تيانشان تورى   ›   جاڭالىقتار   ›   سۋرەتتى حابار

اۆتونوميالى رايون بەينەجازبا ءماجىلىسىن اشىپ، باس شۋجي شي جينپيڭنىڭ ورتالىق رەفورمانى جاپپاي تەرەڭدەتۋ كوميتەتىنىڭ 12 - رەتكى ماجىلىسىندە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى، تۇتاس رايوننىڭ ىندەتتەن ساقتانۋ - تىزگىندەۋ قىزمەتىن اقىلداسىپ ورنالاستىردى

ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋ نىساناسىن جۇزەگە اسىرۋدىڭ قوس جەڭىسىنە قول جەتكىزۋ سىندى قاتاڭ شايقاستى باتىل جۇرگىزەيىك

چىن چۋانگو ءماجىلىستى باسقاردى ءارى ءسوز سويلەدى

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 2 - ايدىڭ 17 - كۇنى ۇرىمجىدەن حابارلايدى. 2 - ايدىڭ 17 - كۇنى اۆتونوميالى رايون جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى جونىندە بەينەجازبا ءماجىلىسىن اشىپ، باس شۋجي شي جينپيڭنىڭ ورتالىق رەفورمانى جاپپاي تەرەڭدەتۋ كوميتەتىنىڭ 12 - رەتكى ماجىلىسىندە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى، تۇتاس رايوننىڭ ىندەتتەن ساقتانۋ - تىزگىندەۋ قىزمەتىن ىشكەرىلەي ورنالاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ماجىلىسكە قاتىناستى ءارى ءسوز سويلەدى.

  ءماجىلىس مىنالاردى اتاپ كورسەتتى: ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ ءارى ىندەتتىڭ ەكونوميكالىق، قوعامدىق دامۋعا جاسايتىن ىقپالىن بارىنشا تومەندەتىپ، بيىلعى ەكونوميكالىق، قوعامدىق دامۋ نىساناسىن قۇلشىنا جۇزەگە اسىرۋ شي جينپيڭ جولداستى ۇيتقى ەتكەن پارتيا ورتالىق كوميتەتى بىزگە تاپسىرعان ماڭىزدى مىندەت، ءبىر رەتكى ۇلكەن سىن، سونداي - اق ءار دارەجەلى پارتكومنىڭ، ۇكىمەتتىڭ جانە ءار دارەجەلى باسشى كادرلاردىڭ كەلەلى ساياسي جاۋاپكەرشىلىگى. تۇتاس رايونداعى ءار دارەجەلى، ءارقايسى تاراۋلار شىنايى تۇردە ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن اناعۇرلىم بىرلىككە كەلتىرىپ، اۋەلگى ماقساتتى، بورىشتى ەستە بەرىك ساقتاپ، حالىقتى وزەك ەتكەن دامۋ يدەياسىن بەرىك ورناتىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باستان - اياق ءبىرىنشى ورىنعا قويىپ، سەنىمدى بەكەمدەپ، كۇش ۇستىنە كۇش قوسىپ، قايراتتانا العا باسىپ، نەعۇرلىم قيىن، قاتەرلى بولعان سايىن سولعۇرلىم العا ۇمتىلاتىن كۇرەسكەرلىك رۋحپەن ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋ نىساناسىن جۇزەگە اسىرۋدىڭ قوس جەڭىسىنە قول جەتكىزۋ سىندى قاتاڭ شايقاستى باتىل جۇرگىزىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىنا شىنايى كەپىلدىك ەتىپ، جاپپاي دوڭگەلەك داۋلەتتى قوعام ورناتۋعا، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە جانە ”13 - بەسجىلدىق“ جوبانى تابىسپەن ورىنداۋعا شىنايى كەپىلدىك ەتۋ كەرەك.

