حالىق گازەتىنىڭ شولۋشىسى
ىندەتتەن ساقتانۋ - تىزگىندەۋ قىزمەتىن ويداعىداي ىستەۋ ەكونوميكالىق، قوعامدىق كەلەلى جاعدايدىڭ ورنىقتىلىعىمەن تىكە بايلانىستى. ەكونوميكانىڭ ورنىقتى اينالىمىن جانە قوعامنىڭ جاراسىمدىلىعىن، ورنىقتىلىعىن ساقتاعاندا عانا، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋگە بەرىك تىرەك ازىرلەۋگە بولادى.
2 - ايدىڭ 12 - كۇنى باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، قازىرگى جاڭا تيپتى ايدارشا ۆيرۋس وكپە قابىنۋ ىندەتىنىڭ جاعدايىنا تالداۋ جاساپ، ىندەتتەن ساقتانۋ - تىزگىندەۋ قىزمەتىن كۇشەيتۋدى اقىلداستى. ءماجىلىس مىنالاردى باسا دارىپتەدى: ءار دارەجەلى پارتكوم مەن ۇكىمەت پارتيا ورتالىق كوميتەتىنىڭ شەشىمدەرى مەن ورنالاستىرۋلارىنا ساي، ءتۇيىندى كورنەكتىلەندىرىپ، ءبىر تۇتاس جوسپارلاپ، تەڭ ءمان بەرىپ، تۇرلەر بويىنشا جەتەكشىلىك ەتىپ، وڭىرلەر بويىنشا شارا قولدانىپ، ءتۇرلى قىزمەتتەردى شىن مانىندە شىنايى، ەگجەي - تەگجەيلى، تياناقتى يگەرىپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە باتىل قول جەتكىزىپ، ىندەتتىڭ ىقپالىن ەڭ تومەنگى شەككە تۇسىرۋگە قۇلشىنىپ، ەكونوميكانىڭ ورنىقتى اينالىمىن جانە قوعامنىڭ جاراسىمدىلىعىن، ورنىقتىلىعىن ساقتاپ، پارتيا ورتالىق كوميتەتى ايقىن بەلگىلەگەن نىسانالاردى، مىندەتتەردى جۇزەگە اسىرۋ كەرەك.
ىندەت تۋىلعاننان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى باستان - اياق حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويىپ، حالىق بۇقاراسىنا تىعىز ارقا سۇيەپ، ىندەتتەن ساقتانۋ - تىزگىندەۋ حالىقتىق شايقاسىن باتىلدىقپەن جۇرگىزدى، سونىمەن قاتار ەكونوميكانىڭ اينالىم احۋالىن ءجىتى قاداعالاپ، ىندەتتىڭ ەكونوميكاعا ىقپالىن ءدال يگەرىپ، دەر كەزىندە شەشىم، ورنالاستىرۋ جاسادى. ءار دارەجەلى پارتكوم مەن ۇكىمەت بەلسەندى تۇردە قىزمەت اتقارىپ، جاۋاپكەرشىلىگىن ادا ەتىپ، ىندەتتەن ساقتانۋ - تىزگىندەۋدى بار كۇشپەن كۇشەيتۋمەن بىرگە، ”التىنى ورنىقتىرۋ“ قىزمەتىن ءبىر تۇتاس جوسپارلاپ ويداعىداي ىستەپ، ءوندىرىستىڭ، تۇرمىستىڭ ورنىقتى، ءتارتىپتى ءجۇرىلۋىن ساقتاۋعا قۇلشىنىپ، قالىپتى ەكونوميكالىق، قوعامدىق ءتارتىپتى شىنايى قورعادى. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، ىندەت جاعدايىندا بەلسەندى وزگەرىس جارىققا شىعىپ، ساقتانۋ - تىزگىندەۋ قىزمەتى بەلسەندى ناتيجەگە قول جەتكىزىپ، ىندەتتىڭ ىقپالىن ازايتۋعا باعىتتالعان ءبىرسىپىرا ساياسات - شارالار تياناقتانىپ، ناتيجە بەرۋدە، قوعامدىق كەلەلى جاعداي ورنىقتىلىقتى ساقتاپ، بۇكىل ەل جوعارىدان تومەنگە دەيىن ەل بىرلىگىنەن بەرىك قامال تۇرعىزىپ ىندەتكە قارسى اتتاناتىن، بوران - شاشىنعا مويىماي العا باساتىن بەرىك جىگەر جانە قۋاتتى وڭ ەنەرگيا توپتادى.
