ىندەتتەن ساقتانۋ - تىزگىندەۋ ماماندارى: عىلمي، ۇيلەسىمدى بولۋ، كوزسىزدىكپەن ىستەتپەۋ، قالىپتان تىس قورعانباۋ
شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي
ماسكى − تىنىس جولى جۇقپالى اۋرۋلارىنان ساقتانۋدىڭ ماڭىزدى قورعانىس شەبى، ماسكىنى ۇيلەسىمدى تاڭداپ ىستەتۋ جانە تاعۋ − جۇعىمدالۋ قاتەرىن تومەندەتۋدەگى ماڭىزدى ءادىس. الايدا بارلىق ادام عىلمي، جۇيەلى تاعا الدى ما، جوق پا، شىن مانىندە ۇتىمدى قورعانۋ رولىن اتقارا الدى ما، جوق پا؟ وسى جونىندە ءتىلشىمىز 2 - ايدىڭ 15 - كۇنى اۆتونوميالى رايوندىق ىندەتتەن ساقتانۋ - تىزگىندەۋ ورتالىعىنىڭ ورىنباسار مەڭگەرۋشىسى، اعا شيپاگەر جاڭ ليڭمەن ارنايى سۇحباتتا بولدى. جاڭ ليڭ: ماسكىنى ىستەتۋ پرينسيبى − عىلمي، ۇيلەسىمدى پايدالانۋ، كوزسىزدىكپەن ىستەتپەۋ، قالىپتان تىس قورعانباۋ كەرەك ەكەندىگىن ءبىلدىردى.
ءتىلشى: ماسكىنى نە ءۇشىن عىلمي، قاجەتىنە ساي تاعۋ كەرەك؟
جاڭ ليڭ: ماسكى تاعۋ − الەۋمەتتىڭ جاڭا تيپتى ايدارشا ۆيرۋس وكپە قابىنۋىنان ساقتانۋداعى ماڭىزدى شارا، قاجەتتى ورىنداردا، ءاربىر ادام ۇيلەسىمدى ماسكى ءتۇرىن تاڭداپ تاعۋ، ىستەتۋ، ءوزىن جاقسى قورعاۋ كەرەك. سونىمەن بىرگە، ءاربىر ادامدا تۇرلىشە قىزمەت سيپاتى، ءوندىرىس، تۇرمىس ورنىنا قاراي، ىندەتتەن جۇعىمدالۋدىڭ حاۋىپ - قاتەر دارەجەسى بويىنشا ماسكىنى لايىقتى، ورىندى تۇردە تاعىپ، قالىپتى قورعانىپ، ماسكىنىڭ ىستەتىلۋ ونىمدىلىگىن جوعارىلاتىپ، بايلىقتىڭ ىسىراپ بولۋىن ازايتۋ جاۋاپكەرشىلىگى دە بولۋ كەرەك. كەزەكتە ىندەتتەن جۇعىمدالۋدىڭ جوعارى، ءبىرشاما جوعارى، ورتا دارەجەلى، ءبىرشاما تومەن، تومەن سىندى 5 ءتۇرلى ۇقساماعان دارەجەدەگى حاۋىپ - قاتەرى بار، مۇنى ماسكىنى تاڭداۋدىڭ جانە ىستەتۋدىڭ جەتەكشىسى ەتۋگە بولادى. جوعارى، ءبىرشاما جوعارى جۇعىمدالۋ قاتەرى بار ادامدار، نەگىزىنەن، ءبىرىنشى شەپتە ىندەتتەن ساقتانۋ - تىزگىندەۋ قىزمەتىمەن تىكە اينالىسىپ جاتقان ادامدار. باسقا ادامداردىڭ بارلىعى جۇعىمدالۋ قاتەرى ورتا دارەجەلى، ءبىرشاما تومەن نەمەسە تومەن ادامدارعا جاتادى.
ءتىلشى: ءوندىرىس، تۇرمىس بارىسىندا، ءسوز جوق، N95 ماسكىسىن تاققاندا عانا حاۋىپسىز بولا ما؟
جاڭ ليڭ: ىندەتكە قارسى اتتانۋدىڭ ءبىرىنشى شەبىندەگى جۇعىمدالۋ قاتەرى جوعارى (ءبىرشاما جوعارى) شيپاگەرلەر، سەسترالار، ءسوز جوق، مەديتسينالىق قورعانۋ ماسكىسىن نەمەسە N95 دارەجەلى قورعانۋ ماسكىسىن ىستەتۋ كەرەك. شيپاحانانىڭ ادەتتەگى امبولاتوريالارىندا، ناۋقاس بولمەلەرىندە قىزمەت ىستەيتىن شيپاگەرلەر مەن سەسترالاردىڭ ادەتتە مەديتسينالىق سىرتقى اۋرۋلار ماسكىسىن تاعۋىن ۇسىنىس ەتەمىز. ادەتتەگى الەۋمەتتىڭ N95 ماسكىسىن ىستەتۋىنىڭ قاجەتى جوق ءارى ونى ىستەتۋىن دارىپتەمەيمىز.