  ءبىرىنشى، سەرگەك تانىممەن ءىرى شايقاسقا، ۇلكەن سىنعا بەتپە - بەت كەلۋ كەرەك. كەزەكتە ىندەتتەن ساقتانۋ - تىزگىندەۋ ەڭ ماشاقاتتى شەشۋشى كەزەڭدە تۇر، ەكونوميكالىق، قوعامدىق دامۋ مىندەتى جاپالى دا اۋىر. تومەنگى شەكتە ويلاۋعا تاباندى بولىپ، تاۋقىمەت تانىمىن كۇشەيتىپ، ماسەلەنى باعدار ەتۋدى، نىسانانى باعدار ەتۋدى، ناتيجەنى باعدار ەتۋدى كۇشەيتۋ ءارى قيىنشىلىقتان قورقپاۋ، سالعىرتتىققا سالىنباۋ، ونان دا ماڭىزدىسى، كوزسىزدىكپەن ۇمىتتەنبەۋ، قيىنشىلىقتى شىن مانىندە اناعۇرلىم تولىعىراق مەجەلەپ، ماسەلەنى اناعۇرلىم جەتكىلىكتى ويلاسىپ، شارانى اناعۇرلىم كەمەلدى جاساپ، ولقىلىقتى تولىقتاۋعا، ساڭلاۋدى بىتەۋگە، ءالسىز جاقتاردى كۇشەيتۋگە كۇش سالىپ، ءسوزسىز، جەڭىسكە جەتۋ سەنىمىن بەكەمدەپ، بەلسەنە، ىرىقتىلىقپەن ىسكەرلىك كورسەتىپ، ىندەتتەن ساقتانۋ - تىزگىندەۋ قىزمەتىن تيتتەي دە بوساڭسىماي جاقسى ىستەپ، ەكونوميكالىق اينالىمدى رەتتەۋدى شىنايى كۇشەيتىپ، ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋدىڭ ىرىقتىلىعىن مىقتاپ يگەرۋ كەرەك.

  ەكىنشى، جاۋاپكەرشىلىك ارقالاۋ رۋحىمەن ءىرى شايقاسقا، ۇلكەن سىنعا بەتپە - بەت كەلۋ كەرەك. قالىڭ پارتيالى كادرلار جۇكتىڭ اۋىر ەكەندىگىن ءبىلۋ، اۋىر جۇك ارقالاۋ، قيىنشىلىقتان تايسالماۋ، سىننان سۇرىنبەي ءوتۋ، قامال الىپ قيىنشىلىقتى جەڭۋ، جاۋاپكەرشىلىك ارقالايتىن باتىلدىق، عىلمي ساقتانىپ - تىزگىندەيتىن پاراسات، ءبىر تۇتاس جوسپارلاپ تەڭ ءمان بەرەتىن امال، ۇيىمداستىرىپ اتقاراتىن قابىلەت ارقىلى اركىم ءوز جاۋاپكەرشىلىگىن ءبىلۋدى، اركىم ءوز جاۋاپكەرشىلىگىن ارقالاۋدى، اركىم ءوز جاۋاپكەرشىلىگىن ادا ەتۋدى ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن شىنايى تۇردە ناقتى، ەگجەي - تەگجەيلى تياناقتاندىرىپ، ءىرى شايقاس بارىسىندا اۋەلگى ماقساتتى، بورىشتى امالياتتا ايگىلەۋ، ۇلكەن سىناۋدا تولىمدى جاۋاپ تاپسىرۋ؛ قالىڭ ەمدەۋ قىزمەتكەرى ءبىرىنشى شەپتەن تاپجىلماي، كۇش ۇستىنە كۇش قوسىپ، ەرلىكپەن شايقاس جاساپ، شايقاس مايدانداعى بەرىك تىرەكتىك رولىن شىنايى ويداعىداي ساۋلەلەندىرىپ، ناۋقاستاردى ويداعىداي قۇتقارۋعا - ەمدەۋگە بار كۇشىن سالۋ؛ ءار ۇلت بۇقاراسى ءبىر تىلەكپەن ىنتىماقتاسىپ، ەل بىرلىگىنەن بەرىك قامال تۇرعىزىپ، ويلارىن ءبىر اراعا شوعىرلاندىرىپ، كۇشتەرىن ءبىر اراعا جۇمساپ، ىندەتكە قارسى اتتانۋدىڭ جانە ەكونوميكالىق، قوعامدىق دامۋدى ىلگەرىلەتۋدىڭ قۋاتتى بىرىككەن كۇشىن قالىپتاستىرۋ كەرەك.

