ىندەتتەن ساقتانۋ - تىزگىندەۋ قىزمەتتەرىن تيتتەي دە بوساڭسىماي جاقسى ىستەيمىز

رايونىمىزداعى ەمدەۋ قىزمەتكەرلەرى مەن الەۋمەتتىك اۋماق قىزمەتكەرلەرى باس شۋجي شي جينپيڭنىڭ ورتالىق كوميتەت ساياسي بيۋروسى تۇراقتى كوميتەتىنىڭ ماجىلىسىندەگى ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، مىنالاردى ءبىلدىردى −

ىندەتتەن ساقتانۋ - تىزگىندەۋ قىزمەتتەرىن تيتتەي دە بوساڭسىماي جاقسى ىستەيمىز

شينجياڭ گازەتىنىڭ جالپىلىق اقپارات قۇرالدارى تىلشىلەرى

　　رايونىمىزداعى ەمدەۋ قىزمەتكەرلەرى مەن الەۋمەتتىك اۋماق قىزمەتكەرلەرى باس شۋجي شي جينپيڭنىڭ 2 - ايدىڭ 12 - كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندەگى ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، ءبىر اۋىزدان مىنالاردى ءبىلدىردى: ىندەتتەن ساقتانۋ - تىزگىندەۋ قىزمەتىنىڭ ەڭ ماشاقاتتى شەشۋشى كەزەڭىندە، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن قاشاندا ءبىرىنشى ورىنعا قويىپ، ساقتانۋ - تىزگىندەۋدىڭ ءبىرىنشى شەبىنەن باستان - اياق تاپجىلماي، ادالدىقپەن قىزمەت اتقارىپ، جاۋاپكەرشىلىكتى ادا ەتىپ، ىندەتتەن ساقتانۋ - تىزگىندەۋ قىزمەتتەرىن تيتتەي دە بوساڭسىماي جاقسى ىستەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزەمىز.

　　”باس شۋجي شي جينپيڭ قاجىرلى قۇلشىنىس ارقىلى ىندەت جاعدايىندا بەلسەندى وزگەرىستەر جارىققا شىعىپ، ساقتانۋ - تىزگىندەۋ قىزمەتىندە بەلسەندى ناتيجەلەرگە قول جەتتى دەدى. بۇل ءبىزدى ايرىقشا جىگەرلەندىرىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋ سەنىمىمىز بەن بەكىمىمىزدى ونان ارى نىعايتا ءتۇستى“، - دەدى اۆتونوميالى رايوندىق حالىق شيپاحاناسى قىزۋ امبولاتورياسىنىڭ سەسترالار باستىعى ۋاڭ لۋ، - ”مەن، ءسوز جوق، مىندەت - جاۋاپكەرشىلىگىمدى بارىنشا ادا ەتىپ، قاجىرلىلىقپەن قىزمەت ىستەپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن شىن پەيىلىممەن ويداعىداي قورعايمىن“.

　　”ءبىز ءاربىر قىزمەتتى، ءاربىر بۋىنداعى جۇمىستى تىڭعىلىقتى ىستەپ، الەۋمەتتىك اۋماقتى ىندەتتەن ساقتانۋ - تىزگىندەۋدىڭ بەرىك قامالىنا اينالدىرامىز“، - دەدى ءۇرىمجى قالاسى سايباق رايونى لۋيۋان كوشەسى اۋماعىن باسقارۋ كوميتەتى ساڭفاڭگوۋ ورتا جولى باتىس الەۋمەتتىك اۋماعى پارتيا باس ياچەيكاسىنىڭ شۋجيى حان لەي.

　　قورعانۋ ۇگىتىن كۇشەيتۋ ءۇشىن، ساڭفاڭگوۋ ورتا جولى باتىس الەۋمەتتىك اۋماعى كىشكەنە لابانى ىسكە قوسىپ، كەرمە تۋلار ءىلىپ، ۇگىت قاعازدارىن جاپسىرىپ، دوۋيىندا قىسقا بەينەجازبالار ءتۇسىرىپ، قولدانۋعا بولاتىن بارلىق ۇگىت تاسىلدەرىن قالت جىبەرمەدى، تۇرعىندار جابال ءۇن قوسىپ، بارلىق ادام ىندەتتەن ساقتانۋ - تىزگىندەۋ ءۇشىن اقىل قوسىپ، كۇش شىعاردى.

