تيانشان تورى
تيانشان تورى   ›   جاڭالىقتار   ›   شينجياڭ حابارلارى

ىندەتتەن ساقتانۋ - تىزگىندەۋدە الدىمەن قامتاماسىزدىققا كەپىلدىك ەتىلۋ كەرەك

  2 - ايدىڭ 14 - كۇنى بۇگۇر اۋدانى شيڭبو كيىم ـ كەشەك شەكتى جاۋاپكەرشىلىك سەرىكتەستىگىنىڭ جۇمىسشىلارى ٴوندىرۋ جەلىسىندە ماسكى ٴوندىردى. سول كۇنى اتالعان سەرىكتەستىك ساتىپ العان ەكى ماسكى ٴوندىرىس جەلىسى وندىرىسكە قوسىلدى. جاڭ حۇييۇڭ فوتوسى

  ٴتىلشى ليۋ چەنشىڭ حابارلايدى. زاتپەن قامداۋدى قامتاماسىزداندىرۋ ەجەلدەن بەرى شايقاستىڭ جەڭىسكە جەتۋىندەگى شەشۋشى فاكتور بولىپ كەلەدى.

  جاڭا تيپتى ايدارشا ۆيرۋس وكپە قابىنۋ ىندەتى الدىندا، سانسىزداعان مەديتسينا قىزمەتكەرلەرىنىڭ باس اماندىعىن قورعاۋدى، بارشا بۇقارانىڭ دەنساۋلىعىن ساقتاۋدى كۇتە تۇرۋعا، كەشەۋىلدەتۋگە بولمايدى. ٴاربىر قورعانىس بۇيىمدارىن كوبىرەك ٴوندىرۋ، مەديتسينا قىزمەتكەرلەرى مەن حالىق بۇقاراسىنىڭ ٴبىر قابات قورعانىسىن، حاۋىپسىزدىك قالتقىسىن كوبەيتكەندىك؛ بارشا بۇقارانىڭ قىزمەتى مەن تۇرمىسى ٴالى دە جالعاسۋدا، نەگىزگى تۇرمىسقا قاجەتتى زاتتارعا دا نەمقۇرايدى قاراۋعا بولمايدى. الدىڭعى شەپتەگى مەديتسينا قىزمەتكەرلەرى ىندەتتەن ساقتانۋعا شۇعىل قاجەتتى بۇيىمداردى، بارشا بۇقارا تۇرمىسىقا قاجەتتى بۇيىمداردى قاجەت ەتەدى، زاتتىق ماتەريالدارمەن قامداۋدى بار كۇشپەن قامتاماسىز ەتۋ جان قۇتقارعانمەن، ۋاقىتپەن جارىسىپ، اۋرۋمەن ايقاسۋمەن تەڭ. بىرنەشە كۇننەن بەرى، رايونىمىزداعى ٴبىر توپ كاسىپورىن ىندەتتەن ساقتانۋ قىزمەتىن ويداعىداي ىستەۋ العى شارتىندا، جۇمىسشى ـ قىزمەتكەرلەردى قاربالاس، ٴتارتىپتى وندىرىسكە ات سالىسۋعا ۇيىمداستىردى. ٴتۇرلى كاسىپورىندار بار كۇشىمەن قامداۋدى قامتاماسىز ەتىپ، ىندەتتەن ساقتانۋ-تىزگىندەۋگە جەتكىلىكتى زاتتىق ماتەريالداردى ازىرلەۋدى قامتاماسىزداندىرۋمەن بىرگە، قوعامدىق تۇرمىستىڭ قالىپتى اينالىمىنا ويداعىداي قولداۋ كورسەتىپ، ىندەتپەن شايقاسۋعا زاتتىق ماتەريالداردى ازىرلەۋدى قامتاماسىزداندىرۋعا بار كۇشىن سالدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.