جالپى ساۋىعىپ شيپاحانادان شىققان ادام 14كە جەتتى
شينجياڭ گازەتىنىڭ حابارى. 2 - ايدىڭ 18 - كۇنى شينجياڭدا (بيڭتۋاندى قامتيدى) جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان تاعى 2 ناۋقاس ساۋىعىپ شيپاحانادان شىقتى، ەكەۋى دە ءۇرىمجى قالاسىنان شيپاحانادان شىققان ناۋقاس.
2 ناۋقاستىڭ بىرەۋى 56 جاستاعى ايەل ناۋقاس، دياگنوزى تۇراقتاندىرىلعان ناۋقاسپەن جۋىسۋ كەشىرمەسى بار، باسى اۋرۋ، لوقسۋ سياقتى اۋرۋ بەلگىلەرى بايقالعاندىقتان، 1 - ايدىڭ 26 - كۇنى اۆتونوميالى رايوندىق جۇقپالى اۋرۋلار شيپاحاناسىندا اۋاشالانىپ ەمدەلگەن، 1 - ايدىڭ 28 - كۇنى دياگنوزى تۇراقتاندىرىلعان؛ ەندى بىرەۋى 57 جاستاعى ايەل ناۋقاس، 1 - ايدىڭ 21 - كۇنى ۋحاننان شينجياڭعا تۋىسشىلاي كەلگەن، ۋحاندا تۇرۋ كەشىرمەسى بار بولعاندىقتان، 1 - ايدىڭ 28 - كۇنى اۆتونوميالى رايوندىق جۇقپالى اۋرۋلار شيپاحاناسىنا بارىپ كورىنگەن، 1 - ايدىڭ 29 - كۇنى دياگنوزى تۇراقتاندىرىلعان.
ەكى ناۋقاس شيپاحاناعا جاتقان سوڭ، اۆتونوميالى رايوندىق ەمدەۋ - قۇتقارۋ ماماندار گرۋپپاسىنىڭ عىلمي جەتەكشىلىك ەتۋىنىڭ جانە بەلگىلەنگەن جيناپ ەمدەۋ شيپاحاناسىنىڭ دەن قويا جان - جاقتى ەمدەۋىنىڭ ارقاسىندا، دەنە تەمپەراتۋراسى قالىپتى بولىپ، ءۇرتىس 2 رەتتەن جوعارى تىنىس جولى اۋرۋ قوزدىرعىش نۋكلەين قىشقىلىن تەكسەرۋ ناتيجەسى بولىمسىز بولدى، اۆتونوميالى رايوندىق ەمدەۋ - قۇتقارۋ ماماندار گرۋپپاسىنىڭ باعالاۋىنان ءوتىپ، مەملەكەتتىك دەنساۋلىق ساقتاۋ، سالاماتتىق كوميتەتىنىڭ «جاڭا تيپتى ايدارشا ۆيرۋس وكپە قابىنۋىن ەمدەۋ جوباسى (سىناق رەتىندە اتقارىلاتىن 5 - رەتكى وزگەرتىلگەن نۇسقاسى)»نداعى اۋاشالاۋدى كۇشىنەن قالدىرۋ جانە شيپاحانادان شىعۋ ولشەمىنە ۇيلەسكەندىكتەن، ساۋىعىپ شيپاحانادان شىقتى.
قازىرگە دەيىن، شينجياڭدا (بيڭتۋاندى قامتيدى) جالپى ساۋىعىپ شيپاحانادان شىققان ادام 14كە جەتتى.