ءتىلشى: شيپاگەر، سەسترا بولماعانىمەن، جابىق نەمەسە ادامدار ءجيى ورىنداردا قىزمەت ىستەيتىندەر ماسكىنى قالاي تاعۋ كەرەك؟
جاڭ ليڭ: ەگەر شيپاحانا، اۋەجاي، پويەز ستانسياسى، مەترو، جەر ءۇستى الەۋمەتتىك قاتىناس قۇرالى، ۇشاق، پويەز، ەرەن بازار، اسحانا سياقتى سالىستىرمالى جابىق، ادامدار ءجيى ورىندارداعى قىزمەتكەرلەر نەمەسە ىندەتكە قاتىستى اكىمشىلىك باسقارۋ، ساقشى، اماندىق قورعاۋ، جەدەل جەتكىزۋ سياقتى جۇمىستارمەن اينالىساتىن قىزمەتكەرلەر ورتا دارەجەلى جۇعىمدالۋ قاتەرى بارلارعا جاتادى، قىزمەت ورىندارىندا مەديتسينالىق سىرتقى اۋرۋلار ماسكىسىن تاعۋلارىن ۇسىنىس ەتەمىز.
ءتىلشى: شيپاگەر دە، سەسترا دا ەمەس، ءوندىرىس، تۇرمىس ورتاسى دا جوعارىداعى سۇراقتاردا ايتىلعان ورىنداردا ەمەس جاعدايدا، ماسكىنى قالاي تاعۋ كەرەك؟
جاڭ ليڭ: ەگەر ەرەن بازار، ساۋدا سارايى، قاتىناس قۇرالدارى، ليفت سياقتى ادامدار ءجيى وڭىرلەردە نەمەسە ادەتتەگى بولمە، كەڭسە، زاۆود، سەح سياقتى ورىنداردا تۇرعان ادامدار نەمەسە ەمدەۋ قۇرىلىمدارىندا ەمدەلىپ جاتقان (قىزۋ امبولاتورياسىنان سىرت) ناۋقاستار، نەمەسە شوعىرلى ۇيرەنۋ جانە قيمىل جاساعان مەكتەپتەگى وقۋشى سياقتىلار ادەتتە ءبىرشاما تومەن جۇعىمدالۋ قاتەرىنە جاتاتىن ادامدار ەسەپتەلەدى، ولاردىڭ ءبىر رەتتىك مەديتسينالىق ماسكى تاعۋىن، بالالاردىڭ رولى قارايلاس ماسكىنى تاڭداپ ىستەتۋىن ۇسىنىس ەتەمىز.
ءتىلشى: قانداي ورىنداردا ماسكى تاقپاسادا بولادى؟
جاڭ ليڭ: ەگەر دەنى ساۋ بولىپ، ۇيدە، اۋا الماسۋى جاقسى نەمەسە ادامدار شوعىرى از ورىندا تۇرعاندار ادەتتە جۇعىمدالۋ قاتەرى تومەن دارەجەدەگى ادامدارعا جاتادى، ولاردىڭ ماسكى تاقپاۋىنا دا بولادى. ايتالىق، ۇيدە كۇماندى ناۋقاستار بولماسا ءارى تىعىز جاناسقان ادامدار، ىندەت وڭىرىنەن قايتىپ كەلگەن وتباسى ادامدارى بولماسا؛ جەكە كولىككە ىندەت وڭىرىندەگى جولاۋشىلار نەمەسە كۇماندى ناۋقاستار شىقپاعان بولسا؛ اۋا الماسۋ شارت - جاعدايى جاقسى اشىق جەردە ەڭبەك، قىزمەت ىستەگەندەر ءارى جانىنداعى ادامدارمەن ۇيلەسىمدى ارالىق ساقتاعاندار بولسا؛ باقشا ارالاعاندا توپتالعان ساياحاتشىلار بولماسا، ماڭايىنداعى ادامدارمەن ۇيلەسىمدى ارالىق ساقتايتىن شارت - جاعداي بولسا؛ كەڭسەدە زارارسىزداندىرۋ، دەنە تەمپەراتۋراسىن ولشەۋ، اۋا الماستىرۋ شاراسىن قاتاڭ اتقارسا، قىزمەتتەستەر اراسىندا كۇماندى جانە تىعىز جاناسۋشى دا بولماسا، وسىنداي جاعدايلاردا ماسكى تاقپاسا دا بولادى.