　　”ءبىز ىندەتتەن ساقتانۋ - تىزگىندەۋدىڭ ءبىرىنشى شەبىنە اتتانۋدى اۋەلگى ماقساتتى، بورىشتى امالياتتا ايگىلەۋدىڭ تارازىسى ەتۋىمىز كەرەك“، - دەدى اۋات اۋدانى اۋات قالاشىعى جيڭشيۋ الەۋمەتتىك اۋماعى پارتيا ياچەيكاسىنىڭ شۋجيى لي شينچۋان، - ىندەتتەن ساقتانۋ - تىزگىندەۋ قىزمەتى ەڭ ماشاقاتتى شەشۋشى كەزەڭگە كەلدى، الەۋمەتتىك اۋماق كادرلارى ءتىپتى دە اتويلاپ الدا ءجۇرۋى، تالاپ بويىنشا ءتۇرلى قىزمەتتەردى ناقتى، ەگجەي - تەگجەيلى، تىڭعىلىقتى يگەرىپ، بۇقارانى اتتانىسقا كەلتىرىپ جانە بۇقاراعا سۇيەنىپ، ىندەتتەن ساقتانۋ - تىزگىندەۋدىڭ حالىقتىق قورعانىس شەبىن بەرىك قۇرۋىمىز كەرەك.

　　ىندەت − بۇيرىق، ساقتانۋ - تىزگىندەۋ − جاۋاپكەرشىلىك.

　　شينجياڭ ءوندىرىس - قۇرىلىس بيڭتۋانى 4 - شى شيپاحاناسى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ ماماندار گرۋپپاسىنىڭ ورىنباسار باستىعى، سالماقتى ناۋقاس مەديتسيناسى ءبولىمىنىڭ، شۇعىل ەمدەۋ ءبولىمىنىڭ مەڭگەرۋشىسى چىڭ لين بيىل 5 ايدا 55 جاسقا شىعادى. ىندەت تۋىلعان سوڭ، ول قىزمەت ورنىنان تاپجىلماي، ىندەتتەن ساقتانۋ قىزمەتىن ورنالاستىرىپ، جايعاستىرىپ، سالماقتى ناۋقاستارعا بىرلەسىپ دياگنوز قويىپ، تەكسەرۋ - ەمدەۋگە جەتەكشىلىك ەتتى. قىزمەتتەستەرى وعان جانى اشىپ، ۇيىڭىزگە قايتىپ دەمالىڭىز دەسە دە، ول: ”اۋرۋدى ەمدەپ، ادام قۇتقارۋ − شيپاگەردىڭ بۇلتارماس بورىشى، زەينەتكە شىعۋعا تاياپ قالسام دا، ەڭ سوڭعى قىزمەت كەزەگىمدى تاپجىلماي وتەيمىن“، - دەدى.

　　”ىندەتتەن ساقتانۋ - تىزگىندەۋ شەشۋشى كەزەڭدە تۇر، ءبىز تيتتەي دە بوساڭسىماي، ۇزدىكسىز كۇش سالىپ، جان قيارلىقپەن شايقاس جۇرگىزىپ، ءتۇرلى ساقتانۋ - تىزگىندەۋ شارالارىن ءاربىر وتباسىنا، ءاربىر ادامعا دەيىن تياناقتاندىرىپ، ىندەتتەن ساقتانۋ - تىزگىندەۋدىڭ ءتۇيىندى قىزمەتتەرىن باتىل تۇردە ويداعىداي، ناقتى ىستەۋىمىز كەرەك“، - دەدى كورلا قالاسى قۇرىلىس جولى كاڭدۋ الەۋمەتتىك اۋماعى پارتكومىنىڭ شۋجيى شۇي ليڭيان.

　　الەۋمەتتىك اۋماقتاعى ساقتانۋ - تىزگىندەۋدى ونان ارى كۇشەيتۋ ءۇشىن، اتالعان الەۋمەتتىك اۋماق كادرلار، پارتيا مۇشەلەرى، عيمارات باستىقتارى، ەرىكتىلەر سياقتى كۇشتەردى ءبىر تۇتاس جۇمىلدىرىپ، كەزەكشىلىكتىڭ، كۇزەتتىڭ ۇزىلمەۋىنە شىنايى كەپىلدىك ەتىپ، ءاربىر عيماراتتىڭ ءبارىن كۇزەتەتىن ادام بولۋدى، ءاربىر كورپۋستىڭ بارلىعىن باقىلايتىن ادام بولۋدى، ءاربىر وتباسى تۇرعىندارىنا قىزمەت وتەيتىن ادام بولۋدى ورىندادى.

　　(شينجياڭ گازەتىنىڭ تىلشىلەرى لي چۇنشيا، جاۋ چۇنحۋا، يۇي شي، چاۋ جين، يۇي مىڭران، لي شيڭ، گى يوۋجۇن، جاڭ جىلي، دۋ جيانحۇي، جاڭ رۇيلين، ءجازيرا نەسىپبەك، ەرىكتى تىلشىلەر ما يۋە، ما جى، تيان جيبين جازعان)