شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين
2 - ايدىڭ 15 - كۇنى ۋحاندا قارلى جاڭبىر جاۋىپ، بوران سوعىپ، اۋا تەمپەراتۋراسى كۇرت نولدەن تومەن 3 سەلتسي گرادۋسقا تومەندەدى، وسىنداي اۋا رايىندا اۋىلداعى حالقتىڭ قامقورلىعى مەن تىلەگى ارنالعان ءبىر اۆتوكولىك 21 توننا اقسۋ حۇڭفۋشى الماسىنىڭ كەلۋى تالاي ادامنىڭ كوڭىلىنە مەدەت سيلادى.
2 - ايدىڭ 15 - كۇنى ساعات 15تە 13 مەتر ۇزىندىقتاعى ءبىر جۇك اۆتوكولىگى شينجياڭنىڭ 1 - توپتا حۋبەيعا كومەككە بارعان ەمدەۋ اترەتىنىڭ تۇرعان جەرىنە بارىپ توقتادى، اۆتوكولىككە شينجياڭ حۇڭچيپو اۋىل شارۋاشىلىعىن دامىتۋ توبى شەكتى سەرىكتەستىگى ۇستەمەلەپ جۇمىس ىستەپ سورتقا ايىرىپ، قوراپتاعان اقسۋ الماسى تيەلگەن ەدى، ارتقى شەپ قىزمەتكەرلەرى قارلى بورانعا قاراماستان 21 توننا المانى جاشىك - جاشىگىمەن اۆتوكولىكتەن ءتۇسىردى. سول جەردەگى قابىلداۋدى ۇيىمداستىرۋعا جاۋاپتى ەمدەۋ اترەتى بايلانىسشىسى حۋاڭ لياڭ تەبىرەنە بىلاي دەدى: ”اۋىلىمىزداعى ەل - جۇرتقا العىس ايتامىز، شالعايدا جاتسا دا ءبىزدىڭ ءبىرىنشى شەپتە شايقاس جاساپ جاتقان اق حالاتتى جاۋىنگەرلەرىمىزگە كوڭىل ءبولدى، مەن ءوزىمنىڭ شينجياڭدىق ەكەنىمدى ماقتانىش ەتەمىن!“.
سول كۇنى كەشتە، شينجياڭنىڭ حۋبەيعا كومەككە بارعان ەمدەۋ اترەتى، بيڭتۋاننىڭ ەمدەۋ اترەتى، سونداي - اق جەرگىلىكتى شيپاحانالارداعى ەمدەۋ قىزمەتكەرلەرىنىڭ ءبارى وسى شالعايدان جەتكەن ”شينجياڭنىڭ سياپاتىن“ تاپسىرىپ الدى.
”قالىڭ قار قاپالاقتاپ تۇرعان كۇندەردە، اۋىلداستاردىڭ شالعايدا جاتسا دا الما جىبەرگەنىنە العىس ايتامىز، ەرەكشە ءتاتتى ەكەن. ءبىز سونداي مەيىرلەنىپ، توتەنشە شابىتتاندىق، ءسوزسىز بار كۇشىمىزدى سالىپ، ۋاقىتتىق قيىندىقتى بىرگە ەڭسەرىپ، وسى رەتكى ەمدەۋ - قۇتقارۋ مىندەتىن تولىق تابىسپەن ورىندايمىز!“، - دەگەن 1 - توپتاعى ەمدەۋ اترەتىنىڭ مۇشەلەرى جۋ لينا مەن گاي جۋان قولدارىنداعى المانى شاتتانا جەي باستادى.
ونسۋ اۋدانىنان اكەلىنگەن وسى المالار شينجياڭنىڭ حۋبەيعا كومەككە بارعان ەمدەۋ اترەتىنىڭ مۇشەلەرىنە ۇسىنىلۋمەن بىرگە، شيپاحانادا ەمدەلىپ جاتقان جاڭا تيپتى ايدارشا ۆيرۋس وكپە قابىنۋىنا شالدىققان ناۋقاستارعا ناعىز ”شينجياڭنىڭ سياپاتى“نان ءدام تاتقىزدى.
ناۋقاس لين حانىم (جاناما اتى) وسى ”ءتاپ - ءتاتتى تارتۋ“دى تاپسىرىپ العان كەزدە ءبىراز قىستىعا بىلاي دەدى: ”شينجياڭنىڭ ۋحاننىڭ ىندەتكە قارسى اتتانعانىنا كومەك بەرىپ، ءبىزدىڭ ءومىرىمىزدى قۇتقارعانىنا العىس ايتامىن. ەمدەۋ قىزمەتكەرلەرىنىڭ ءبارى جاپا شەگىپ جاتىر، ءار كۇنى بىزگە جان - جاقتى قامقورلىق جاسايدى، بۇگىن تاعى اقسۋدىڭ الماسىن اكەلىپتى، ءبىز ەرەكشە اسەرلەندىك!“
ۇعىسۋعا قاراعاندا، جۋىقتا شينجياڭنىڭ جەر - جەرى مەيىرىمدىلىك جەمىسىن ىندەتكە قارسى اتتانۋدىڭ ءبىرىنشى شەبىنە ۇسىنۋعا ۇيىمداستىرىپ، نەشە ءجۇز توننا اقسۋ الماسى، كورلا المۇرتى ىركەس - تىركەس حۋبەيدىڭ ۋحان، ىجوۋ، حۋاڭگاڭ سياقتى جەرلەرىنە جەتكىزىلگەن. ءدامى ءتىل ۇيىرەتىن شينجياڭنىڭ ەرەكشە جەمىستەرى شينجياڭداعى ءار دارەجەلى پارتكوم مەن ۇكىمەتتىڭ، قوعامداعى ءار سالانىڭ قامقورلىعى مەن تىلەگىن ارقالاپ، تيانشان ۇلاندارى مەن حۋبەي حالقىنىڭ ۋاقىتتىق قيىندىقتى بىرگە ەڭسەرەتىن سەنىمىن، بەكىمىن ايگىلەۋدە.
