ٴتىلشى ۋاڭ نا حابارلايدى. 2-ايدىڭ 15-كۇنى اۆتونوميالى رايوندىق باس جۇمىسشى ۇيىمى بۇكىل رايونىمىزداعى ٴار دارەجەلى جۇمىسشى ۇيىمدارىنا، قالىڭ جۇمىسشى-قىزمەتكەرلەرگە، ەڭبەك وزاتتارىنا جانە وزات كوللەكتيۆتەرگە ىندەتتەن ساقتانۋ- تىزگىندەۋ جانە ەكونوميكالىق، قوعامدىق دامۋ نىساناسىن جۇزەگە اسىرۋدىڭ قوس جەڭىسىنە قول جەتكىزۋ بارىسىندا ۇلەس قوسۋ جونىندە دارىپتەمە شىعاردى.
اۆتونوميالى رايوندىق باس جۇمىسشى ۇيىمى دارىپتەمەسىندە مىنالاردى ۇندەدى: ٴار سالاداعى ەڭبەك وزاتتارى، وزات كوللەكتيۆتەر جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ-تىزگىندەۋ جانە ەكونوميكالىق، قوعامدىق دامۋ جالپى جاعدايىنا قىزمەت ەتىپ، قىزمەت ورنىن تياناق ەتىپ، ۇلەس قوسۋدى دارىپتەپ، ٴوزى اتويلاپ الدا ٴجۇرىپ ۇلگى بولىپ، ” زور شايقاس“ بارىسىندا ونەگەلى كۇشتى ايگىلەپ، ” ۇلكەن ەمتيحان“ عا تولىمدى جاۋاپ بەرىپ، ەڭبەك وزاتتارى تۋىن جۇقپالى ىندەتتەن ساقتانۋدىڭ ٴبىرىنشى شەبىندە جەلبىرەتۋى كەرەك. رايونىمىزداعى ٴ ار ۇلت جۇمىسشى-قىزمەتكەرلەرى ەڭبەك وزاتى رۋحىن، ەڭبەك رۋحىن، شەبەر رۋحىن بارىنشا ساۋلەلەندىرىپ، ىندەتتەن ساقتانۋ-تىزگىندەۋدىڭ ەڭ سوڭعى جەڭىسىنە قول جەتكىزۋدەگى جانە بيىلعى ەكونوميكالىق، قوعامدىق دامۋ نىساناسىن جۇزەگە اسىرۋدىڭ سەركەسى بولۋعا قۇلشىنۋى كەرەك.
ىندەتتەن ساقتانۋ-تىزگىندەۋدىڭ ٴتۇيىندى سالالارىندا ”جۇمىسشىلار اۆانگارد“تى بولۋ قيمىلىن تىڭعىلىقتى ورىستەتىپ، سەحتاردى، بەكەتتەردى، باندەردى، گرۋپپالاردى، بولىمدەردى وزات ۇلگىلەردى ونەگە ەتۋگە ۇيىمداستىرىپ، اتتانىسقا كەلتىرىپ، ٴتۇيىندى بۋىنداردى مىقتى ۇستاپ، ۋاقىت كەزەڭدەرىن قاداعالاپ، قىزمەت مىندەتتەرىن اناعۇرلىم جوعارى ساپامەن، اناعۇرلىم جوعارى ونىمدىلىكپەن ورىنداۋ كەرەك. ىندەتتەن ساقتانۋ-تىزگىندەۋ، ەمدەۋدىڭ ٴبىرىنشى شەبىندەگى جانە ەمدەۋ، ىندەتتەن ساقتانۋ زاتتىق ماتەريالدارىن ٴوندىرۋدىڭ ٴبىرىنشى شەبىندەگى، قوعام حاۋىپسىزدىگى، قىستاق جانە الەۋمەتتىك اۋماق سياقتى ىندەتتەن بىرلەسىپ ساقتانۋ، بىرلەسىپ تىزگىندەۋ ٴبىرىنشى شەبىندەگى، سۋ، ەلەكتر، گاز، جىلۋ جانە قاتىناس سياقتى قالالاردىڭ قالىپتى اينالىمىن قامتاماسىزداندىرۋدىڭ ٴبىرىنشى شەبىندەگى قالىڭ جۇمىسشى- قىزمەتكەرلەردى جالپى جاعدايدى تانىپ، جالپى جاعدايمەن ساناسىپ، ٴوزى ساقتانۋ-تىزگىندەۋدى ويداعىداي ىستەۋمەن بىرگە، جىگەرلى بولۋعا، سۇيىسپەنشىل بولۋعا، ۇلەس قوسۋعا، وزاتتىققا ۇمتىلۋعا ىنتىماقتاستىرۋ، جۇمىلدىرۋ كەرەك.
اۆتونوميالى رايوندىق باس جۇمىسشى ۇيىمى دارىپتەمەسىندە مىنالاردى العا قويدى: ٴار دارەجەلى جۇمىسشى ۇيىمدارى ىندەتتەن ساقتانۋ- تىزگىندەۋ قىزمەتىن ويداعىداي ىستەۋمەن بىرگە، جەرگىلىكتى ورىندار مەن كاسىپورىنداردىڭ جۇمىس، ٴوندىرىسىن قالپىنا كەلتىرۋ جوسپارىن ارقاۋ ەتىپ، ٴوندىرىس ەڭبەك باسەكەسىن قالپىنا كەلتىرۋ، تەحنيكادا جاڭالىق اشۋ سياقتى بۇقارالىق سيپاتتى ەكونوميكالىق، تەحنيكالىق قيمىلداردى تارتىپپەن ورىستەتىپ، ەڭبەك وزاتتارى مەن شەبەر دارىندىلار جاڭالىق اشۋ قىزمەت كەڭسەلەرىنىڭ جۇمىسشى ـ قىزمەتكەرلەردى جاڭالىق اشۋعا باستاۋ، ونىمدىلىك جاراتۋ رولىن ساۋلەلەندىرىپ، جۇمىسشى ـ قىزمەتكەرلەردىڭ اقىل ـ پاراساتتىق كومەسكى كۇشى مەن جاڭالىق اشۋ بەلسەندىلىگىن اشۋ جانە قوزعاۋ كەرەك. كومەسكى حاۋىپ-قاتەرلەردى تەكسەرۋ، كاسىپتىك اۋرۋلاردان ساقتانۋ سياقتى حاۋىپسىزدىك امالياتى قيمىلدارىن ورىستەتىپ، قاتىناس ـ تاسىمال، ٴوندىرىس ـ تۇرمىستىڭ ٴار سالاسىنداعى ەلەۋلى حاۋىپسىزدىك حاۋىپ ـ قاتەرلەرىنەن قاتاڭ ساقتانىپ، جەلىدەگى كاسىپتىك شەبەرلىككە باۋلۋ جانە اۋىس ـ كۇيىس جاساۋدى كەڭ كولەمدە ورىستەتىپ، جەلىدە جاپپاي تاربيەلەۋ، جاپپاي جاتتىعۋ، جاپپاي ونەر كورسەتۋ ارقىلى جۇمىسشى ـ قىزمەتكەرلەردىڭ جاڭالىق اشۋ، ونىمدىلىك جاراتۋ ورەسىن جوعارىلاتۋ كەرەك.
اۋدارعان: قادىر ماقان