  ءۇشىنشى، پارمەندى شارالارمەن ءىرى شايقاسقا، ۇلكەن سىنعا بەتپە - بەت كەلۋ كەرەك. ىندەتتەن ساقتانۋ - تىزگىندەۋ قىزمەتىن بۇلجىماي مىقتى، شىنايى، ەگجەي - تەگجەيلى يگەرىپ، عىلمي، دالمە - ءدال ساقتانۋ - تىزگىندەۋگە تاباندى بولىپ، بىرلەسىپ ساقتانۋ، بىرلەسىپ تىزگىندەۋ جۇيەسىن كەمەلدەندىرىپ، سىرتتان كىرۋدەن ساقتانۋ، ىشتە تارالۋدان ساقتانۋ سىندى ەكى ۇلكەن بۋىندى ويداعىداي يگەرىپ، الەۋمەتتىك اۋماق پەن اۋىل - قىستاقتاردى توركوزدەندىرە باسقارۋدى كۇشەيتىپ، شينجياڭعا كەلەتىن، شينجياڭعا قايتاتىن ادامداردى سارالاپ تەكسەرۋدى جانە دەنساۋلىعىن باقىلاۋ - ولشەۋدى جاقسى ىستەپ، ىندەت كۇماندىلارىن، قىزۋى ورلەگەن ادامداردى، تىعىز جۋىسقان ادامداردى اۋاشالاپ بايقاپ كورۋ، تەكسەرۋ شاراسىن قاتاڭ تياناقتاندىرۋ، قاتىناس قۇرالدارىن، الاڭ - بەكەتتەردى زارارسىزداندىرۋدى، اۋا الماستىرۋدى جاقسى ىستەپ، تارالۋ قاينارىن ءونىمدى تىزگىندەۋ، تارالۋ جولىن ءۇزۋ؛ ەرتە بايقاۋعا، ەرتە مالىمدەۋگە، ەرتە اۋاشالاۋعا، ەرتە ەمدەۋگە تاباندى بولىپ، ءتۇيىندى ادامدار شوعىرىنا، ءتۇيىندى وڭىرلەرگە قاداعالاي نازار اۋدارىپ، قاينارىنان ساقتانۋ - تىزگىندەۋدى كۇشەيتىپ، العاشقى قادامدى جاقسى باسۋ، ىرىقتىلىق شايقاستى جاقسى جۇرگىزۋ؛ ناۋقاستاردى شوعىرلاندىرۋعا، مامانداردى شوعىرلاندىرۋعا، بايلىقتى شوعىرلاندىرۋعا، ەمدەۋ - قۇتقارۋدى شوعىرلاندىرۋعا تاباندى بولىپ، ابزال بايلىق كۇشىن ءبىر تۇتاس جوسپارلاپ، دياگنوز قويۋ - ەمدەۋ جوباسىن كەمەلدەندىرىپ، ساپالىلاندىرىپ، جۇڭگوشا، باتىسشا شيپاگەرلىكتى بىرلەستىرىپ، كوپ شارانى قاتار قولدانىپ، ساۋىقتىرۋ سالىستىرماسىن ۇزدىكسىز جوعارىلاتۋ؛ پارتيا ورتالىق كوميتەتىنىڭ ءبىر تۇتاس ورنالاستىرۋى بويىنشا، الەۋمەتتىك دەنساۋلىق ساقتاۋدى زاڭمەن جونگە سالۋ ارقىلى قامتاماسىز ەتۋدى كۇشەيتىپ، ىندەتتەن ساقتانۋ - تىزگىندەۋ جۇيەسىن جانە ەلەۋلى ىندەتتەن ساقتانۋ - تىزگىندەۋ، قۇتقارۋ - ەمدەۋ جۇيەسىن رەفورمالاپ، كەمەلدەندىرىپ، سالماقتى اۋرۋلاردى ەمدەۋ قامسىزداندىرۋى جانە قۇتقارۋ - كومەكتەسۋ ءتۇزىمىن اقاۋسىزداندىرىپ، شۇعىل جاعدايعا توتەپ بەرۋ زاتتىق ماتەريالدارىمەن قامتاماسىز ەتۋدىڭ ءبىر تۇتاس جۇيەسىن اقاۋسىزداندىرۋ؛ ەمدەۋ زاتتىق ماتەريالدارىن جانە تۇرمىستىق زاتتىق ماتەريالداردى ورنالاستىرۋدى كۇشەيتىپ، ”استىق“، ”كوجە قاتىق“ جاۋاپكەرشىلىك ءتۇزىمىن مۇقيات تياناقتاندىرىپ، ەمدەۋ - قۇتقارۋ زاتتىق ماتەريالدارىنىڭ جەتكىلىكتى بولۋىنا، بۇقارانىڭ تۇرمىسىنىڭ قامسىز، ءتارتىپتى بولۋىنا شىنايى كەپىلدىك ەتۋ كەرەك.