ءتىلشى: بالالار قانداي ماسكى تاعۋ، قانداي ىستەرگە كوڭىل ءبولۋ كەرەك؟
جاڭ ليڭ: بالالار مەملەكەت ولشەمىنە ۇيلەسەتىن ءارى بالالاردىڭ نەمەسە جاس وسپىرىمدەردىڭ تۇيىرشىك زاتتاردان قورعانۋ بەلگىسى بار ماسكى ونىمدەرىن تاڭداپ ىستەتۋى كەرەك. بالالار ماسكى تاعار الدىندا، اتا - انالارىنىڭ كومەگىندە ىستەتۋ تۇسىندىرمەسىن مۇقيات وقىپ ءارى دۇرىس ءتۇسىنىپ، دۇرىس ىستەتۋ ءادىسىن يگەرۋ كەرەك. اتا - انالار ءار ۋاقىت بالالاردىڭ ماسكى تاعۋ جاعدايىنا نازار اۋدارۋ كەرەك، بالالار ماسكى تاعۋ بارىسىندا جايسىز سەزىنسە، دەر كەزىندە جوندەۋ نەمەسە ىستەتپەۋ كەرەك. بالالاردىڭ بەتى كىشكەنە بولاتىندىقتان ەرەسەكتەر ماسكىسى ولقى بولىپ قالاتىندىقتان، بالالاردىڭ ساڭلاۋسىز بولۋ تالاپ ەتىلەتىن ەرەسەكتەردىڭ ماسكىسىن تاعۋىن ۇسىنىس ەتپەيمىز.
ءتىلشى: ماسكى تاعۋدا نەگە ءمان بەرۋ كەرەك؟
جاڭ ليڭ: ۇيلەسىمدى ولشەمدەگى ماسكى تاڭداۋ كەرەك. ماسكى تاعۋدىڭ الدىندا، قول جۋۋ كەرەك. تاققان كەزدە، ماسكى بەتكە تىعىز جابىسىپ تۇرۋ كەرەك، سونىمەن بىرگە سول، وڭ قول ساۋساعىمىزبەن مۇرىننىڭ ەكى جاعىنداعى الۋمين پاراقشاسىن قىسىپ، اينالاسىنان اۋانىڭ قاشۋىن ازايتۋ كەرەك. مەديتسينالىق سىرتقى اۋرۋلار ماسكىسىنىڭ مۇرىن قىسقىشى جوعارعى جاعىندا، ىستەتكەن كەزدە قاتتى قىسىپ قويۋ كەرەك. ماسكى تاققاننان كەيىن، ماسكىنى ۇستاي بەرۋدەن ساقتانۋ كەرەك. ەگەر ماسكىنى ۇستاۋعا تۋرا كەلسە، ۇستاۋدىڭ الدى - ارتىندا قولدى جۋۋ كەرەك. ماسكىنى العان كەزدە، ماسكىنىڭ سىرتقى جاعىن ۇستاۋدان بارىنشا ساقتانۋ ءارى دەرەۋ قول جۋۋ كەرەك.
ءتىلشى: ەكى قابات ماسكى تاعۋ اناعۇرلىم حاۋىپسىز بولا ما؟
جاڭ ليڭ: ەكى قاباتتى ماسكى تاعۋ حاۋىپسىزدىكتى ارتتىرا المايدى.
ءتىلشى: ماسكىنى قايتالاي ىستەتۋگە بولا ما؟
جاڭ ليڭ: جۇعىمدالۋ قاتەرى جوعارى نەمەسە ءبىرشاما جوعارى ادامداردان سىرت، ساۋ دەنەلى ادامداردىڭ تاققان ماسكىسىن قايتالاي كوپ رەت ىستەتۋىنە بولادى، بۇل ماسكىنى ىستەتۋ ۋاقىتىن، ىستەتۋ رەت سانىن ۇيلەسىمدى ۇزارتۋدى قامتيدى. ەگەر ماسكىنى قايتالاي ىستەتۋ قاجەت بولسا، ماسكىنى تازا، قۇرعاق، اۋا الماساتىن ورىنعا ءىلىپ قويۋ نەمەسە تازا، اۋا وتەتىن قاعاز دورباعا سالىپ قويۋ كەرەك. ماسكىنى بولەك ساقتاۋ، ءوزارا جۇعىسۋدان ساقتانۋ ءارى ماسكىنى ىستەتۋشى ادامنىڭ اتىن جازىپ قويۋ كەرەك.
ءتىلشى: ماسكىنى قانداي جاعدايدا اۋىستىرۋعا تۋرا كەلەدى؟
جاڭ ليڭ: ادەتتە ماسكىنىڭ ءپىشىنى وزگەرىپ، دىمدانىپ نەمەسە كىرلەپ، قورعانۋ رولى تومەندەگەن كەزدە اۋىستىرۋ كەرەك.
ءتىلشى: ماسكىنى ىستەتىپ بولعاننان كەيىن، قالاي تاستاۋ، ءبىر جاقتى ەتۋ كەرەك؟
جاڭ ليڭ: ەگەر دەنى ساۋ ادامدار بولسا، تاققان ماسكىنى تۇرمىستىق قوقىر - قوقسىقتاردى تۇرگە ايىرۋ تالابى بويىنشا ءبىر جاقتى ەتسە بولادى. ەگەر ءسىز كۇماندى ناۋقاس بولساڭىز نەمەسە دياگنوزىڭىز تۇراقتانعان بولسا، تاققان ماسكىڭىزدى قالاعانشا تاستاۋىڭىزعا بولمايدى، ەمدەۋ جاراقسىز زاتتارى رەتىندە قاراپ، ەمدەۋ جاراقسىز زاتتارىنىڭ قاتىستى تارتىپتەرىنە ساي قاتاڭ ءبىر جاقتى ەتۋ كەرەك.
