رايونىمىزداعى ءار ۇلت كادرلارى مەن بۇقاراسى باس شۋجي شي جينپيڭنىڭ ورتالىق كوميتەت ساياسي بيۋروسى تۇراقتى كوميتەتىنىڭ ماجىلىسىندەگى ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، مىنالاردى ءبىلدىردى −
ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ نىساناسىن جۇزەگە اسىرۋدىڭ قوس جەڭىسىنە قايراتتانا قول جەتكىزەمىز
شينجياڭ گازەتىنىڭ جالپىلىق اقپارات قۇرالدارى تىلشىلەرى
رايونىمىزدىڭ نەگىزگى ساتىسىنداعى ءار ۇلت كادرلارى مەن بۇقاراسى باس شۋجي شي جينپيڭنىڭ 2 - ايدىڭ 12 - كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندەگى ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، ءبىز اۋىزدان مىنالاردى ءبىلدىردى: يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن باتىل بىرلىككە كەلتىرىپ، ەل بىرلىگىنەن بەرىك قامال تۇرعىزىپ، ىنتىماقتاسا ەرلىكپەن شايقاس جاساپ، ۇلكەن سىناۋدا تولىمدى جاۋاپ قايتارىپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە جەتۋگە شىنايى كەپىلدىك ەتىپ، تۇتاس جىلداعى ەكونوميكالىق، قوعامدىق دامۋ نىسانا - مىندەتتەرىن جۇزەگە اسىرۋعا قۇلشىنامىز.
ىنتىماقتاسا ەرلىكپەن شايقاس جاساپ، ءسوزسىز، جەڭىسكە جەتۋ سەنىمىن، بەكىمىن نىعايتامىز
”باس شۋجي شي جينپيڭنىڭ ماڭىزدى ءسوزى بىزگە جاۋاپكەرشىلىگىمىزدىڭ اۋىر، بورىشىمىزدىڭ داڭقتى ەكەنىن تەرەڭ سەزىندىردى، وسى ۇلكەن شايقاستا، ءسوزسىز، جەڭىسكە جەتۋ سەنىمىمىزدى، بەكىمىمىزدى اناعۇرلىم كۇشەيتتى“، - دەدى اۆتونوميالى رايوندىق حالىق ۇكىمەتى كەڭسەسىنىڭ جاڭاءشار اۋدانىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باس جەتەكشىسى ءىلھام احات. ىندەتتەن ساقتانۋ - تىزگىندەۋ كەزىندە اۆتونوميالى رايوندىق حالىق ۇكىمەتى كەڭسەسىنىڭ جاڭاءشار اۋدانىنىڭ ارال اۋىلىندا، جاڭا اۋات اۋىلىندا ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن 10 قىزمەت اترەتى اۋىل - قىستاق لاباسى، وتباسىلارىن ارالاپ، جاعداي ۇعىسۋ جانە تەلەفوندا سويلەسۋ، ۋيچاتقا جولداۋ سياقتى تاسىلدەر ارقىلى قىستاق تۇرعىندارىنا ىندەتتەن ساقتانۋ - تىزگىندەۋگە قاتىستى ينفورماتسيا مەن بىلىمدەر جونىندە ۇگىت - لەكسيا جاساپ، قىستاق تۇرعىندارىن سىرتقا از شىعۋعا، قولدارىن ءجيى جۋۋعا، ۇنەمى اۋا الماستىرۋعا، ماسكى تاعۋعا جەتەكتەپ، ءوزىن قورعاۋ تانىمىن كۇشەيتتى، سونىمەن بىرگە سالاماتتىق باقىلاۋ - ولشەۋىن ورىستەتىپ، ىندەتتەن بىرلەسىپ ساقتانۋ، بىرلەسىپ تىزگىندەۋ وتكەلىن بەكەمدەدى. وسى ءتۇتىنسىز شايقاس بارىسىندا، پارتيالى كادرلار جاۋاپكەرشىلىكتى باتىل ارقالاپ، بۇقارا ەڭ قاجەت ەتكەن جەرلەردەن كورىنىپ، پارتيا تۋىن ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندە اسقاق جەلبىرەتتى.