بيىل − جاپپاي دوڭگەلەك داۋلەتتى قوعام ورناتۋدىڭ جانە ”13 - بەسجىلدىق“ جوبانىڭ اياقتالار جىلى. جاڭا تيپتى ايدارشا ۆيرۋس وكپە قابىنۋ ىندەتى دەگەن ”قاراقۋ“دىڭ پايدا بولۋى ءبىزدىڭ تۇتاس جىلداعى ەكونوميكالىق، قوعامدىق دامۋدىڭ نىسانالارىن جۇزەگە اسىرۋىمىزعا قيىندىق جانە سىن - سايىس اكەلەدى. ءبىراق، ىندەتتىڭ سوققىسى قىسقا ۋاقىتتىق، كەزەڭدىك قانا، ءوندىرىس فاكتورلارىمەن قامداۋعا جانە ءوندىرىس ونىمدىلىگىنە ۇزاق ۋاقىتتىق ىقپال جاسامايدى، ەلىمىزدىڭ ەكونوميكالىق دامۋىنىڭ اقاۋسىز، ورنىقتى نەگىزگى جاعدايى وزگەرمەيدى، جوعارى ساپالى دامۋعا تىرەك بولاتىن ءوندىرىس فاكتورلارى مەن شارتتارى وزگەرمەيدى، ۇزاق ۋاقىت ورنىقتىلىق بارىسىندا جاقساراتىن جالپى اۋقىم وزگەرمەيدى. ەلىمىز − ءىرى ەل، توزىمدىلىگى كۇشتى، كومەسكى كۇشى جەتكىلىكتى، مۇمكىندىگى زور، ءبىز تەك سەنىمدى بەكەمدەپ، ماسەلەلەر مەن قيىندىقتاردان قورىقپاي، ەڭ ۇلكەن قۇلشىنىسىمىزبەن ىندەتتىڭ ىقپالىن تومەندەتسەك بولعانى، بيىلعى ەكونوميكالىق، قوعامدىق دامۋدىڭ نىسانالارىن، مىندەتتەرىن جۇزەگە اسىرۋعا تولىق سەنىمىمىز، قابىلەتىمىز، قارىمىمىز بار، جاپپاي دوڭگەلەك داۋلەتتى قوعام ورناتۋدىڭ تولىق تابىسپەن اياقتالۋىنا شىنايى كەپىلدىك ەتە الامىز.
بيىلعى ەكونوميكالىق، قوعامدىق دامۋدىڭ نىسانالارىن، مىندەتتەرىن جۇزەگە اسىرۋدا، ەڭ ماڭىزدىسى، پارتيا ورتالىق كوميتەتىنىڭ ءتۇرلى شەشىمدەرىن، ورنالاستىرۋلارىن تىڭعىلىقتى تياناقتاندىرۋ كەرەك. ەڭ الدىمەن، ىندەتتەن ساقتانۋ - تىزگىندەۋ ءتۇيىندى قىزمەتىن تيتتەي دە بوساڭسىماي جاقسى ىستەپ، ىندەتتەن ساقتانۋ - تىزگىندەۋ كۇرەسىنىڭ جالپى بەتتىك جەڭىسىنە ەرتەرەك قول جەتكىزۋگە قۇلشىنۋ كەرەك. سونىمەن بىرگە، ”ءتۇيىندى كورنەكتىلەندىرۋ، ءبىر تۇتاس جوسپارلاپ، تەگىس ءمان بەرۋ، تۇرلەر بويىنشا جەتەكشىلىك ەتۋ، وڭىرلەر بويىنشا شارا قولدانۋ“ تالابى بويىنشا، ماكرولىق ساياساتتى رەتتەۋ سەرپىنىن ارتتىرىپ، بەلسەندى قازىنا ساياساتىنىڭ رولىن اناعۇرلىم ويداعىداي ساۋلەلەندىرىپ، ورنىقتى اقشا ساياساتىنىڭ يكەمدىلىگىن، ۇيلەسىمدىلىگىن ساقتاپ، كەزەڭدىك، باعىتتامالىق سيپات الاتىن سالىقتى ازايتۋ، اقىنى تومەندەتۋ شارالارىن شىعارىپ، كاسىپورىنداردىڭ تيجارات قيىنشىلىعىن جەڭىلدەتىپ، ىندەتتىڭ ىقپالى ءبىرشاما اۋىر بولعان وڭىرلەرگە، سالالارعا جانە كاسىپورىندارعا پارىقتى، ءتيىمدى فينانستىق قىزمەت وتەۋدى كۇشەيتىپ، ءتىپتى دە تەبىندى جۇمىستاندىرۋدى الدىمەن ويلاستىراتىن ساياسات ارقىلى جۇمىستاندىرۋ كەلەلى جاعدايىنىڭ ورنىقتىلىعىنا شىنايى كەپىلدىك ەتىپ، كوپ شارانى قاتار قولدانىپ، ورتا، شاعىن، ۇساق كاسىپورىنداردىڭ دامۋىنا قولداۋ كورسەتىپ، ىشكى سۇرانىستى بەلسەنە كەڭەيتىپ، سىرتقى سۇرانىستى ورنىقتىرىپ، نازاردى ءتۇيىندى سالالارعا شوعىرلاندىرا وتىرىپ ماڭىزدى نىسانداردان ءبىر توبىن جەدەل قۇرۋدى ىلگەرىلەتىپ، تۇتىنۋدى كەڭەيتۋدىڭ ىندەت ىقپالىن ىقتىرۋداعى ماڭىزدى رولىن ساۋلەلەندىرۋ كەرەك، ت.ب. ءبىز تەك تومەنگى شەكتە ويلاۋعا تاباندى بولىپ، بەلسەندى، ىرىقتى تۇردە ءىس تىندىرىپ، ءتۇرلى قىزمەتتەردى شىنايى تۇردە ناقتى، ەگجەي - تەگجەيلى، تىڭعىلىقتى يگەرە بىلسەك، ءسوز جوق، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ قوس جەڭىسىنە بىردەي قول جەتكىزە الامىز.
جۇڭگو ىندەتتى قالايدا جەڭىپ شىعادى، بۇعان ءشۇبا جوق. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز، ءسوز جوق، ىندەت اكەلگەن زياندى ەڭ تومەنگى شەككە ءتۇسىرىپ، ونان ارى جالعاستى تۇردە جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزىپ، بيىلعى ەكونوميكالىق، قوعامدىق دامۋدىڭ نىسانالارىن، مىندەتتەرىن قۇلشىنا جۇزەگە اسىرىپ، بەلگىلەنگەن ۇلى نىسانامىزعا قاراي نىق قاداممەن ۇزدىكسىز العا باسا الامىز!
(2 - ايدىڭ 15 - كۇنگى «حالىق گازەتى»ندە جاريالانعان)
