جالپى ساۋىعىپ شيپاحانادان شىققان ادام 11گە جەتتى
شينجياڭ گازەتىنىڭ حابارى. 2 - ايدىڭ 15 - كۇنى شينجياڭدا (شينجياڭ ءوندىرىس - قۇرىلىس بيڭتۋانىن قامتيدى) جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان تاعى 5 ناۋقاس ساۋىعىپ شيپاحانادان شىقتى.
مۇنىڭ ىشىندە ءۇرىمجى قالاسىنان بىرەۋ، 33 جاستاعى ەر ناۋقاس، 1 - ايدىڭ 20 - كۇنى ۋحاننان شينجياڭعا كەلگەن دوسىمەن جولىققان، 1 - ايدىڭ 25 - كۇنى كومەكەيى قۇرعاۋ، جەڭىل جوتەلۋ سياقتى اۋرۋ بەلگىسى بايقالعاندىقتان، 1 - ايدىڭ 31 - كۇنى اۆتونوميالى رايوندىق جۇقپالى اۋرۋلار شيپاحاناسىنا بارىپ اۋاشالانىپ ەمدەلگەن، 2 - ايدىڭ 2 - كۇنى دياگنوزى تۇراقتاندىرىلعان. ىلە قازاق اۆتونوميالى وبلىسىنان ۇشەۋ، مۇنىڭ ەكەۋى تۇگەلدەي 49 جاستاعى ەر ناۋقاس، 2 ناۋقاس 1 - ايدىڭ 9 - كۇنىنەن 18 - كۇنى ارالىعىندا ۋحاننان شينجياڭعا كەلگەن دوسىمەن جولىققان، قىزۋى ورلەۋ، جوتەلۋ سياقتى اۋرۋ بەلگىلەرى بايقالعاندىقتان، ىلگەرىندى - كەيىندى 1 - ايدىڭ 21 - كۇنى جانە 1 - ايدىڭ 24 - كۇنى ىلە وبلىستىق بەلگىلەنگەن شيپاحاناعا بارىپ ەمدەلگەن ءارى جەكە - جەكە 1 - ايدىڭ 25 - كۇنى جانە 1 - ايدىڭ 27 - كۇنى دياگنوزى تۇراقتاندىرىلعان. ءۇشىنشىسى 43 جاستاعى ايەل ناۋقاس، كۇماندى ناۋقاسپەن جۋىسۋ كەشىرمەسى بار، قىزۋى ورلەۋ، جوتەلۋ، باسى اۋرۋ سياقتى اۋرۋ بەلگىلەرى بايقالعاندىقتان، 1 - ايدىڭ 27 - كۇنى ىلە وبلىستىق بەلگىلەنگەن شيپاحاناعا بارىپ اۋاشالانىپ ەمدەلگەن، 1 - ايدىڭ 28 - كۇنى دياگنوزى تۇراقتاندىرىلعان. بيڭتۋان 8 - شى شىحىزى قالاسىنان ءبىر ناۋقاس، 24 جاستاعى ايەل ناۋقاس، ۇزاق ۋاقىت ۋحاندا تۇرعان، 1 - ايدىڭ 21 - كۇنى شينجياڭعا تۋىسشىلاي كەلگەن، 1 - ايدىڭ 24 - كۇنى ءىشى ءوتۋ، لوقسۋ سياقتى اۋرۋ بەلگىلەرى بايقالعاندىقتان، 1 - ايدىڭ 26 - كۇنى بيڭتۋان 8 - شى شىحىزى قالاسىنداعى بەلگىلەنگەن شيپاحاناعا بارىپ ەمدەلگەن، 1 - ايدىڭ 27 - كۇنى دياگنوزى تۇراقتاندىرىلعان.
جوعارىداعى ناۋقاستار شيپاحاناعا جاتقان سوڭ، اۆتونوميالى رايوندىق ەمدەۋ - قۇتقارۋ ماماندار گرۋپپاسىنىڭ عىلمي جەتەكشىلىك ەتۋىنىڭ جانە بەلگىلەنگەن جيناپ ەمدەۋ شيپاحاناسىنىڭ دەن قويا جان - جاقتى ەمدەۋىنىڭ ارقاسىندا، قازىر جوعارىداعى ايتىلعان ناۋقاستاردىڭ دەنە تەمپەراتۋراسى قالىپتى بولىپ، ءۇرتىس 2 رەت تىنىس جولى اۋرۋ قوزدىرعىشتارىنىڭ نۋكلەين قىشقىلىن تەكسەرۋ ناتيجەسى بولىمسىز بولدى، اۆتونوميالى رايوندىق قاشىقتان بىرىگىپ دياگنوز قويۋ تۇعىرىنداعى ەمدەۋ - قۇتقارۋ ماماندار گرۋپپاسىنىڭ بىرلەسىپ دياگنوز قويىپ باعالاۋىنان ءوتىپ، مەملەكەتتىك دەنساۋلىق ساقتاۋ، سالاماتتىق كوميتەتىنىڭ «جاڭا تيپتى ايدارشا ۆيرۋس وكپە قابىنۋىن ەمدەۋ جوباسى (سىناق رەتىندە اتقارىلاتىن 5 - رەتكى وزگەرتىلگەن نۇسقاسى)»نداعى اۋاشالانۋدى كۇشىنەن قالدىرۋ جانە شيپاحانادان شىعۋ ولشەمىنە ۇيلەسكەندىكتەن، ساۋىعىپ شيپاحانادان شىقتى.
قازىرگە دەيىن، شينجياڭدا (بيڭتۋاندى قامتيدى) جالپى ساۋىعىپ شيپاحانادان شىققان ادام 11گە جەتتى.
