شينحۋا اگەنتتىگىنىڭ 2 - ايدىڭ 16 - كۇنى ۇرىمجىدەن بەرگەن حابارى (ءتىلشى پان يىڭ). ناۋقاستاردىڭ ەمدەلۋىنە قولايلى بولۋى ءۇشىن، شينجياڭدا كوپتەگەن ەمدەۋ قۇرىلىمدارى ”ينتەرنەت جەلىسىندە دياگنوز قويۋ“ كەڭەس سۇراۋ قىزمەت وتەۋىن ىسكە قوسىپ، جاڭا تيپتى ايدارشا ۆيرۋس وكپە قابىنۋدىڭ ايقاسپالى جۇعىمدالۋ قاتەرىن مۇمكىندىكتىڭ بارىنشا تومەندەتتى. جۋىقتا شينجياڭ مەديتسينا داشۋەسىنە قاراستى 1 - شيپاحانانىڭ ۋيچات الەۋمەتتىك نومىرىندە ”ينتەرنەت جەلىسىندە دياگنوز قويۋ“ كەڭەس سۇراۋ قىزمەت وتەۋى ىسكە قوسىلدى. ناۋقاس اۋرۋ جاعدايى جازىلعان ينفورماتسيانى تولتىرعاننان كەيىن، قاتىستى بولىمدەردىڭ شيپاگەرلەرى 24 ساعات ىشىندە ناۋقاس قابىلدايدى، ناۋقاستىڭ جەلىدە تىكەلەي اقسىز تۇردە شيپاگەرگە تەكسەرىلىپ، كەڭەس الۋىنا بولادى.
كۇيتۇن قالاسىنىڭ تۇرعىنى دۇڭ حۇيحۇي جۋىقتا بالاسىنىڭ جوتەلىپ، مۇرنىنان سۋ اعىپ قالعانىن بايقاپ، بالاسىن ەرتىپ شيپاگەرگە كورىنبەكشى بولادى، ءبىراق ايقاسپالى جۇعىمدالۋ تۋىلۋىنان تاعى الاڭدايدى. ءارى - ءسارى بولعان ول ءوزى تۇرعان الەۋمەتتىك اۋماقتىڭ دەنساۋلىق ساقتاۋ، قىزمەت وتەۋ ورتالىعىنىڭ حابار - بايلانىس توبىنان كومەك سۇرايدى، تەز ارادا شيپاگەر ودان اۋرۋ جاعدايىن تاپتەشتەپ ۇعىسىپ دياگنوز قويادى جانە كاسىپتىك جاقتان جاۋاپ بەرەدى.
جۋىق كۇندەردەن بەرى، كۇيتۇن قالاسىنداعى كوپتەگەن الەۋمەتتىك اۋماقتاردىڭ دەنساۋلىق ساقتاۋ، قىزمەت وتەۋ ورتالىقتارى ىركەس - تىركەس ”الاقانداعى شيپاگەر“ ءۇنحات توبىن اشتى، قازىر جۇكتى ايەلدەر، نارەستە - بالالاردىڭ اتا - انالارى جانە سوزىلمالى ناۋقاسى بارلاردى قامتىعان 15 بايلانىس جاساۋ توبىن قۇردى، توپتا ءارقايسى الەۋمەتتىك اۋماقتاردىڭ دەنساۋلىق ساقتاۋ، قىزمەت وتەۋ ورتالىعىنىڭ شيپاگەرلەرى بار، ولار قاراستى اۋماقتاعى تۇرعىندارعا كومەك بەرەدى جانە جەلىدە دياگنوز قويىپ قىزمەت وتەيدى.
شينجياڭدا كوپتەگەن ەمدەۋ قۇرىلىمدارى مىنالاردى ءبىلدىردى: جەلىدە دياگنوز قويىپ، ناۋقاستارعا باستاپقى دياگنوز قويۋ ارقىلى ناۋقاستاردىڭ شيپاحاناعا كەلىپ - كەتۋ رەتىن ازايتىپ، تۇرعىنداردىڭ ۇيىندە وتىرىپ ساقتانۋ - تىزگىندەۋدى جاقسى ىستەۋىنە كومەكتەسۋگە بولادى.
