حالىق گازەتىنىڭ شولۋشىسى
شيپاگەرلىك ىزگىلىك، سۇيىسپەنشىلىك تەڭدەسسىز. توسىننان كەلگەن جاڭا تيپتى ايدارشا ۆيرۋس وكپە قابىنۋ ىندەتى الدىندا، بۇكىل ەلدەگى قالىڭ ەمدەۋ قىزمەتكەرلەرى اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيانىڭ ۇندەۋىنە ءۇن قوسىپ، ادىلەت جولىندا ەشتەڭەدەن تايىنباستان ىندەتتەن ساقتانۋ - تىزگىندەۋدىڭ ءبىرىنشى شەبىندە اتويلاپ، ۋاقىتپەن جارىسىپ، ىندەتپەن ايقاسىپ، قايسارلىقپەن كۇرەسىپ، كۇن - ءتۇن دەمەي شايقاسىپ، پارتياعا، حالىققا بارىنشا جاۋاپتى بولعان رۋحاني بەينەسىن ايگىلەدى. ءبىز ىندەتتەن ساقتانۋ - تىزگىندەۋدىڭ ءبىرىنشى شەبىندە ەرلىكپەن شايقاس جاساپ جاتقان ەمدەۋ قىزمەتكەرلەرىنە ەڭ وسكەلەڭ قۇرمەت بىلدىرەمىز!
ىندەتتەن ساقتانۋ - تىزگىندەۋ − حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن قورعاۋدىڭ قاتاڭ كۇرەسى، قالىڭ ەمدەۋ قىزمەتكەرلەرى شايقاس مايدانىنداعى بەرىك تىرەك. باس شۋجي شي جينپيڭ ءبىرىنشى شەپتە ەرلىكپەن شايقاس جاساپ جاتقان ەمدەۋ قىزمەتكەرلەرىنىڭ شيپاگەرگە ءتان مەيىرىمدى وسكەلەڭ رۋحىن بارىنشا القاپ، ولاردىڭ جاساعان زور قۇلشىنىستارىن، قوسقان ەرەسەن ۇلەستەرىن تولىق تۇراقتاندىرىپ، قالىڭ ەمدەۋ قىزمەتكەرلەرىن ءبىرىنشى شەپتە تاپجىلماي باتىلدىقپەن شايقاس جاساپ، ناۋقاستاردى كۇش سالا قۇتقارىپ - ەمدەۋگە جىگەرلەندىردى جانە شابىتتاندىردى.
ىندەت − بۇيرىق، اق حالات − اسكەري شاپان، شيپاگەر - سەسترا − جاۋىنگەرلەر. ۆيرۋس لاڭ سالعان ىندەت جاعدايى الدىندا، قالىڭ ەمدەۋ قىزمەتكەرلەرى پارتيا ورتالىق كوميتەتىنىڭ ۇندەۋىنە ءۇن قوسىپ، قانشالىقتى جاپالى، قاتەرلى بولعان سايىن، سونشالىقتى العا ۇمتىلاتىن تايسالماس رۋحتى ساۋلەلەندىرىپ، بۇيرىقتى ەستي سالا ارەكەتتەنىپ، قۇربان بولۋدان قورىقپاي، اتويلاپ العا ۇمتىلىپ، توقتاۋسىز ەرلىكپەن شايقاس جۇرگىزدى. بۇكىل ەلدىڭ جەر - جەرىنەن 200دەن استام ەمدەۋ اترەتى، 25 مىڭنان استام ەمدەۋ قىزمەتكەرى حۋبەيعا كومەككە باردى، ارميانىڭ 1400 ەمدەۋ قىزمەتكەرى ۋحانداعى حوشىنشان شيپاحاناسىندا ەرلىكپەن شايقاس جۇرگىزۋدە. كەيبىر ەمدەۋ قىزمەتكەرلەرى باقىتقا قارسى ۆيرۋسپەن جۇعىمدالدى، كەيبىرەۋى، ءتىپتى ومىرلەرىن ارنادى. شيپاحاناداعى قۇتقارۋ - ەمدەۋدىڭ ءبىرىنشى شەبىنەن عىلمي زەرتتەۋدەن قامال الۋدىڭ الدىڭعى شەبىنە، دياگنوز قويۋ - ەمدەۋ جوباسىن كەمەلدەندىرىپ، ناۋقاستاردى دەن قويا قۇتقارىپ ەمدەۋدەن ەمدەپ ساۋىقتىرۋ سالىستىرماسىنىڭ ۇزدىكسىز ارتۋىنا، اۋرۋدان ءولۋ سالىستىرماسىنىڭ ۇزدىكسىز تومەندەۋىنە دەيىن، جەر - جەردەن ناۋقاستاردىڭ ساۋىعىپ شيپاحانادان شىققانى تۋرالى شات حابارلار تارالىپ جاتىر. وسى