  ءتورتىنشى، عىلمي ءبىر تۇتاس جوبالاۋمەن ءىرى شايقاسقا، ۇلكەن سىنعا بەتپە - بەت كەلۋ كەرەك. جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ءتۇيىندى مىقتى يگەرۋگە تاباندى بولىپ، ءبىر تۇتاس جوسپارلاپ تەڭ ءمان بەرۋگە باسا نازار اۋدارىپ، ىندەتتەن ساقتانۋ - تىزگىندەۋ قىزمەتىن ويداعىداي ىستەۋمەن بىرگە، رەفورمانىڭ، دامۋدىڭ، ورنىقتىلىقتىڭ ءتۇرلى قىزمەتتەرىن جاپپاي ويداعىداي يگەرىپ، ورنىقتىلىق، دامۋ، حالىق تۇرمىسى ۇشەۋىن ءبىر تۇلعالاندىرۋعا تاباندى بولىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە، كەدەيلىكتەن ارىلتۋدان قامال الۋدىڭ شەشۋشى شايقاسىنا ساياتىن ءتۇيىندى مىندەتتەردى كۇش سالا ويداعىداي يگەرۋ كەرەك. ىندەتتىڭ ىقپالىن ىقتىراتىن ساياساتتاردى، شارالاردى ەگجەي - تەگجەيلىلەندىرىپ، تياناقتاندىرىپ، ىندەتتەن ساقتانۋ قىزمەتىن ويداعىداي ىستەۋگە شىنايى كەپىلدىك ەتۋ العى شارتىندا جۇمىس باستاۋعا، ءوندىرىستى قالپىنا كەلتىرۋگە تۇرگە ايىرىپ جەتەكشىلىك ەتىپ، ونى جان - جاقتى، ءتارتىپتى ىلگەرىلەتىپ، ءتۇرلى كاسىپورىنداردىڭ، اسىرەسە، حالىقتىق كاسىپورىنداردىڭ جانە ورتا، شاعىن، ۇساق كاسىپورىنداردىڭ دامۋىنا كوپ شارانى قاتار قولدانىپ قولداۋ كورسەتىپ، ۇتىمدى قارجى قوسۋدى بەلسەنە كەڭەيتىپ، جۇمىستاندىرۋدى الدىمەن ەسكەرەتىن ساياساتتاردى اناعۇرلىم زور تەبىنمەن تياناقتاندىرىپ، حالىق تۇرمىسىن كۇش سالا قامتاماسىزداندىرىپ جانە جاقسارتىپ، ەكونوميكانىڭ ورنىقتى اينالىمىن جانە قوعامنىڭ جاراسىمدىلىعىن، ورنىقتىلىعىن ساقتاپ، جاپپاي دوڭگەلەك داۋلەتتىلىكتىڭ شەشۋشى جەڭىسىنە جەتۋ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ كەرەك.

  بەسىنشى، تاماشا ستيلمەن ءىرى شايقاسقا، ۇلكەن سىنعا بەتپە - بەت كەلۋ كەرەك. ءار دارەجەلى باسشى كادرلار جانە قالىڭ پارتيا مۇشەلەرى اتويلاپ الدا ءجۇرىپ، شىندىققا جۇگىنىپ، ناقتى ءىس تىندىرىپ، ەرەكشە كەزدە ەرەكشە جاۋاپكەرشىلىك ارقالاۋ، ەرەكشە ۇلەس قوسۋ، ەرەكشە ىسكەرلىكتى ايگىلەۋ، كەۋدە كەرىپ العا شىعىپ، ەشتەڭەدەن تايسالماي، سۇيەنىش بولىپ، ءار ۇلت بۇقاراسىنىڭ جاقىن - جان اشىرى جانە تايانىشى بولۋعا قۇلشىنۋ؛ فورماشىلدىقتى، تورەشىلدىكتى باتىل اۋىزدىقتاپ جانە ودان ساقتانىپ، قۋزاۋ - جەتەكشىلىك ەتۋ، تەكسەرۋ تەبىنىن كۇشەيتىپ، تاماشا باعدارمەن جاۋاپكەرشىلىك ارقالاۋعا، ىسكەرلىك كورسەتۋگە ىنتالاندىرىپ، تەمىردەي تارتىپپەن ناقتى، ەگجەي - تەگجەيلى تياناقتاندىرۋدى قامتاماسىزداندىرىپ، ءىرى شايقاس، ۇلكەن سىن بارىسىندا شىنايى تۇردە اۋەلگى ماقساتتى، بورىشتى امالياتتا ايگىلەپ، ادال، كىرشىكسىز بولۋدى، جاۋاپكەرشىلىك ارقالاۋدى ويداعىداي ايگىلەپ، ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋدىڭ قوس جەڭىسىنە قۇلشىنا قول جەتكىزۋ كەرەك.

  شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين، ليۋ ۋانلۇڭ، لي ۋي، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، سارقىت اقان، ياڭ شين، جاڭ چۇنلين قاتارلىلار ماجىلىسكە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.