”وتباسىلارىن ارالاپ قورعانۋ شاراسىن ۇگىتتەپ، ءۇي سايىن بارىپ، جاعداي ۇعىسىپ، دەنە تەمپەراتۋراسىن باقىلاپ - ولشەپ، زارارسىزداندىرۋ سۇيىقتىعىن شاشىپ، قىستاق تۇرعىندارىنا قاجەتتى تۇرمىستىق بۇيىمداردى جەتكىزىپ بەردىك... ىندەت تۋىلعاننان بەرى، ءبىز عىلمي ساقتانۋ - ەمدەۋ، دالمە - ءدال شارا قولدانۋ تالابىنا قاتاڭ بويسۇنىپ، ىندەتتەن ساقتانۋ - تىزگىندەۋ قىزمەتىن جالپى بەتتىك ورىستەتتىك“. تەكەس اۋدانى قۇجىرتى موڭعۇل اۋىلى العا جاڭا قىستاعى پارتيا ياچەيكاسىنىڭ شۋجيى چىن شينچوۋ بىلاي دەدى: باس شۋجيدىڭ تالابى بويىنشا ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە باتىل قول جەتكىزۋىمىز كەرەك.
شينجياڭ راديو - تەلەۆيزيا داشۋەسىنىڭ يىڭسار اۋدانى ماڭشين قالاشىعى تومەنگى ارىق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى ”ىندەت“ شايقاسىنا تاباندا كىرىستى، ءبىرىنشى شۋجي لي جۇننىڭ جەتەكتەۋىندە بارلىق پارتيا مۇشەلەرىنەن ۇيىمداسقان ىندەتتەن ساقتانۋ ەرىكتىلەر اۆانگارد قوسىنى ءبىرىنشى شەپتە ىنتىماقتاسا ەرلىكپەن شايقاس جاساپ، بىرلەسىپ ساقتانۋ، بىرلەسىپ تىزگىندەۋدىڭ بەرىك قورعانىس شەبىن قۇردى. ”ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن باتىل دايەكتىلەندىرىپ، تياناقتاندىرىپ، قىستاق دارەجەلى ساقتانۋ - تىزگىندەۋدى كۇشەيتىپ، ىندەتتىڭ تارالۋ جولىن ءۇزىپ، قىستاق تۇرعىندارىنىڭ ءومىرىنىڭ حاۋىپسىزدىگى مەن دەنساۋلىعىن قورعايمىز“، - دەدى لي جۇن.
ىندەتتەن ساقتانۋ - تىزگىندەۋدى، كەدەيلىكتەن ارىلتۋدان قامال الۋدى بىردەي يگەردى
كەزەكتە، ىندەتتەن ساقتانۋ - تىزگىندەۋ قىزمەتى ەڭ ماشاقاتتى شەشۋشى كەزەڭگە جەتتى، ىندەتتەن ساقتانۋ - تىزگىندەۋدەگى ءتۇيىندى قىزمەتتەردى تيتتەي دە بوساڭسىماي ويداعىداي ىستەۋ كەرەك، سونىمەن بىرگە تاعى ەكونوميكالىق، قوعامدىق دامۋدىڭ ءتۇرلى قىزمەتتەرىن ءبىر تۇتاس جوسپارلاپ ويداعىداي ىستەۋ، اسىرەسە، كەدەيلىكتەن ارىلتۋدان قامال الۋدىڭ ءتۇرلى مىندەتتەرىن ويداعىداي تياناقتاندىرۋ كەرەك.
