەفورمانىڭ ورنالاستىرۋلارىن تياناقتاندىرۋدى، ىسكە اسىرۋدى مىقتى ۇستادى، جەرگىلىكتى ورىنداردىڭ رەفورمالاردى تۇيىندە سىناق ەتۋدى ءتارتىپتى ورىستەتۋىنە جانە دەر كەزىندە قورىتىندىلاۋىنا، جالپىلاستىرۋىنا جەتەكشىلىك ەتتى، رەفورما ۇگىت قىزمەتىن كۇشەيتتى جانە جاقسارتتى، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ ماڭىزدى شارالارىن ءبىر تۇلعادا ىلگەرىلەتىپ، تياناقتاندىرىپ، رەفورمانى جاپپاي تەرەڭدەتۋدە ماڭىزدى قادام تاستادى.

  2020 - جىلى جاپپاي دوڭگەلەك داۋلەتتى قوعام ورناتۋدىڭ جانە ”13 - بەسجىلدىق“ جوبانىڭ اياقتالار جىلى. ماسەلەنى باعدار ەتۋگە تاباندى بولىپ، ماڭىزدى رەفورما جوبالارىنان ءبىر توبىن ۇزدىكسىز ورتاعا قويۋ كەرەك. نىسانانى باعدار ەتۋگە تاباندى بولىپ، رەفورمانىڭ جۇيەلى جيناقتالۋىن، سايكەسىمدى، جوعارى ءونىمدى بولۋىن ىلگەرىلەتىپ، ءتۇزىم قۇرىلىسى سىندى نەگىزگى جەلىنى مىقتاپ يگەرىپ، باعىتتامالىلىقتى، اتقارىمدىلىقتى، ناقتى ونىمدىلىكتى ايگىلەپ، پارتيا ورتالىق كوميتەتىنىڭ تالاپتارىن تياناقتاندىرۋدى، امالياتتىڭ قاجەتىن قاناعاتتاندىرۋدى، نەگىزگى ساتىنىڭ ءۇمىت - تىلەگىنە ۇيلەسۋدى بىرلىككە كەلتىرۋ، ماسەلەنى شەشۋدى، ناقتى، جارامدى بولۋدى، ىقشام، قولايلى، اتقارۋعا وڭاي بولۋدى بىرلىككە كەلتىرۋ كەرەك. ناتيجەنى باعدار ەتۋگە تاباندى بولىپ، نازاردى ماڭىزدى تۇيىنگە شوعىرلاندىرىپ، ناقتى ونىمدىلىكتەن كوز جازباي، ماڭىزدى سالالارداعى رەفورمالاردىڭ ىلگەرىلەۋ جاعدايىنا ساراپتاۋ - تەكسەرۋ جۇرگىزىپ، فورماشىلدىقتى، تورەشىلدىكتى جەڭىپ، ءبىر سالا، ءبىر سالادان تياناقتاندىرۋدى مىقتى يگەرۋدى قاداعالاۋ كەرەك.

  ورتالىق رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق جانە مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.