ءتۇتىنىسز شايقاستا، قالىڭ ەمدەۋ قىزمەتكەرلەرى ەرەكشە قاجىرلىلىق كورسەتىپ، ەرەكشە شايقاس جۇرگىزىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋ ءۇشىن ءومىردىڭ قورعانىس شەبىن تۇرعىزدى، كاسىبي تىرەك ازىرلەدى. قازىر ىندەت جاعدايىندا بەلسەندى وزگەرىستەر جارىققا شىقتى، ىندەتتەن ساقتانۋ - تىزگىندەۋ قىزمەتىندە بەلسەندى ناتيجەلەرگە قول جەتتى، مۇندا قالىڭ ەمدەۋ قىزمەتكەرلەرىنىڭ ەڭبەگى ەرەسەن! ءبىز ەمدەۋ قىزمەتكەرلەرىنە قۇرمەت بىلدىرەمىز، ولاردىڭ پارتياعا، حالىققا بارىنشا جاۋاپتى بولعان وسكەلەڭ رۋحىنا قۇرمەت بىلدىرەمىز، ولاردىڭ قاشاندا حالىقتىڭ ءومىرىنىڭ حاۋىپسىزدىگى مەن دەنساۋلىعىن ماڭداي الدى ورىنعا قويعان بەرىك سەنىمىنە قۇرمەت بىلدىرەمىز.
باتىر مايداندا سىنالار، التىن وتتا سىنالار. ءبىرىنشى شەپتە كوكىرەك كەرە الدا جۇرگەن اق حالاتتى پەرىشتەرلەر مويىماس جىگەرى مەن قاسيەتىن ايگىلەپ، قۋاتتى رۋحاني كۇشتى اسقاقتاتىپ، ناۋقاستار مەن ولاردىڭ وتباسىنداعىلارعا ءۇمىت اكەلىپ، ءجۇز ميلليونداعان حالىقتى اسەرلەندىردى. جۇڭگو ينجەنەريا اكادەمياسىنىڭ 84 جاستاعى اكادەميگى جۇڭ نانشان شارشاپ - شالدىققانىنا قاراماستان، حاۋىپ - قاتەردەن قورىقپاي، ۋحانعا تىزگىن ۇشىمەن جەتتى؛ نانفاڭ مەديتسينا داشۋەسى نانفاڭ شيپاحاناسىنىڭ ەمدەۋ اترەتى ىرىقتىلىقپەن شايقاسقا ءوتىنىش بەرىپ، ”شايقاسقا شاقىرسا، ءسوز جوق، اتتانىپ، شايقاستا، ءسوز جوق، جەڭىپ شىعامىز“ دەپ سەرت بەردى؛ حالىق پەرزەنت اسكەرلەرى سۇرىپتالىپ شايقاسقا اتتانىپ، ”بۇكىل ەل حالقىن الاڭسىز ەتەمىز“ دەپ ايبىندى ۋادە بەردى؛ ۋحان جينيىنتان شيپاحاناسى پارتكومىنىڭ ورىنباسار شۋجيى، شيپاحانا باستىعى جاڭ ديڭيۇي بۇلشىق ەت سەمۋ ناۋقاسىنا شالدىعا تۇرا ەڭ الدىڭعى شەپتە شايقاس جۇرگىزدى؛ ۋحان جياڭشيا رايونى جينكوۋ شيپاحاناسىنىڭ فانحۋ بولىمشەسىندەگى ”95 - جىلدان كەيىن تۋىلعان“ ايەل شيپاگەر گان رۋ - ي ۆەلوسيپەد ءمىنىپ 4 كۇن 3 ءتۇن ءجۇرىپ ”ىندەت“ شايقاسىنىڭ ءبىرىنشى شەبىنە جەتتى... قالىڭ ەمدەۋ قىزمەتكەرلەرى اۋىر بورىشىن، جاۋاپكەرشىلىگىن ءبىلىپ، ەرلىكپەن العا ىلگەرىلەپ، كۇندى تۇنگە جالعاپ، اۋرۋمەن ەرلىكپەن ايقاستى، ولار جاڭا داۋىردەگى ەڭ سۇيىكتى ادامدارىمىز. ءبىز ەمدەۋ قىزمەتكەرلەرىنە قۇرمەت بىلدىرەمىز، ولاردىڭ ”ءومىردى قادىرلەيتىن، اجالعا اراشاشى، جارالىعا مەدەت بولاتىن، ۇلەس قوسۋعا پەيىل، شەكسىز سۇيىسپەنشىلىك ارنايتىن“ كاسىپتىك رۋحىنا قۇرمەت بىلدىرەمىز، ولاردىڭ ”حاۋىپ - قاتەردەن قورىقپايتىن، ادىلەت جولىندا تايىنبايتىن، ەرلىكپەن العا ۇمتىلاتىن، وزگە ءۇشىن ءوزىن قۇربان ەتەتىن“ جاۋاپكەرشىلىگىنە قۇرمەت بىلدىرەمىز.
