تيانشان تورى
تيانشان تورى   ›   جاڭالىقتار   ›   ماڭىزدى حابارلار

ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسى جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتىن زەرتتەگەندە سويلەنگەن ءسوز

«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسى جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتىن زەرتتەگەندە سويلەنگەن ءسوز

  شينحۋا اگەنتتىگىنىڭ 2 - ايدىڭ 15 - كۇنى بەيجيڭنەن بەرگەن حابارى. 2 - ايدىڭ 16 - كۇنى باسپادان شىعاتىن بيىلعى «ىزدەنۋ» جۋرنالىنىڭ 4 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ماڭىزدى ماقالاسى − «ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسى جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتىن زەرتتەگەندە سويلەنگەن ءسوز»دى جاريالايدى.

  ماقالادا مىنالار باسا دارىپتەلدى: ىندەتتەن ساقتانۋ - تىزگىندەۋ قىزمەتىن ويداعىداي ىستەۋ حالىقتىڭ ءومىرىنىڭ حاۋىپسىزدىگىمەن جانە دەنساۋلىعىمەن تىكە بايلانىستى، ەكونوميكالىق، قوعامدىق كەلەلى جاعدايدىڭ ورنىقتىلىعىمەن تىكە بايلانىستى، ەلىمىزدىڭ سىرتقا ەسىك اشۋىنا دا سايادى. ءبىز سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ تالابى بويىنشا قىزمەتتەردى شىنايى، ويداعىداي ىستەپ، ۋاقىتپەن جارىسىپ، ىندەتپەن ايقاسىپ، ىندەتتىڭ ءورشۋ اۋقىمىن باتىل تەجەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋىمىز كەرەك.

