اۆتونوميالى رايوندىق دەنساۋلىق ساقتاۋ، ىندەتتەن ساقتانۋ تاراۋلارى حۋاتاي سەرىكتەستىگىنە بارىپ، 84 زارارسىزداندىرۋ سۇيىقتىعىن ٴوندىرۋ قىزمەتىن تەكسەرىپ وتكىزىپ الدى.
حابارىن جازىپ، سۋرەتىن تۇسىرگەن ٴتىلشى ما بەي، ەرىكتى تىلشىلەر جاۋ يۇڭلۋ، ۋەي يۇڭمەي. 2 - ايدىڭ 12 - كۇنى شينجياڭ جۇڭتاي (توبى) شەكتى جاۋاپكەرشىلىك سەرىكتەستىگى حۋاتاي سەرىكتەستىگىنىڭ 84 زارارسىزداندىرۋ سۇيىقتىعى ٴوندىرىس جەلىسى شۇعىل وندىرىسكە قوسىلدى ٴارى اۆتونوميالى رايوندىق دەنساۋلىق ساقتاۋ، سالاماتتىق كوميتەتىنىڭ ۇلگى نۇسقاسىن تەكسەرۋىنەن ٴساتتى ٴوتىپ، بازارعا سالىندى، قازىر 28 توننا زارارسىزداندىرۋ سۇيىقتىعى ٴوندىرىلدى.
ۇعىسۋعا قاراعاندا، شالا حلورلى ناتري قىشقىلى 84 زارارسىزداندىرۋ سۇيىقتىعىنىڭ باستى شيكىزاتى ەكەن. جۇڭتاي توبى ەل ىشىندەگى حلور سىلتىسى كاسىپ سالاسىنىڭ باستاماشى كاسىپورنى جانە شينجياڭ ىشىندەگى شالا حلورلى ناتري قىشقىلى ٴوندىرىس كاسىپورنى رەتىندە ەجەلدەن بەرى 84 زارارسىزداندىرۋ سۇيىقتىعىنىڭ اۋەلگى ەرىتىندىسىن ٴوندىرۋ مىندەتىن ارقالاپ كەلەدى.
ىندەت تۋىلعاننان بەرى، جۇڭتاي توبى ٴوندىرىس جوسپارىن دەر كەزىندە رەتتەپ، جۇمىس ۇستەمەلەپ، ۋاقىت ۇستەمەلەپ زارارسىزداندىرۋ ٴونىمىنىڭ اۋەلگى ەرىتىندىسىن ٴوندىرىپ، تۇتاس شينجياڭنىڭ بازار قامداۋىن بار كۇشپەن قامتاماسىز ەتتى.
سونىمەن بىرگە، جۇڭتاي توبى اۋەلگى زەرتتەۋ ـ اشۋ نەگىزىندە، جاڭا ۇرپاق كەڭ ٴورىستى شالا حلورلى ناتري قىشقىلى زارارسىزداندىرۋ سۇيىقتىعىن، ياعني «شينجۇڭتاي ماركالى» 84 زارارسىزداندىرۋ سۇيىقتىعىن (ەمدەۋ قۇرىلىمىنىڭ پايدالانۋىنا جاتپايدى) ٴساتتى زەرتتەپ جاسادى.
«ەرەكشە مەزگىلدە، ٴبىز ىندەتتەن ساقتانۋ - تىزگىندەۋ قىزمەتىن ويداعىداي يگەرىپ قانا قويماي، زارارسىزداندىرۋ سۇيىقتىعىن ٴوندىرۋ قىزمەتىن ٴتىپتى دە جاقسى ىستەپ، قوعامنىڭ قاجەتىن بار كۇشپەن قاناعاتتاندىرىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋگە كۇش قوسۋىمىز كەرەك»،- دەدى اتالعان كاسىپورىن ٴوندىرىس ـ تيجارات ورتالىعىنىڭ قىزمەتكەرى جيا يۋانكۋان.
37 توننا شالا حلورلى ناتري قىشقىلى زارارسىزداندىرۋ سۇيىقتىعى تيەلگەن جۇك اۆتوموبيلى حۋبەي ۋحانعا قاراي جول تارتتى.
تانىستىرۋعا قاراعاندا، «شينجۇڭتاي ماركالى» 84 زارارسىزداندىرۋ سۇيىقتىعى ٴونىمى اۆتونوميالى رايوندىق دەنساۋلىق ساقتاۋ، سالاماتتىق كوميتەتىنىڭ وندىرىسكە قوسۋدى ماقۇلداۋ بەكىتۋىنەن وتكەن جانە دەنساۋلىق ساقتاۋ رۇقسات كۋالىگىن ٴساتتى العان.
قازىر جۇڭتاي توبىنا قاراستى ەنشىلەس سەرىكتەستىك حۋاتاي سەرىكتەستىگى «شينجۇڭتاي ماركالى» 84 زارارسىزداندىرۋ سۇيىقتىعىن ٴوندىرۋ قىزمەتىن جاپپاي ۇيىمداستىرىپ، بازارعا سالدى. 2 - ايدىڭ 15 - كۇنىنە دەيىن، ٴوندىرىس جەلىسى 28 توننا 84 زارارسىزداندىرۋ سۇيىقتىعىن ٴوندىردى.
«ٴبىر جاقتا قيىنشىلىق بولسا، شار تاراپتان كومەكتەسۋ». زارارسىزداندىرعىش اۋەلگى ەرىتىندىسىمەن جەرگىلىكتى ورىندى قامداۋ كەپىلدىك ەتىلگەن جاعدايدا، تاياۋدا حۋاتاي سەرىكتەستىگى كۇندى تۇنگە جالعاپ 37 توننا شالا حلورلى ناتري قىشقىلى زارارسىزداندىرۋ سۇيىقتىعىن ٴوندىرىپ، قوراپتاپ، قىزمەتكەرلەر 60 نەشە ساعات اۆتوكولىك ايداپ ۋحانعا، ىجوۋعا بارىپ، ىندەتتەن ساقتانۋ بۇيىمدارىن ىندەتتەن ساقتانۋدىڭ ٴبىرىنشى شەبىندەگى ەڭ قاجەتتى جەرلەرگە جەتكىزدى.