شىلان بۇتاۋ، مال بورداقىلاۋ، جىلىجايدا ەگۋ تەحنيكاسىنا جەلىدە باۋلىپ، قىسقا بەينەجازبا جاساپ ۋيچات توبىنا جولدادى... كەزەكتە، چارقىلىق اۋداندىق اۋىل شارۋاشىلىعى جانە اۋىل - قىستاق مەكەمەسى ەگىنشىلىك تەحنيكاسىن تىكە تاراتۋ ارقىلى شارۋالاردى قامنان ارىلتىپ، اۋىل شارۋاشىلىعى وندىرىسىنە كۇش ۇستەدى. چارقىلىق اۋداندىق اۋىل شارۋاشىلىعى جانە اۋىل - قىستاق مەكەمەسىنىڭ باستىعى شى گوحاي بىلاي دەدى: ”ءبىز ءبىر جاعىنان، ىندەتتەن ساقتانۋ - تىزگىندەۋدى ويداعىداي يگەرىپ، ەندى ءبىر جاعىنان، كوكتەمگى ەگىس دايىندىعى، كەدەيلىكتەن ارىلتۋدان قامال الۋ سياقتى ءتۇيىندى قىزمەتتەردى ويداعىداي يگەرىپ، ەكونوميكالىق، قوعامدىق دامۋ نىسانا - مىندەتتەرىن جۇزەگە اسىرامىز“.
التاي ايماعىندا قىستاقتا تۇراتىن 593 قىزمەت اترەتى، قىستاقتا تۇراتىن قىزمەت اترەتىنىڭ 3048 مۇشەسى ىندەتتەن ساقتانۋ - تىزگىندەۋدى ويداعىداي ىستەۋمەن بىرگە، ەگىنشى - مالشىلاردى كوكتەمگى ەگىس وندىرىسىنە كىرىسۋگە جەتەكتەپ، ىندەتتەن ساقتانۋ - تىزگىندەۋ مەن اۋىل شارۋاشىلىعى ءوندىرىسىن بىردەي يگەرۋدى، بىردەي ىلگەرىلەتۋدى ورىندادى.
كوكتوعاي اۋدانى قاراتۇڭكە قالاشىعى قىزىلقۇدىق قىستاعى − كوكتوعاي اۋدانى تۇرعىندارىنىڭ ”كوجە قاتىق“ قىستاعى، ىندەت تۋىلعاننان بەرى، كوكتوعاي اۋداندىق حالىق ۇكىمەتى كەڭسەسىنىڭ قىزىلقۇدىق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى ىندەتتەن ساقتانۋ - تىزگىندەۋ قىزمەتىن ويداعىداي ىستەۋمەن بىرگە، قىستاقتىڭ كوكونىس مايساسىن جەتىلدىرۋ قىزمەتىن ىلەسە ىلگەرىلەتتى. ”قاتتى ساق بولىپ، بەرىك ساقتانۋدىڭ ’قاتاڭ شاراسىن‘، ىندەتتەن ’قورعانۋ تورىن‘ بەرىك توقۋدى تياناقتاندىرۋمەن بىرگە، قىزمەت اترەتى قىستاق تۇرعىندارىنىڭ اۋىل شارۋاشىلىق ءوندىرىسىن بار كۇشپەن ويداعىداي يگەرۋىنە كومەكتەستى، بيىلعى جىلدىڭ دا مول ءونىم جىلى بولاتىندىعىنا سەنەمىن“، - 2 - ايدىڭ 12 - كۇنى كوكتوعاي اۋداندىق اۋىل شارۋاشىلىعى تەحنيكاسىن جالپىلاستىرۋ پۋنكتىنىڭ تەحنيكتەرىن ەرتىپ، وتباسىلارىن ارالاپ، مايسا جەتىلدىرۋ قىزمەتىنە جەتەكشىلىك ەتكەن قىزمەت اترەتىنىڭ مۇشەسى شىڭ تيڭتيڭ وسىلاي دەدى.