  ماقالادا مىنالار اتاپ كورسەتىلدى: جالپى العاندا، پارتيا ورتالىق كوميتەتىنىڭ ىندەت جاعدايىنا جاساعان تۇجىرىمى دۇرىس، ءتۇرلى قىزمەتتەرگە دەر كەزىندە ورنالاستىرۋ جاسادى، قولدانعان شارالارى دا ءونىمدى بولدى. قازىرگى ەڭ شەشۋشى ماسەلە − قىزمەتتى ناقتى، ەگجەي - تەگجەيلى يگەرۋ، ناقتاپ تياناقتاندىرۋ. كەزەكتە ىندەتتەن ساقتانۋ - تىزگىندەۋ جاعىندا بىرنەشە قىزمەتتى ءتۇيىندى تۇردە مىقتاپ يگەرۋ كەرەك. ءبىرىنشى، ىندەتتەن ساقتانۋ - تىزگىندەۋ قىزمەتىنە ءبىر تۇتاس باسشىلىقتى كۇشەيتۋ. ىندەتتەن ساقتانۋ - تىزگىندەۋدە بۇكىل ەل ءبىر تۇتاس جۇيە بولۋعا تاباندى بولۋ. ءار دارەجەلى پارتكوم مەن ۇكىمەت، ءسوز جوق، پارتيا ورتالىق كوميتەتىنىڭ ءبىر تۇتاس قولباسشىلىعىنا، ءبىر تۇتاس سايكەستىرۋىنە، ءبىر تۇتاس جايعاستىرۋىنا قاتاڭ بويسۇنىپ، بۇيرىقتى بۇلجىتپاي اتقارۋ كەرەك. ىندەتتەن ساقتانۋ - تىزگىندەۋ تەك ەمدەۋ، ءدارى - دارمەك، دەنساۋلىق ساقتاۋ ماسەلەسى عانا ەمەس، قايتا جان - جاقتى قىزمەت، جالپى تۇلعالىق شايقاس، ءتۇرلى قىزمەتتەر تۇگەلدەي ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋگە قولداۋ كورسەتۋى كەرەك. ەكىنشى، ءتۇيىندى وڭىرلەردىڭ ىندەتتەن ساقتانۋ - تىزگىندەۋىن كۇشەيتۋ. كۇشتى شوعىرلاندىرا وتىرىپ ءتۇيىندى وڭىرلەردەگى ىندەتتى تىزگىندەگەندە عانا، بۇكىل مەملەكەتتەگى ىندەتتىڭ تارالۋ اۋقىمىن تۇبىرىنەن، تەزىرەك وزگەرتۋگە بولادى. ساقتانۋ - تىزگىندەۋ كۇشتەرىن وڭىرلىك ءبىر تۇتاس جوسپارلاۋدى ءتۇيىندى تۇردە مىقتى يگەرىپ، قۇتقارۋ - ەمدەۋ بايلىقتارى مەن ساقتانۋ - قورعانۋ بايلىقتارىن ىندەتتەن ساقتانۋ - تىزگىندەۋدىڭ ءبىرىنشى شەبىنە باتىل تۇردە شوعىرلاندىرىپ، ءبىرىنشى شەپتەگى ەمدەۋ قىزمەتكەرلەرىنىڭ جانە ناۋقاستاردى قۇتقارۋ - ەمدەۋدىڭ قاجەتىن الدىمەن قاناعاتتاندىرۋ كەرەك. جەرگىلىكتى پارتكوم مەن ۇكىمەتتىڭ جاۋاپكەرشىلىگىن قاتايتىپ، الەۋمەتتىك اۋماقتىڭ ساقتانۋ - تىزگىندەۋىن، توركوزدەندىرىپ باسقارۋىن كۇشەيتىپ، جاپپاي اداقتاپ تەكسەرۋ جۇرگىزىپ، اناعۇرلىم قاتاڭ، اناعۇرلىم باعىتتامالى، اناعۇرلىم جارامدى دا ۇتىمدى شارالار قولدانىپ، ىندەتتىڭ ورشۋىنەن ساقتانۋ كەرەك. ءۇشىنشى، ەمدەۋگە الۋ مولشەرىن جانە ەمدەپ ساۋىقتىرۋ مولشەرىن قۇلشىنا جوعارىلاتىپ، جۇعىمدالۋ مولشەرىن جانە اۋرۋدان ءولۋ مولشەرىن تومەندەتۋ . بۇل − قازىرگى ساقتانۋ - تىزگىندەۋ قىزمەتىندەگى كورنەكتى مىندەت. ءتورتىنشى، عىلمي زەرتتەۋدەن قامال الۋ سەرپىنىن ارتتىرۋ. ىندەتتى جەڭىپ شىعۋ عىلىم - تەحنيكانىڭ تىرەك بولۋىنان ايرىلا المايدى. ۆيرۋستىڭ كەلۋ قاينارىن عىلمي دالەلدەپ، جۇعۋ قاينارىن جانە تارالۋ جولىن جەدەل تەكسەرىپ انىقتاپ، ۆيرۋستىڭ تۇرلەنۋ جاعدايىن ءجىتى قاداعالاپ، ساقتانۋ - تىزگىندەۋ تاكتيكالارىن جانە شارالارىن دەر كەزىندە زەرتتەۋ كەرەك.

  ماقالادا مىنالار اتاپ كورسەتىلدى: قوعام ورنىقتىلىعىن قورعاۋ قىزمەتىن ويداعىداي ىستەۋ − اۋىر ىندەتكە ءونىمدى توتەپ بەرۋدىڭ ماڭىزدى كەپىلى. قازىرگى كەزدە مىنا بىرنەشە قىزمەتتى ايرىقشا جاقسى ىستەۋ كەرەك. ءبىرىنشى، قالىپتى ەكونوميكالىق، قوعامدىق ءتارتىپتى بار كۇشپەن قورعاۋ. ەكىنشى، ەمدەۋ - قۇتقارۋ ءتارتىبىن قورعاۋ. ءۇشىنشى، قوعامدىق جاقتاعى حاۋىپسىزدىك، ورنىقتىلىق قىزمەتىن تىڭعىلىقتى ويداعىداي ىستەۋ. ءتورتىنشى، قالىپتى قاتىناس ءتارتىبىن شىنايى قورعاۋ.