ەڭ ۇلكەن قۇرمەت − ەمدەۋ قىزمەتكەرلەرىنە كوڭىل ءبولۋدىڭ، قامقورلىق جاساۋدىڭ ءىس جۇزىندىك ارەكەتى. قالىڭ ەمدەۋ قىزمەتكەرلەرى ۇزبەي شايقاس جاساپ، ەرەكشە جاپا تارتتى. ءار دارەجەلى پارتكوم مەن ۇكىمەت شىنايى، جان اشىرلىق شارالار قولدانىپ، ولاردىڭ ءىس جۇزىندىك قيىنشىلىعى مەن ماسەلەسىن شەشۋىنە كومەكتەسىپ، ولاردى قام - قايعىدان ارىلتۋ كەرەك. تۇرمىستى تىڭعىلىقتى قامتاماسىز ەتىپ، قىزمەت جانە دەمالىس شارت - جاعدايىن جاقسارتىپ، ەمدەۋ قىزمەتكەرلەرىنىڭ كەزەكپەن دەمالۋىن ۇيلەسىمدى ورنالاستىرىپ، قاتىستى يگىلىكتەردى تياناقتاندىرىپ، تاماشا ارتقى شەپ قىزمەت وتەۋىمەن قامداۋى كەرەك. حاۋىپسىزدىك قامتاماسىزداندىرۋىن تياناقتاندىرىپ، ەمدەۋ - قورعانۋ زاتتىق ماتەريالدارىمەن الدىمەن ءبىرىنشى شەپتەگى ەمدەۋ قىزمەتكەرلەرىنىڭ جانە ەمدەلەتىن ناۋقاستاردىڭ قاجەتىن قاناعاتتاندىرىپ، شيپاگەرلەردى زورلىقتى كۇشپەن زاقىمدايتىن زاڭعا قايشى ارەكەتتەرگە سوققى بەرۋ سەرپىنىن كۇشەيتۋ كەرەك. گۋمانيتارلىق قامقورلىقتى تياناقتاندىرىپ، پسيحولوگيالىق داعدارىسقا ارالاسۋدى جانە پسيحولوگيالىق جەتەكتەۋدى كۇشەيتىپ، ەمدەۋ قىزمەتكەرلەرىنىڭ دەنساۋلىق جانە رۋحاني اقاۋسىزدىعىن ويداعىداي قورعاۋ كەرەك. بۇكىل قوعام ەمدەۋ قىزمەتكەرلەرىنە كوڭىل ءبولۋى، قامقورلىق جاساۋى كەرەك، ەمدەۋ قىزمەتكەرلەرى ءبىرىنشى شەپتە شايقاس جۇرگىزگەندە، ءبىز ولارمەن بىرگە تۇرىپ، بىرگە ويلاپ، ولاردىڭ ەڭ بەرىك تىرەگىنە اينالۋىمىز كەرەك.
قازىر ىندەتتەن ساقتانۋ - تىزگىندەۋ ەڭ ماشاقاتتى شەشۋشى كەزەڭگە ءوتتى، قويان - قولتىق شايقاساتىن كۇيدە تۇر. پارتيا ورتالىق كوميتەتىنىڭ پارمەندى باسشىلىعىندا، بۇكىل ەلدىڭ جوعارىدان تومەنگە دەيىن ءبىر نيەتپەن سەلبەسۋىندە، ءجۇز ميلليونداعان حالىقتىڭ قيىندىقتى بىلەك بىرىكتىرە جەڭىپ، قالىڭ ەمدەۋ قىزمەتكەرلەرىنىڭ بار كۇشپەن ۇمتىلۋىندا ءبىز وسى ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جالپى بەتتىك جەڭىسىنە، ءسوز جوق، قول جەتكىزە الامىز!
(2 - ايدىڭ 17 - كۇنگى «حالىق گازەتى»نە باسىلعان)