شارۋالاردىڭ كىرىسىنىڭ ورنىقتى ارتۋىنا شىناي−ى كەپىلدىك ەتەمىز
”ءبىز باس شۋجيدىڭ ماڭىزدى ءسوزىنىڭ رۋحىن باتىل دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋمەن بىرگە، كەزەكتەگى رەفورمانىڭ، دامۋدىڭ، ورنىقتىلىقتىڭ ءتۇرلى قىزمەتتەرىن دە قۇلشىنا ويداعىداي يگەرىپ، بيىل مالشىلار كىرىسىنىڭ ورنىقتى ارتۋىنا شىنايى كەپىلدىك ەتىپ، بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا تەڭ قادامدا اياق باسۋىمىز كەرەك“. موري قازاق اۆتونوميالى اۋدانى تەرەكتى اۋىلدىق پارتكومنىڭ شۋجيى ۋاڭ جۇن بىلاي دەدى: كەزەكتە تەرەكتى اۋىلى ءتول الاتىن شەشۋشى مەزگىلدە تۇر، وسى سەبەپتى اۋىل - قىستاق ەكى دارەجە باعىمشىلىق وتباسىلارىنىڭ باعىمشىلىق اۋماعىن قاتاڭ زارارسىزداندىرۋىنا ءار كۇنى جەتەكشىلىك ەتىپ، ىندەتكە شالدىققان مالدى ءبىر - بىرلەپ تەكسەردى ءارى دەر كەزىندە ەمدەدى، سونداي - اق بۇقاراعا زارارسىزداندىرۋ اسپابىن جانە عىلمي باعىمشىلىق ۇگىت ماتەريالدارىن تاراتىپ، ولاردىڭ مالدى عىلمي، حاۋىپسىز باعۋىنا جەتەكشىلىك ەتتى. مۇنان سىرت، جەم - شوپپەن قامداۋ، قامتاماسىز ەتۋ قىزمەتىن ويداعىداي ىستەۋ ءۇشىن، ءارقايسى اۋىل مال شارۋاشىلىعىن قامتاماسىز ەتۋ گرۋپپاسىن ارناۋلى قۇرىپ، 300 نەشە توننا جەم - ءشوپتى دايىنداپ، ءىشىنارا مالشىلاردىڭ جەم - ءشوبى تاپشى بولۋ ماسەلەسىن شەشىپ، مالشىلارعا جان - جاقتى ءوندىرىس قامتاماسىزدىعىن ازىرلەدى.
ءۇشتۇرپان اۋدانىنىڭ ورىنباسار اكىمى، اقجار قالاشىعى پارتكومىنىڭ شۋجيى سۇن جاڭمان بىلاي دەدى: ىندەت الدىندا، بۇكىل قالاشىق باس شۋجي شي جينپيڭنىڭ ماڭىزدى ءسوزىنىڭ رۋحىن بۇلجىماي دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋدىڭ ءتۇيىندى قىزمەتتەرىن تيتتەي دە بوساڭسىماي ويداعىداي ىستەپ، كاسىپورىندارمەن ىرىقتىلىقپەن ۇشتاسىپ، 750 قىزمەت ورنىنا بايلانىس جاساپ، سايكەستىرىپ، جۇمىستاندىرۋدى ۇزدىكسىز كەڭەيتۋ ارقىلى كەدەيلىكتەن ارىلتۋدىڭ تابىسىن بەكەمدەپ، كەدەيلىكتەن ارىلعان وتباسىلارىنىڭ كىرىستەرىن ۇزدىكسىز ارتتىرۋدى جەبەدى.
(تىلشىلەر ءپاريزات ابدۇل، يۋان لەي، جاڭ جىلي، گى يوۋجۇن، جاڭ تيڭ، لي ياڭ، ءجازيرا نەسىپبەك، دۋ جيانحۇي، ەرىكتى تىلشىلەر ۋي جىيۋان، جاڭ چي، سۇن حاينا، شۇي پان جازعان)