  ماقالادا مىنالار اتاپ كورسەتىلدى: ۇگىت - تاربيە جانە قوعامدىق پىكىر جەتەكشىلىگى قىزمەتىن ويداعىداي ىستەپ، جەلى مەن جەلىدەن تىس جەرلەردى، ەل ءىشى مەن حالىقارانى، ءىرى ىستەر مەن ۇساق ىستەردى ءبىر تۇتاس جوسپارلاپ، سەنىمدى اناعۇرلىم ويداعىداي نىعايتىپ، حالىق كوڭىلىنە اناعۇرلىم ويداعىداي جىلى شۋاق شاشىپ، حالىق تىلەگىن اناعۇرلىم ويداعىداي توعىستىرىپ، قوعامنىڭ جالپى جاعدايىنىڭ ورنىقتىلىعىن اناعۇرلىم ويداعىداي قورعاۋ كەرەك. ءبىرىنشى، ساياساتتىڭ ايقىندىلىعىن كۇشەيتىپ، ىندەتتى جەڭەتىن سەنىمدى بەكەمدەۋ. ەكىنشى، جەتەكشىلىكتى مەڭگەرىپ، جەلىدەگى وڭ ەنەرگيانى كۇشەيتۋ. ءۇشىنشى، ىرىقتىلىقتى مەڭگەرىپ، حالىقارالىق قوعامدىق پىكىرگە ءونىمدى ىقپال جاساۋ.

  ماقالادا مىنالار باسا دارىپتەلدى: ەكونوميكانىڭ ورنىقتى اينالىمىن ساقتاۋ كەرەك. ءبىز بيىلعى ەكونوميكالىق، قوعامدىق دامۋدىڭ نىسانالارىنا، مىندەتتەرىنە اۋەلگىدەي تاباندى بولىپ، پارتيا ورتالىق كوميتەتى شەشىم جاساعان، ورنالاستىرعان ەكونوميكانىڭ، قوعامنىڭ دامۋىنداعى ءتۇرلى قىزمەتتەردى مىقتاپ يگەرىپ، پارتيا ورتالىق كوميتەتى تۇراقتاندىرعان ءتۇرلى مىندەتتەردى، نىسانالاردى تۇگەلدەي ورىنداۋىمىز كەرەك. ىندەت ەرەكشە اۋىر وڭىرلەر كۇش - قايراتتى شوعىرلاندىرىپ ىندەتتەن ساقتانۋ - تىزگىندەۋ قىزمەتىن ويداعىداي يگەرۋ، باسقا وڭىرلەر ىندەتتەن ساقتانۋ - تىزگىندەۋ قىزمەتىن ويداعىداي ىستەۋمەن بىرگە، رەفورمانىڭ، دامۋدىڭ، ورنىقتىلىقتىڭ ءتۇرلى قىزمەتتەرىن ويداعىداي يگەرۋدى ءبىر تۇتاس جوسپارلاۋ، اسىرەسە، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋگە ساياتىن ءتۇيىندى مىندەتتەردى ويداعىداي يگەرىپ، كەشەۋىلدەتۋ، كۇتىپ وتىرۋ يدەياسىندا بولماۋ كەرەك. ”التىنى ورنىقتىرۋ“ قىزمەتىن ويداعىداي ىستەۋدى ارقاۋ ەتە وتىرىپ، ءتۇرلى كۇردەلى، قيىن جاعدايعا توتەپ بەرۋ دايىندىعىن جاقسى ىستەۋ كەرەك. ءبىرىنشى، كاسىپورىنداردىڭ جۇمىس باستاۋىن، ءوندىرىستى قالپىنا كەلتىرۋىن بەلسەندى ىلگەرىلەتۋ. ەكىنشى، ماڭىزدى نىسانداردىڭ قۇرىلىس باستاۋىن ىلگەرىلەتۋ. ءۇشىنشى، تۇرعىنداردىڭ تۇتىنۋىن كۇش سالا ورنىقتىرۋ. ءتورتىنشى، مەملەكەتتى جونگە سالۋ قابىلەتى مەن ورەسىن جوعارىلاتۋ. بۇل رەتكى ىندەت ەلىمىزدىڭ جونگە سالۋ جۇيەسى مەن قابىلەتى ءۇشىن ءبىر رەتكى ۇلكەن سىن، ءبىز، ءسوز جوق، تاجىريبەلەردى قورىتىندىلاۋىمىز، ساباق الۋىمىز كەرەك. وسى رەتكى ىندەتكە توتەپ بەرۋدە جارىققا شىققان ولقىلىقتار مەن جەتەرسىزدىكتەرگە مەڭزەس، مەملەكەتتىڭ شۇعىل جاعدايعا توتەپ بەرۋ - باسقارۋ جۇيەسىن اقاۋسىزداندىرىپ، شۇعىل، قيىن، قاتەرلى، اۋىر مىندەتتەردى ءبىر جاقتى ەتۋ قابىلەتىن جوعارىلاتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.